ᓴᑲᕅᐊᐅᑉ ᐊᒡᓚᖏᑦ 11
11
ᓵᓚᖃᕈᒪᔪᑦ ᑲᑕᒃᑎᑕᐅᓂᖏᑦ
1ᐅᒃᑯᐊᑎᑦ ᒪᑐᐃᒃᑭᑦ ᓕᐸᓇᓃ,
ᓇᐹᕐᑐᖁᑎᑎᑦ ᑐᑭᓕᐊᕐᑐᑦ ᓰᑕᕇᑦ ᐃᑯᒪᒧᑦ ᓄᖑᑕᐅᖁᓪᓗᒋᑦ!
2ᓂᐹᒋᑦ ᓇᐹᕐᑑᖅ ᐅᖃᐅᔭᖃᓱᐃᑦᑐᑎᑦ;
ᓇᐹᕐᑐᖅ ᑐᑭᓕᐊᕐᑐᖅ ᓰᑕᕆ ᐅᕐᕈᖕᒪᑦ;
ᐊᔪᖏᑦᑐᕐᔪᐊᑦ ᓱᓇᐅᔪᓁᕐᒪᑕ!
ᖁᕝᕕᐅᓕᕆᑦ ᐆᒃ ᐰᓴᓃᓪᓗ ᑎᓴᒃᑍᑦ ᓇᐹᕐᑐᑦ ᐹᓴᓂᒦᑦᑐᑦ;
ᓇᐹᕐᑐᒐᓴᒡᔪᐊᓕᒫᑦ ᓇᑲᑎᕐᑕᐅᖕᒪᑕ!
3ᑐᓵᓕᕐᓯᐅᒃ ᓂᐱ ᓂᐹᔪᖅ ᓰᐱᓕᕆᔩᑦ ᓂᐱᖓᑦ;
ᑖᒃᑯᐊ ᐱᓐᓇᕐᓇᕐᓂᖓᑦ ᓱᓇᐅᔪᓐᓁᕐᒪᑦ:
ᓂᐲᑦ ᑐᓵᓕᕐᓯᐅᒃ ᓛᔭᑦ ᓂᓪᓕᐊᔪᑦ;
ᐅᕐᐱᒊᑦ ᓴᕐᓕᐊᕐᕕᖏᑦ ᔪᐊᕐᑕᓂᒥ ᐱᑕᖃᕈᓐᓁᕐᒪᑕ!
ᓰᐱᓕᕆᔩᒃ ᒪᕐᕉᒃ
4ᐃᒫᒃ ᐊᑕᓂᖅ ᒎᑎᒐ ᐅᖃᕐᐳᖅ: “ᓰᐱᑦ ᑐᖁᑕᐅᕕᒃᓴᒥᖕᓄᑦ ᓇᓗᓁᑯᑦᓯᕐᓯᒪᔪᑦ ᓂᕆᑎᓐᓂᐊᑭᑦ. 5ᓂᐅᕕᕐᑐᑦ ᑖᒃᑯᓂᖓ ᑐᖁᕅᕗᑦ ᓱᒋᐊᕐᑕᐅᓇᑎᒡᓗ. ᓂᐅᕐᕈᑎᖃᕐᑐᓪᓗ ᑖᒃᑯᓂᖓ ᐅᖃᕐᐳᑦ, ‘ᐊᑕᓂᖅ ᓂᕐᑐᕐᑕᐅᓕ; ᐊᔪᕐᓴᕈᓐᓁᕋᒪ!’ ᓇᖕᒥᓂᖅ ᓰᐱᓕᕆᔨᖏᑕ ᓴᐳᑎᓇᓱᐊᖏᓔᑦ.”
6ᐃᓄᐃᑦ ᑕᒫᓂ ᓄᓇᖃᕐᑐᑦ ᓂᑲᒋᓂᐊᕈᓁᕐᐸᒃᑲ, ᐊᑕᓂᖅ ᐅᖃᕐᐳᖅ: ᑕᒤᑕ ᓴᓂᓪᓕᖏᓐᓄᑦ ᑐᓂᔪᒪᕙᒃᑲ ᐊᖓᔪᖅᑳᕐᔪᐊᖓᓐᓄᓪᓗ: ᑖᒃᑯᓇᓐᖓᑦ ᓄᓇᖓᑦ ᐱᓕᕆᐊᖑᔪᒫᕐᒪᑦ, ᑖᒃᑯᓇᖓᓪᓗ ᓴᐳᑎᓂᐊᓐᖏᓚᒃᑲ.
7ᓰᐱᑦ ᑐᖁᑕᒃᓴᐅᓂᕐᒧᑦ ᓇᓗᓁᒃᑯᓯᕐᓯᒪᔪᑦ ᓂᕆᑎᑦᓱᒪᕙᒃᑲ, ᐱᓗᐊᕐᑐᒥᒃ ᓰᐱᑦ ᓇᕐᕈᓇᕐᓂᖏᑦ ᐊᒡᓛᑦ. ᐊᔭᐅᑉᐱᐊᖕᓂᒃ ᒪᕐᕉᖕᓂᒃ ᑎᒍᓯᓂᐊᕐᐳᖓ; ᐂᑉᐸᖓ ᑍᓗᒍ ᐱᓐᓇᕐᓇᕐᑐᒥᒃ, ᐂᐸᖓᓗ ᑍᓗᒍ ᐊᑕᐅᓯᐅᖃᑎᒌᖕᓂᕐᒥᒃ; ᓰᐱᑦ ᓂᕆᑎᓚᐅᕋᒃᑭᑦ. 8ᑕᖅᑭᒥ ᐊᑕᐅᓯᕐᒥ ᓰᐱᓕᕆᔩᑦ ᐱᖓᓱᑦ ᓄᖅᑲᕐᑎᓚᐅᕐᐸᒃᑲ; ᑖᒃᑯᓇᓐᖓᑦ ᐊᑲᐅᒋᔭᐅᓚᐅᖏᓐᓇᒪ ᐅᕙᖓᓗ ᑕᖃᑦᔪᑎᓚᐅᕋᒃᑭᑦ. 9ᐅᖃᓚᐅᕐᐳᖓ, “ᓂᕆᑎᓐᓂᐊᕈᓐᓁᕐᐸᑦᓯ, ᑐᖁᓕᕐᑐᑦ ᑐᖁᓕᕐᓕᑦ, ᐊᓯᐅᓕᕐᑐᓪᓗ ᐊᓯᐅᓕᕐᓕᑦ. ᐊᒥᐊᒃᑯᑦ ᐃᓅᖃᑎᒥᖕᓂᒃ ᓂᕿᖃᓕᕐᓕᑦ!” 10ᐊᔭᐅᑉᐱᐊᕋᓗ ᐱᓐᓇᕐᓇᕐᑐᒥᒃ ᑍᔭᐅᔪᖅ ᑎᒍᕙᕋ, ᓇᐱᓪᓗᒍᓗ, ᐊᖏᖃᑎᒌᒍᑎᒋᓯᒪᔭᕋ ᐃᓅᖃᑎᒌᒡᔪᐊᓕᒫᓄᑦ ᓯᖁᒥᑉᐸᕋ. 11ᐅᓪᓗᒥ ᑍᑦᓱᒪᓂ ᓯᖁᒥᓚᐅᕐᐳᖅ, ᓰᐱᓂᒃ ᓂᐅᕕᕐᑐᑦ ᓂᐅᕐᕈᑎᓖᓪᓗ ᐅᕙᓐᓂᒃ ᑕᑯᔪᑦ, ᖃᐅᔨᒪᓚᐅᕐᐳᑦ ᑕᒪᓐᓇ ᐊᑕᓂᐅᑉ ᐅᖃᐅᓯᖓᓂᑦ ᐱᖕᒪᑦ. 12#ᒫᑎᐅᓯ 27:9,10.#ᒫᑎᐅᓯ 26:15.ᐅᖃᐅᑎᓚᐅᕐᐸᒃᑲᓗ, “ᑕᒪᓐᓇ ᓈᒻᒪᒐᓱᒋᒍᑦᓯᐅᒃ, ᐅᕙᓐᓄᑦ ᐊᑭᓖᓕᕆᓯ; ᓈᒻᒪᒐᓱᒋᖏᒃᑯᑦᓯᐅᒡᓕ ᑮᓇᐅᔭᓯ ᐱᓯᒪᓕᕐᓯᐅᒃ.” ᑍᒤᒻᒪᑦ ᓯᐅᓪᕕᕆᓂᒃ ᑮᓇᐅᔭᓂᒃ 30ᓂᒃ ᐊᑭᓕᓚᐅᕐᐹᖓ.
13ᐊᑕᓂᐅᑉ ᐅᖃᐅᑎᕚᖓ, “ᒪᕐᕋᕐᓂᒃ ᐃᓗᓕᖁᑎᓕᐅᕐᑎᒧᑦ ᐃᒋᒃᑭᑦ.” ᑮᓇᐅᔧᑦ ᐅᕙᓐᓄᑦ ᐊᑭᓕᐅᑕᐅᔪᑦ ᑍᒫᒃ ᐊᑭᖃᕋᓱᒋᕚᖓ. ᑎᒍᓪᓗᒋᑦ ᑮᓇᐅᔧᑦ ᓯᐅᓪᕕᕆᑦ 30, ᐃᒋᓚᐅᕐᐸᒃᑲ ᒪᕐᕋᕐᓂᒃ ᐃᓗᓕᖁᑎᓕᐅᕐᑎᒧᑦ ᐊᑕᓂᐅᑉ ᐃᒡᓗᖓᓂ. 14ᐊᔭᐅᑉᐱᐊᕐᒪᓕ ᐂᑉᐸᖓ ᓇᐱᒋᕙᕋ ᑍᔭᐅᔪᖅ ᐊᑕᐅᓯᐅᖃᑎᒌᖕᓂᕐᒥᒃ, ᓇᑲᓚᐅᕆᕚᒃᑲᒃ ᔫᑕᐅᓪᓗ ᐃᓴᕆᐊᓕᐅᓪᓗ ᖃᑕᖑᑎᒌᖕᓂᖏᒃ.
15ᑕᕝᕙ ᐊᑕᓂᐅᑉ ᐅᖃᐅᑎᕚᖓ, “ᑎᒍᓕᒃᑭᑦ ᓯᓔᑦᑑᑉ ᓰᐱᓕᕆᔨᐅᑉ ᐱᓇᓱᐊᕈᑎᖏᑦ. 16ᒪᑭᑎᑦᓯᔪᒫᕐᐳᖓ ᓰᐱᓕᕆᔨᒥᒃ ᑕᒫᓂ ᓄᓇᒥ, ᐊᓯᐅᓯᒪᔪᓂᒃ ᑲᒪᓂᐊᖏᑦᑐᒥᒃ, ᐃᓅᓱᒃᑐᓂᒡᓗ ᕿᓂᕐᓂᐊᖏᑦᑐᒥᒃ, ᐋᓐᓂᕐᓯᒪᔪᓂᒡᓗ ᐋᖅᑭᒃᓯᓇᓱᐊᖏᑦᑐᒥᒃ, ᖃᓄᐃᖏᑦᑐᓂᒡᓗ ᓂᕆᑎᑦᓯᓂᐊᖏᑦᑐᒥᒃ: ᓰᐱᓂᒡᓕ ᖁᐃᓂᔪᓂᒃ ᓂᕿᖃᕈᒫᕐᐳᖅ, ᐃᑎᒐᖏᓐᓂᒡᓗ ᐲᔧᔪᒫᕐᐳᖅ. 17ᑲᑉᐱᐊᓐᓇᒦᒡᓕ ᑖᓐᓇ ᓰᐱᓕᕆᔨ, ᓰᐱᓂᒃ ᕿᒤᔪᖅ! ᑕᓕᖓ ᓴᕕᒡᔪᐊᒧᑦ ᐊᓇᐅᔭᐅᓕ, ᐃᔨᖓᓗ ᑕᓕᕐᐱᐊ ᑲᐱᔭᐅᓕ ᓴᕕᒡᔪᐊᕐᒧᑦ! ᑕᓕᖓ ᐸᓂᕐᓕ ᓄᑭᖃᕈᓐᓁᕐᓗᓂ, ᐃᔨᖓᓗ ᑕᐅᑐᒍᓐᓁᕐᓕ!”
Одоогоор Сонгогдсон:
ᓴᑲᕅᐊᐅᑉ ᐊᒡᓚᖏᑦ 11: EAIB
Тодруулга
Хуваалцах
Харьцуулах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Eastern Arctic Inuktitut Bible © Canadian Bible Society, 2012, 2021-2023.