PIANPATNAK 2
2
1Mah hangin lei le van le a sungah a ummi hempoh cu Pathian in bawl khawng hi. 2Ni salih ni a hen ten Pathian in, a nadeh cu cengin cawl hi.#Heb 4:4, 10;#Suah 20:11; 3Pathian in ni salih ni thupha pia in, ni sunglawi in bawl hi. Itahim titale pianpatnak nadeh hempoh pen a colh hangin hi. 4Lei le van a bawlnak thu le la cu mahti bangin na hi, hi.
Eden Huan
Topa # 2:4 Topa tihmi kammal hi a biak uhmi A nungmi Pathian samnakin mang hung a, Bawipa tih kammal cu leihum uktu bawite samnakin mang hung hi Pathian#2:4 Topa, Pathian: tihmi hi Hebru awnin Yahweh elohim ti haw in, Pianpatnak laibu sungah a masabel a tawh uhmi hi. Yahweh tihmi hi Israel tei Pathian min hi, tin um haw in, Topa tin let ung. in lei le van a bawl ceng ten, 5leihumah thingkung le hampa umma hi; a poto tukin anci hei umma hi; itahim titale Pathian in nguah zutik ma laih hi. Leingam dektu tukin mihing hei umma laih hi. 6Nguahzu ma laih naven leisung pen tui putin, lei cu nawngtik khawng hi.
7 Topa Pathian in, leivul cu la in, mi bawl hi. A naal sungah nunnak haihawh mut tumin, nunnak nei mihingin suak hi.#1Kor 15:45;
8 Topa Pathian in, nisuahnak lam a ummi Eden ah huan bawlin mah huanah, a bawlmi mihing cu umtik hi. 9A mawi zetmi le eihpha thingkung namkim cu mah huan sungah potikin, huan laizangah nunnak thingkung le a sia le pha khen theihnak thingkung vang umtik hi.#Mang 2:7; 22:2, 14;
10Eden huan sung nawngtik tukin ngun pa khat luang a, a pualam a hen ten pa li in luangkhek haw hi. 11Mah ngun pa khatnak i min cu Pishon hi a, sui umnak Havilah ngam kimkotin, a luangmi hi. 12Havilah ngam a ummi sui cu pha in; thingnai manpha le Oniks suangval sante um hi. 13A pa nihnak ngun cu Gihon hi a, Kush ngam kimkotin, a luangmi hi. 14A pa thumnak ngun cu Tigris ngun hi a, Assiria ngam nisuahnak lamah a luangmi hi. A pa linak ngun cu Eufrates hi.
15 Topa Pathian in, mi pa cu huan dektu tuk le cingkhawitu tukin Eden huanah koih hi. 16Pathian in, a lakah, “Huan sung a, ummi thingngah hempoh ei thei ci; 17Mahnaven, sia le pha khen theihnak thingngah cu ei viang pahsun; na ei tale na eih ni mamahin thicop tuk ci,” tin hilh hi.
18 Topa Pathian in, “Mihing hi amahno bek a um tuk cu pha ma hi; a bawmtu tukin ngualcam bawlsak tung,” tin ti hi. 19Mah hangin, Pathian in lei cu la in, ngamsa phunkim le vano phunkim bawlin, itin sam tuk nentim tin mahpa i lakah hawhpih hi. Mahpa cu minsatikin, mah a sakmi min bangin a min haw in suakta hi. 20Mahmi pa in, nganhing hihen, inn ngulh ngan le van a lengmi vano hempoh hihen a min haw sa khawng hi. Mahnaven ama ca tukin a khawthu mi, bawmtu tuk ngualcam umma laih hi.
21 Topa Pathian in, mahpa cu hihbuh cizettikin, a hihbuh sungah a naknguh pa khat laksakin, a taksa tuah hubinleh hi. 22Mipa i sung pen a lakmi naknguh tuah numei bawlin, mipa i lakah hawhpih hi. 23Mipa in,
“Tu hah maw keimah bang
mihing,
Ka nguh tuah bawlmi nguh,
ka taksa tuah bawlmi
taksa,
mipa sung pen lakmi
a hih hangin,
Numei tin sam hihen,”
tin ti hi.
24Mah hangin pano in, a nu le pa zamsanin, a zi tuah khawmdun haw a, amuh cu pumkhatah suak haw hi.#Mt 19:5; Mk 10:7-8; 1Kor 6:16; Efe 5:31;
25Mipa le numei cu a pa nih haw thacangin, um haw naven zahcak thiam viang haw ma hi.
Одоогоор Сонгогдсон:
PIANPATNAK 2: NBF1
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Ngawm Bible © Bible Society of Myanmar, 2014.