मर्कूस किताबजे बारेने
किताबजे बारेने
मर्कूसब येशूजे बाह्र जना स्यूस्स्यायू नङ्ने मूल स्यूस्स्या सीमोन पत्रुसजे सोरो ट्यराङ्जे छेब ख्योन ख्य। पत्रूसदे मर्कूसने “ङैजे च” य ख्य। (१ पत्रुस ५:१३)।
मर्कूस बारनाबासजे रङ्से मी मेस्ये मूल स्यूस्स्यायू पावलने साक्तीमेब ख्योन् ये ख्य। (मूल स्यूस्स्या १२:२५; कलस्सी ४:१०; २ तिमोथी ४:११)। मर्कूस रङ्सेब येशूजे बाह्र जना स्यूस्स्यायूनङ्जे त्या दीलीने, पत्रुसप्रे प्रदेबे ङूदे येशूजे जीयाजे पोयू था प्रेत्दे। मर्कूसदे अम्ब सूगब खबरजे किताब पत्रुसदे य अनुसारने लिख्दीदे। कुमप्र बाइबलजे विद्धानयूजे विचार ख्यङ् की मर्कूसदे रोमी साम्राज्यजे राजधानी रोम सहरने अम्ब सूगब खबरजे किताब लिख्दीदे। मत्तीदे थेप्प्र पो यहूदीयूजे लागि रङ्सेदे लिख्देब किताबने लिख्देप्रने मर्कूसदे थेप्प्र पोब रोमने मीयूजे लागि अम्ब सूगब खबर लिख्दीदे। अम्ब सूगब खबरजे किताब स्यी नङ्ने पात्ता खूम्ब मर्कूसदे लिख्देब सूगब खबर ख्य (ले मत्तीजे परिचय)। मर्कूसजे सूगब खबर ई. सं. ५५ मेस्ये ६५- जे अन्द्रने या येशू सीइदेबे धेन्ने सूम्च्यू वर्षङ्येदे लिख्दे ख्य। मत्ती मेस्ये लूकादेये मर्कूसदे लिख्दीयेब कूम पो थमयूजे रङ्से रङ्सेजे सूगब खबरजे किताबनेये गाभ्दीये ख्य। मर्कूसजे सूगब खबरजे पोयू थेप्प्र क्वाने मत्तीजे सूगब खबरजे किताबने च्यूम्ये ख्यङ्।
Одоогоор Сонгогдсон:
मर्कूस किताबजे बारेने: सर् कबुल
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Ghale New Testament © Nepal Bible Society, 2011.