Ap 14-ын алдартай Библийн эшлэлүүд

Хуваалцах

Qama'le jomachiya ga'me nejamaĝa jo'ne chiyaqaje'ma di'me piyem jo'ne eetac: “Auediñe da'me yataqata made'tape jogaa'me yele'u jo'ne chiyoqo'tegue nayi male yele'tedot joñe'me Qadejaliaĝanec.” Qama'le 'yateguet joñe'me Dios Lepaqal, enaac: “Naq'aeta da'me dojo', qa'a male 'nomatedegue, joote yem da'me lachoĝode'j, qama'le nach'e eta't di'yo't da'me 'lonataqa jogaa'me.”

¡Male qoyauana da'me eeta da'me napogaĝadenaĝa'j ga'me Dios lec'oqo'tepi, nach'egaua jo'ne yoqocha'alo naa'me lamaĝajoĝonaĝaco ñe'me Dios nataq'aen da'me ja yaĝadiñi da'me yataqata p'iida'a ñe'me Jesús!

Qama'le netenec da'me 'laqatac jo'ne eetac: “At'oiya'aguet ñe'me Dios qama'le a'nonaĝachiyegui joñe'me, qa'a male yovita da'me laloqo' da'me ya'uo lec'atenaĝanaĝac. Anetameñiyot ñe'me jo'ne ya'uo di'me piyem nataq'aen jena'me aleua nach'e ena'am joga'me noĝop let'adaic choqoga'me noĝop jo'ne natetajeguem.”

Qama'le yitaĝa equegue ñe'me piyem le'ec laqaya jo'ne tercero, jo'ne en yejam da'me 'laqatac jo'ne eetac: “Qom 'uo ga'me netamenot ñe'me jiyac polio' uotaĝa jaga'me mach'e lequi'i, nataq'aen da'me yaje'tem da'me qoyetet jaga'me en 'nanaĝaijete jo'ne nalegue q'aen jana'me nepe uotaĝa na'me louaq, nach'ega jo'ne niyomigui qoyen ga'me lataĝa jo'ne lalemataic ñe'me Dios. Ena'am ta'le qaya'te lale'gue da'me le'uaĝanaĝanaĝac joñe'me, qama'le qoyen da'me layaliaĝac ga'me jiyaĝaua da'me yaviyeque ga'me dole', nataq'aen ga'me azufre jo'ne yataqata edetañgui, nataq'aen da'me dajo'tagueta ñaa'me piyem laje' jo'ne ja 'nalo'te choqoñe'me 'Naĝanaĝate Lec'oĝot. Jana'me nemala' jo'ne layaliaĝac qoyen nach'e eta't da'me nenoĝojeguem, qaya'te loiquiaqa', qama'le gaa'me pi'yaĝadi choqogaa'me noloqo'ote qaya'te 'nomataĝaiqui' jogaa'me jo'ne netametot ñe'me jiyac polio' uotaĝa jaga'me lequi'i, nataq'aen jogaa'me jo'ne yacoteguet jaga'me 'lanaĝanaqate jo'ne uaye da'me lenaĝat.”

Yem da'me dojo' qama'le yitaĝa jelojeguem, qama'le jauana ñe'me 'Naĝanaĝate Lec'oĝot da'me petalegue ga'me qajoĝonaĝa jo'ne lenaĝat da'me Sión. Qama'le uo'oe gaa'me naequetedapegue' jo'ne ciento cuarenta y cuatro mil ga'me jiyaĝadipi, gaa'me jo'ne qoyedetalo'te jana'me nepe da'me lenaĝat joñe'me 'Naĝanaĝate Lec'oĝot choqoda'me lenaĝat ñe'me Let'a.

Yem qama'le jauana jo'me piyem le'ec laqaya da'me uayotapelegue di'me piyem laeñi, jo'ne yachitac da'me 'naqataĝanaĝac jo'ne nach'e eta't ja pal, qaedi 'yaĝatema yema joga'me jiyaĝadipi jo'ne neteda'ña jena'me aleua, jo'ne yodapecache naa'me 'laqataqa nataq'aen jogaa'me noyaqa choqogaa'me neqomyaĝaco.

Qama'le yec'atalegue ñe'me piyem le'ec laqaya jo'ne eetac: “¡Yataqata qonolaĝachiñe nayi di'me noic let'adaic jo'ne lenaĝat da'me Babilonia! Di'me jo'ne en taĝaiquipi yemeda joga'me aleua laje'pi, da'me en taĝayaqa q'aen ga'me lataĝa jo'ne lequejeguetaĝa, ¡male qoyapalaĝat nayi!”