Ap 13-ын алдартай Библийн эшлэлүүд

Хуваалцах

Chane'eja 'noota qom qoyauana da'me nayatenaĝanaĝac. Joga'me jo'ne yataqata yayaten, 'noota qom naloqoten ga'me jo'ne ualegue ñe'me jiyac polio', naqaega jo'ne naloqotenaĝanaĝac 'me ena'am da'me seiscientos sesenta y seis. Nach'ega ga'me naloqotenaĝanaĝac jo'ne yelo'teguet ga'me lenaĝat ga'me jiyaĝaua.

Chane'eja nach'eñe ñe'me jiyac polio' jo'ne 'uo da'me 'lamaqatenataĝanaĝa'j ena'uaque joga'me aleua laje'pi, ena'uaque jogaa'me jo'ne ja qoyedidiñe ca'li naa'me lenaqa'te joca'li yemta qoye'et jena'me aleua, da'me ja qoyededelegue jaga'me nede jo'ne uetaye da'me nec'alaĝa 'me loĝot joñe'me 'Naĝanaĝate Lec'oĝot jo'ne joote qoyalat.

Qama'le nach'e ena'am 'uo da'me 'yeteque ena'uaque ga'me jiyaĝadipi, uotaĝa jogaa'me ja 'yaĝayaqa uotaĝa gaa'me 'yaĝayaqa, nataq'aen jogaa'me neuoyaĝadi uotaĝa jogaa'me pioĝoiquipi, nach'e ena'am gaa'me ne'uaqa uotaĝa jogaa'me ja ne'uaqa, da'me yepagaqateteque da'me qoyetet na'me louaq jo'ne yayaten uotaĝa naa'me nepel jaga'me 'nanaĝaijete, qaedi qaya'te ta'le yaqanatet da'me 'uo ga'me ecot uotaĝa ta'le 'uo ga'me yemen, qom ja netaye jaga'me 'nanaĝaijete jo'ne lenaĝat ñe'me jiyac polio', uotaĝa na'me naloqotenaĝanaĝac jo'ne yelo'teguet da'me lenaĝat joñe'me.

“Jogaa'me jo'ne yeloteda'a da'me necoñetague'j, Nach'egaua gaa'me jo'ne qoyecoñe't qomle. Nataq'aen jogaa'me jo'ne yeloteda'a da'me yeletem ga'me liaĝa ga'me nedaĝanaĝat, Nach'ega ga'me nedaĝanaĝat liaĝa da'me yala't qomle.” Chane'eja male qoyauana da'me eeta da'me napogaĝadenaĝa'j joga'me lec'oqo'tepi joñe'me Dios choqoda'me lepi'iyaĝa'j.

Yem qama'le yitaĝa jauana da'me nenoĝojeguem ga'me jiyac polio', chiyaqañgui joga'me noĝop. Uo'oe naa'me laqai'go jo'ne siete choqojaa'me lepeel jo'ne diez, qama'le onolqa'tape naa'me lepeel uo'oe naa'me noqop'al, nach'e ena'am jaa'me laqai'go uo'oe daa'me lenaqa'te jo'ne yejoue'n joñe'me Dios.

Qama'le nach'e ena'am qoyaje'tem da'me ya'uo ga'me nalada't queda'me nautenalo joga'me lec'oqo'tepi joñe'me Dios, chayovida'a da'me noma't, qama'le nach'e ena'am da'me qoyanem da'me lañoqotaĝanaĝac qaedi nejaliaĝatelo'te ena'uaque ga'me jiyaĝadipi jo'ne yodapecache naa'me 'laqataqa, choqonaa'me neqomyaĝaco nataq'aen jogaa'me noyaqa.

Qama'le chiyaqayilo naa'me naajo' 'nanaqa jo'ne yauo'oe da'me ue'taguet ñe'me jiyac polio' jo'ne 'uaechiñe, male yaqanatet ta'le yejomaĝana'ape jena'me jiyaĝadipi jo'ne netalegue jena'me aleua, qama'le damaĝajoĝolo'te da'me qoya'uo ga'me qonetamenapecot jo'ne lequi'i ñe'me jiyac polio' laqaya jo'ne 'uo ga'me nedaĝanaĝat liñi qalaĝaja maliaĝa da'me nec'aletaye. Qama'le ñe'me jiyac polio' jo'ne aleua le'ec qoyanem da'me lañoqotaĝanaĝac qaedi en nec'aletaye ga'me jiyac lequi'i, qaedi yaqanatet ta'le doje nataq'aen da'me yala't ena'uaque jogaa'me jo'ne ja netametot.

Jo'me jiyac polio' jo'ne jauana ena'am jena'me quedoc da'me 'loyaĝac, nataq'aen naa'me lapia'te ena'am ta'le potae lapia'te, qama'le jena'me nedegaĝat ena'am ta'le jauaĝaic nedegaĝat. Qama'le ñe'me ñaĝadiaq polio' yanem da'me 'lañaĝac jo'me jiyac polio', choqoga'me lañoqotaĝanaĝac let'adaic qaedi male 'uo da'me lejaliaĝa.

Nach'e ena'am da'me qoyaje'tem ñe'me jiyac polio' da'me nenaĝatedegue naa'me 'naqataqa jo'ne yataqata ja 'noe'n 'me nep'ague'ne' ñe'me Dios, nataq'aen da'me 'uo da'me lañoqotaĝanaĝac qaedi nejaliaĝatelo'te ga'me jiyaĝadipi chayovida'a qom nalo'taguet cuarenta y dos gaa'me auoĝoyaqa.

Qama'le ga'me onolec laqaic ñe'me jiyac polio' 'uo ga'me yédiñe jo'ne ena'am ta'le jetaque yelem, qalaĝaja ca'li yemiiñi jo'me yédiñe qama'le yema jena'me aleua laje'pi yataqata yoqochetem, qama'le dajodelegue ñe'me jiyac polio'.

Yem qama'le yitaĝa jauana jo'me jiyac laqaya jo'ne nenoĝojeguem chiyaqaue jena'me aleua, jo'ne uo'oe naa'me dos jo'ne lepeel, ena'ama gaa'me lepeel ga'me 'naĝanaĝate lec'oĝot, qalaĝaja da'me doje, ena'am ta'le nach'eñe ñe'me ñaĝadiaq polio' naa'me 'laqataqa. Joote qoyanem yema da'me lañoqotaĝanaĝac ñe'me jiyac polio' jo'ne 'uaechiñe 'me noĝop le'ec, qama'le da'me ue'tajop jo'me jo'ne 'uaechiñe male yamaĝalo'te yema joga'me jiyaĝadipi jo'ne aleua laje'pi da'me 'nonaĝachidegue ñe'me jiyac polio' jo'ne 'uaechiñe, ñe'me jo'ne 'uo ga'me yediñe 'me te'me jetaque yelem qalaĝaja yemiiñi ca'li jo'me yédiñe.