Stg 4-ын алдартай Библийн эшлэлүүд

Хуваалцах

Auoqochiiya joñe'me Dios, nataq'aen da'me a'nañaĝachiyeguet ñe'me payac, qama'le ñe'me ami dajoo'yema qomle.

Aueñi qoyoqo'ta joñe'me Dios, qaedi joñe'me en ami qoyode'talo, nataq'aen da'me aviyoyii jonaa'me adoua'adi jo'ne uetayelo jonaa'me adoecodi', choqoda'me auemedegue jona'me paĝachigui jo'ne uetayelo naa'me adai'lidi', qa'a ami jo'ne jetaque adoqopichiya joñe'me Dios nataq'aen jena'me ua'ña jena'me aleua.

'Noota qom auanaqae'ñejop da'me auajoyiya'aguet joñe'me Jaliaĝanec, qaedi joñe'me ami namaĝalo joga'me jo'ne let'adaic 'me 'lamaqatenataĝanaĝac.

Qalaĝaja ñe'me Dios yataqata qo'mi lecochiyalo qa'a 'uo da'me lichoĝodenataĝanaĝac jo'ne let'adaic, qama'le naa'me nedii's eet'oi: “Dios ja 'yamaqate'n jogaa'me 'yoĝodenaĝayaqa, qalaĝaja yanema da'me lichoĝodenataĝanaĝac jogaa'me jo'ne joĝodayaqa naa'me lai'li.”

Chane'eja, ga'me jo'ne yayaten da'me ye'et da'me jo'ne onaĝaic, qama'te ja 'ye'et, nach'ega jo'ne ya'uo da'me mach'e loec.

Uotaĝa te'me aua'ajelai, qalaĝaja ja auacoñiyeguet qa'a ja yataĝalegue joda'me adajelaĝanaĝaqui, queda'me 'uo da'me adelnataĝaqui jo'ne ch'e jetaque auacoñiyeguet qaedi aueñi tayilo daa'me anejiyaĝauayaĝaqui lamaico.

¡Ja ami 'te yataqatelo'te! ¿Qo'li ja auayachiñe joda'me qom anoqopicheguet jena'me ua'ña jena'me aleua qama'le nach'e ami jo'ne laute'u joñe'me Dios? Gamachaqaega jo'ne en lelnataĝac da'me noqopita nataq'aen da'me 'yamaqate'n jena'me jo'ne ua'ña jena'me aleua, nach'ega 'viyelaĝaguet da'me en lauteua joñe'me Dios.

¡Yataqachiñe ja auayachiñe ga'me nolo' jo'ne male yovita da'me loiquiaqa' da'me anejiyaĝauayaĝaqui! Ami jo'ne aueñiya'am ga'me je'vi jo'ne di'yoq nale, qalaĝaja ja nach'e eta't ta'le 'uo.