Stg 3-ын алдартай Библийн эшлэлүүд

Хуваалцах

Qalaĝaja jogaa'me jo'ne ue'tajopa joda'me nayatenaĝanaĝac jo'ne chiyaqaje'ma joñe'me Dios, 'uaeñe da'me nedo'ta't yema joda'me 'loyaĝac, nataq'aen da'me joĝodaic choqoda'me onaĝaicaloec, nataq'aen choĝodenataĝanaĝayaqa nataq'aen da'me yataqatelegue ya'uo da'me lecochaĝac jo'ne onaĝaic, nataq'aen da'me ja ch'e noqovila't, choqoda'me onaĝaic joda'me ya'uo.

Qom 'uo ga'me ami uetauelo jo'ne yatenaĝanaĝaic nataq'aen da'me yayatenegueta ena'uac, 'noota qom da'me 'loyaĝac en di'yo't jodaa'me 'lonataqa jo'ne onaĝayaqa, queda'me qaya'te da'me li'yoĝodenaĝac 'me chiyaqayi da'me layatenaĝanaĝac.

Nataq'aen joga'me jo'ne yepaquetedapega joda'me 'nemaĝac nach'e eta't yaadiñi joda'me 'nemaĝac qaedi qom daqataĝan qama'le 'uo joga'me jala jo'ne ja 'nalegue.

Joga'me jo'ne ueta'ña da'me nep'aguenataĝanaĝac nataq'aen da'me jo'ne qaya'te neyamaqataĝanaĝac, nach'e ena'am qaya'te 'nemaĝac qa'a uo'oe yodapecache jogaa'me 'nonataqa jo'ne ja 'noe'n.

Jena'me qadachaĝat nach'ena jo'ne 'ñonaĝataĝaye nale joñe'me Qanedios jo'ne Qadet'a, nataq'aen jejouena' nale jogaa'me jiyaĝa'u jo'ne 'lonataqa ñe'me Dios da'me ena'am q'aen joda'me mach'e lajoĝo'j. Jena'me jo'ne mach'e qanedegaĝat na'ya joga'me qadichoĝodenataĝanaĝaco nataq'aen joda'me qadejouenaĝanaĝac. Ami yaqaya'olqa, jena'me jenjo' ja 'noota qom naq'aeta.

Nataq'aen jena'me qadachaĝat, nach'ena jo'ne dole'. Jena'me jo'ne ja no'en joda'me 'lonatac 'me nayi qoyen joda'me qanejiyaĝauayaĝac, qama'le 'naĝat yema na'me qadapat nataq'aen en edañgui joda'me qanejiyaĝauayaĝac. Qaya'te loiquiaqa' joda'me lauaqayaĝac joga'me dole', qa'a nach'edi di'me payac 'lachaqa' jo'ne en edañgui.

Qalaĝaja qaya'te ta'le yaqanatet da'me nalo'oguet joga'me nachaĝat, nach'ega jo'ne ja no'en nataq'aen qaleuaĝaic, choqoda'me jaqachigui joga'me ne'uenaĝanaĝat jo'ne neleuaĝat.

Ami yaqaya'olqa, 'noota qom ena'te auauoyi da'me jo'ne qayoĝode' jogaa'me paĝaguenataĝanaĝayaqa, qa'a auayachiñe da'me qo'mi jo'ne qo'mi paĝaguenataĝanaĝayaqa, 'uo qomle da'me qanec'atenaguec jo'ne 'uo da'me laqalaic, ja jenaqa'am ga'me qadayi.