Gl 6-ын алдартай Библийн эшлэлүүд

Хуваалцах

Chane'eja, 'noota qom ja qadeli'ñejop da'me jauoqo da'me 'noota, qa'a qom qolaqatalegue, Dios qo'mi yanema ga'me qanejetenaguec ga'me nolo' 'me laloqo' q'aen.

Qo'che', qom nach'e eta't jaqanatetaq, je'etaĝama da'me 'noota jogaa'me qadaqaya', qalaĝaja yataqachiñe p'ajaye yecochaĝalo jogaa'me jo'ne quetegue ñe'me Cristo.

Qom 'uo ga'me auaqalañitac qama'le anecochiyapega't, qa'a nach'eda naq'aeta da'me 'loyaĝac da'me qodique'teguelo da'me lamaĝajoĝonaĝac ñe'me Cristo.

Ena'te anoqoviñela't: qaya'te yaqanatet ta'le yoqovin ñe'me Dios, onolqa'tape gaa'me daqataĝa'n yaconalo gaa'me jala ga'me jo'ne joote yaadiñi.

Qom qolaqatalo'te daa'me ja 'noe'n lamaico da'me qanejiyaĝauayaĝac, qama'le nale'en qadeleu. Qalaĝaja qom joqochaĝa ñe'me Dios Lepaqal, qama'le jaconaĝaguet da'me nec'alaĝa 'me qaya'te loiquiaqa'.

Ami yaqaya'olqa, ami jo'ne joote auajoitalegue ñe'me Dios Lepaqal. Chane'eja, qom 'uo ga'me qo'youatelegue da'me ya'uo loec, 'noota qom auedoilo'te naa'me onaĝayaqa at'aqataqadi' da'me auapaĝagueñi. Qalaĝaja achiya'aguet qaedi ja nach'e ena'am 'uo ga'me anapiyenaguequi da'me auauoyi ga'me ja no'en.

Qom 'uo ga'me nepetapela't p'ajaye, qom ja naq'aeta, qama'le ch'e noqovila't. Qama'le 'noota qom onolqa'tape nayatela't da'me mach'e lajoĝoc: qom 'noota qama'le mach'ega matac qa'a jouaĝa't gaa'me 'lonataqa, nataq'aen ja naloqoteneguet ga'me mach'e lajoĝo'j gaa'me laqaya'. Qa'a onolqa'tape mach'e laviyaĝajet da'me mach'e lajoĝoc qom dajoya'aguet ñe'me Dios.