1 Ti 3-ын алдартай Библийн эшлэлүүд

Хуваалцах

Qaya'te noqoleguetaĝanaĝac da'me jenjo' 'lonataĝanaĝac jena'me jenjo' qadepe'e ladic jo'ne yataqata t'adaic nataq'aen onaĝaic: Cristo naequena ca'li qaedi yadenaĝat da'me qanejiyaĝauayaĝac, qalaĝaja onolec joñe'me da'me qoyen yataqata eja joñe'me Lepaqal, nataq'aen yema joga'me piyem laje' yauata ca'li. Qama'le qo'yaĝatema yema gaa'me jiyaĝadipi, nataq'aen jena'me aleua laje'pi 'yamaqaten da'me dojo', nataq'aen da'me joote qoyavije'ma di'me 'lachaqa' joñe'me Dios.

Qama'le ga'me jiyaĝaua jo'ne 'lonatac jena'me jenjo', 'noota ta'le qaya'te lejamaĝataĝac. 'Noota qom jiyaĝaua jo'ne onole jaga'me loua, yataqata joĝodaic, nataq'aen loqotenaĝanaĝaic, nataq'aen uategaĝaic ga'me ja yelo'teguet ga'me 'lonatac. 'Lonatac laqaya 'noota ta'le yelo'oguet ga'me jiyaĝadipi qom yec'adeta ga'me 'lachaqa'; nataq'aen yataqata yayaten da'me lapaĝaguenataĝanaĝac.

'Noota qom nach'eñe yelolegue ga'me 'lachaqa', qaedi gaa'me c'oqo'te yataqachiñe machaqayaqa nataq'aen onaĝayaqa loec.

Joga'me necochaĝaua, 'noota ta'le onole jaga'me loua, nataq'aen yataqata yelolo'te jogaa'me c'oqo'te nataq'aen ga'me 'lachaqa'. Qa'a jogaa'me necochaĝa'u jo'ne yiyamaĝatetedac ga'me 'lonataĝanaĝa'j, male 'uo da'me qoyec'atenec da'me yataqata ejoda, chayovida'a da'me male ja uatequeda'a da'me 'yaĝatetedac joda'me lepi'iyaĝac jo'ne yachiyoĝotedo'ot joñe'me Cristo Jesús.