Chane'eja, nale yema'a't gaa'me p'etaqadayaqa, 'uaediñe jepaquetapegalo ta'le gaa'me le'mi nodidijeguem naa'me loua' da'me yauote ga'me netamenaĝa'j. 'Noota qom yoqovichiguilo gaa'me lai'li, nataq'aen 'noota ta'le ja dalemata'y nataq'aen ja dapete'tape.
Qama'le nayi jogaa'me yauo', nale yaidiñe gaa'me leuo lael, 'noota ta'le yacoteguet da'me yataqata yauo 'netaĝac, qama'le ja ne't qaedi uotaĝa qoyec'ate'n, yiyamaĝate'tape da'me 'netaĝa'j. Ja 'noota qom gaa'me yauo' uotaĝa ja onolec ga'me ee'tec ga'me layoĝot da'me ja onolec ga'me yanaye, uotaĝa yaidiñe ga'me oro jo'ne uasec, uotaĝa loqola jo'ne ja qoyauanapegalo, nataq'aen Dios ja yiyamaĝaden qom yaidiñe gaa'me leuo lael jo'ne yataqachiñe lajo'vi'y. Qom jaga'me yauo jetaque ya'uo ga'me onaĝaic 'netaĝac, 'noota ta'le en onaĝaic ga'me en yelo'teguet, qa'a nach'eda da'me eeta da'me 'netaĝac jaga'me yauo jo'ne eetapela't 'nonaĝachigui ñe'me Dios.