Еф 6-ын алдартай Библийн эшлэлүүд

Хуваалцах

Вет кучедалмашна еҥ-влак ваштареш огыл, а тиде курымысо пычкемышын вуйлатышыже, властьше ден тӧраже-влак ваштареш, кава йымалсе осал шӱлыш-влак ваштареш.

Эре сӧрвалыза да йодса, чыла годымат Шӱлыш дене кумалза, тӱткӧ лийза да кугу чытымаш дене чыла святой-влак верч Юмым сӧрвалыза.

Диаволын осал шонымыжлан ваштареш шоген кертса манын, Юмын уло сарӱзгарже дене вӱдылалтса.

Тыгеже Юмын уло сарӱзгаржым налза. Тунам те осал кечын ваштареш шогалын да, чыла шуктымеке, пеҥгыдын шоген кертыда.

А эн чотшо Юмылан ӱшанымашым авыртыш семын налза, тудын дене те осалын чыла йӱлышӧ пикшыжым йӧртен кертыда. Утарымашым шлем семын упшалза, Шӱлышын кердыжым, вес семынже Юмын шомакым, налза.

Тугеже ямде лийза: кыдалешда чыным ӱшталза, чын ыштымашым кӱртньӧ тувыр семын чийыза, тыныслык нерген поро уверым каласкалаш ямде улмым йолешда чийыза.

Иза-шольым-влак, пытартышлан ойлынем: Господь да Тудын кугу вий-куатше дене пеҥгыдемза.

«Шке ачат ден аватым пагале», – тиде икымше кӱштымаш, тудын дене пырля сӧрымаш пуалтын: тунам «тыланет сай лиеш, да мланде ӱмбалне кужу ӱмыран лият».

Йоча-влак, Господь дене ушнен, ача-авадан мутыштым колыштса, вет Юмын ончылно тиде сай.