Еф 5-ын алдартай Библийн эшлэлүүд

Хуваалцах

Те Юмын йӧратыме икшывыже улыда гын, тугеже Тудын семын ыштыза. Кузе Христос мемнам йӧратен да Шкенжым мемнан верч жертве семын, тамле пушан пӧлек семын Юмылан пуэн, туге йӧратен илыза.

Тугеже, кузе илымыдам тӱткын ончыза. Ушдымо семын огыл, а уш-акылан семын илыза, жапым пайдалын кучылтса, вет нине кече ондалчыкан улыт.

Руштмешке ида йӱ, тиде яжарланымашке конда, а Святой Шӱлыш дене темалтса. Икте-весыдам псалом да шӱлыш кумылаҥдыме моктен мурымаш дене пеҥгыдемдыза, шӱмыштыда Господьлан мурыза да семым шоктыза. Мемнан Господьна Иисус Христос лӱм дене эре да чыла верч Юмылан, Ачалан, таум ыштыза.

Сандене шонен моштыдымо ида лий, а Юмын эрыкшым умылаш тыршыза.

Марий-влак, Христосын Черкым йӧратымыж семын шке ватыдам йӧратыза. Черкым святитлаш манын, Христос Шкенжым пуэн, тудым вӱд дене да шомак дене мушкын эрыктен.

Ондак те пычкемыш лийында, а ынде, Господь дене ушнен, волгыдо улыда. Волгыдын йочашт семын илыза

Юмо деч лӱдын, икте-весыдам колыштын илыза.

Вате-влак тек шке марийыштым Господьым колыштмо семынак колыштыт

Но тендан коклаштат тугак лийже: кажныже шкенжым йӧратыме семын тек ватыжым йӧрата, а вате тек марийже деч лӱдеш.

«Сандене пӧръеҥ ачаж ден аважым кода, шке ватыж дене ушна, да нуно коктын ик кап ден чон лийыт.»

Пычкемышын саскадыме пашаж деке ида ушно, а тыгайым тӱжвак лукса.