മറ്‌ക്കോസ് 9-ын алдартай Библийн эшлэлүүд

Хуваалцах

ഏസു അയ്യി മ്‌ഗാദ് അപ്പാന്‌ക്കെ: <<എനാക്ക് മുഡ്യു എന്ത? ണമ്പിക്കെ ഇര്‌ക്കവാന്‌ക്ക് എല്ലാമെ മുഡ്യു>> എന്ത് സൊന്നാ്.

അക്കുളെ അയ്യി മ്‌ഗാദ് അപ്പാ്: <<അയ്യ, ണാന് ണമ്പ്‌റേലപ്പ; എന്ന് ണമ്പിക്കെ കൊറേന ണീ തീത്ത് തരുഡോമെ>> എന്ത് ബെല്ല്യാദ്‌ക്ക് സൊന്നാ്.

അദ്‌ക്ക് പ്‌റ താന് ഇര്‌ന്ത കൂരേക്കെ ഏസു പോനാ്. അദിലി തമ്മ താനെ ഇര്‌ക്കാട്ടി ഏസുണ തന്ന് സൊല്ലുപഡി ണഡാക്കവാര് കേ്ട്ടാര്: <<എമാക്ക് എന്ത്‌ക്ക് അയ്യി കെ്ട്ടജാദിന ഒയിപ്പിസ്യ മുഡ്യാലെ?>> അക്കുളെ ഏസു സൊന്നാ്: <<പരേസണാലെത്തെ ഇച്ച്‌ള ജാദിഗണെല്ല തുറാത്ത്യ മുഡ്യു. അല്ലാദെ മുഡ്യമാട്ട.>>

ഉപ്പു ണല്ലാദ്‌ത്തെ. ആന ഉപ്പുക്കിര്‌ക്ക രുജി ഇല്ലാദെ പോന ണിമ്മാലെ പിന്നേമ് ഉപ്പുക്കിര്‌ക്ക രുജിന ബര്‌സ്യ മുഡ്യമാട്ട. അദ്‌ണാലെ ണിമ്മ ആങ്കീങ്ക് ഉപ്പുക്കിര്‌ക്ക രുജിന പാസെ ണലമായി പിര്യ അരിമ്യോഡെ പെ്ളേക്കുഡൊ.>>

<<ഇദാ, ഇദേപാസെ ഇര്‌ക്ക മക്കഗാളിലി ഒരു മ്‌ഗാണ എന്ന് പേരിലി തങ്കാരിക്കവാ് എനാണ തങ്കാരിക്കാ്. എനാണ തങ്കാരിക്കവാ് എനാണ താനെ അല്ല എനാണ സൊല്ലിബ്‌ട്ടവാനാമ് തങ്കാരിക്കാ്.>>

ണേര്‌മായിമ് ണാന് ണിമാക്കെ സൊല്ലുറെ: ണിമ്മാഗ ക്‌റ്‌സ്‌ത്ത്‌ക്ക് പട്ടവാര് ആനാദ്‌ണാലെ ഏവരാറ്റ് ണിമാക്ക് ഒരു തൊട്ടി തണ്ണി കുഡിക്ക്യ തന്ത അദ്‌ക്കുള്ള കൂലി അവാന്‌ക്ക് കെ്ഡേക്കാദെ പോഗമാട്ട.>>

<<എനാണ ണമ്പിര്‌ക്ക ഈ സിന്നവാരിലി ഒരുത്താന പാവ സെയ്യ ബെത്താക്കി അവാന്‌ക്ക് മ്‌ഗ്‌ന്ത ദണ്ടണെ കെ്ഡേക്കു. അദ്‌ണ ബ്‌ഡ അവാ് കവുത്ത്‌ക്കെ ബെല്ല്യ ബീസ്‌കല്ല്‌ണ കെ്ട്ടി അവാന കഡാല്‌ക്ക് എ്റിറാദ്‌ത്തെ ണല്ലാദ്.

ണിന്ന് കണ്ണ് ണിനാണ പാവ സെയ്യ ബയ്യി ബെത്താക്കി അദ്‌ണ സൊളോണ്ടി എ്ഡ്‌ത്തെക്ക്. റണ്ട് കണ്ണോഡെ ണരഗാക്കെ ബീ്റാദ്‌ണ ബ്‌ഡ ഒറ്റെ കണ്ണാനായി സാമി ആള്‌റ ണാഡ്‌ക്കെ പോരാദ്‌ത്തെ ണിനാക്ക് ണല്ലാദ്.