മറ്‌ക്കോസ് 8-ын алдартай Библийн эшлэлүүд

Хуваалцах

ആന ആരാറ്റ് തന്ന് ഉജുറുണ കാപാറ്റ്യ ആസെപട്ട അയാള് അദ്‌ണ കെ്ഡേസമാട്ടാ്. ആന എനാക്ക് ബേ്ണ്ടിമ് ണല്ല സേദിക്ക് ബേ്ണ്ടിമ് തന്ന് ഉജുറുണ കൊഡുത്താക്കി അയാള് അദ്‌ണ കാപാറ്റുവാ്.

ഒരുത്താ് ഉലഗാത്തിലിര്‌ക്കാദ്‌ണെല്ല സമ്പാരിത്ത് സേത്തിമ് ഉജുറുണ കെ്ഡേസാദെ പോന അവാന്‌ക്ക് എന്ത ഉവഗാര?

പ്‌റ തന്ന് സൊല്ലുപഡി ണഡാക്കവാര്‌ണാമ് ആള്‌ഗണാമ് ഏസു തന്ന് അര്‌ഗെ ബര്‌സി ഇച്ചെ സൊന്നാ്: <<ആരാറ്റ് എന്ന് പിന്ന്‌മേലെ ബര്യ ആസെപട്ട അവാ് തനാക്ക് ഇര്‌ക്കാദ്‌ഗണെല്ല തള്ള്യെക്കി തനാക്ക് ബര കജട്ടഗണ താങ്കി തന്ന് ഉജുറുണ ഗൂഡി കൊഡുക്ക്യ ഒരിങ്കി കൊണ്ട് എന്ന് പിന്ന്‌മേലെ ണഡാക്കുഡൊ.

ആന അയ്യി പോന ഉജുറുണ തിലിപ്പി കെ്ഡേസ്യ അവാ് എന്ത ബെലെ കൊഡുക്ക്യ മുഡ്യു? ണേരെമൊറെ പെ്ളേക്ക്യ മുഡ്യാത്ത ഈ കാലാത്തിലി ആരാറ്റ് എനാണ പറ്റ്യൊ എന്ന് സൊല്ലുസുലാക്കണ പറ്റ്യൊ ണാണപട്ടാക്കി മന്‌സാനായി പ്‌റാന്ത ണാന് എന്ന് അപ്പാന്‌ദ് മദ്‌പ്പിലി സാമിദൂദല ഒപ്പ ബര്‌ഗാട്ടി ണാന്‌മ് അവാര്‌ണ ണെനേത്ത് ണാണപഡുവെ.>>

<<അച്ചെ ആനാക്കി ണാന് ആരെന്ത് ണിമ്മ ണെനേക്കേര്?>> എന്ത് ഏസു കേ്ട്ടാ്. അക്കുളെ പത്ത്‌റോസ്: <<ണീത്തെ ക്‌റ്‌സ്‌ത്ത്>> എന്ത് സൊന്നാ്.