മറ്‌ക്കോസ് 13-ын алдартай Библийн эшлэлүүд

Хуваалцах

ണിമ്മ എനാണ പറ്റി സൊല്ലുറാദ്‌ണാലെ ആള്‌ഗ മുച്ചുഡ ണിമാണ തൊറേന്ത് എക്കുവാര്. ആന കഡേസി മാട്ട്‌മ് ണമ്പിക്കേലി ഒറേത്ത് ണില്ല്‌റവാ് ദെങ്കുവാ്.>>

അയ്യി ഗള്യെ എപ്പെന്ത് ണിമാക്ക് തെര്യമാട്ട. അദ്‌ണാലെ ണിമ്മ സൊക്കാന സൂസാരിത്തിര്‌ക്കുഡൊ.

അവാര് ണിമാണ പ്‌ഡിത്ത് എ്ഡ്‌ത്ത് പോയി എഗുദാര് ഗോഡ്‌ദിക്ക് ണില്ല്‌സ്‌ഗാട്ടി അവാര്‌ക്കെ ണിമ്മ എന്ത സൊല്ലുഡൊ എന്ത് ണെനേത്ത് അര്‌ക്കപഡ ബേ്ഡ. അയ്യി ഗള്യേക്ക് ണിമ്മ് ബായിക്ക് ബരാദ്‌ണ സൊല്ലിരി. അച്ചെ സൊല്ലുറാദ് ണിമ്മ അല്ല, സാമിണിഗാല്‌ത്തെ.

ബാന്‌മ് ബൂമിമ് അളിന്തെക്കു. ആന എന്ന്‌ദ് സൊല്ലുസുലാക്ക ഒരു ണാള്‌മ് അളിന്തെക്കമാട്ട.>>

<<അയ്യി ബര്യ പോര ണാള്‌മ് ഗള്യേമ് എപ്പെന്ത് ആര്‌ക്ക്‌മ് തെര്യമാട്ട. മേലോഗാത്തിലിര്‌ക്ക ദൂദലാക്കൊ സാമിമഗാന്‌ക്കൊ അദ് തെര്യമാട്ട. അദെല്ല അപ്പനാന സാമി ഒരുത്താന്‌ക്ക്‌ത്തെ തെര്യു.

ണിമ്മ ജുദ്ദഗണാമ്, ജുദ്ദ ണഡാക്ക സേദിഗണാമ് കേ്ക്കുവേര്. അദ്‌ഗാക്കെല്ല ണിമ്മ അഞ്ച ബേ്ഡ. അച്ചെല്ല ണഡാക്കുഡൊ. ആനാല്‌മ് അദ് എല്ലാദ്‌ക്ക്‌മ് കഡേസി എന്ത് ണിമ്മ ണെനേക്ക ബേ്ഡ.

കൂരെക്കാറാ് മിഞ്ചന്ത്യെക്കൊ ണഡുഗൂറു ജാമാക്കൊ കോയിജാമാക്കൊ ബെ്ഡ്യാകാലാക്കൊ ഏദ് ഗള്യെ ബരാ് എന്ത് ണിമാക്ക് തെര്യാത്താദ്‌ണാലെ ണിമ്മ ഉറാങ്കാദെ സൂസാരിത്ത് ഇര്‌ന്ത് കൊള്ളി. ഒരു ബേ്ള്യെ കൂരെക്കാറാ് ദ്‌ഡീരന ബന്ത് കഡാന്താക്കി ണിമാണ ഉറാങ്ക്‌റവാരായി കാണ്‌റാക്കില്ലെ. ണാന് ണിമാക്ക് എന്തണ സൊന്നെനൊ അദ്‌ണാത്തെ എല്ലാര്‌ക്ക്‌മ് സൊല്ലുറെ. <ഉറാങ്കാദെ സൂസാരിത്ത് ഇര്‌ക്കുഡൊ!> >>

ഒരൊരു ജാദിഗ ആങ്കീങ്ക് ജുദ്ദ സെയ്‌വാര്. ഒരൊരു റാജ്യഗ ആങ്കീങ്ക് ജുദ്ദ സെയ്‌വാര്. ഒരൊരു എ്ഡേക്ക്‌റാഗ ബൂമിക്കുലുക്കഗാമ്, പഞ്ചാമ് ഉണ്ടാവു; ഇദ്‌ഗെല്ല പ്‌ള്ളെ ഉറുസ്‌ളാഗ്‌റ ബിജാണ പാസെത്തെ.

ആന സാമി എല്ലാദ്‌ണാമ് ഇല്ലാദെ ആക്ക്‌റാദ്‌ക്ക് മുദ ഈ ണല്ല സേദി ഉലഗ മുച്ചുഡ സൊല്ലുവാര്.

<ണാന്‌ത്തെ ക്‌റ്‌സ്‌ത്ത്> എന്ത് സൊല്ലി എത്തിന്യൊ ആള്‌ഗ എന്ന് പേരിലി ബരുവാര്. അച്ചെ അവാര് എത്തിന്യൊ ആള്‌ഗണ ഏമാത്തുവാര്.

ആന ണിമ്മ ണിമാണ താനെ സൂസാരിത്ത് ബെത്ത് കൊള്ളുഡൊ. അവാര് ണിമാണ പ്‌ഡിത്ത് എഗുദാര് ഗോഡ്‌ദിക്ക് എ്ഡ്‌ത്ത് പോവാര്. എഗുദാര് പരേസ്‌റ കൂരെക്ക്‌റാഗ ബെത്ത് ണിമാണ സാട്ടെബാറിലി അഡിക്കുവാര്. എന്ന് പേരിലി അവാര് ണിമാണ ണാഡ് തലെവല പട്ട്‌ക്ക്‌മ് റാജാവുഗാദ് പട്ട്‌ക്ക്‌മ് എ്ഡ്‌ത്ത് പോയി ണില്ല്‌സുവാര്. അക്കുളെ ണിമ്മ എന്ന് ണല്ല സേദിന അവാര്‌ക്കെ സൊല്ലുവേര്.

പഗ്‌ദി ആള്‌ഗ തമ്മാത്തെ ക്‌റ്‌സ്‌ത്ത് എന്ത്‌മ് പഗ്‌ദി ആള്‌ഗ തമ്മാത്തെ സാമിദാസ്‌ഗ എന്ത്‌മ് ഉറുട്ടു സൊല്ലി ബരുവാര്. അവാര് സാമി പട്ടിലിര്‌ന്ത് ബന്തവാര് എന്ത് കാട്ട്യ ബേ്ണ്ടി അദിസ്യഗാമ് അഡ്യാളഗാമ് സെയ്‌വാര്. മുഡിരദാനാക്കി സാമി തെരിന്തെ്ഡ്‌ത്ത് ഇര്‌ക്കവാര്‌ണ ഗൂഡി ഏമാത്ത്യ ഇദ്‌ഗെല്ല അവാര് സെയ്‌വാര്.

<<ഈ കജട്ടഗെല്ല തീന്ത പ്‌റ, അയ്യി കാലാത്തിലി <ണേര ഇ്റ്‌ണ്ടെക്കു, ണിലാവുദ് ബെ്ള്‌സ ഇല്ലാദായി ബരു, ബാനാത്തിലിര്‌ന്ത് ബെ്ള്ളിഗ അലേന്ത് കൊണ്ട് ഇര്‌ക്കു, ബാനാത്തിലി ഇര്‌ക്ക എല്ലാദ്‌ണാമ് അദ്‌റ്‌സി എ്ഡ്‌ത്തെക്കു.>