മറ്‌ക്കോസ് 12-ын алдартай Библийн эшлэлүүд

Хуваалцах

അക്കുളെ ഏസു സൊന്നാ്: << <ഇസ്‌റേലെ കേ്ളിരി! സാമി ണമ്മ്‌ദ് ആണ്ടവാ്ത്തെ; ഈ സാമിത്തെ ഒരേ ഒരു ആണ്ടവാ്. ഈ സാമി അല്ലാദെ ബേ്റെ ഒരു സാമി ഇല്ലെ. എല്ലാദ്‌ണാമ് ബ്‌ഡ ണമ്മ് ആണ്ടവനാന സാമിന സീവാ് ബ്‌ഡുഡൊ. അദ് എച്ചെന്ത, ണമ്മ് മനേസ്സാറ സാമിന സീവാ് ബ്‌ഡുഡൊ. ണമ്മ് ഉജുറുക്കുജുറ സാമിന സീവാ് ബ്‌ഡുഡൊ. ണമ്മ് ണെനേവിലി എപ്പ്‌മ് സാമി ഇര്‌ക്കുഡൊ. ണമ്മ് മുജുവുണ മുച്ചുഡ സാമി ബേലേക്ക് കൊഡുക്കുഡൊ.> ഇദ്‌ത്തെ മുക്ക്യമാന കല്‌പനെ. <ണിനാണ സീവാ് ബ്‌ഡ്‌റ പാസെതാനെ അഡ്‌ത്തവാര്‌ണാമ് സീവാ് ബ്‌ഡുഡൊ.> ഇദ്‌ത്തെ റണ്ടാവദ് കല്‌പനെ. ഈ റണ്ട് കല്‌പനേന ബ്‌ഡ ബേ്റെ ഒരു കല്‌പനെമില്ലെ.>>

അക്കുളെ ഏസു തന്ന് സൊല്ലുപഡി ണഡാക്കവാര്‌ണ ഒളേത്ത് ഇച്ചെ സൊന്നാ്: <<ണേര്‌മായിമ് ണാന് ണിമാക്കെ സൊല്ലുറെ, ഈ ഏ്ളെ ആയിര്‌ക്ക മ്‌ണ്ടേസി തന്നോഡെ ഇര്‌ന്ത റണ്ട് പണണ ഉണ്ട്യേക്ക് ബീ്ത്തിന. ആന എല്ലാര്‌ണ ബ്‌ഡ ഇവാത്തെ അദിഗ ബീ്ത്തിര്‌ക്കാദ്. ആള്‌ഗ ഒട്ടുക്ക് തമ്മ് സൊത്തിലിര്‌ന്ത്‌ത്തെ ബീ്ത്തിനാദ്. ആന ഈ ഏ്ളെ ആയിര്‌ക്ക മ്‌ണ്ടേസി താന് ഒന്റുമില്ലാത്തവ ആയിര്‌ന്ത് ഗൂഡി തനാക്ക് ഇര്‌ക്കാദ്‌ണ മുച്ചുഡ ബീ്ത്തിര്‌ക്ക. തനാക്ക് പെ്ളേത്ത് പോയ ഇര്‌ക്കാദ്‌ണ മുച്ചുഡ ബീ്ത്തിര്‌ക്ക.>>

ഏസു സാമികൂരേല്യ ഉണ്ട്യെ അര്‌ഗെ കുക്കാന്ത് ആള്‌ഗ കാണിക്കെ ബീ്ത്ത്‌റാദ്‌ണ ണോഡികൊണ്ടിര്‌ന്താ്. പണക്കാറാര്‌ഗ പല ആള്‌ഗാമ് മൊത്ത്‌മൊത്തന കാണിക്കെ ബീ്ത്തിനാര്. ആന ഒരു ഏ്ളെ ആയിര്‌ക്ക മ്‌ണ്ടേസി ബന്ത് ബെലെ കൊറേന്ത റണ്ട് ഒട്ടി പണണ ബീ്ത്തിന.

എല്ലാദ്‌ണ ബ്‌ഡ ണമ്മ് ആണ്ടവനാന സാമിന സീവാ് ബ്‌ഡുഡൊ. അദ് എച്ചെന്ത, ണമ്മ് മനേസ്സാറ സാമിന സീവാ് ബ്‌ഡുഡൊ. ണമ്മ് ണെനേവിലി എപ്പ്‌മ് സാമി ഇര്‌ക്കുഡൊ. ണമ്മ് മുജുവുണ മുച്ചുഡ സാമി ബേലേക്ക് കൊഡുക്കുഡൊ. ണിനാണ സീവാ് ബ്‌ഡ്‌റ പാസെതാനെ അഡ്‌ത്തവാര്‌ണാമ് സീവാ് ബ്‌ഡുഡൊ. ഈ റണ്ട് കല്‌പനേന കേ്ട്ട് ണഡാക്കാദ്‌ത്തെ ബേ്ണ്ട്‌ഗണ സുട്ടു ബൂദി ആക്ക്‌റാദ്‌ണാമ് ണേര്‌സെ പലി കൊഡുക്കാദ്‌ണാമ് ബ്‌ഡ മുക്ക്യമാനാദ്.>>

<<അച്ചാനാക്കി റോമ ണാഡ് റാജാവുക്ക് കൊഡുക്കാദ്‌ണ റോമ ണാഡ് റാജാവുക്ക് കൊഡിരി. സാമിക്ക് കൊഡുക്കാദ്‌ണ സാമിക്ക് കൊഡിരി.>> എന്ത് ഏസു സൊന്നാ്. അവാര് ഇദ്‌ണ കേ്ട്ട് എത്തറാഗൊ അദിസ്യപട്ടാര്.