ಮಾರ್ಕೆ 13-ын алдартай Библийн эшлэлүүд

Хуваалцах

ಬೊಕ್ಕ ಎನ ಪುದರ್‌ಗಾದ್ ಮಾತೆರ್ಲಾ ನಿಕ್ಲೆನ್ ಪಗೆ ಮಲ್ಪುವೆರ್. ಆಂಡ ಕಡೆ ಮುಟ್ಟ ತಾಳೊನುನಾಯಗ್ ರಕ್ಷಣೆ ಆವು.

ಆ ಕಾಲ ಏಪ ಬರ್ಪುಂಡು ಅಂದ್‌ದ್ ನಿಕ್ಲೆಗ್ ಗೊತ್ತಿಜ್ಜಾಂದಿನೆಡ್ದ್ ಎಚ್ಚರಿಕೆ ಆದಿತ್ತ್‌ದ್ ಪ್ರಾರ್ಥನೆ ಮಲ್ಪುಲೆ.

ನಿಕ್ಲೆನ್ ನ್ಯಾಯಸಭೆಕ್ಕ್ ಪತ್ತೊಂದು ಪೋದು ಒಚ್ಚಿದ್ ಕೊರ್ನಗ ಎಂಚ ಪಾತೆರೊಡು, ದಾದ ಪನೊಡು ಅಂದ್‌ದ್ ಸುರುಟ್ಟೇ ಚಿಂತೆ ಮಲ್ಪಡೆ; ಪನೊಡಿತ್ತಿ ಪಾತೆರೊಲು ಆ ಗಳಿಗೆಡ್ ನಿಕ್ಲೆಗ್ ಕಾರಣ ಆಪಿ ಪಾತೆರೊನೆ ಪನ್ಲೆ. ದಾಯೆ ಪಂಡ ಅಪಗ ಪಾತೆರುನಾಕುಲು ನಿಕುಲತ್ತ್, ಪರಿಶುದ್ಧಾತ್ಮೆನೇ ನಿಕ್ಲೆಡ್ದ್ ಪಾತೆರುವೆ.

ಬಾನಲಾ ಭೂಮಿಲಾ ಆಳಿದ್ ಪೋವು, ಆಂಡ ಎನ ಪಾತೆರೊಲು ಆಳಿದ್ ಪೋಪಿನೆ ಇಜ್ಜಿ.

“ಉಂದತ್ತಂದೆ ಆ ದಿನತ ಬಗೆಟಾವಡ್ ಆ ಗಳಿಗೆದ ಬಗೆಟಾವಡ್ ಎನ ಅಮ್ಮೆರೆಗ್ ತೆರಿಯು ಅತ್ತಂದೆ ಬೊಕ್ಕ ಏರೆಗ್ಲಾ ತೆರಿಯಂದ್. ಪರಲೋಕೊಡುಪ್ಪು ದೂತೆರೆಗ್ಲಾ ತೆರಿಯಂದ್, ಮಗಕ್ಲಾ ತೆರಿಯಂದ್.

ಉಂದತ್ತಂದೆ ಯುದ್ದೊಲು ಆಪಿನೆನ್ಲಾ ಯುದ್ದೊಲು ಆಪಿಲೆಕ್ಕ ಉಂಡು ಪನ್ಪಿ ಸುದ್ಧಿಲೆನ್ಲಾ ನಿಕುಲು ಕೇನ್ನಗ ಗಲಿಬಿಲಿ ಆವೊಡ್ಚಿ. ಇಂಚಿನ ಪರಿಸ್ಥಿತಿ ಆಪಿನವು ಅಗತ್ಯ, ಆಂಡಲಾ ಉಂದು ಅಂತ್ಯಕಾಲ ಅತ್ತ್.

ಇಲ್ಲದ ಯಜಮಾನೆ ಬೈಯಡಾವಡ್, ಮದ್ಯ ರಾತ್ರೆಡಾವಡ್, ಕೋರಿ ಕಿಲೆಪುನಗಾವಡ್, ಪುಲ್ಯ ಕಾಂಡೆಡಾವಡ್ ಏಪ ಬರ್ಪೆನಾ ನಿಕ್ಲೆಗ್ ಗೊತ್ತುದಾಂತೆ ಉಪ್ಪುನೆಡ್ದ್ ಎಚ್ಚರಿಕೆ ಆದುಪ್ಪುಲೆ. ಆಯೆ ಪಕ್ಕನೆ ಬತ್ತೆಡ, ನಿಕುಲು ನಿದ್ರೆಡ್ ಉಪ್ಪುನೆನ್ ಆಯೆ ತೂವೆರೆ ಬಲ್ಲಿ. ಯಾನ್ ನಿಕ್ಲೆಗ್ ಪಂತಿನೆನೇ ಮಾತೆರೆಗ್ಲಾ ಪನ್ಪೆ, ಎಚ್ಚರಿಕೆ ಆದುಪ್ಪುಲೆ,” ಅಂದ್‌ದ್ ಪಂಡೆ.

ಜನಾಂಗದ ವಿರೋಧಾದ್ ಜನಾಂಗೊಲುಲಾ; ರಾಜ್ಯೊಗು ವಿರೋಧಾದ್ ರಾಜ್ಯೊಲುಲಾ ಲಕ್ಕುಂಡು. ಭೂಕಂಪೊಲು ಅಲ್ಪಲ್ಪ ಆಪಿನವುಲಾ ಬರಗಾಲ ಬರ್ಪಿನವುಲಾ ಉಂದು ಮಾತ (ಪೊಸ ಯುಗ ಪುಟ್ಟುನ) ಪೆದ್ದುನಪಗ ಆಪಿ ಸುರುತ್ತ ಬೇನೆಲು.

ಆಂಡ ಅವೆಡ್ದ್ ದುಂಬು ಮಾತ ಜನಾಂಗೊಲೆಗ್ ಸುವಾರ್ತೆ ಸಾರಿಯೊಡು.

ದಾಯೆ ಪಂಡ ಕೆಲೆವೆರ್ ಬತ್ತ್‌ದ್ ಎನ ಪುದರ್ ದೆತ್ತೊಂದು, ‘ಯಾನೇ ಕ್ರಿಸ್ತೆ,’ ಅಂದ್‌ದ್ ಏತೋ ಜನೊಕುಲೆನ್ ಮೋಸೊಡು ಪಾಡೆರ್.

“ನಿಕುಲು ನಿಕ್ಲೆನ ಸಂಗತಿಡ್ ಎಚ್ಚರಿಕೆ ಆದುಪ್ಪುಲೆ. ಅಕುಲು ನಿಕ್ಲೆನ್ ನ್ಯಾಯಸಭೆಕ್ಕ್ ಒಯ್ತೊಂದು ಪೋವೆರ್; ಬೊಕ್ಕ ಸಭಾಮಂದಿರೊಲೆಡ್ ನಿಕ್ಲೆಗ್ ಹಾಕೆರ್. ಎನಡ್ದಾವರ ನಿಕ್ಲೆನ್ ಅಧಿಪತಿಲೆ ಬೊಕ್ಕ ಅರಸುಲೆ ಎದುರು ಕೊನೊವೆರ್, ಇಂಚ ಅಕ್ಲೆಗ್ ಸಾಕ್ಷಿ ಆವರ್.

ದಾಯೆಗಂದ್ಂಡ, ಸುಳ್ಳು ಕ್ರಿಸ್ತೆರ್ಲಾ ಸುಳ್ಳು ಪ್ರವಾದಿಲುಲಾ ತೋಜಿದ್ ಬರ್ವೆರ್. ಸಾದ್ಯ ಇತ್ತ್ಂಡ, ದೇವೆರ್ ಅಜತ್ ದೆತ್ತೊಂಡಿನಾಕುಲೆನ್ಲಾ ಮೋಸೊಡು ಪಾಡಿಯೆರೆಗಾದ್ ಗುರ್ತೊಲೆನ್ಲಾ ಕಾರ್ನಿಕೊಲೆನ್ಲಾ ಮಲ್ತ್‌ದ್ ತೋಜಪಾವೆರ್.

“ಉಂದತ್ತಂದೆ ಆ ದಿನೊಕುಲೆಡ್ ಆ ಸಂಕಟ ತೀರಿ ಬೊಕ್ಕ, ಸೂರ್ಯೆ ಕತ್ತಲೆ ಆದ್ ಪೋವು, ಚಂದ್ರೆ ಬೊಲ್ಪು ಕೊರಂದ್, ನಕ್ಷತ್ರೊಲು ಬಾನೊಡ್ದು ತಾಲ್ದ್ ಬೂರು ಬಾನದ ಬಲೊಲು ಪಂದ್‌ದ್ ಪೋವು.