ಮಾರ್ಕೆ 12-ын алдартай Библийн эшлэлүүд

Хуваалцах

ಯೇಸು ಅಕ್ಲೆಗ್ ಉತ್ತರ ಕೊರ್ದು, “ಇಸ್ರಾಯೇಲ್ ಜನೊಕುಲೆ ಕೇನ್ಲೆ. ‘ನಮ ದೇವೆರಾಯಿ ಕರ್ತವೆ ಒರಿಯೇ ದೇವೆರ್. ನಿನ ದೇವೆರಾದುಪ್ಪು ಕರ್ತವನ್ ನಿನ ಇಡೀ ಉಡಲ್‌ಡ್ದ್‌ಲಾ ನಿನ ಇಡೀ ಪ್ರಾಣೊಡ್ದುಲಾ ನಿನ ಇಡೀ ಶಕ್ತಿಡ್ದ್‌ಲಾ ನಿನ ಇಡೀ ಬುದ್ಧಿಡ್ದ್‌ಲಾ ಪ್ರೀತಿ ಮಲ್ಪೊಡು,’ ಪನ್ಪಿನವೇ ಸುರುತ್ತ ಅಪ್ಪಣೆ. ರಡ್ಡನೆ ಮುಖ್ಯ ಅಪ್ಪಣೆ, ‘ನಿನ ನಿರೆತಾಯನ್ ನಿನಲೆಕ್ಕನೇ ಪ್ರೀತಿ ಮಲ್ಪೊಡು,’ ಉಂದೆಡ್ದ್ ಹೆಚ್ಚಿದ ಅಪ್ಪಣೆ ಬೊಕ್ಕೊಂಜಿ ಇಜ್ಜಿ,” ಅಂದ್‌ದ್ ಉತ್ತರ ಕೊರಿಯೆ.

ಅಪಗ ಯೇಸು ತನ ಶಿಷ್ಯೆರೆನ್ ಕೈತಲ್‌ ಲೆತ್ತ್‌ದ್ ಅಕ್ಲೆಗ್, “ಕಾಣಿಕೆ ಪೆಟ್ಟಿಗೆಡ್ ಪಾಡಿನಾಕುಲೆಡ್ ಈ ಬಡ ವಿಧವೆ ಮಾತೆರೆಡ್ದ್ ಹೆಚ್ಚ್ ಪಾಡ್ದಲ್ ಅಂದ್‌ದ್ ನಿಕ್ಲೆಗ್ ನಿಜಾದ್ ಪನ್ಪೆ. ಎಂಚಂದ್ಂಡ ಮಾತೆರ್ ತನ್ಕುಲೆಗ್ ಒರಿದಿನೆಟ್ಟ್ ಪಾಡ್ದೆರ್. ಮೋಲಾಂಡಲಾ ತನ ಬಡತನೊಡ್ಲಾ ತನಡಿತ್ತಿನೆನ್ ಮಾತ ಪಾಡಿಯಲ್. ತನ ಬದ್‌ಕ್‌ನೇ ಕೊರ್ದು ಬುಡಿಯಲ್,” ಅಂದ್‌ದ್ ಪಂಡೆ.

ಯೇಸು ದೇವಾಲಯದ ಕಾಣಿಕೆ ಪೆಟ್ಟಿಗೆದ ಎದುರುಡು ಕುಲ್ಲೊಂದು, ಜನೊಕುಲು ಕಾಣಿಕೆ ಪೆಟ್ಟಿಗೆಡ್ ಕಾಸ್ ಪಾಡುನೆನ್ ತೂವೊಂದಿತ್ತೆ. ಐಶ್ವರ್ಯವಂತೆರ್ ಮಸ್ತ್ ಕಾಸ್ ಪಾಡೊಂದಿತ್ತೆರ್. ಒಂಜಿ ಬಡವೆದಿ ಕಂಡನಿ ಸೈದಿನಾಲ್ ಬತ್ತ್‌ದ್, ರಡ್ಡ್ ಕಾಸ್ ಅಂದ್ಂಡ ಒಂಜಿ ದುಗ್ಗಾಣಿ ಪಾಡಿಯಲ್.

ಆಯನ್ ನಿನ ದೇವೆರಾದುಪ್ಪು ಕರ್ತವನ್ ನಿನ ಇಡೀ ಉಡಲ್‌ಡ್ದ್‌ಲಾ ನಿನ ಇಡೀ ಬುದ್ಧಿಡ್ದ್‌ಲಾ ನಿನ ಇಡೀ ಪ್ರಾಣೊಡ್ದುಲಾ ನಿನ ಇಡೀ ಶಕ್ತಿಡ್ದ್‌ಲಾ ಬೊಕ್ಕ ತನನ್ ತಾನ್ ಪ್ರೀತಿ ಮಲ್ಪುಲೆಕ್ಕ ತನ ನಿರೆತಾಯನ್ ಪ್ರೀತಿ ಮಲ್ಪುಲ. ಉಂದು ರಡ್ಡ್‌ಲಾ ಮಾತ ಹೋಮ, ಬಲಿಡ್ದ್‌ಲಾ ಮುಖ್ಯವಾಯಿನವು,” ಅಂದ್‌ದ್ ಪಂಡೆ.

ಯೇಸು ಐಕ್, “ಕೈಸರನೆನ್ ಕೈಸರಗ್ ಕೊರ್ಲೆ ಬೊಕ್ಕ ದೇವೆರ್‌ನೆನ್ ದೇವೆರೆಗ್ ಕೊರ್ಲೆ,” ಅಂದ್‌ದ್ ಪಂಡೆ. ಅವೆನ್ ಕೇಂಡ್ದ್ ಅಕುಲು ಆಯನ ಸಂಗತಿಡ್ ಅಚ್ಚಿರ ಆಯೆರ್.