ಮತ್ತಾಯೆ 28-ын алдартай Библийн эшлэлүүд

Хуваалцах

ಅಂಚಾಯಿನೆಡ್ದ್ ನಿಕುಲು ಪೋದು ಮಾತ ಜನಾಂಗದ ಜನೊಕುಲೆನ್ ಶಿಷ್ಯೆರಾದ್ ಮಲ್ಪುಲೆ. ಅಕ್ಲೆಗ್ ಅಮ್ಮೆ ಮಗೆ ಪರಿಶುದ್ಧಾತ್ಮ ಪುದರ್‌ಡ್ ದೀಕ್ಷಾಸ್ನಾನ ಕೊರ್ಲೆ. ಯಾನ್ ನಿಕ್ಲೆಗ್ ಅಪ್ಪಣೆ ಕೊರಿನವು ಮಾತೆನ್ಲಾ ಕೈಕೊನ್ರೆ ಅಕ್ಲೆಗ್ ಬೋಧನೆ ಕೊರ್ಲೆ. ತೂಲೆ, ಯಾನ್ ಯುಗತ ಅಂತ್ಯ ಮುಟ್ಟಲಾ ಮಾತ ದಿನ ನಿಕ್ಲೆಡೊಪ್ಪ ಉಪ್ಪುವೆ,” ಅಂದ್‌ದ್ ಪಂಡೆ.

ಅಪಗ ಯೇಸು ಕೈತಲ್‌ ಬತ್ತ್‌ದ್, “ಪರಲೋಕೊಡ್ಲಾ, ಭೂಲೋಕೊಡ್ಲಾ ಮಾತ ಅಧಿಕಾರ ಎಂಕ್ ಕೊರ್ತುಂಡು.

ಅಪಗ ದೂತೆ ಆ ಪೊಂಜೊವುಲೆಡ, “ನಿಕುಲು ಪೋಡ್ಯಡೆ. ಕ್ರುಸ್ಸುಗು ಪಾಡ್ದಿತ್ತಿನ ಯೇಸುನು ನಾಡುವರ್ ಅಂದ್‌ದ್ ತೆರಿದೆ. ಆಯೆ ಮುಲ್ಪ ಇಜ್ಜೆ. ಆಯೆ ಪಂಡಿಲೆಕ್ಕನೇ ಆಯೆ ಜೀವಾದ್ ಲಕ್ಕ್‌ದೆ. ಬಲೆ, ಆಯನ್ ದೀತಿನ ಜಾಗ್‌ನ್ ತೂಲೆ.

ಯೇಸು ಅಕ್ಲೆಡ, “ಪೋಡ್ಯಡೆ, ಎನ ಸಹೋದರೆರೆ ಕೈತಲ್‌ ಪೋದು ಅಕುಲು ಗಲಿಲಾಯೊಗು ಪೋವೊಡಂದ್‌ದ್ ಪನ್ಲೆ. ಅವುಲು ಎನನ್ ತೂವೆರ್,” ಅಂದ್‌ದ್ ಪಂಡೆ.

ಮೊಕುಲು ಹಿರಿಯೆರೆಡೊಪ್ಪ ಕೂಡುದು ಆಲೋಚನೆ ಮಲ್ತ್‌ದ್ ಆ ಕಾವಲ್ದಾಕುಲೆಗ್ ಮಸ್ತ್ ದುಡ್ಡು ಕೊರ್ದು, “ಆಯನ್ ಶಿಷ್ಯೆರ್ ರಾತ್ರೆಡ್ ಬತ್ತ್‌ದ್ ಎಂಕುಲು ನಿದ್ರೆ ಮಲ್ತೊಂದುಪ್ಪುನಗ ಕಂಡೊಂದು ಪೋಯೆರ್, ಅಂದ್‌ದ್ ಪನ್ಲೆ. ಈ ಸುದ್ಧಿ ದೇಶಾಧಿಪತಿನ ಕೆಬಿಕ್ ಬೂರುಂಡ ಎಂಕುಲು ಆಯನ್ ಸಮಾಧಾನ ಮಲ್ತ್‌ದ್ ನಿಕ್ಲೆಗ್ ದಾಲಾ ತೊಂದರೆ ಆವಂದಿಲೆಕ್ಕ ಮಲ್ಪುವ,” ಪಂಡೆರ್. ಮೊಕುಲು ಆ ದುಡ್ಡುನು ದೆತ್ತೊಂದು ತನ್ಕುಲೆಗ್ ಪಂಡ್ದ್ ಕೊರಿಲೆಕ್ಕನೇ ಮಲ್ತೆರ್. ಈ ಪಾತೆರ ಇನಿಕ್ಲಾ ಯೆಹೂದ್ಯೆರೆಡ್ ಪರಡ್ದುಂಡು.