ಮತ್ತಾಯೆ 27-ын алдартай Библийн эшлэлүүд

Хуваалцах

ಸುಮಾರ್ ಮೂಜಿ ಗಂಟೆಗ್ ಯೇಸು, “ಎಲೀ, ಎಲೀ, ಲಮಾ ಸಬಕ್ತಾನಿ?” ಪಂಡ, “ಎನ ದೇವೆರೇ, ಎನ ದೇವೆರೇ, ದಾಯೆಗ್ ಎನ ಕೈ ಬುಡ್ತ?” ಅಂದ್‌ದ್ ಮಲ್ಲ ಸ್ವರೊಟ್ಟು ಬುಲ್ತೆ.

ಅಪಗ ದೇವಾಲಯದ ಪರದೆ ಮಿತ್ತ್‌ಡ್ದ್ ತಿರ್ತ್ ಮುಟ್ಟ ಪರಿದ್ ರಡ್ಡ್ ಪಾಲ್ ಆಂಡ್. ಭೂಮಿ ಅದ್‌ರ್ಂಡ್, ಪಾದೆ ಭಾಗ ಆಂಡ್, ಸಮಾಧಿಲು ಜತ್ತ್ಂಡ್. ಸೈತ್ ಪೋತಿ ಮಸ್ತ್ ದೇವಜನೊಕುಲೆ ಶರೀರೊಲು ಲಕ್ಕಿಯ.

ಯೇಸು ಕುಡ ಮಲ್ಲ ಸ್ವರೊಟ್ಟು ಬುಲ್ತುದು ಪ್ರಾಣ ಬುಡಿಯೆ.

ಅಪಗ ಶತಾಧಿಪತಿ ಬೊಕ್ಕ ಆಯಡೊಪ್ಪ ಯೇಸುನು ಕಾತೊಂದಿತ್ತಿ ಸಿಪಾಯಿಲು ಭೂಕಂಪಲಾ ನಡೆತಿನ ಸಂಗತಿಲೆನ್ಲಾ ತೂದು ಮಸ್ತ್ ಪೋಡಿದ್ ಪೋಯೆರ್, “ನಿಜಾದ್‌ಲಾ ಉಂಬೆ ದೇವೆರೆ ಮಗೆ ಆದಿತ್ತೆ,” ಪಂಡೆರ್.

ಮಧ್ಯಾಹ್ನ ಪದ್ರಾಡ್ ಗಂಟೆಡ್ದ್ ಮೂಜಿ ಗಂಟೆ ಮುಟ್ಟ ಆ ದೇಶದ ಮಿತ್ತ್ ಕತ್ತಲೆ ಆಂಡ್.

ಐಕ್ ಪಿಲಾತೆ, “ಅಂಚಾಂಡ ಕ್ರಿಸ್ತೆ ಪನ್ಪಿನಾಯೆ ಯೇಸುನು ಯಾನ್ ದಾನೆ ಮಲ್ಪೊಡು?” ಅಂದ್‌ದ್ ಕೇನ್ನಗ ಮಾತೆರ್ಲಾ, “ಆಯನ್ ಕ್ರುಸ್ಸುಗು ಪಾಡ್ಪಾಲ,” ಪಂಡೆರ್. ಐಕ್ ಆಯೆ, “ದಾಯೆಗ್? ಅಂಚಿನ ದಾದ ಹಾಳ್ ಬೇಲೆ ಮಲ್ತ್‌ದೆ?” ಪಂಡೆ. ಆಂಡ ಅಕುಲು, “ಆಯನ್ ಕ್ರುಸ್ಸುಗು ಪಾಡ್ಪಾಲ,” ಪಂಡ್ದ್ ಬೊಕ್ಕಲಾತ್ ಬೊಬ್ಬೆ ಪಾಡಿಯೆರ್.