Mo꞉mo꞉do꞉ 25-ын алдартай Библийн эшлэлүүд

Хуваалцах

La꞉ba꞉ga e alela꞉likiyo꞉, so꞉wa ko꞉lo꞉ kufa꞉ us amilo꞉ sab a꞉no꞉ ida꞉nino꞉ ani tandelabiki, eyo꞉ a꞉la꞉asulo꞉, “Ni kufa꞉ usamilo꞉ dimidab we, wangaki gaba꞉le?” A꞉la꞉fo꞉ko꞉lo꞉ eyo꞉ a꞉la꞉asulakiyo꞉, Yawemo꞉ dabu ba꞉dabiki, Yawe eyo꞉ emo꞉wo꞉ a꞉la꞉sio꞉, “Gi kufa꞉ usamilo꞉ so꞉wa a꞉la꞉ sab koma꞉yo꞉, tif amio꞉ so꞉lo꞉ a꞉la꞉ alobanala꞉fa꞉ib. So꞉lo꞉ nowo꞉ halaido꞉ dowaki, nowo꞉ tiginila꞉ma꞉ib a꞉la꞉ta꞉ga꞉ wa꞉la꞉bo꞉ tifa꞉ nanog dian kalu doma꞉ib.”

Iso꞉ eyo꞉ Ya꞉kobo꞉wo꞉ a꞉la꞉sio꞉, “Ne mada maiyab ko꞉lo꞉ ma꞉no꞉ gilo꞉ so꞉fa꞉ genelo꞉ ko, nelo꞉ dimina.” (Eyo꞉ a꞉la꞉sio꞉ ko꞉lo꞉, Iso꞉ ene wiyo꞉ nowo꞉ Idom.)

Aisa꞉ga꞉ ingayo꞉ fain dowabiki, e asuwa꞉foma꞉ki Yawemo꞉ dulugu sio꞉. Eyo꞉ a꞉la꞉gabiki, Yawe eyo꞉ elo꞉ to sio꞉ a꞉no꞉ da꞉da꞉sa꞉ga꞉, La꞉ba꞉gayo꞉ asuwa꞉tabiki, a꞉na alelo꞉.

Iso꞉ eyo꞉ a꞉la꞉sio꞉, “Ne maiyo꞉wo꞉ alan dowaki, soma꞉no꞉wo꞉ o꞉ngo꞉ dowab ko꞉lo꞉, ne maiyo꞉ sowalega, wa꞉la꞉b so꞉wa wi a꞉ma꞉yo꞉ waga asuwa꞉fa꞉iba?” Ya꞉kob eyo꞉ towo꞉ a꞉la꞉sio꞉, “Ge tamina Godeya꞉ si wa꞉l amio꞉ dinali saefoma.” A꞉la꞉fo꞉ko꞉lo꞉ Iso꞉ eyo꞉ dinali sa꞉la꞉sa꞉ga꞉ dimiabiki, Ya꞉kob e wa꞉la꞉b o꞉ngo꞉wo꞉ a꞉na dowo꞉.

A꞉ma꞉ fa꞉s amio꞉ ene aowo꞉ handalowakiyo꞉, eyo꞉ Iso꞉wa꞉ gido꞉fo꞉ doma ta꞉lidota꞉ga꞉ handalowo꞉ ko꞉lo꞉, so꞉wa a꞉no꞉ Ya꞉kob wikilo꞉. La꞉ba꞉ga eyo꞉ so꞉wa a꞉la꞉ a꞉no꞉ sa꞉la꞉liabikiyo꞉, Aisa꞉g e donayo꞉ 60 a꞉la꞉fo꞉ dowo꞉.

Aisa꞉g e, Iso꞉ elo꞉ no꞉ bululakilo꞉ ho dia꞉yab a꞉no꞉ ma꞉no꞉wo꞉ alan asulab ko꞉lo꞉, eyo꞉ Iso꞉wo꞉ mada alan asulo꞉. Ko꞉sega La꞉ba꞉ga eyo꞉ Ya꞉kobo꞉ mada alan asulo꞉.