Mo꞉mo꞉do꞉ 24-ын алдартай Библийн эшлэлүүд

Хуваалцах

A꞉na silikiyo꞉, eyo꞉ Godemo꞉ dulugu sa꞉laki, “Wiso꞉ Yawe, ni misa꞉ Ablahama꞉ Godeyo꞉ ge ko꞉lo꞉, giyo꞉ ni misa꞉ Ablaham emo꞉wo꞉ ha꞉fo꞉wo꞉ disa꞉lakiyo꞉, nilo꞉ o꞉gdo꞉ nanog dimidama꞉nigo꞉l we nafa fa꞉la꞉doma꞉ki, ne asuwa꞉ta꞉bi.

A꞉la꞉ta꞉ga꞉ niyo꞉ ga bolo꞉ imilig o꞉mo꞉wo꞉ a꞉la꞉sa꞉ma꞉no꞉, ‘Go꞉fo꞉ gilo꞉ amilo꞉ ho꞉n wasu a꞉no꞉ nelo꞉ ma꞉ni dimena,’ a꞉la꞉dabu ba꞉ba꞉no꞉ ko꞉lo꞉, ga abeya꞉le a꞉ma꞉la꞉ sa꞉laki, ‘A꞉ ho꞉n we gelo꞉ maiya,’ a꞉la꞉ta꞉ga꞉ ‘Gi ka꞉mol o꞉mo꞉wo꞉lo꞉ ho꞉no꞉ maiya꞉ki mea꞉nigo꞉l’ ga abeya꞉le a꞉la꞉sa꞉lalega, ga a꞉no꞉ Gode gilo꞉ Aisa꞉g e dia꞉ib a꞉la꞉do꞉ da꞉feyo꞉wo꞉ elo꞉b a꞉la꞉asuluma꞉no꞉. Giyo꞉ a꞉la꞉dimidalega, giyo꞉ ni misa꞉ kalu Ablaham emo꞉wo꞉ ha꞉fo꞉wo꞉ disa꞉labo꞉lo꞉b a꞉la꞉asuluma꞉no꞉.” Nanog kalu eyo꞉ a꞉la꞉dulugu sio꞉.

A꞉no꞉ da꞉da꞉sa꞉ga꞉, Aisa꞉g eyo꞉ La꞉ba꞉gayo꞉ anowa꞉ so꞉g aya tililia꞉gane. A꞉la꞉ta꞉ga꞉ La꞉ba꞉gayo꞉ a꞉na di. A꞉la꞉fo꞉ko꞉lo꞉ Aisa꞉g eyo꞉ ingayo꞉ alan asula꞉sa꞉ga꞉, emo꞉wo꞉ ha꞉fo꞉ disa꞉. A꞉la꞉ta꞉ga꞉ Aisa꞉ga꞉ anowo꞉ sota꞉ga꞉lo꞉ elen amilo꞉ kele asulo꞉ a꞉no꞉, La꞉ba꞉ga eyo꞉ Aisa꞉go꞉ ege alifa꞉.

Iliyo꞉ e sagala꞉li hamana꞉ki a꞉la꞉sio꞉, “Ni nado, geya a꞉la꞉ta꞉ga꞉yo꞉ so꞉lo꞉wo꞉ mada alan fa꞉la꞉dowa꞉i hamana꞉ki asulab. So꞉lo꞉ gilo꞉ma꞉yo꞉ gis kalu nol ko꞉lo꞉ tinia꞉ mela꞉no꞉wo꞉ halaido꞉ dowa꞉melea꞉ki asulab,” a꞉la꞉sio꞉.

Ablahama꞉ ene nanog dian kalu nowo꞉, e o꞉lia꞉lo꞉ eleno꞉ donayo꞉ modo꞉ gulula꞉ ko꞉lo꞉, ene kelego꞉wo꞉ tambo kalu emo꞉ bo꞉fo꞉melea꞉ki ta꞉ta꞉sen. A꞉la꞉ta꞉ga꞉ Ablaham eyo꞉ emo꞉wo꞉ a꞉la꞉sio꞉, “Gi dagiyo꞉ ni fe ha꞉ga golofo꞉laliki, Yawe Hebenelo꞉ biso꞉ o꞉lia꞉ henfelo꞉lo꞉ bo꞉fo꞉lab o꞉lia꞉ma꞉ ene si wa꞉l amio꞉, giyo꞉ mada a꞉la꞉dinali sa꞉la꞉bi. Giyo꞉ Aisa꞉go꞉ gayo꞉ dima꞉kiyo꞉, hen nelo꞉ so꞉l Ka꞉ina꞉n ga we, giyo꞉ mo꞉nenela꞉ma꞉no꞉ a꞉la꞉likiyo꞉ dinali sama. Ko꞉sega giyo꞉ no꞉no꞉n amisa꞉ndeya ha꞉na꞉ga꞉, no꞉no꞉n so꞉lo꞉le us a꞉namio꞉, ni so꞉wa Aisa꞉ga꞉ ene gayo꞉ nenela꞉sa꞉ga꞉ sametakiyo꞉, ga a꞉no꞉ ko꞉lo꞉ tililia꞉ mia꞉no꞉, a꞉la꞉dinali sama.”