Handelinge - In Sy Krag: Gister en VandagПримерок

Lees: Handelinge 9

SOAP: Handelinge 9:31

Bemoediging is ‘n kragtige wapen teen ontmoediging, angs, depressie, vrees, woede en stres. Vrede is nog ‘n kragtige wapen teen hierdie dinge. God se vrede hou oor ons harte en gedagtes die wag en gaan alle verstand te bowe. (Filippense 4:7) 

Die vroeë kerk het hierdie vrede beleef. Hulle is versterk namate hulle op die vrede wat God voorsien het, gefokus het. Solank hulle hul fokus op die Here behou het, is hulle bemoedig. Die bediening van die Heilige Gees in hulle lewens, individueel en gesamentlik, het hulle hierdie vrede, bemoediging en krag laat beleef.

Solank ons op God gefokus bly, kan ons die vrede wat Hy graag vir ons wil gee, ontvang en beleef. Hy is genadig en sorgsaam en begeer om in ons behoeftes te voorsien. Die vroeë kerk is voortdurend versterk en hulle ledetal het voortdurend gegroei, omdat hulle op God gefokus gebly het. God is vandag steeds getrou. Net soos die vroeë kerk sal Hy ons ook versterk, solank ons harte en lewens op Hom gefokus bly. 

Vader God, dankie vir u vrede wat alle verstand te bowe gaan. Dankie dat U my versterk wanneer ek dit die nodigste het. Laat u vrede my hart oorweldig en versterk u mense. Maak my oë oop om te sien wie ek vandag kan bemoedig. Amen.