LUK 16
16
Nzem se lelo nzimi
1Yezu wusiama balongoko ba ndé: Bali mwese wa mvami wakiali andi mwese wani wa wisika bimi biandé. kasi bu musiama le mundu wani wa wisika biandé wu bebesa nzimi ya ndé. 2Wabiele mundu wisika bimi biandé se wu musiama:» Nkie nze woka? nsiami mè ambwene nze dereka bimi bia mè, munga nze lokanze fwete kali diagi mundu wa kudereka bimi bia mè.» 3Kungwe, ntwarisi mwene wutora ku muteme wande le:» loka mè ngieba nkiere nkie, mpambi lo Mfumu wa mè welé mu kuntiele mu kisali ka mè. loka mè bwere ba kukiere kisali kabwere se ngielé ti lilende la kulomo Nzem. 4Mè mu ngieba yani ngi kiere mè munga le bandi bu ngiembe ku manzo ma bà kungwe la kuntiele mu kisali ka mè. 5Wabiele bandi banswene bakiali andi ma mfuku mà mfumu wa ndé. Wafulu mundu wa tobo:» Ntali kwe nze fwete futu kwelé mfumu wa mè?» 6Ndé wufurula:» Mafundu matari nkami nsambwari ya ba litre ba metse ma olive.» se wu musiama:» Siene mukandi wanze, bianzi nswali se mpe fundu limwese nkami kinani andi makweme matene ma ba litre.» 7Wafulu mundu wa yuele: se nze, ntali kwe nze fwete pà?» wufurula mafundu makweme mwele ma bakilo ba blé.» «siene mukandi wanze mpe mafundu kweme amasiami ma kilo.» 8Mfumu wa mundu wani dereka bimi biandé wa kona masongo wawo kiese mu kukiere kimi ka mayele; munga bandi ba meine mà belé mayele mavul mu kutwarisi bisali bia bà wakalé bandi ba nseme.» 9Se Yezu wulaba kutoro:» Lilani mè lishama: likiali ba nduku andi bimvami bia meine, munga le, tang yiyà bia kwelé be, bu liyambi manzo ma Nzem kimakolo. 10Le be lélé masongo mu bimi bia bikieke, liyikali se masongo mu bimi bia binene. Kasi le loka be masongo mu bimi bia bikieke, loka be liyikali masongo mu bimi bia binene. 11Le loka be se masongo andi kivuvu mu kutwarisi bimvami bia meine, ambwene bandi buyi lisielele kivuvu andi bimvami bia kiereke? 12Le lokanze akiali ti kivuvu munga kutwarisi bimi bie biele bia Bandi basa, abwani lokele muntembe Nzem lokande uyipa kimi munga nzekakwa utwarisi. 13Lokakwa mundu fwete kierelé ba mfumu bwele. Munga nze fwete meing mwese se mazolo wani wasà; Bè liyi zingi andi mwese se la meing wani mwese. Loka bè mpili ya ku kierelé mu mbalimwese Nzem andi nzimi.» 14Tang awé Bamfarisi Yezu utora mambi mà, bakiali bu museka munga bakiali ti kwibi la nzimi. 15Yezu wu bashama:» Bè, bè libimwenesa bandi ba masongo kumisi mia bandi, kasi Nzem wuyebe miteme mia bè. Bubwani, yani zola bandi loka yà mfunu kuboso la Nzem.
Mansik se kimfumu ka Nzem
(Mt. 18:12-24)
16Tii kwelé Zaa Mbotiki, nsik ya Moize andi ma ndaa ma bangianzi ma lisharisa. Kasi tang le, Nsangi ya mboto ya kimfumu ka Nzem ya lwengama, se bandi banswene buzola buwini. 17Kasi lokakwa mpasi le ndie andi meine manswene muyi lé se mu kubumu kikimi kimwese ka nsik.
(Mt. 5:32)
18Mundu wanswene wani wa yiri mukiatsi wa ndé se wa kwele wasà wakiere bizumbu; se bali wani wawolo mukandi wani ba yiri mu wali wakiere bizumbu.
Mundu wa mvami andi mbolo Lazare
19Tang limwese akiali andi mundu mwese wa mvami wa bwasa biposo bia ntali se wa zinga konso kilwomo lizingi la ntali. 20Akiali se ti nsukami mwese muzini La Lazare wakiali ti bito munoro nde ya mutsini. Bandi basà bamutwali se bamusa bu kibieni ka nzo ya mvami. 21Se wadiga maton mà asisa mvami. yasà, bambwa buya se bayandigi kulere bito biande. 22Mbolo wafha, se Bawanzio ba musiene munga ku mutwali mumbimi ya Taa Abalayam. Mvami wafha, se wa muzi. 23Wawè bilungi. Wasene misi, wamono kukwele Abalayam andi Lazare mumbimi ya ndé. 24Mvami wasà mikwè:» Taa Abalayam, ngwekele ngiebe, mutweme Lazare wu shi lipini la ndé mu manza munga ku mbwisi lileme mpio, munga mè ngielé mu mpasi ya ngolo ya mbaa yé. 25Kasi Abalayam ufurula le:» Mwani mè, lokubili le tang akiali nze mu lizingi, nze akiali ti bimi bia mboto, kasi Lazare wakiali ti mpasi. kasi tang le nde usiena ndendisi tang woka nze mpasi yayinene. 26Ngika abo, kwelé andi zwini la bwele mubo labisi, mu mpili le bani buzola kuyà kwani kwelé bè bu to kuyà, se mundu loka ndé mpili ya kutie kwani kwelé bè ti ko kwelé bisi. 27Mvami usiama Abalayam le:» le mazolo, Taa Abalayam, mutweme Lazare kwelé bampeing ba mè. 28Munga mè ngielé ti bampeing batene. bubwani, muwetse uwebasiami bubwimi miteme, munga butokuya bukibo kie kampasi yavul. 29Abalayam wufurula: Moize andi bangianzi ba bashami. Bampeing ba bè bafwete tang mansik maswenama. 30Mvami wufurula: Lo, Taa Abalayam, le mundu wa kafha wawè balongo, buyi bumu miteme. 31Kasi Abalayam wu musiama le:» le loka bà bazitisi mansik ma Moize se mikandi mia bangianzi, loka bà bukesa le bubwimi miteme ata le mundu mwese watie kwelé bandi bakafha wawè bashami.»
Селектирано:
LUK 16: SOO
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Smgo (Songo) Bible by Beyond Translation is licensed under Creative Commons Attribution-ShareAlike 4.0 License.
LUK 16
16
Nzem se lelo nzimi
1Yezu wusiama balongoko ba ndé: Bali mwese wa mvami wakiali andi mwese wani wa wisika bimi biandé. kasi bu musiama le mundu wani wa wisika biandé wu bebesa nzimi ya ndé. 2Wabiele mundu wisika bimi biandé se wu musiama:» Nkie nze woka? nsiami mè ambwene nze dereka bimi bia mè, munga nze lokanze fwete kali diagi mundu wa kudereka bimi bia mè.» 3Kungwe, ntwarisi mwene wutora ku muteme wande le:» loka mè ngieba nkiere nkie, mpambi lo Mfumu wa mè welé mu kuntiele mu kisali ka mè. loka mè bwere ba kukiere kisali kabwere se ngielé ti lilende la kulomo Nzem. 4Mè mu ngieba yani ngi kiere mè munga le bandi bu ngiembe ku manzo ma bà kungwe la kuntiele mu kisali ka mè. 5Wabiele bandi banswene bakiali andi ma mfuku mà mfumu wa ndé. Wafulu mundu wa tobo:» Ntali kwe nze fwete futu kwelé mfumu wa mè?» 6Ndé wufurula:» Mafundu matari nkami nsambwari ya ba litre ba metse ma olive.» se wu musiama:» Siene mukandi wanze, bianzi nswali se mpe fundu limwese nkami kinani andi makweme matene ma ba litre.» 7Wafulu mundu wa yuele: se nze, ntali kwe nze fwete pà?» wufurula mafundu makweme mwele ma bakilo ba blé.» «siene mukandi wanze mpe mafundu kweme amasiami ma kilo.» 8Mfumu wa mundu wani dereka bimi biandé wa kona masongo wawo kiese mu kukiere kimi ka mayele; munga bandi ba meine mà belé mayele mavul mu kutwarisi bisali bia bà wakalé bandi ba nseme.» 9Se Yezu wulaba kutoro:» Lilani mè lishama: likiali ba nduku andi bimvami bia meine, munga le, tang yiyà bia kwelé be, bu liyambi manzo ma Nzem kimakolo. 10Le be lélé masongo mu bimi bia bikieke, liyikali se masongo mu bimi bia binene. Kasi le loka be masongo mu bimi bia bikieke, loka be liyikali masongo mu bimi bia binene. 11Le loka be se masongo andi kivuvu mu kutwarisi bimvami bia meine, ambwene bandi buyi lisielele kivuvu andi bimvami bia kiereke? 12Le lokanze akiali ti kivuvu munga kutwarisi bimi bie biele bia Bandi basa, abwani lokele muntembe Nzem lokande uyipa kimi munga nzekakwa utwarisi. 13Lokakwa mundu fwete kierelé ba mfumu bwele. Munga nze fwete meing mwese se mazolo wani wasà; Bè liyi zingi andi mwese se la meing wani mwese. Loka bè mpili ya ku kierelé mu mbalimwese Nzem andi nzimi.» 14Tang awé Bamfarisi Yezu utora mambi mà, bakiali bu museka munga bakiali ti kwibi la nzimi. 15Yezu wu bashama:» Bè, bè libimwenesa bandi ba masongo kumisi mia bandi, kasi Nzem wuyebe miteme mia bè. Bubwani, yani zola bandi loka yà mfunu kuboso la Nzem.
Mansik se kimfumu ka Nzem
(Mt. 18:12-24)
16Tii kwelé Zaa Mbotiki, nsik ya Moize andi ma ndaa ma bangianzi ma lisharisa. Kasi tang le, Nsangi ya mboto ya kimfumu ka Nzem ya lwengama, se bandi banswene buzola buwini. 17Kasi lokakwa mpasi le ndie andi meine manswene muyi lé se mu kubumu kikimi kimwese ka nsik.
(Mt. 5:32)
18Mundu wanswene wani wa yiri mukiatsi wa ndé se wa kwele wasà wakiere bizumbu; se bali wani wawolo mukandi wani ba yiri mu wali wakiere bizumbu.
Mundu wa mvami andi mbolo Lazare
19Tang limwese akiali andi mundu mwese wa mvami wa bwasa biposo bia ntali se wa zinga konso kilwomo lizingi la ntali. 20Akiali se ti nsukami mwese muzini La Lazare wakiali ti bito munoro nde ya mutsini. Bandi basà bamutwali se bamusa bu kibieni ka nzo ya mvami. 21Se wadiga maton mà asisa mvami. yasà, bambwa buya se bayandigi kulere bito biande. 22Mbolo wafha, se Bawanzio ba musiene munga ku mutwali mumbimi ya Taa Abalayam. Mvami wafha, se wa muzi. 23Wawè bilungi. Wasene misi, wamono kukwele Abalayam andi Lazare mumbimi ya ndé. 24Mvami wasà mikwè:» Taa Abalayam, ngwekele ngiebe, mutweme Lazare wu shi lipini la ndé mu manza munga ku mbwisi lileme mpio, munga mè ngielé mu mpasi ya ngolo ya mbaa yé. 25Kasi Abalayam ufurula le:» Mwani mè, lokubili le tang akiali nze mu lizingi, nze akiali ti bimi bia mboto, kasi Lazare wakiali ti mpasi. kasi tang le nde usiena ndendisi tang woka nze mpasi yayinene. 26Ngika abo, kwelé andi zwini la bwele mubo labisi, mu mpili le bani buzola kuyà kwani kwelé bè bu to kuyà, se mundu loka ndé mpili ya kutie kwani kwelé bè ti ko kwelé bisi. 27Mvami usiama Abalayam le:» le mazolo, Taa Abalayam, mutweme Lazare kwelé bampeing ba mè. 28Munga mè ngielé ti bampeing batene. bubwani, muwetse uwebasiami bubwimi miteme, munga butokuya bukibo kie kampasi yavul. 29Abalayam wufurula: Moize andi bangianzi ba bashami. Bampeing ba bè bafwete tang mansik maswenama. 30Mvami wufurula: Lo, Taa Abalayam, le mundu wa kafha wawè balongo, buyi bumu miteme. 31Kasi Abalayam wu musiama le:» le loka bà bazitisi mansik ma Moize se mikandi mia bangianzi, loka bà bukesa le bubwimi miteme ata le mundu mwese watie kwelé bandi bakafha wawè bashami.»
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Smgo (Songo) Bible by Beyond Translation is licensed under Creative Commons Attribution-ShareAlike 4.0 License.