LUK 13
13
Kubumu muteme kwele mfunu
1Kaka Mu tang lilani, bandi basà bayà kwelé Yezu se bu musiama le Pilate wapè nswa le buzwi bandi basà bani batwé ku Galileya. Bapumbulu ba ndé bazwa bandi bani bapeka kitambiki. 2Yezu ufurula le:» be liyindila le bandi bani bafhi bani munga bakiali bandi ba masomo bakalé bandi basà banswene bani batwé kundambi ya Galileya? 3Lo! se mè lishama le loka bè kubumu miteme mu masomo ma be, be lanswene liyi fha kitese kimwese anga bà. 4Mpili yakiali munga bandi bani kweme andi kinani bani bafhi bani tang abwi nzo yabwele ku Siloyame bundie la bà nze yindila le bakiali andi masomo mavul makalé bandi basà bani babianzika kumbanzi ya Yelusalem? 5Lo, se mè lishama diagi mbali yé: le loka bè kubumu miteme mu masongo bè, liyi fha se anga bà. 6Yezu wu bashama kingani kimwese. Akiali andi mundu mwese wakiali andi mute wa figi mu yuo la ndé la vini. Tang fwete kuto mute wani mbeing la lung, wawè dere le mute wa figi welé andi mbeing; kasi loka ndé wamwene ata libeing limwese. 7Tang le, usiama mundu wa kisali wa mayuo mande le:» ngwelé, mvul tari mè ngiaka konso tang pà muku ti dié mbeing ya figi mu mute wo wa figi, se loka mè kubu ata libeing limwese. Lilani, mutswili! lokakwa mfunu le ubebese meine mamboto.» 8Kasi Mundu wa mansambi wufurula le: Mfumu, wuwetse mvul mwese diagi, mè ngi timi mumbimi ya ndé se ame ngi sà nsasi. 9Se le waboro mbeing mumvul ya muswo, kuyi kali mboto kibene. kasi le abwani lo, mungi mutsulu munga nze.
Yezu wa gulusu mundu mu kilwomo ka kupeme
10Kilwomo kimwese ka kupeme, Yezu wakiali ulonga bandi mu kibo kakimvuku ka bayuda. 11Akiali pani andi mukandi mwesi wakiali ti muwungu wa mbi wa mupeka bukiali mvul kweme andi kinani; wakiali wa kabené se loka ndé wa kweka kusubu. 12Tang amumwene Yezu, wa mubiela uyi kwele nde se wutora le:» Mukandi wa lizolo, Nzem wa kuzwinisi mu bukiali banze.» 13Kungwe, Yezu wasà mio miande, se mbalimwese wa mari. kungwe wa yandiki kupà likumu se kupà Nzem matondo munga wa mugulusu. 14Kasi mfumu wa kibo kakimvuku ka bayuda wawo buporo munga Yezu wa zwinisi mundu mu kilwomo kimwese ka kupeme. tang le usiama bandi: «bilwomo bisiami bia mposo munga kukiere kisali. tang le mu bilwomo biani yia se yasiene luguluku, kasi kwele mbi mu kugulusu mu kilwomo ka kupeme!» 15Mfumu Nzem wu mufirila: be bandi ba bumpali! nà mundu mubo labe ampa wusorola ngombo wa ndé wa mudimi lelo mpundu wa ndé mising munga wu batwali mu kubanwisi manza mu kilwomo ka kupeme? 16Bubwani, lokakwa kwelé mbi mu kutiele Mukandi wo mu bukiali ba ndé mu kilwomo ka kupeme. munga ndé welé mutili wa Abalayam, se Satani wa munwekele mu bukiali bà yandiki mamvul kweme andi kinani. 17Bà ampa bazwela Yezu bawo nswene tang atwere nde abwani. kasi bandi basà bakiali kwani bawo kiese kavul mpambi lo bamwene Yezu ukiera mambi mavul mangitiki.
Kingani ka mbeing ya motarde andi leviri mweme wa mampa
(Mt. 13:31-33; Mk. 4:30-32)
18Yezu wafulu:» Andi nkie kimfumu ka Nzem kifenena? Andi nkie be likitesa? 19Kielé anga nkene ya motarde yé makono Mundu mu mayuo ma ndé. yikola tii yayia mute wa munene kibene, se banini bandie batisa mayami mu nte.» 20Yezu wafulu diagi:» Andi nkie mfwete tèse diagi kimfumu ka Nzem? 21Kielé anga mweme wa mampa wani kierela mukandi mampa: wusiena mweme wa mampa wa vuku andi mfumbu ya mampa yavul, kasi mweme wa mampa wa bimisi poto-poto lanswene.
Liwini mu mwani mbele wa mukieke
22Tang awega Yezu kumbanzi ya Yelusalem kimvuku ti balongoko bande, wa longo bandi mu ma mbanzi se mu mabwali makiali mfinama ti nzili mwene.
(Mt. 7:13-14)
23Mundu mwesi wafulu Yezu:» Mfumu Nzem, kwelé kaka bandi ndambi nze yi gulusu?» 24«Lisi kingolongolo kanswene munga mu kuwini mu kimfumu ka Nzem, kie kielé anga kibieni ka kikieke munzo. mè lishama le bavul buyi meke kuwini, kasi loka bà buyiko kuwini.
(Mt. 7:13-14)
25Tang le mfumu wa nzo wa mari se wabiami kibieni, wuyi kusa, wuyibere kibieni, se wuyi bwenze le,» mfumu, kisweré bisi kibieni! kasi mfumu wa manzo wuyi litono le lokande wu liyebe. 26Kungwe, yiyandiki kutoro le,» kasi mfumu, kadi kibo kimwese andi nze. Se kanwi kibo kimwese andi nze. 27Kasi wuyi toro diagi: mè loka mè ngieba be lélé bandi ba nkwené; litié kuboso la mè, be lanswene, bandi ba mbi! 28Pupani be liyi lelé se liyidia mazini andi buporo, munga liyimono Abalayam, kizaki andi Yakobo, andi bangianzi banswene mubo la liyali la kimfumu ka Nzem, kasi bekakwa buyi lipinzi. 29Bandi buyiyà ku Esti andi ku luwesti, ku nodi andi ku sidi, buyi bianzi bumèse mankienze mubo la liyali la Kimfumu ka Nzem. 30Bandi basà bani ampa belé andi mfunu yavul buyikali se bandi ba mfunu, se bandi basà belé mfunu nobo loka bà se buyikali andi mfunu.
Yezu wele kulabi nzili yandé ku Yelusalem
31Kaka mu tang lilani, Ba mfarisi basà bayà se butora kwele Yezu le: «Tié pà mpambi lo Erodi, Mfumu uzola ku kuzwa.» 32Yezu wu mufirila:» we musiami Erodi, wani welé andi mayele mambi anga mukieng, le mè ngi yiri miwungu mia mbi se ngi zwinisi bandi nobo andi muswo; se mu kilwomo ka tari mè ma mèse kisali ka mè. 33E, mè mfwete kuwè ka mè nobo, muswo andi kilwomo ka kulabi; lokakwa kwelé mboto mu kuzwa ngianzi kibo kasà, kaka mubo la mbanzi ya Yelusalem.
(Mt. 7:13-14)
34Bè, bandi ba Yelusalem, be lélé andi kikalili ka kuzwa andi ka kulwomo mikulu konso tang bangianzi bani litwemena Nzem. Mè nzola kusà ko la mè bundie la bandi ba be banswene, mpili wisika nko wa mukiatsi bani ba ndé kumasini ma biyabi biandé. Kasi be loka be lazwele le mè nkiere. 35Se tang lé Nzem wuyi wetse bandi ba nze, mè kushama, kilwomo kiani yitoro nze:» kuyà kamboto! Nzem wu kusampulu nze wani mayà muzini la Mfumu Nzem.»
Селектирано:
LUK 13: SOO
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Smgo (Songo) Bible by Beyond Translation is licensed under Creative Commons Attribution-ShareAlike 4.0 License.
LUK 13
13
Kubumu muteme kwele mfunu
1Kaka Mu tang lilani, bandi basà bayà kwelé Yezu se bu musiama le Pilate wapè nswa le buzwi bandi basà bani batwé ku Galileya. Bapumbulu ba ndé bazwa bandi bani bapeka kitambiki. 2Yezu ufurula le:» be liyindila le bandi bani bafhi bani munga bakiali bandi ba masomo bakalé bandi basà banswene bani batwé kundambi ya Galileya? 3Lo! se mè lishama le loka bè kubumu miteme mu masomo ma be, be lanswene liyi fha kitese kimwese anga bà. 4Mpili yakiali munga bandi bani kweme andi kinani bani bafhi bani tang abwi nzo yabwele ku Siloyame bundie la bà nze yindila le bakiali andi masomo mavul makalé bandi basà bani babianzika kumbanzi ya Yelusalem? 5Lo, se mè lishama diagi mbali yé: le loka bè kubumu miteme mu masongo bè, liyi fha se anga bà. 6Yezu wu bashama kingani kimwese. Akiali andi mundu mwese wakiali andi mute wa figi mu yuo la ndé la vini. Tang fwete kuto mute wani mbeing la lung, wawè dere le mute wa figi welé andi mbeing; kasi loka ndé wamwene ata libeing limwese. 7Tang le, usiama mundu wa kisali wa mayuo mande le:» ngwelé, mvul tari mè ngiaka konso tang pà muku ti dié mbeing ya figi mu mute wo wa figi, se loka mè kubu ata libeing limwese. Lilani, mutswili! lokakwa mfunu le ubebese meine mamboto.» 8Kasi Mundu wa mansambi wufurula le: Mfumu, wuwetse mvul mwese diagi, mè ngi timi mumbimi ya ndé se ame ngi sà nsasi. 9Se le waboro mbeing mumvul ya muswo, kuyi kali mboto kibene. kasi le abwani lo, mungi mutsulu munga nze.
Yezu wa gulusu mundu mu kilwomo ka kupeme
10Kilwomo kimwese ka kupeme, Yezu wakiali ulonga bandi mu kibo kakimvuku ka bayuda. 11Akiali pani andi mukandi mwesi wakiali ti muwungu wa mbi wa mupeka bukiali mvul kweme andi kinani; wakiali wa kabené se loka ndé wa kweka kusubu. 12Tang amumwene Yezu, wa mubiela uyi kwele nde se wutora le:» Mukandi wa lizolo, Nzem wa kuzwinisi mu bukiali banze.» 13Kungwe, Yezu wasà mio miande, se mbalimwese wa mari. kungwe wa yandiki kupà likumu se kupà Nzem matondo munga wa mugulusu. 14Kasi mfumu wa kibo kakimvuku ka bayuda wawo buporo munga Yezu wa zwinisi mundu mu kilwomo kimwese ka kupeme. tang le usiama bandi: «bilwomo bisiami bia mposo munga kukiere kisali. tang le mu bilwomo biani yia se yasiene luguluku, kasi kwele mbi mu kugulusu mu kilwomo ka kupeme!» 15Mfumu Nzem wu mufirila: be bandi ba bumpali! nà mundu mubo labe ampa wusorola ngombo wa ndé wa mudimi lelo mpundu wa ndé mising munga wu batwali mu kubanwisi manza mu kilwomo ka kupeme? 16Bubwani, lokakwa kwelé mbi mu kutiele Mukandi wo mu bukiali ba ndé mu kilwomo ka kupeme. munga ndé welé mutili wa Abalayam, se Satani wa munwekele mu bukiali bà yandiki mamvul kweme andi kinani. 17Bà ampa bazwela Yezu bawo nswene tang atwere nde abwani. kasi bandi basà bakiali kwani bawo kiese kavul mpambi lo bamwene Yezu ukiera mambi mavul mangitiki.
Kingani ka mbeing ya motarde andi leviri mweme wa mampa
(Mt. 13:31-33; Mk. 4:30-32)
18Yezu wafulu:» Andi nkie kimfumu ka Nzem kifenena? Andi nkie be likitesa? 19Kielé anga nkene ya motarde yé makono Mundu mu mayuo ma ndé. yikola tii yayia mute wa munene kibene, se banini bandie batisa mayami mu nte.» 20Yezu wafulu diagi:» Andi nkie mfwete tèse diagi kimfumu ka Nzem? 21Kielé anga mweme wa mampa wani kierela mukandi mampa: wusiena mweme wa mampa wa vuku andi mfumbu ya mampa yavul, kasi mweme wa mampa wa bimisi poto-poto lanswene.
Liwini mu mwani mbele wa mukieke
22Tang awega Yezu kumbanzi ya Yelusalem kimvuku ti balongoko bande, wa longo bandi mu ma mbanzi se mu mabwali makiali mfinama ti nzili mwene.
(Mt. 7:13-14)
23Mundu mwesi wafulu Yezu:» Mfumu Nzem, kwelé kaka bandi ndambi nze yi gulusu?» 24«Lisi kingolongolo kanswene munga mu kuwini mu kimfumu ka Nzem, kie kielé anga kibieni ka kikieke munzo. mè lishama le bavul buyi meke kuwini, kasi loka bà buyiko kuwini.
(Mt. 7:13-14)
25Tang le mfumu wa nzo wa mari se wabiami kibieni, wuyi kusa, wuyibere kibieni, se wuyi bwenze le,» mfumu, kisweré bisi kibieni! kasi mfumu wa manzo wuyi litono le lokande wu liyebe. 26Kungwe, yiyandiki kutoro le,» kasi mfumu, kadi kibo kimwese andi nze. Se kanwi kibo kimwese andi nze. 27Kasi wuyi toro diagi: mè loka mè ngieba be lélé bandi ba nkwené; litié kuboso la mè, be lanswene, bandi ba mbi! 28Pupani be liyi lelé se liyidia mazini andi buporo, munga liyimono Abalayam, kizaki andi Yakobo, andi bangianzi banswene mubo la liyali la kimfumu ka Nzem, kasi bekakwa buyi lipinzi. 29Bandi buyiyà ku Esti andi ku luwesti, ku nodi andi ku sidi, buyi bianzi bumèse mankienze mubo la liyali la Kimfumu ka Nzem. 30Bandi basà bani ampa belé andi mfunu yavul buyikali se bandi ba mfunu, se bandi basà belé mfunu nobo loka bà se buyikali andi mfunu.
Yezu wele kulabi nzili yandé ku Yelusalem
31Kaka mu tang lilani, Ba mfarisi basà bayà se butora kwele Yezu le: «Tié pà mpambi lo Erodi, Mfumu uzola ku kuzwa.» 32Yezu wu mufirila:» we musiami Erodi, wani welé andi mayele mambi anga mukieng, le mè ngi yiri miwungu mia mbi se ngi zwinisi bandi nobo andi muswo; se mu kilwomo ka tari mè ma mèse kisali ka mè. 33E, mè mfwete kuwè ka mè nobo, muswo andi kilwomo ka kulabi; lokakwa kwelé mboto mu kuzwa ngianzi kibo kasà, kaka mubo la mbanzi ya Yelusalem.
(Mt. 7:13-14)
34Bè, bandi ba Yelusalem, be lélé andi kikalili ka kuzwa andi ka kulwomo mikulu konso tang bangianzi bani litwemena Nzem. Mè nzola kusà ko la mè bundie la bandi ba be banswene, mpili wisika nko wa mukiatsi bani ba ndé kumasini ma biyabi biandé. Kasi be loka be lazwele le mè nkiere. 35Se tang lé Nzem wuyi wetse bandi ba nze, mè kushama, kilwomo kiani yitoro nze:» kuyà kamboto! Nzem wu kusampulu nze wani mayà muzini la Mfumu Nzem.»
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Smgo (Songo) Bible by Beyond Translation is licensed under Creative Commons Attribution-ShareAlike 4.0 License.