LUK 12
12
Yebe kuta kimbangi munga Yezu
(Mt. 10:19-20,28-33)
1Mu tang lani, mpili akiali bandi bavul bu yinina bani ti basà, butambili bundie la bandi, Yezu wutora abo kwelé balongoko ba ndé:» liwisi mweme wu bimisa mampa ma ba mfarisi, bidimbi bia bumpali bia bà. 2Kimi kanswene kiani kielé ka kawisila kiyi yebana, kimi kanswene ka kinsweke buyi kimono. 3Yanswene yani liyitoro be mu mpimbi bandi buyi wo mu mbwetse, se yanswene yani liyitoro be kungwe la bibieni iyi wakana mu yeng munga le mundu wanswene wuwé! 4Yezu utora: liwele mboto, ba mpeing ba mè. loliwo bandi bomo, ata ba kuzwa. kasi kungwe loka bà kimi kasà ka kukiere! 5Mè mungi liswo nà be la fwete bangi: welé Nzem wani, kungwe la kuzwa, welé andi kiyeke ka kupinzi mundu ku bilungi. Linkwikili mè, welé ndé be la fwete ku bangi! 6Loka bisi kiweleka banini bwele mu mpati yuele ya bibende? bubwani Nzem loka ndé wu brisi ata mwese. 7Kasi munga nze, Nzem uyebe se ata kuvul ka nswé ya nze. lilani, lokuwo bomo, munga nze wele ti mfunu yavul kwele Nzem kulenina banini bavul ba bakiege. 8Masongo, masongo, mè lishama, mundu wanswene yi yebe mè kuboso la bandi, Mwani wa Mundu wuyi muyebe se kuboso la Bawanzio ba Nzem. 9Mundu wanswene wani yitono mè kumisi mia bandi, le loka ndé welé mundu wa mè, mèse ngi mutono kumisi mia Bawanzio ba Nzem le loka ndé welé mundu wa mè. 10Le butoka Mwani wa Mundu, buyi kulololo. Kasi le butoka Mfinzi ya mikiel, loka bà buyi kulololo. 11Se tang buyilitwali kuboso la kibo kakimvuku ka bayuda, kuboso la bazwisi andi kuboso labà mfumu, lolimono mpasi mu yani liyi kiere be to mu yani liyitoro be. 12Munga mu tang lani kibene mfinzi ya mikiel iyi liswo mpili ya mboto ya kupà mvutu kaka mu tang lilani.
Kingani ka mundu wa mvami wakwena ndweng
13Mundu mwese mubola bandi wusiama Yezu:» Longo, musiami mpeing kikiabi bimi biani akisisili tara bisi.» 14Yezu umusiama:» mpeing, lokakwa kunsa mundu zwisi munga mu kumese miwungu mia mbi mielé kwele bandi? 15Bubwani wusiama bandi:» lo likali andi nzali ya kimvami! lokakwa kwelé munga kukali andi bimi biavul le be liyikali andi lizingi la kimakolo.» 16Yezu wa bapa kingani kimwese:» kilwomo kimwese akiali ti Mvami mwese wani ferme la ndé labwere mbeing ya mboto. 17Wa yandiki kuyindili ndé kakwa:» loka mè kibo ka kuwisi mbeing ya mè yanswene. Mè nkiere ambwene?» 18Bubwani wutora:» Dere mpili ngi kiere mè, ngi patsi bitungu bia mèse matwo bitungu bia binene, ame ngi wisi mbeing ya blé andi bimi bia mè bianswene. 19Kungwe mè mayindili ku muteme wa mè kakwa:» mè ngielé ti bimi bia mboto awishi munga mamvul mavul. bianzi, dia, nwa, se wo kiese mu lizingi!. 20Kasi Nzem wa musiami le, nze wele zobo! nze fha mu mpimbi. Bubwani, nà siene bimi bia nze?»
21Kwelé Kitese kimwese masongo mu lizingi la mundu wani siena kimvami ka ndekakwa kasi lokande welé mundu wa mfunu kumisi mia Nzem.
(Mt. 6:25-34)
22Yezu wasiami balongoko ba nde:» Lilani mè lisiama, le lolimono mpasi munga kuyebe le nze mukali ti bimi bia kudia bie fwete dia nze munga lizingi lelo biposo bia kubwasi.» 23Munga mweing wanze wele mfunu wakalé maton mà diaka nze. noro nze yelé mfunu yavul yakalé biposo bie bwasa nze. 24Lidere banini lokaba bukiera se lokaba bukona nkene. lokaba manzo ma kuwishi bimi. kasi Nzem ubapaka kaka maton. se nze wele ti mfunu yavul kwele Nzem yakalé banini. 25Lokubiyangisi munga lokanze yiyiki tang limwese mu lizingi lanze munga mu kumono mpasi. 26Mpili ampa fwete kiere nze mpeine yebo ya yikieke, munga nkie kubiyangisi munga mampeine masa? 27Yindili mpili miana bintundu. lokabia bikiera kisali ka ngolo. loka bà bukiera biposo biaba. kasi mè lishama le Mfumu Salomono, wani akiali mu nkembe yavul, ata biposo biande lokabia biakiali kubon anga kintundu kiani kimwese. 28Se le Nzem wusiena bunkete ba bintundu bielé nobo se muswo ba bipinzi ku mbaa, wuyi siene ya masongo bunkete ba bè. Munga nkie likwikili labe lélé ndambi? 29Lokuyindila tang lanswene le mè ndi nkie se nwi nkie. Lokubiyangisi munga mampeine mani. 30Munga bimi biani, bielé dieka Bandi banswene ba meine. Se tara be welé ku yolo wuyebe le be lelekabia mfunu. 31Lidie abo kimfumu ka Nzem, se wuyi lipà bianswene lelekabia be mfunu. 32Be lele kidiki ka balongoko ba mè. loliwo bomo, munga Tara be wele kundie wuzola kulipa kimfumu ka nde. 33Liwèle bimi bia be se lipè ba mbolo. Nze bikwemese nzimi yani ampa iyi nunu, kimi ka mfunu kiani ampa kiwaka ku yolo, kibo ampa fwete twolo mwibi se banko loka bà bu bebesa. 34Kibo kanswene kwele kimvami ka nze, kukwani kali muteme wanze.
Liyilama munga kuzili kuya ka Mfumu
(Mt. 24:45-51)
35Likiali tang lanswene mfinama mu kukiere kisali ka Nzem, mindi mia be mifwete kali milema. 36Likiali anga bansari bà buzila mfumu wa bà mu kutifuru kunzo kungwe la nkienze ya wali. mu tang maya nde se wa bere kibieni, mbalimwese ba musorolo kibieni se ba muyambi. 37Kiese kwelé bandi ba ndé ba kisali mu kibo ka longo la bà, mu kutifuru kandé, wamono bayebe se bayilama! mè lishama, ndé wuyi wini mundongo munga kisali se wuyi mukierele. 38Ata wu mayà mu bobo la mpimbi to Lampimpimbi, tang yia nde se wa titene bansari bawishi se bayilama munga kutifuru ka nde, uyikali mukiese munga bà. 39Lidere kingani kie: le munga nzo wa liyebe nà tang mwibi uya, lokande wayibiri munga mwibi uto kuwibi munzo yandé. 40Bani bà, nze se yilama tang lanswene, lelo mè, Mwani wa Mundu, ngi yà mu tang le ampa liyiyebe be le mè mungiaka!?. 41Petele wamufulu, «Mfumu, nze mapa bingani bié kaka munga bisi to munga Bandi banswene se?» 42Mfumu Nzem wufurula: ba nà belé bandi ba kisali ba mboto se ba mayele? ba nà belé bani yipà longo kiyeke ka kupà kwelé bandi basà ba kisali madia mu tang la mboto? 43Kungwe la kitang, tang atifuru Mfumu kunzo, le wamono le mundu wani wukiera kisali kandé mboto, abwani mfumu yikali mukiese kavul. 44Masongo, mè lisiama, mfumu wa ndé wuyi mupà kiyeke ka kudereka bimi biandé bianswene. 45Kasi le mundu wa kisali umayindili le lokande utifuru nswali, nde umayandiki kubolo bandi ba kisali ba babali se ba bakandi konso tang. se wa yalese tang mu mankienze se ti kuwuru mani. 46Bubwani mfumu wuyi yà kilwomo kiani ampa yi yebe bandi bani ba kisali. Mfumu wuyi mupà ndolo se wuyi muvuku andi bani ampa bulemfeka. 47Mundu wa kisali wu yeba yani zola mfumu wa ndé mu kukiere, kasi le loka ndé kuyilama se loka ndé kukiere, buyi mubolo fimbi ngolo kibene. 48Kasi mundu wani, ampa wu yeba wukiera mbi, wuyi siene ndolo. Le mundu wu kaba ngolo, buyi mulomo ngolo; se le paka ngolo kwelé mundu, buyi muloma ngolo diagi.
Kukiabila se ndolo
49«Mè mayà ku ti sà bandi ku mbaa, se nzola butswimi! 50Kasi kwelé andi mbotiki ya mpasi yani mfwete siene mè, ti yi lung, mè ngielé mu mvalangasi».
(Mt. 10:34-36)
51Be liyindila le mè ayi munga kutisa ngembe mu meine lo lishama le mè matitwali kukabi mubo labè. 52Yandiki pà lampimpimbi, le bandi batene belé nzo yimwese, bubila nwana. Batari bunwanisi bwele, se bwele bunwanisi batari, munga kikomo ka mè. 53Ba taa buyi miarili bani ba bà ba babali; bamami ba miarili bani ba bà ba bakandi, bako ba miarili bakiatsi ba bani babà ba babali, se bakiatsi ba bà ba miarili ba ngwa badimi.
(Mt. 16:2-3)
54Yezu wutora diagi kwelé bandi:» Tang liyimono kitwene kimwese ka mari kwani ziama tang, be litora le mvul wunoka, se yikierama. 55Se tang twoka muwungu ku sidi, le matoro le, mbwetsi loka wa wutwo nswali se yikierama. 56Be lélé bandi ba bumpali! be liyebe kutendele bidimbi bimweneka bia meine andi bia ndie, kasi loka be liyeba kutendele bidimbi bia tang. 57Munga nkie bekakwa loka be lisiena likani mu mambi mamboto munga kukierele? 58Le mundu mwese uma kufundu se uzola ukutwali buwe kusembese, kiere yanswene munga kumese mpeine mwene munzili tang liwesamba. lelo, wu kutwali kwele zwisi se zwisi wa kutwali kwele bandi ba mansik se ba kusa munzo ya nkoro. 59Mè lishama, loka be lifwete two munzo nkoro yani tang ampa la futu be mfuku ya nzimi yani.
Селектирано:
LUK 12: SOO
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Smgo (Songo) Bible by Beyond Translation is licensed under Creative Commons Attribution-ShareAlike 4.0 License.
LUK 12
12
Yebe kuta kimbangi munga Yezu
(Mt. 10:19-20,28-33)
1Mu tang lani, mpili akiali bandi bavul bu yinina bani ti basà, butambili bundie la bandi, Yezu wutora abo kwelé balongoko ba ndé:» liwisi mweme wu bimisa mampa ma ba mfarisi, bidimbi bia bumpali bia bà. 2Kimi kanswene kiani kielé ka kawisila kiyi yebana, kimi kanswene ka kinsweke buyi kimono. 3Yanswene yani liyitoro be mu mpimbi bandi buyi wo mu mbwetse, se yanswene yani liyitoro be kungwe la bibieni iyi wakana mu yeng munga le mundu wanswene wuwé! 4Yezu utora: liwele mboto, ba mpeing ba mè. loliwo bandi bomo, ata ba kuzwa. kasi kungwe loka bà kimi kasà ka kukiere! 5Mè mungi liswo nà be la fwete bangi: welé Nzem wani, kungwe la kuzwa, welé andi kiyeke ka kupinzi mundu ku bilungi. Linkwikili mè, welé ndé be la fwete ku bangi! 6Loka bisi kiweleka banini bwele mu mpati yuele ya bibende? bubwani Nzem loka ndé wu brisi ata mwese. 7Kasi munga nze, Nzem uyebe se ata kuvul ka nswé ya nze. lilani, lokuwo bomo, munga nze wele ti mfunu yavul kwele Nzem kulenina banini bavul ba bakiege. 8Masongo, masongo, mè lishama, mundu wanswene yi yebe mè kuboso la bandi, Mwani wa Mundu wuyi muyebe se kuboso la Bawanzio ba Nzem. 9Mundu wanswene wani yitono mè kumisi mia bandi, le loka ndé welé mundu wa mè, mèse ngi mutono kumisi mia Bawanzio ba Nzem le loka ndé welé mundu wa mè. 10Le butoka Mwani wa Mundu, buyi kulololo. Kasi le butoka Mfinzi ya mikiel, loka bà buyi kulololo. 11Se tang buyilitwali kuboso la kibo kakimvuku ka bayuda, kuboso la bazwisi andi kuboso labà mfumu, lolimono mpasi mu yani liyi kiere be to mu yani liyitoro be. 12Munga mu tang lani kibene mfinzi ya mikiel iyi liswo mpili ya mboto ya kupà mvutu kaka mu tang lilani.
Kingani ka mundu wa mvami wakwena ndweng
13Mundu mwese mubola bandi wusiama Yezu:» Longo, musiami mpeing kikiabi bimi biani akisisili tara bisi.» 14Yezu umusiama:» mpeing, lokakwa kunsa mundu zwisi munga mu kumese miwungu mia mbi mielé kwele bandi? 15Bubwani wusiama bandi:» lo likali andi nzali ya kimvami! lokakwa kwelé munga kukali andi bimi biavul le be liyikali andi lizingi la kimakolo.» 16Yezu wa bapa kingani kimwese:» kilwomo kimwese akiali ti Mvami mwese wani ferme la ndé labwere mbeing ya mboto. 17Wa yandiki kuyindili ndé kakwa:» loka mè kibo ka kuwisi mbeing ya mè yanswene. Mè nkiere ambwene?» 18Bubwani wutora:» Dere mpili ngi kiere mè, ngi patsi bitungu bia mèse matwo bitungu bia binene, ame ngi wisi mbeing ya blé andi bimi bia mè bianswene. 19Kungwe mè mayindili ku muteme wa mè kakwa:» mè ngielé ti bimi bia mboto awishi munga mamvul mavul. bianzi, dia, nwa, se wo kiese mu lizingi!. 20Kasi Nzem wa musiami le, nze wele zobo! nze fha mu mpimbi. Bubwani, nà siene bimi bia nze?»
21Kwelé Kitese kimwese masongo mu lizingi la mundu wani siena kimvami ka ndekakwa kasi lokande welé mundu wa mfunu kumisi mia Nzem.
(Mt. 6:25-34)
22Yezu wasiami balongoko ba nde:» Lilani mè lisiama, le lolimono mpasi munga kuyebe le nze mukali ti bimi bia kudia bie fwete dia nze munga lizingi lelo biposo bia kubwasi.» 23Munga mweing wanze wele mfunu wakalé maton mà diaka nze. noro nze yelé mfunu yavul yakalé biposo bie bwasa nze. 24Lidere banini lokaba bukiera se lokaba bukona nkene. lokaba manzo ma kuwishi bimi. kasi Nzem ubapaka kaka maton. se nze wele ti mfunu yavul kwele Nzem yakalé banini. 25Lokubiyangisi munga lokanze yiyiki tang limwese mu lizingi lanze munga mu kumono mpasi. 26Mpili ampa fwete kiere nze mpeine yebo ya yikieke, munga nkie kubiyangisi munga mampeine masa? 27Yindili mpili miana bintundu. lokabia bikiera kisali ka ngolo. loka bà bukiera biposo biaba. kasi mè lishama le Mfumu Salomono, wani akiali mu nkembe yavul, ata biposo biande lokabia biakiali kubon anga kintundu kiani kimwese. 28Se le Nzem wusiena bunkete ba bintundu bielé nobo se muswo ba bipinzi ku mbaa, wuyi siene ya masongo bunkete ba bè. Munga nkie likwikili labe lélé ndambi? 29Lokuyindila tang lanswene le mè ndi nkie se nwi nkie. Lokubiyangisi munga mampeine mani. 30Munga bimi biani, bielé dieka Bandi banswene ba meine. Se tara be welé ku yolo wuyebe le be lelekabia mfunu. 31Lidie abo kimfumu ka Nzem, se wuyi lipà bianswene lelekabia be mfunu. 32Be lele kidiki ka balongoko ba mè. loliwo bomo, munga Tara be wele kundie wuzola kulipa kimfumu ka nde. 33Liwèle bimi bia be se lipè ba mbolo. Nze bikwemese nzimi yani ampa iyi nunu, kimi ka mfunu kiani ampa kiwaka ku yolo, kibo ampa fwete twolo mwibi se banko loka bà bu bebesa. 34Kibo kanswene kwele kimvami ka nze, kukwani kali muteme wanze.
Liyilama munga kuzili kuya ka Mfumu
(Mt. 24:45-51)
35Likiali tang lanswene mfinama mu kukiere kisali ka Nzem, mindi mia be mifwete kali milema. 36Likiali anga bansari bà buzila mfumu wa bà mu kutifuru kunzo kungwe la nkienze ya wali. mu tang maya nde se wa bere kibieni, mbalimwese ba musorolo kibieni se ba muyambi. 37Kiese kwelé bandi ba ndé ba kisali mu kibo ka longo la bà, mu kutifuru kandé, wamono bayebe se bayilama! mè lishama, ndé wuyi wini mundongo munga kisali se wuyi mukierele. 38Ata wu mayà mu bobo la mpimbi to Lampimpimbi, tang yia nde se wa titene bansari bawishi se bayilama munga kutifuru ka nde, uyikali mukiese munga bà. 39Lidere kingani kie: le munga nzo wa liyebe nà tang mwibi uya, lokande wayibiri munga mwibi uto kuwibi munzo yandé. 40Bani bà, nze se yilama tang lanswene, lelo mè, Mwani wa Mundu, ngi yà mu tang le ampa liyiyebe be le mè mungiaka!?. 41Petele wamufulu, «Mfumu, nze mapa bingani bié kaka munga bisi to munga Bandi banswene se?» 42Mfumu Nzem wufurula: ba nà belé bandi ba kisali ba mboto se ba mayele? ba nà belé bani yipà longo kiyeke ka kupà kwelé bandi basà ba kisali madia mu tang la mboto? 43Kungwe la kitang, tang atifuru Mfumu kunzo, le wamono le mundu wani wukiera kisali kandé mboto, abwani mfumu yikali mukiese kavul. 44Masongo, mè lisiama, mfumu wa ndé wuyi mupà kiyeke ka kudereka bimi biandé bianswene. 45Kasi le mundu wa kisali umayindili le lokande utifuru nswali, nde umayandiki kubolo bandi ba kisali ba babali se ba bakandi konso tang. se wa yalese tang mu mankienze se ti kuwuru mani. 46Bubwani mfumu wuyi yà kilwomo kiani ampa yi yebe bandi bani ba kisali. Mfumu wuyi mupà ndolo se wuyi muvuku andi bani ampa bulemfeka. 47Mundu wa kisali wu yeba yani zola mfumu wa ndé mu kukiere, kasi le loka ndé kuyilama se loka ndé kukiere, buyi mubolo fimbi ngolo kibene. 48Kasi mundu wani, ampa wu yeba wukiera mbi, wuyi siene ndolo. Le mundu wu kaba ngolo, buyi mulomo ngolo; se le paka ngolo kwelé mundu, buyi muloma ngolo diagi.
Kukiabila se ndolo
49«Mè mayà ku ti sà bandi ku mbaa, se nzola butswimi! 50Kasi kwelé andi mbotiki ya mpasi yani mfwete siene mè, ti yi lung, mè ngielé mu mvalangasi».
(Mt. 10:34-36)
51Be liyindila le mè ayi munga kutisa ngembe mu meine lo lishama le mè matitwali kukabi mubo labè. 52Yandiki pà lampimpimbi, le bandi batene belé nzo yimwese, bubila nwana. Batari bunwanisi bwele, se bwele bunwanisi batari, munga kikomo ka mè. 53Ba taa buyi miarili bani ba bà ba babali; bamami ba miarili bani ba bà ba bakandi, bako ba miarili bakiatsi ba bani babà ba babali, se bakiatsi ba bà ba miarili ba ngwa badimi.
(Mt. 16:2-3)
54Yezu wutora diagi kwelé bandi:» Tang liyimono kitwene kimwese ka mari kwani ziama tang, be litora le mvul wunoka, se yikierama. 55Se tang twoka muwungu ku sidi, le matoro le, mbwetsi loka wa wutwo nswali se yikierama. 56Be lélé bandi ba bumpali! be liyebe kutendele bidimbi bimweneka bia meine andi bia ndie, kasi loka be liyeba kutendele bidimbi bia tang. 57Munga nkie bekakwa loka be lisiena likani mu mambi mamboto munga kukierele? 58Le mundu mwese uma kufundu se uzola ukutwali buwe kusembese, kiere yanswene munga kumese mpeine mwene munzili tang liwesamba. lelo, wu kutwali kwele zwisi se zwisi wa kutwali kwele bandi ba mansik se ba kusa munzo ya nkoro. 59Mè lishama, loka be lifwete two munzo nkoro yani tang ampa la futu be mfuku ya nzimi yani.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Smgo (Songo) Bible by Beyond Translation is licensed under Creative Commons Attribution-ShareAlike 4.0 License.