Lukas 20
20
Tuz twg Tso Cai tu Yexus
1Muaj is hnoos thaws Yexus taastod qhuas qha cob neeg hub lus Tuadtseb, has qha Txuj Moo Zoo, cob thiaj qhai cob pobthiaj, cob xisfws kwg qha Vaajtswb txuj Kebcai, has cob txwjlawg tuaj 2noog Yexus has tas, “Koj qha tu pes nuad, ua nyaab koj muaj cai ua tej na? Tuz twg tso cai tu koj?”
3Yexus tes cud has tas, “Kud yiad noog mej is lu. Mej qha tu kud nuad, 4tuz twg tso cai tu Yawhaas muas neeg ua kebcai raws dej, Vaajtswb lossis neeg?”
5Cud txiad sis thaad has tas, “Pes yiad has nyaab? Yog pes has tas ‘Vaajtswb kuas Yawhaas ua,’ niz yiad has tu pes tas, ‘Ua nyaab mej tsua tsi ntseeg Yawhaas tej luz?’ 6Yog pes has tas, ‘Neeg kuas Yawhaas ua,’ Cob neeg coos coos kwg nyos qhais na yiad muas poszes ntaws pes, tu qhob tuadtxhij yeej paws has tas Yawhaas yog is tug ceb Vaajtswb luz.” 7Cud tes has tas, “Pes tsi paws, xyob tuz twg tso cai tu niz.”
8Yexus has tu cud tas, “Yog ni qhai, kud yiad tsi qha tu mej has tas, tuz twg tso cai tu kud ua tej na.”
Cob Neeg Kwg Tu Lus Vaaj Txib Hmaas
9Yexus has is zaaj luz pibtxwb tu tuadtxhij noog has tas, “Muaj is tug yiag cos taw is vaaj txib hmaas. Niz muas tso tu is cob neeg tu sis fais cob txib. Ces niz txiad muz tu lwd teschias taw nteb loo. 10Thaws txug lus caij de txib hmaas, niz txis is tug tusqhe muz cuag cob neeg kwg tu lus vaaj has saw tej txib hmaas kwg yog niz tuz luz tu niz. Tadsis cob neeg kwg tu lus vaaj muas tuz tusqhe qhai ntaws, has liab tuz tusqhe qhai rob qaas luz tseb tez dias tez nplag. 11Tuz tswb vaaj tsua txis kua is tug tusqhe muz, tadsis cob neeg kwg tu lus vaaj muas tuz tusqhe qhai ntaws, ua lidhad tu niz, has kuas niz rob qaas luz tez dias tez nplag. 12Tuz tswb vaaj rob txis kua tuz tusqhe pes muz, cob neeg kwg tu lus vaaj muas tuz tusqhe qhai ntaws nqaj ntua ntshaab nrug, has muas niz laid tusaas ntug vaaj nraw. 13Ces tuz tswb vaaj has tas, ‘Kud yiad ua nyaab? Yog kud txis kud tuz tus kwg kud hlus muz, nyaj cud yiad fwd kud tuz tus!’ 14Tadsis thaws cob neeg kwg tu lus vaaj pud tuz tswb tuz tus tuaj, cud txiad sis ntxhi has tas, ‘Tuz na yog tuz tswb vaaj tuz tus, pes ca ni muas niz tua laidtaa, pes ha taw niz lus vaaj!’ 15Cob neeg kwg tu lus vaaj muas tuz tus qhais thias tusaas ntug vaaj nraw, has muas niz tua laidtaa.”
Yexus noog has tas, “Tuz tswb vaaj yiad ua nyaab tu cob neeg kwg tu lus vaaj qhai? 16Tuz tswb vaaj yeej yiad muas cob neeg kwg tu lus vaaj tua laidtaa, has muas lus vaaj qhai tu lwd cob tu.”
Thaws tuadtxhij hnob Yexus has ni qhai, cud has tas, “Nyaj yiad tsi muaj ni qhai.”
17Yexus nuad cud has noog has tas, “Vaajtswb txujlug has nyaab?
‘Lus poszes kwg cob kwg ua tseb muas laidtaa,
lus qhai ted luz ua lus thiaj liad.’
18Yog tuz twg qawg muz tsoo lus poszes qhai, tuz qhai lus ceb yiad tiag taaz; yog lus poszes qhai poos luz tsoo tuz twg, tuz qhai lus ceb yiad ntsoog taaz hubtsig.”
Thed Se tu Xixas Puas Txhud?
19Cob xisfws kwg qha Vaajtswb txuj Kebcai has cob thiaj qhai cob pobthiaj xaab ntez Yexus, tu qhob cud paws has tas zaaj luz pibtxwb kwg Yexus has qhai, yog niz tiadtsaad cud; tadsis cud ntshai cob pejxeed. 20Cud toz nuad puas muaj sijhiad zoo ntez Yexus. Cud txis qeetuz kuas ua txuj ua ni neeg ncaajnceeg muz noog Yexus, nuad niz puas yiad has txhud, cud ha zoo ntez niz coj muz tu tuz tswbxeeb kwg muaj fwjchid. 21Cob neeg kwg cud txis muz noog Yexus has tas, “Xisfws, pes paws has tas tej luz kwg koj has, has tej kwg koj qha puabtsig yog hubtsig. Pes paws has tas koj tsi xaib tuz twg ntsejmuag ni, tadsis koj qha Vaajtswb txuj keb tsees tu tuadtxhij. 22Koj sid qha tu pes nuad, yog pes thed se tu Xixas puas txhud pes txuj kebcai los tsi txhud?”
23Tadsis Yexus ted xus paws cud lus sas liad, niz has tu cud tas, 24“Mej ca ni muas is lus nyaj tu kud nuad, lus ntsejmuag has lus npe kwg saw tu qhais lus nyaj na yog tuz twg lus?”
Cud tes has tas, “Yog Xixas lus.”
25Yexus has tu cud tas, “Yaad kwg yog Xixas ni, mej ca ni muas tu Xixas, has yaad kwg yog Vaajtswb ni, mej ca ni muas tu Vaajtswb.”
26Cud nrhab tsi taw is qho kuas Yexus has txhud taasmeeg tuadtxhij; cud xaab tsi thoos tu tej luz kwg Yexus has qhai, cud txiad nyos tuasyws liad.
Noog Txug Cob Neeg Kwg Tuag Liad Siab Rob Luz
27Cob Xadukais qeetuz kwg tsi ntseeg has tas neeg yiad siab hub qhob tuag rob qaas luz, cud tuaj cuag Yexus has noog has tas, 28“Xisfws, Mawxes saw txuj Kebcai na qha pes has tas, ‘Yog tuz yiag tuag liad, niz tuz puj tseed tsi taw muaj minyuas, niz tuz kwb yiadtsud yuab tuz nyaad, tuz tijlawg ha muaj xeesntxwz.’ 29Thaws muaj xyaa tuz kwbtij, tuz tijlawg yuab puj tadsis tsi taw muaj minyuas, tuz tijlawg tuag liad, 30tuz kwb yuab tuz nyaad, 31tuz kwb pes yuab tuz nyaad qhai has. Xyaa tuz kwbtij puabtsig yuab tuz puj qhai, cud puabtsig tuag taaz, tsi taw muaj is tug minyuas ni. 32Thaws kiag tuz puj qhai txiad tuag liad has. 33Yog ni qhai, hnoos kwg cob neeg tuag siab rob qaas luz, tuz puj qhai yiad yog tuz twg tuz puj? Tu qhob cud xyaa tuz puabtsig taw yuab niz hubtsig liad.”
34Yexus tes has tas, “Cob puj has yiag tad na ha ni sis yuab nyaz, 35tadsis cob puj has cob yiag kwg tsidnyog siab luz taw txujsa has muz nyos tad todntej, cob qhai tsi sis yuab ni liad. 36Cud yiad zoo is yaad ni cob tidtswb has yiad tsi tuag ni. Cud yog Vaajtswb cob minyuas, tu qhob cud ted siab hub qhob tuag rob qaas luz liad. 37Thaws Mawxes has txug cob nplaid tiag kwg cig qhai tsos ntoo, niz hu tuz Tswb has tas, ‘Anplahaas tuz Vaajtswb, Ixaj tuz Vaajtswb, has Yakhawj tuz Vaajtswb.’ 38Zaaj kwg niz has qhai ted qha tu tuadtxhij has tas, cob neeg kwg tuag liad, yeej yiad siab rob qaas luz taw txujsa. Vaajtswb yog cob neeg caj tuz Vaajtswb, niz tsi yog cob neeg tuag tuz Vaajtswb. Rias ni Vaajtswb nuad, tuadtxhij puabtsig muaj sa nyos.”
39Cob xisfws kwg qha Vaajtswb txuj Kebcai qeetuz has tas, “Xisfws, koj tes yog liad!” 40Cud has ni qhai vid cud tsi muaj cuaskaab noog ntxib liad.
Tuz Mexiyas Yog Tuz twg Tus
41Yexus noog cud has tas, “Yiad ua nyaab has taw tas, tuz Mexiyas yog Dasvib leej Tus? 42Tu qhob Dasvib saw tseg tu hub phaw Ntiab Nkawj has tas:
‘Tuz Tswb has tu kud tuz Tswb has tas:
Koj ca ni luz nyos qhais kud saas xis
43muz txug thaws kud muas koj cob yeesncuas ua chia tag tia tu koj tsuj.’
44Dasvib ted hu niz has tas tuz Tswb; yiad ua nyaab has taw tas, tuz Mexiyas yog Dasvib leej Tus?”
Yexus Qha Kuas tsi Xod Ua Ni Cob Xisfws Kwg Qha Vaajtswb Txuj Kebcai
45Thaws cob neeg taastod noog Yexus qha, Yexus has tu niz cob thwjtid has tas, 46“Mej yiadtsud ceebfaaj, tsi xod ua ni cob xisfws kwg qha Vaajtswb txuj Kebcai, cud nyad hnaab tej tsho nteb muz tu na tu u, has thaws cud muz tod tej kas, cud nyad kuas tuadtxhij fwd cud; thaws cud muz hub tej tseb saaslaaj lossis muz nrug lag noj lag haws, cud muz xaib nyos lus chia zoo nyaz; 47Cud txhaab tej puj ntsuag tug yuad, has cud thob Vaajtswb nteb nteb kuas tuadtxhij qhuas cud! Cud yeej yiad rawg txid hnyaab kua lwd tuz hubtsig!”
Селектирано:
Lukas 20: CQD2024
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2024 Bible Society Vietnam. All rights reserved.
Lukas 20
20
Tuz twg Tso Cai tu Yexus
1Muaj is hnoos thaws Yexus taastod qhuas qha cob neeg hub lus Tuadtseb, has qha Txuj Moo Zoo, cob thiaj qhai cob pobthiaj, cob xisfws kwg qha Vaajtswb txuj Kebcai, has cob txwjlawg tuaj 2noog Yexus has tas, “Koj qha tu pes nuad, ua nyaab koj muaj cai ua tej na? Tuz twg tso cai tu koj?”
3Yexus tes cud has tas, “Kud yiad noog mej is lu. Mej qha tu kud nuad, 4tuz twg tso cai tu Yawhaas muas neeg ua kebcai raws dej, Vaajtswb lossis neeg?”
5Cud txiad sis thaad has tas, “Pes yiad has nyaab? Yog pes has tas ‘Vaajtswb kuas Yawhaas ua,’ niz yiad has tu pes tas, ‘Ua nyaab mej tsua tsi ntseeg Yawhaas tej luz?’ 6Yog pes has tas, ‘Neeg kuas Yawhaas ua,’ Cob neeg coos coos kwg nyos qhais na yiad muas poszes ntaws pes, tu qhob tuadtxhij yeej paws has tas Yawhaas yog is tug ceb Vaajtswb luz.” 7Cud tes has tas, “Pes tsi paws, xyob tuz twg tso cai tu niz.”
8Yexus has tu cud tas, “Yog ni qhai, kud yiad tsi qha tu mej has tas, tuz twg tso cai tu kud ua tej na.”
Cob Neeg Kwg Tu Lus Vaaj Txib Hmaas
9Yexus has is zaaj luz pibtxwb tu tuadtxhij noog has tas, “Muaj is tug yiag cos taw is vaaj txib hmaas. Niz muas tso tu is cob neeg tu sis fais cob txib. Ces niz txiad muz tu lwd teschias taw nteb loo. 10Thaws txug lus caij de txib hmaas, niz txis is tug tusqhe muz cuag cob neeg kwg tu lus vaaj has saw tej txib hmaas kwg yog niz tuz luz tu niz. Tadsis cob neeg kwg tu lus vaaj muas tuz tusqhe qhai ntaws, has liab tuz tusqhe qhai rob qaas luz tseb tez dias tez nplag. 11Tuz tswb vaaj tsua txis kua is tug tusqhe muz, tadsis cob neeg kwg tu lus vaaj muas tuz tusqhe qhai ntaws, ua lidhad tu niz, has kuas niz rob qaas luz tez dias tez nplag. 12Tuz tswb vaaj rob txis kua tuz tusqhe pes muz, cob neeg kwg tu lus vaaj muas tuz tusqhe qhai ntaws nqaj ntua ntshaab nrug, has muas niz laid tusaas ntug vaaj nraw. 13Ces tuz tswb vaaj has tas, ‘Kud yiad ua nyaab? Yog kud txis kud tuz tus kwg kud hlus muz, nyaj cud yiad fwd kud tuz tus!’ 14Tadsis thaws cob neeg kwg tu lus vaaj pud tuz tswb tuz tus tuaj, cud txiad sis ntxhi has tas, ‘Tuz na yog tuz tswb vaaj tuz tus, pes ca ni muas niz tua laidtaa, pes ha taw niz lus vaaj!’ 15Cob neeg kwg tu lus vaaj muas tuz tus qhais thias tusaas ntug vaaj nraw, has muas niz tua laidtaa.”
Yexus noog has tas, “Tuz tswb vaaj yiad ua nyaab tu cob neeg kwg tu lus vaaj qhai? 16Tuz tswb vaaj yeej yiad muas cob neeg kwg tu lus vaaj tua laidtaa, has muas lus vaaj qhai tu lwd cob tu.”
Thaws tuadtxhij hnob Yexus has ni qhai, cud has tas, “Nyaj yiad tsi muaj ni qhai.”
17Yexus nuad cud has noog has tas, “Vaajtswb txujlug has nyaab?
‘Lus poszes kwg cob kwg ua tseb muas laidtaa,
lus qhai ted luz ua lus thiaj liad.’
18Yog tuz twg qawg muz tsoo lus poszes qhai, tuz qhai lus ceb yiad tiag taaz; yog lus poszes qhai poos luz tsoo tuz twg, tuz qhai lus ceb yiad ntsoog taaz hubtsig.”
Thed Se tu Xixas Puas Txhud?
19Cob xisfws kwg qha Vaajtswb txuj Kebcai has cob thiaj qhai cob pobthiaj xaab ntez Yexus, tu qhob cud paws has tas zaaj luz pibtxwb kwg Yexus has qhai, yog niz tiadtsaad cud; tadsis cud ntshai cob pejxeed. 20Cud toz nuad puas muaj sijhiad zoo ntez Yexus. Cud txis qeetuz kuas ua txuj ua ni neeg ncaajnceeg muz noog Yexus, nuad niz puas yiad has txhud, cud ha zoo ntez niz coj muz tu tuz tswbxeeb kwg muaj fwjchid. 21Cob neeg kwg cud txis muz noog Yexus has tas, “Xisfws, pes paws has tas tej luz kwg koj has, has tej kwg koj qha puabtsig yog hubtsig. Pes paws has tas koj tsi xaib tuz twg ntsejmuag ni, tadsis koj qha Vaajtswb txuj keb tsees tu tuadtxhij. 22Koj sid qha tu pes nuad, yog pes thed se tu Xixas puas txhud pes txuj kebcai los tsi txhud?”
23Tadsis Yexus ted xus paws cud lus sas liad, niz has tu cud tas, 24“Mej ca ni muas is lus nyaj tu kud nuad, lus ntsejmuag has lus npe kwg saw tu qhais lus nyaj na yog tuz twg lus?”
Cud tes has tas, “Yog Xixas lus.”
25Yexus has tu cud tas, “Yaad kwg yog Xixas ni, mej ca ni muas tu Xixas, has yaad kwg yog Vaajtswb ni, mej ca ni muas tu Vaajtswb.”
26Cud nrhab tsi taw is qho kuas Yexus has txhud taasmeeg tuadtxhij; cud xaab tsi thoos tu tej luz kwg Yexus has qhai, cud txiad nyos tuasyws liad.
Noog Txug Cob Neeg Kwg Tuag Liad Siab Rob Luz
27Cob Xadukais qeetuz kwg tsi ntseeg has tas neeg yiad siab hub qhob tuag rob qaas luz, cud tuaj cuag Yexus has noog has tas, 28“Xisfws, Mawxes saw txuj Kebcai na qha pes has tas, ‘Yog tuz yiag tuag liad, niz tuz puj tseed tsi taw muaj minyuas, niz tuz kwb yiadtsud yuab tuz nyaad, tuz tijlawg ha muaj xeesntxwz.’ 29Thaws muaj xyaa tuz kwbtij, tuz tijlawg yuab puj tadsis tsi taw muaj minyuas, tuz tijlawg tuag liad, 30tuz kwb yuab tuz nyaad, 31tuz kwb pes yuab tuz nyaad qhai has. Xyaa tuz kwbtij puabtsig yuab tuz puj qhai, cud puabtsig tuag taaz, tsi taw muaj is tug minyuas ni. 32Thaws kiag tuz puj qhai txiad tuag liad has. 33Yog ni qhai, hnoos kwg cob neeg tuag siab rob qaas luz, tuz puj qhai yiad yog tuz twg tuz puj? Tu qhob cud xyaa tuz puabtsig taw yuab niz hubtsig liad.”
34Yexus tes has tas, “Cob puj has yiag tad na ha ni sis yuab nyaz, 35tadsis cob puj has cob yiag kwg tsidnyog siab luz taw txujsa has muz nyos tad todntej, cob qhai tsi sis yuab ni liad. 36Cud yiad zoo is yaad ni cob tidtswb has yiad tsi tuag ni. Cud yog Vaajtswb cob minyuas, tu qhob cud ted siab hub qhob tuag rob qaas luz liad. 37Thaws Mawxes has txug cob nplaid tiag kwg cig qhai tsos ntoo, niz hu tuz Tswb has tas, ‘Anplahaas tuz Vaajtswb, Ixaj tuz Vaajtswb, has Yakhawj tuz Vaajtswb.’ 38Zaaj kwg niz has qhai ted qha tu tuadtxhij has tas, cob neeg kwg tuag liad, yeej yiad siab rob qaas luz taw txujsa. Vaajtswb yog cob neeg caj tuz Vaajtswb, niz tsi yog cob neeg tuag tuz Vaajtswb. Rias ni Vaajtswb nuad, tuadtxhij puabtsig muaj sa nyos.”
39Cob xisfws kwg qha Vaajtswb txuj Kebcai qeetuz has tas, “Xisfws, koj tes yog liad!” 40Cud has ni qhai vid cud tsi muaj cuaskaab noog ntxib liad.
Tuz Mexiyas Yog Tuz twg Tus
41Yexus noog cud has tas, “Yiad ua nyaab has taw tas, tuz Mexiyas yog Dasvib leej Tus? 42Tu qhob Dasvib saw tseg tu hub phaw Ntiab Nkawj has tas:
‘Tuz Tswb has tu kud tuz Tswb has tas:
Koj ca ni luz nyos qhais kud saas xis
43muz txug thaws kud muas koj cob yeesncuas ua chia tag tia tu koj tsuj.’
44Dasvib ted hu niz has tas tuz Tswb; yiad ua nyaab has taw tas, tuz Mexiyas yog Dasvib leej Tus?”
Yexus Qha Kuas tsi Xod Ua Ni Cob Xisfws Kwg Qha Vaajtswb Txuj Kebcai
45Thaws cob neeg taastod noog Yexus qha, Yexus has tu niz cob thwjtid has tas, 46“Mej yiadtsud ceebfaaj, tsi xod ua ni cob xisfws kwg qha Vaajtswb txuj Kebcai, cud nyad hnaab tej tsho nteb muz tu na tu u, has thaws cud muz tod tej kas, cud nyad kuas tuadtxhij fwd cud; thaws cud muz hub tej tseb saaslaaj lossis muz nrug lag noj lag haws, cud muz xaib nyos lus chia zoo nyaz; 47Cud txhaab tej puj ntsuag tug yuad, has cud thob Vaajtswb nteb nteb kuas tuadtxhij qhuas cud! Cud yeej yiad rawg txid hnyaab kua lwd tuz hubtsig!”
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2024 Bible Society Vietnam. All rights reserved.