Lukas 19
19
Yexus Has Xakhais
1Yexus tuaj txug hub lus nroog Yelikaws, has yiad dhaw muz. 2Nyos hub muaj is tug yiag npe hu ua Xakhais, niz yog cob saw se tuz thiaj has niz muaj nyaj heeb. 3Xakhais xaab pud seb Yexus yog tuz twg, tadsis muaj neeg coos coos thaib niz, niz nuad tsi pud Yexus, tu qhob niz yog neeg qaiztaws. 4Xakhais has dha fuas tuadtxhij ntej muz nce is tsos ntoo xikamaws, kuas niz pud Yexus, tu qhob Yexus yiad tawg txuj keb qhai tuaj. 5Thaws Yexus tuaj txug qhais, Yexus tsaa qhobmuag nuad has has tu Xakhais has tas, “Xakhais, koj ca ni nqaiz luz, tu qhob hnoos na kud yiad muz su hub koj tseb.”
6Xakhais txiad nqaiz nriad nroog luz toz txais Yexus, has zoo sas heeb ni. 7Cob neeg kwg pud ni qhai, cud thuad has tas, “Ua nyaab Yexus yiad muz su hub tuz neeg txhud tseb!”
8Xakhais siab nraid has tu Yexus has tas, “Tuz Tswb, koj noog kud has! Kud yiad muas tej kwg kud muaj is nraas fais tu cob neeg pluag. Has yog kud taw muas tuz twg is yaad daastsi luz yuab liad, kud yiad thed plaws npawg rob qaas tu tuz qhai.”
9Yexus has tas, “Hnoos na txuj keb ciad kig ted luz tu hub tuz yiag na lus tseb liad. Tuz yiag na yog Anplahaas is tug xeesntxwz has. 10Neeg Leej Tus yeej luz nrhab cob neeg kwg yuad keb liad has ciad kuas cud kig.”
Tuz Tswb Muas Txaj tu Cob Tusqhe
11Thaws cob neeg tseed taastod noog Yexus has qhai, Yexus txiad has is zaaj luz pibtxwb tu cud noog. Thaws niz muz yiad txug hub lus nroog Yeluxalees, has tej neeg xaab has tas Vaajtswb lus Teschias ted luz yiad txug. 12Yexus has tas, “Muaj is tug nud taastod yiad siab keb muz tu lwd lus teschias kes kes, kuas lag muas niz tsaa ua vaajntxwb, niz maad ni rob qaas luz. 13Thaws niz yiad muz, niz hu niz kawd tuz tusqhe luz, has niz muas nyaj tu cud is tug is choj; has has tu cud tas, ‘Mej ca ni coj cob nyaj na muz ua laaz ua luad, kuas txug hnoos kud rob luz.’ 14Tadsis cob pejxeed kwg nyos hub tuz nud qhai lus teschias heed niz, cud txiad txis neeg rias qaas muz has tas, ‘Pes tsi yuab tuz nud na ua pes tug vaajntxwb.’
15“Thaws lag tsaa tuz nud qhai ua vaajntxwb liad, niz rob qaas luz, has hu kuas cob tusqhe kwg niz muas nyaj tu tuaj cuag niz, nuad cud muz ua luad is tug tsaad pestsiag. 16Thiaj tuz tusqhe luz has tas, ‘Tuz tswb, choj nyaj kwg koj muas tu kud, kud coj muz ua luad tsaad kawd choj.’ 17Tuz tswb has tas, ‘Zoo heeb, koj yog tuz tusqhe kwg noog luz! Vid koj ua ncaaj tu tej yaad yaw yaw na, kud yiad tsaa koj ua tuz kwg nuad kawd lus nroog.’ 18Tuz tusqhe os lus has tas, ‘Tuz tswb, choj nyaj kwg koj muas tu kud, kud coj muz ua luad tsaad tsis choj.’ 19Tuz tswb has tu tuz tusqhe qhai has tas, ‘Koj yiad taw ua tuz nuad tsis lus nroog.’ 20Muaj kua is tug tusqhe luz has tas, ‘Tuz tswb, choj nyaj kwg koj muas tu kud nyos qhais na; kud muas dhuas qhwb khiad ca zoo zoo. 21Kud ntshai koj, tu qhob koj yog is tug neeg nyud heeb. Koj istxwd hlais tej kwg tsi yog koj cos, has saw tej kwg tsi yog koj tses.’ 22Tuz tswb has tu tuz tusqhe qhai has tas, ‘Tuz tusqhe kwg sas phed! Kud yiad raw txid tu koj rias ni tej luz kwg koj has! Koj ted paws has tas kud yog is tug neeg kwg nyud heeb, kud istxwd hlais tej kwg tsi yog kud cos, has saw tej kwg tsi yog kud tses. 23Ua nyaab koj tsi muas kud choj nyaj coj muz tso tu hub zuz nyaj? Thaws kud rob qaas luz, kud has taw kud choj nyaj has taw tej paaj ntxib?’ 24Niz has tu cob neeg kwg siab qhai has tas, ‘Mej ca ni muas niz choj nyaj coj muz ntxib tu tuz tusqhe kwg muaj kawd choj.’ 25Cud has tu tuz tswb has tas, ‘Tuz tswb, tuz qhai ted muaj kawd choj liad!’ 26Tuz tswb tes has tas, ‘Kud qha tu mej has tas, tuadtxhij kwg muaj liad, yeej yiad muas ntxib kuas niz muaj ntaw kua, tadsis tuz kwg tsi muaj, txiad yog niz muaj isntsis nyaz los yiad muas rhu tiad qhai niz muz. 27Ca ni coj kud cob yeesncuas kwg tsi yuab kud ua cud tug vaajntxwb luz qhai na, has muas cud tua taasmeeg kud!’ ”
Yexus Caij tuz Neeg Luab Muz hub Lus Nroog Yeluxalees
28Thaws Yexus has ni na taaz, niz txiad ua cud ntej muz tu nraaz lus nroog Yeluxalees. 29Thaws Yexus muz yiad txug lus zoz Npefakhes has lus zoz Npethanis kwg nyos qhais lus roos txibntoo roj, niz txiad txis os tug thwjtid ua niz ntej muz, 30has qha ostug has tas, “Mej ca ni ncaaj nraid muz tu hub lus zoz kwg nyos tod mej hawb ntej; thaws mej muz txug, mej yiad pud is tug minyuas neez luab kwg tsi taw muaj neeg caij kua ni, khi ca qhob qhai. Mej ca ni dias caas luz tu kud qhai na. 31Yog muaj tuz twg noog has tas, ‘Mej yiad dias caas muz ua daastsi?’ Mej tes tuz qhai has tas, ‘Tuz tswb#19.31 tuz Tswb; lossis niz tuz Tswb. xaab sib.’ ”
32Ostug muz pud txhua yaad rias ni Yexus qha tu ostug. 33Thaws ostug taastod dias tuz minyuas neez luab, tuz tswb txiad noog ostug has tas, “Mej yiad dias caas muz ua daastsi?”
34Ostug tes has tas, “Tuz Tswb xaab sib.” Ostug caas tuz minyuas neeg luab luz tu Yexus. 35Ostug hle ostug os lus tsho nteb luz pua tuz minyuas neez luab nrawqawd tu Yexus caij. 36Thaws Yexus caij tuz minyuas neeg luab tawgkeb muz, tej neeg tuadtxhij hle cud tej tsho luz pua hub keb.
37Thaws Yexus muz yiad txug lus nroog Yeluxalees, qhai txuj keb kwg nqaiz pes lus Roos Txibntoo Roj luz, cob neeg coos coos kwg yog Yexus cob thwjtid txiad ua Vaajtswb tsawg, vid tej txujci tseedcees kwg cud taw pud, has cud qhuas Vaajtswb nrob nrob has tas, 38“Thob Vaajtswb food kooshmoob tu tuz vaajntxwb kwg Vaajtswb txis luz! Thob kuas saw ntuj muaj keb kaajsas lug, has kuas tuadtxhij fwd Vaajtswb tuz kwg muaj tshwjchid ci ntsaa as!”
39Cob Falixais qeetuz kwg nrug cob neeg coos coos qhai has tu Yexus has tas, “Xisfws, koj has kuas koj cob thwjtid nyos tuasyws!”
40Yexus tes cud has tas, “Kud qha tu mej has tas, yog cud cob na nyos tuasyws liad, tej poszes yeej yiad qw.”
Yexus Quaj Lus Nroog Yeluxalees
41Thaws Yexus tuaj ze lus nroog Yeluxalees, niz pud lus nroog, niz quaj, 42niz has tas, “Kheeb laad koj paws tej kwg yiad paas kuas koj nyos kaajsas lug! Tadsis nizna koj tsi paws tej qhai. 43Tu qhob muaj is hnoos koj cob yeesncuas yiad tuaj puas ntsaa yeej vij koj, has yiad tuaj txhua ceg kawd tuaj puab koj. 44Cud yiad ua tu koj has koj cob neeg kwg nyos hub koj, kuas puadtsuaj taaz hubtsig. Cud yiad tsi ca os lus poszes nyos sis tsuad ua ke, tu qhob koj tsi ncu txug lus sijhiad kwg Vaajtswb luz paas koj liad.”
Yexus Liab Cob Neeg Ua Luad Tiad qhai Lus Tuadtseb
45Yexus muz tu qhais lus Tuadtseb has liab tej neeg kwg tuaj ua luad kuas tiad muz, 46has niz has tu cud tas, “Vaajtswb txujlug saw tseg has tas, ‘Kud lus Tuadtseb yog qhob chia thob Vaajtswb.’ Tadsis mej muas ua chia tu tusnyas nkawd.”
47Yexus naj hnoos qha hub lus Tuadtseb, cob thiaj qhai cob pobthiaj, cob xisfws kwg qha Vaajtswb txuj Kebcai, has cob thiajcoj qhai cob pejxeed xaab muas Yexus tua laidtaa, 48tadsis cud ua tsi taw nyaab tu Yexus, tu qhob tuadtxhij nyad noog tej kwg Yexus qha heeb.
Селектирано:
Lukas 19: CQD2024
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2024 Bible Society Vietnam. All rights reserved.
Lukas 19
19
Yexus Has Xakhais
1Yexus tuaj txug hub lus nroog Yelikaws, has yiad dhaw muz. 2Nyos hub muaj is tug yiag npe hu ua Xakhais, niz yog cob saw se tuz thiaj has niz muaj nyaj heeb. 3Xakhais xaab pud seb Yexus yog tuz twg, tadsis muaj neeg coos coos thaib niz, niz nuad tsi pud Yexus, tu qhob niz yog neeg qaiztaws. 4Xakhais has dha fuas tuadtxhij ntej muz nce is tsos ntoo xikamaws, kuas niz pud Yexus, tu qhob Yexus yiad tawg txuj keb qhai tuaj. 5Thaws Yexus tuaj txug qhais, Yexus tsaa qhobmuag nuad has has tu Xakhais has tas, “Xakhais, koj ca ni nqaiz luz, tu qhob hnoos na kud yiad muz su hub koj tseb.”
6Xakhais txiad nqaiz nriad nroog luz toz txais Yexus, has zoo sas heeb ni. 7Cob neeg kwg pud ni qhai, cud thuad has tas, “Ua nyaab Yexus yiad muz su hub tuz neeg txhud tseb!”
8Xakhais siab nraid has tu Yexus has tas, “Tuz Tswb, koj noog kud has! Kud yiad muas tej kwg kud muaj is nraas fais tu cob neeg pluag. Has yog kud taw muas tuz twg is yaad daastsi luz yuab liad, kud yiad thed plaws npawg rob qaas tu tuz qhai.”
9Yexus has tas, “Hnoos na txuj keb ciad kig ted luz tu hub tuz yiag na lus tseb liad. Tuz yiag na yog Anplahaas is tug xeesntxwz has. 10Neeg Leej Tus yeej luz nrhab cob neeg kwg yuad keb liad has ciad kuas cud kig.”
Tuz Tswb Muas Txaj tu Cob Tusqhe
11Thaws cob neeg tseed taastod noog Yexus has qhai, Yexus txiad has is zaaj luz pibtxwb tu cud noog. Thaws niz muz yiad txug hub lus nroog Yeluxalees, has tej neeg xaab has tas Vaajtswb lus Teschias ted luz yiad txug. 12Yexus has tas, “Muaj is tug nud taastod yiad siab keb muz tu lwd lus teschias kes kes, kuas lag muas niz tsaa ua vaajntxwb, niz maad ni rob qaas luz. 13Thaws niz yiad muz, niz hu niz kawd tuz tusqhe luz, has niz muas nyaj tu cud is tug is choj; has has tu cud tas, ‘Mej ca ni coj cob nyaj na muz ua laaz ua luad, kuas txug hnoos kud rob luz.’ 14Tadsis cob pejxeed kwg nyos hub tuz nud qhai lus teschias heed niz, cud txiad txis neeg rias qaas muz has tas, ‘Pes tsi yuab tuz nud na ua pes tug vaajntxwb.’
15“Thaws lag tsaa tuz nud qhai ua vaajntxwb liad, niz rob qaas luz, has hu kuas cob tusqhe kwg niz muas nyaj tu tuaj cuag niz, nuad cud muz ua luad is tug tsaad pestsiag. 16Thiaj tuz tusqhe luz has tas, ‘Tuz tswb, choj nyaj kwg koj muas tu kud, kud coj muz ua luad tsaad kawd choj.’ 17Tuz tswb has tas, ‘Zoo heeb, koj yog tuz tusqhe kwg noog luz! Vid koj ua ncaaj tu tej yaad yaw yaw na, kud yiad tsaa koj ua tuz kwg nuad kawd lus nroog.’ 18Tuz tusqhe os lus has tas, ‘Tuz tswb, choj nyaj kwg koj muas tu kud, kud coj muz ua luad tsaad tsis choj.’ 19Tuz tswb has tu tuz tusqhe qhai has tas, ‘Koj yiad taw ua tuz nuad tsis lus nroog.’ 20Muaj kua is tug tusqhe luz has tas, ‘Tuz tswb, choj nyaj kwg koj muas tu kud nyos qhais na; kud muas dhuas qhwb khiad ca zoo zoo. 21Kud ntshai koj, tu qhob koj yog is tug neeg nyud heeb. Koj istxwd hlais tej kwg tsi yog koj cos, has saw tej kwg tsi yog koj tses.’ 22Tuz tswb has tu tuz tusqhe qhai has tas, ‘Tuz tusqhe kwg sas phed! Kud yiad raw txid tu koj rias ni tej luz kwg koj has! Koj ted paws has tas kud yog is tug neeg kwg nyud heeb, kud istxwd hlais tej kwg tsi yog kud cos, has saw tej kwg tsi yog kud tses. 23Ua nyaab koj tsi muas kud choj nyaj coj muz tso tu hub zuz nyaj? Thaws kud rob qaas luz, kud has taw kud choj nyaj has taw tej paaj ntxib?’ 24Niz has tu cob neeg kwg siab qhai has tas, ‘Mej ca ni muas niz choj nyaj coj muz ntxib tu tuz tusqhe kwg muaj kawd choj.’ 25Cud has tu tuz tswb has tas, ‘Tuz tswb, tuz qhai ted muaj kawd choj liad!’ 26Tuz tswb tes has tas, ‘Kud qha tu mej has tas, tuadtxhij kwg muaj liad, yeej yiad muas ntxib kuas niz muaj ntaw kua, tadsis tuz kwg tsi muaj, txiad yog niz muaj isntsis nyaz los yiad muas rhu tiad qhai niz muz. 27Ca ni coj kud cob yeesncuas kwg tsi yuab kud ua cud tug vaajntxwb luz qhai na, has muas cud tua taasmeeg kud!’ ”
Yexus Caij tuz Neeg Luab Muz hub Lus Nroog Yeluxalees
28Thaws Yexus has ni na taaz, niz txiad ua cud ntej muz tu nraaz lus nroog Yeluxalees. 29Thaws Yexus muz yiad txug lus zoz Npefakhes has lus zoz Npethanis kwg nyos qhais lus roos txibntoo roj, niz txiad txis os tug thwjtid ua niz ntej muz, 30has qha ostug has tas, “Mej ca ni ncaaj nraid muz tu hub lus zoz kwg nyos tod mej hawb ntej; thaws mej muz txug, mej yiad pud is tug minyuas neez luab kwg tsi taw muaj neeg caij kua ni, khi ca qhob qhai. Mej ca ni dias caas luz tu kud qhai na. 31Yog muaj tuz twg noog has tas, ‘Mej yiad dias caas muz ua daastsi?’ Mej tes tuz qhai has tas, ‘Tuz tswb#19.31 tuz Tswb; lossis niz tuz Tswb. xaab sib.’ ”
32Ostug muz pud txhua yaad rias ni Yexus qha tu ostug. 33Thaws ostug taastod dias tuz minyuas neez luab, tuz tswb txiad noog ostug has tas, “Mej yiad dias caas muz ua daastsi?”
34Ostug tes has tas, “Tuz Tswb xaab sib.” Ostug caas tuz minyuas neeg luab luz tu Yexus. 35Ostug hle ostug os lus tsho nteb luz pua tuz minyuas neez luab nrawqawd tu Yexus caij. 36Thaws Yexus caij tuz minyuas neeg luab tawgkeb muz, tej neeg tuadtxhij hle cud tej tsho luz pua hub keb.
37Thaws Yexus muz yiad txug lus nroog Yeluxalees, qhai txuj keb kwg nqaiz pes lus Roos Txibntoo Roj luz, cob neeg coos coos kwg yog Yexus cob thwjtid txiad ua Vaajtswb tsawg, vid tej txujci tseedcees kwg cud taw pud, has cud qhuas Vaajtswb nrob nrob has tas, 38“Thob Vaajtswb food kooshmoob tu tuz vaajntxwb kwg Vaajtswb txis luz! Thob kuas saw ntuj muaj keb kaajsas lug, has kuas tuadtxhij fwd Vaajtswb tuz kwg muaj tshwjchid ci ntsaa as!”
39Cob Falixais qeetuz kwg nrug cob neeg coos coos qhai has tu Yexus has tas, “Xisfws, koj has kuas koj cob thwjtid nyos tuasyws!”
40Yexus tes cud has tas, “Kud qha tu mej has tas, yog cud cob na nyos tuasyws liad, tej poszes yeej yiad qw.”
Yexus Quaj Lus Nroog Yeluxalees
41Thaws Yexus tuaj ze lus nroog Yeluxalees, niz pud lus nroog, niz quaj, 42niz has tas, “Kheeb laad koj paws tej kwg yiad paas kuas koj nyos kaajsas lug! Tadsis nizna koj tsi paws tej qhai. 43Tu qhob muaj is hnoos koj cob yeesncuas yiad tuaj puas ntsaa yeej vij koj, has yiad tuaj txhua ceg kawd tuaj puab koj. 44Cud yiad ua tu koj has koj cob neeg kwg nyos hub koj, kuas puadtsuaj taaz hubtsig. Cud yiad tsi ca os lus poszes nyos sis tsuad ua ke, tu qhob koj tsi ncu txug lus sijhiad kwg Vaajtswb luz paas koj liad.”
Yexus Liab Cob Neeg Ua Luad Tiad qhai Lus Tuadtseb
45Yexus muz tu qhais lus Tuadtseb has liab tej neeg kwg tuaj ua luad kuas tiad muz, 46has niz has tu cud tas, “Vaajtswb txujlug saw tseg has tas, ‘Kud lus Tuadtseb yog qhob chia thob Vaajtswb.’ Tadsis mej muas ua chia tu tusnyas nkawd.”
47Yexus naj hnoos qha hub lus Tuadtseb, cob thiaj qhai cob pobthiaj, cob xisfws kwg qha Vaajtswb txuj Kebcai, has cob thiajcoj qhai cob pejxeed xaab muas Yexus tua laidtaa, 48tadsis cud ua tsi taw nyaab tu Yexus, tu qhob tuadtxhij nyad noog tej kwg Yexus qha heeb.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2024 Bible Society Vietnam. All rights reserved.