Chibkees 11
11
Tuz Pedthuad Npanpees
1Thaws chibkees tej neeg kwg nyos hub ntajtes na puabtsig paws is yaad luz has has is yaad luz nyaz. 2Thaws cud tsib muz tusaas hnoostuaj, cud ha muz txug tu qhais lus taj nraaz Npanpiloos has cud txiad ua zej ua zoz nyos tu qhais lus taj nraaz qhai. 3Cud is tug has tu is tug tas, “Ca ni tuaj! Pes yiad khiaj aab luz puas ua thwbcis has coj muz hliab kuas tiab.” Yog ni qhai, cud ha muas cob thwbcis qhai has roj aab nplawd lu ua ke kuas ruaj khob. 4Cud has tas, “Nizna pes ca ni tsid ua is lus nroog has puas is tug pedthuad kuas sas nto ntuj, pes ha muaj koos muaj npe nyos nto moo lug has tsi tiag tsib muz nyos ua saas ua sua thoos ntajtes.”
5Ces tuz Tswb ha luz nuad lus nroog has tuz pedthuad kwg cob neeg qhai puas. 6Has tuz Tswb has tas, “Nizna cud yog is paas has has is yaad luz; qhob na yog tej kwg cud qhos ni pib ua nyaz. Tsi nteb ntshai cud yiad ua taw txhua yaad rias ni cud xaab ua! 7Pes ca ni muz ua kuas cud tej lug sis txiab has nyaz has nyaz is yaad luz, is tug tsi totaws is tug.” 8Yog ni qhai, tuz Tswb ha luz ua tu cud tiag muz nyos ri sua thoos pliaz lus ntajtes, has cud ha tso tseg tsi tsid lus nroog qhai ntxib liad. 9Yog ni qhai, ha muas lus nroog qhai hu ua Npanpiloos,#11.9 Npanpiloos: Lus npe na, has ni Henplais lu luz kwg has tas, “ua kuas tsi xod sis totaws.” tu qhob tuz Tswb ua tu txhua yaad neeg nyaz has nyaz is yaad luz, has niz ua tu cud tiag ri sua qhais qhob chia qhai muz nyos thoos pliaz hub lus ntajtes na.
Xees Cob Xeesntxwz
(1 Xwdtxheej Vaajntxwb 1.24-27)
10Qhais na muz yog Xees cob xeesntxwz. Tod qaas kwg dej nyaas ntajtes taaz taw os xyoos, Xees muaj hnoosnyood is puas xyoo, niz muaj is tug tus hu ua Apakesas. 11Dhaw qhai, niz tseed ua neej nyos taw tsis puas xyoo has muaj minyuas coos tuz ntxib.
12Thaws Apakesas hnoosnyood muaj pes cawg tsis xyoos, niz muaj is tug tus hu ua Selas, 13dhaw qhai, niz tseed ua neej nyos taw plaws puas pes xyoos has muaj minyuas coos tuz ntxib.
14Thaws Selas hnoosnyood muaj pes cawg xyoo, niz muaj is tug tus hu ua Enpes; 15dhaw qhai, niz tseed ua neej nyos taw plaws puas pes xyoos has muaj minyuas coos tuz ntxib.
16Thaws Enpes hnoosnyood muaj pes cawg plaws xyoos, niz muaj is tug tus hu ua Pelej; 17dhaw qhai, niz tseed ua neej nyos taw plaws puas pes cawg xyoo has muaj minyuas coos tuz ntxib.
18Thaws Pelej hnoosnyood muaj pes cawg xyoo, niz muaj is tug tus hu ua Le-us; 19dhaw qhai, niz tseed ua neej nyos taw os puas cuaj xyoos has muaj minyuas coos tuz ntxib.
20Thaws Le-us hnoosnyood muaj pes cawg os xyoos, niz muaj is tug tus hu ua Selus; 21dhaw qhai, niz tseed ua neej nyos taw os puas xyaa xyoo has muaj minyuas coos tuz ntxib.
22Thaws Selus hnoosnyood muaj pes cawg xyoo, niz muaj is tug tus hu ua Nahaws; 23dhaw qhai, niz tseed ua neej nyos taw os puas xyoo has muaj minyuas coos tuz ntxib.
24Thaws Nahaws hnoosnyood muaj neez nkawd cuaj xyoos, niz muaj is tug tus hu ua Telas; 25dhaw qhai, niz tseed ua neej nyos taw is puas kawd cuaj xyoos has muaj minyuas coos tuz ntxib.
26Tod qaas kwg Telas hnoosnyood muaj xyaa cawd xyoo, niz maad ni muaj pes tug tus kwg yog: Anplaas, Nahaws has Halaas.
Telas Cob Xeesntxwz
27Qhais na muz yog Telas cob xeesntxwz. Telas cob tus yog Anplaas, Nahaws, has Halaas. Halaas yog Lawj vaid, 28Halaas tuag ua ntej niz vaid thaws tseed nyos hub lus nroog Ules hub teschias Npanpiloos kwg yug niz liad. 29Anplaas yuab Xalais ua puj, has Nahaws yuab Halaas kwg yog Ixakhas vaid tuz ntxhais Milekas luz ua puj. 30Xalais yeej istxwd xees tsi tawz tus.
31Telas coj niz tuz tus Anplaas, niz tuz xeesntxwz Lawj kwg yog Halaas tuz tus, has niz tuz nyaas Xalais kwg yog Anplaas tuz puj, tsib tiad hub lus nroog Ules hub teschias Npanpiloos muz nyos tu teschias Kana-aas. Tadsis thaws cud tsib luz txug qhais Halaas, cud txiad luz nyos tu qhob qhai. 32Telas tuag tu hub lus nroog qhai, thaws niz hnoosnyood muaj os puas tsis xyoos.
Селектирано:
Chibkees 11: CQD2024
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2024 Bible Society Vietnam. All rights reserved.