لوقا 16
16
کِهره ناظر
1عیسا اؤز شاگردلَرینه بوللاری دا دئدی: «بیر وارلی آدام بیر ناظری واریدی. او وارلی آداما خَبر ائتیشدی کی، او ناظر، اؤنونگ مالینی بئیباد ائدیر. 2کیشی او ناظری اؤز یانینا چاغیردی و دئدی: ”بو گپلَر نهدیر کی سَنینگ حَقینگده ائشیدیرَم؟ اختیارینگا قؤیدوگوم مالینگ حساب کتابینی وئر، چونکی داها منیم ایچی ناظرلیگ ایشی گؤره بیلمَینگ.“ 3او ناظر دا اؤز یانیندا دئدی: ”ایندی کی اَربابیم سئیر بو ناظرلیگ ایشینی مَندن آلا نیجه ائدهسیم؟ من کی نه قازما وورماگ گؤجو واریم، نه ده گدایلیگ ائدمَک ایزی. 4بیلدیم نیجه ائدهسیم تا ناظرلیگدان اولاندا، بیر پارا آدام واریم اولا کی ائولَرینینگ دَرینی مَنه آچالّار.“ 5پس او آداملاری کی اَربابینا وئرهجَک ایدیلار، بیر بیر اؤز یانینا چاغیردی. اَوّلکیندَن خَبر آلدی: ”مَنیم اَربابیما ناغاد وئرهجَکینگ؟“ 6او آدام دئدی: ”یوز حَلب زیتان یاغی.“ ناظر دا اؤنا دئدی: ”بو دور، حسابینگ یازیلیسینی گؤتور، تئز اوتور و یاز اَللی حَلب.“ 7اوندان سورا او بیرینه دئدی: ”سَن ناغاد وئرهجَکینگ؟“ او آدام دئدی: ”یوز باتمان بوغدا.“ ناظر اؤنا دئدی: ”اؤز حسابینگ یازیلیسینی گؤتور و یاز سَگسان باتمان.“ 8اَرباب بو کِهره ناظرینگ زرنگلیگیندن تعریف ائدی. بو سَبریه کی گرچَکدن بو زامانانینگ اوغوللاری اؤز رووآللاریندا بو دنیانینگ آداملاری اینان، ایشّیق اوغوللاریندان زرنگتر دیرلَر. 9پس سیزه دئییرم کی دنیانینگ یالان مالینی یولداش اَله گتیرمَک ایچی خَرج ائدینز تا مالینز توکَنَنده، سیزی اَبَدی مَنزللَرده یوئودالّار.
10«او آدام کی چوخ کوچوک ایشده امانت دار اولا، بویوک ایشده دا امانت دار اولور آما او آدام کی چوخ کوچوک ایشده صاپ-صادق اولمایا، بویوک ایشده ده صاپ-صادق اولماز. 11پس اگر سیز دنیانینگ یالان مالیندا امانت دار اولمایاینز، کیم او گرچَک مالی سیزه تاپشیرار؟ 12و اگر سیز اؤزگه مالی حَقّینده امانت دار اولمایاینز، کیم اؤز مالینزی سیزه وئرهر؟ 13هئچ نوکر، ایکّی اَربابینگ قوللوقوندا اولا بیلمَز؛ بو خاطره کی یا بیریندَن نفرت واری اولور و او بیرینی چوخ سئیر، یا دا بیرینه وفالی قالار و او بیرینی کوچوک سایار. سیز باشارماینز کی هم تارئ قوللوقوندا اولاینز، همده پیل قوللوقوندا.»
تورات و تارئ پادشاهلیگی
14فَریسی فِرقهسینینگ عالِملَری کی چوخ پیلپرست ایدیلَر، واری بو گپلَری ائشیدَنده، عیسایی ریشخند ائدیلَر. 15عیسا اوللارا دئدی: «سیز او آداملاراینز کی خَلخ گؤزو دَمینده، اؤزونزو ائله گؤرسَدیرَینز کی انگار حَق سیزینگ اینَن دیر، آما تارئ سیزینگ اؤرهکینزدَن خبر واری؛ چونکی او زادلار کی آداملار آراسیندا چوخ اَرزش واری، تارئ گؤزونده هئچ باخمالی دهییل.
16«تَعمید وئرَن یحیا زامانینانچاز، تورات و پیغمبرلَر یازیلیلاری ایش اوستوندهایدی. او زاماندان سورا تارئ پادشاهلیگینینگ خوش خَبری وئریلیر و واری خَلخ گؤجَکی اؤزلَرینه یول آچیرلار تا گئدَلَّر ایچَری. 17آما آسانتر دیر کی گؤی و اینَن یئر آرادان گئده تا بو کی توراتینگ بیر نُقطهسی هئچ اولا.
18«هَر کَس کی آروادینی طلاق وئره و آیری آرواد آلا، زِنا ائدیر و هَر کَس ده کی بیر طلاق وئریلمیش آرواد اینان ائولَنه، زِنا ائدیر.
ایلعازَر و وارلی آدام
19«بیر وارلی کیشی ایدی کی همیشه اَعیانی و اَرغوانلی گران رَخت گئیَردی و هر گؤنونو خوش گچیردمَک اینان گچیردَردی. 20بیر ایلعازَر آدلی یوخسول اؤنونگ ائوینینگ قاپیسیندا یاتیردی کی بوتون داری دؤلو یارا ایدی. 21ایلعازَر آرزی ائدَردی کی قارنینی، او وارلی آدامینگ سُفرهسیندان تؤکولَن خوردا تیکهلَر اینَن، دؤلدورا. حتّی کؤپکلَر گلیرلَر ایدی و اؤنونگ یارالارینی یالاییرلاردی. 22آخیردان او یوخسول اؤلدو و فرشتهلَر اؤنو ابراهیم پیغمبر یانینا آپاردیلار. او وارلی آدام دا اؤلدو و اؤنو تورپاقا تاپشیردیلار. 23وارلی آدام اؤلولَر دیارینا گئتدی و ائله عَذاب چَکن وخت، اوخاری باخدی و ایراقدان ابراهیمی پیغمبری گؤردو کی ایلعازَر دا یانینا تورموش. 24اوجا سَس اینَن چاغیردی: ”ای بووآ، ابراهیم، منه رَحم ائد. ایلعازَری یوللا تا بورماقی باشینی سویا باتیرا و منیم دیلیمی خُنک ائده، بو سَبریه کی من بو اوت ایچینده عَذاب چَکیرَم.“ 25آما ابراهیم پیغمبر دئدی: ”اولادیم، یادینگه گتیر کی دئرّیلیگینگده واری خوب زادلار سنه نَصیب اولدو و واری پیس زادلار ایلعازَره. آما ایندی او بوردا راحت دیر و سَن عَذاب ایچیندهینگ. 26بوندان برگذر، سیزینگ و بیزیم آرامیزدا بیر بویوک دَره قؤیولموش تا اوللار کی سئیرلَر بوردان سیزینگ یانینزا گللَّر، گله بیلمئیهلَّر و هَر کَس ده کی سئیه او تایدان بو تایا گله، گله بیلمئیه.“ 27او دئدی: ”پس بووآ، سنه یالواریرام، ایلعازَری منیم بووآم ائوینه یوللا، 28بو سَبریه کی بئش کاکا واریم. ایلعازَری یوللا تا اوللاری هوشکار ائده، تا ائدمئیه کی اوللار دا بو عَذاب یئرینه گللَّر.“ 29آما ابراهیم دئدی: ”اوللار تارئ کلامینی وارلاری کی موسای پیغمبر و پیغمبرلَر طَریقیندَن یازیلمیش؛ اوللارا قولاق آسسینلار.“ 30او کیشی دئدی: ”یو، ابراهیم بووآ، اگر اؤلولَرینگ بیرسی اوللارینگ یانینا گئدسه، اوللار توبه ائدهرلَر.“ 31آما ابراهیم اؤنا دئدی: ”اگر اوللار تارئ کلامینا کی موسای پیغمبر و پیغمبرلَر طَریقیندَن یازیلمیش، قولاق آسمئیرلار، حتّی اگر بیر کَس اؤلومدَن ده دئرّیلسه، اوللار مُجاب اولمازلار.“»
Селектирано:
لوقا 16: QII
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
@ 2024 Korpu Company
لوقا 16
16
کِهره ناظر
1عیسا اؤز شاگردلَرینه بوللاری دا دئدی: «بیر وارلی آدام بیر ناظری واریدی. او وارلی آداما خَبر ائتیشدی کی، او ناظر، اؤنونگ مالینی بئیباد ائدیر. 2کیشی او ناظری اؤز یانینا چاغیردی و دئدی: ”بو گپلَر نهدیر کی سَنینگ حَقینگده ائشیدیرَم؟ اختیارینگا قؤیدوگوم مالینگ حساب کتابینی وئر، چونکی داها منیم ایچی ناظرلیگ ایشی گؤره بیلمَینگ.“ 3او ناظر دا اؤز یانیندا دئدی: ”ایندی کی اَربابیم سئیر بو ناظرلیگ ایشینی مَندن آلا نیجه ائدهسیم؟ من کی نه قازما وورماگ گؤجو واریم، نه ده گدایلیگ ائدمَک ایزی. 4بیلدیم نیجه ائدهسیم تا ناظرلیگدان اولاندا، بیر پارا آدام واریم اولا کی ائولَرینینگ دَرینی مَنه آچالّار.“ 5پس او آداملاری کی اَربابینا وئرهجَک ایدیلار، بیر بیر اؤز یانینا چاغیردی. اَوّلکیندَن خَبر آلدی: ”مَنیم اَربابیما ناغاد وئرهجَکینگ؟“ 6او آدام دئدی: ”یوز حَلب زیتان یاغی.“ ناظر دا اؤنا دئدی: ”بو دور، حسابینگ یازیلیسینی گؤتور، تئز اوتور و یاز اَللی حَلب.“ 7اوندان سورا او بیرینه دئدی: ”سَن ناغاد وئرهجَکینگ؟“ او آدام دئدی: ”یوز باتمان بوغدا.“ ناظر اؤنا دئدی: ”اؤز حسابینگ یازیلیسینی گؤتور و یاز سَگسان باتمان.“ 8اَرباب بو کِهره ناظرینگ زرنگلیگیندن تعریف ائدی. بو سَبریه کی گرچَکدن بو زامانانینگ اوغوللاری اؤز رووآللاریندا بو دنیانینگ آداملاری اینان، ایشّیق اوغوللاریندان زرنگتر دیرلَر. 9پس سیزه دئییرم کی دنیانینگ یالان مالینی یولداش اَله گتیرمَک ایچی خَرج ائدینز تا مالینز توکَنَنده، سیزی اَبَدی مَنزللَرده یوئودالّار.
10«او آدام کی چوخ کوچوک ایشده امانت دار اولا، بویوک ایشده دا امانت دار اولور آما او آدام کی چوخ کوچوک ایشده صاپ-صادق اولمایا، بویوک ایشده ده صاپ-صادق اولماز. 11پس اگر سیز دنیانینگ یالان مالیندا امانت دار اولمایاینز، کیم او گرچَک مالی سیزه تاپشیرار؟ 12و اگر سیز اؤزگه مالی حَقّینده امانت دار اولمایاینز، کیم اؤز مالینزی سیزه وئرهر؟ 13هئچ نوکر، ایکّی اَربابینگ قوللوقوندا اولا بیلمَز؛ بو خاطره کی یا بیریندَن نفرت واری اولور و او بیرینی چوخ سئیر، یا دا بیرینه وفالی قالار و او بیرینی کوچوک سایار. سیز باشارماینز کی هم تارئ قوللوقوندا اولاینز، همده پیل قوللوقوندا.»
تورات و تارئ پادشاهلیگی
14فَریسی فِرقهسینینگ عالِملَری کی چوخ پیلپرست ایدیلَر، واری بو گپلَری ائشیدَنده، عیسایی ریشخند ائدیلَر. 15عیسا اوللارا دئدی: «سیز او آداملاراینز کی خَلخ گؤزو دَمینده، اؤزونزو ائله گؤرسَدیرَینز کی انگار حَق سیزینگ اینَن دیر، آما تارئ سیزینگ اؤرهکینزدَن خبر واری؛ چونکی او زادلار کی آداملار آراسیندا چوخ اَرزش واری، تارئ گؤزونده هئچ باخمالی دهییل.
16«تَعمید وئرَن یحیا زامانینانچاز، تورات و پیغمبرلَر یازیلیلاری ایش اوستوندهایدی. او زاماندان سورا تارئ پادشاهلیگینینگ خوش خَبری وئریلیر و واری خَلخ گؤجَکی اؤزلَرینه یول آچیرلار تا گئدَلَّر ایچَری. 17آما آسانتر دیر کی گؤی و اینَن یئر آرادان گئده تا بو کی توراتینگ بیر نُقطهسی هئچ اولا.
18«هَر کَس کی آروادینی طلاق وئره و آیری آرواد آلا، زِنا ائدیر و هَر کَس ده کی بیر طلاق وئریلمیش آرواد اینان ائولَنه، زِنا ائدیر.
ایلعازَر و وارلی آدام
19«بیر وارلی کیشی ایدی کی همیشه اَعیانی و اَرغوانلی گران رَخت گئیَردی و هر گؤنونو خوش گچیردمَک اینان گچیردَردی. 20بیر ایلعازَر آدلی یوخسول اؤنونگ ائوینینگ قاپیسیندا یاتیردی کی بوتون داری دؤلو یارا ایدی. 21ایلعازَر آرزی ائدَردی کی قارنینی، او وارلی آدامینگ سُفرهسیندان تؤکولَن خوردا تیکهلَر اینَن، دؤلدورا. حتّی کؤپکلَر گلیرلَر ایدی و اؤنونگ یارالارینی یالاییرلاردی. 22آخیردان او یوخسول اؤلدو و فرشتهلَر اؤنو ابراهیم پیغمبر یانینا آپاردیلار. او وارلی آدام دا اؤلدو و اؤنو تورپاقا تاپشیردیلار. 23وارلی آدام اؤلولَر دیارینا گئتدی و ائله عَذاب چَکن وخت، اوخاری باخدی و ایراقدان ابراهیمی پیغمبری گؤردو کی ایلعازَر دا یانینا تورموش. 24اوجا سَس اینَن چاغیردی: ”ای بووآ، ابراهیم، منه رَحم ائد. ایلعازَری یوللا تا بورماقی باشینی سویا باتیرا و منیم دیلیمی خُنک ائده، بو سَبریه کی من بو اوت ایچینده عَذاب چَکیرَم.“ 25آما ابراهیم پیغمبر دئدی: ”اولادیم، یادینگه گتیر کی دئرّیلیگینگده واری خوب زادلار سنه نَصیب اولدو و واری پیس زادلار ایلعازَره. آما ایندی او بوردا راحت دیر و سَن عَذاب ایچیندهینگ. 26بوندان برگذر، سیزینگ و بیزیم آرامیزدا بیر بویوک دَره قؤیولموش تا اوللار کی سئیرلَر بوردان سیزینگ یانینزا گللَّر، گله بیلمئیهلَّر و هَر کَس ده کی سئیه او تایدان بو تایا گله، گله بیلمئیه.“ 27او دئدی: ”پس بووآ، سنه یالواریرام، ایلعازَری منیم بووآم ائوینه یوللا، 28بو سَبریه کی بئش کاکا واریم. ایلعازَری یوللا تا اوللاری هوشکار ائده، تا ائدمئیه کی اوللار دا بو عَذاب یئرینه گللَّر.“ 29آما ابراهیم دئدی: ”اوللار تارئ کلامینی وارلاری کی موسای پیغمبر و پیغمبرلَر طَریقیندَن یازیلمیش؛ اوللارا قولاق آسسینلار.“ 30او کیشی دئدی: ”یو، ابراهیم بووآ، اگر اؤلولَرینگ بیرسی اوللارینگ یانینا گئدسه، اوللار توبه ائدهرلَر.“ 31آما ابراهیم اؤنا دئدی: ”اگر اوللار تارئ کلامینا کی موسای پیغمبر و پیغمبرلَر طَریقیندَن یازیلمیش، قولاق آسمئیرلار، حتّی اگر بیر کَس اؤلومدَن ده دئرّیلسه، اوللار مُجاب اولمازلار.“»
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
@ 2024 Korpu Company