لوقا 17
17
وَسوَسهیه دؤشمک
1عیسا اؤز شاگردلَرینه دئدی: «وَسوَسهلَرینگ گلمَکی حَتمی دیر، آما وای او آدام حالینا کی وَسوَسهلَر اؤنونگ طَریقیندن گله. 2او کی بو ساده آداملارینگ بیرسینی گُناها آتا، اؤنونگ ایچی یئیتَر دیر کی بیر دییرمان داشی بوینونا آسیلا و دریا ایچینه آتیلا. 3اؤزونزو گؤزلهیینز! اگر کاکانگ سنینگ حَقینگده گُناه ائدسه، اؤنو هَیله، اگر دا کی توبه ائدسه، اؤنو باغیشلا. 4حتّی اگر گؤنده یئتدی دفعه سنینگ حَقینگده گُناه ائدسه و یئتدی دفعه ده سنه ساری دؤنسه و دئسه: ”توبه ائدیرَم،“ سن اؤنو باغیشلایاسینگ.»
5حَواریلار، رَب عیسایا دئدیلَر: «بیزه کؤمَک ائد تا ایمانیمیز چوخالا.» 6رَب عیسا دئدی: «اگر کی بیر خَردل دانیچاز ایمانینز اولسایدی، بو توت آغاجینا دئیهبیلَردینز: ”ریشهدَن چیخ و دریا ایچینده اَکیل،“ و او دا سیزدن فرمان آپاراردی.
7«سیزینگ آراینزدا کیم وار کی، بیر نوکری اولا کی یئری خیش ائدیر یا دا دووآرلاری چوبانلیگ ائدیر و او نوکر یئر اوستوندن گئری دؤنَنده، اَرباب اؤنا دئیه: ”تئز اول، گل و سُفره قیراقینا اوتور؟“ 8بئیه بونونگ یئرینه اؤنا دئمَز کی: ”منیم خورَکیمی آماده ائد، رَختلَرینگی دهییش و منه قوللوق ائد تا من یئیَم و ایچَم، اوندان سورا سَن یئیهرَینگ و ایچَرَینگ؟“ 9آیا او نوکره، بونونگ ایچی کی اؤنونگ فرمانلارینی یئرینه ائتیردیر اَلینگ آغیرماسین دئیهر؟ 10سیز ده ائله بئله، هر موقع کی بوتون سیزه فرمان وئریلَن ایشلَری یئرینه ائتیردینز، دئیینز: ”بیز بیر بی مِنَّت نوکرلَرَک؛ فقط اؤز وظیفهمیزی یئرینه ائتیردمیشَک.“»
اون نفر جُذاملینینگ شفاسی
11عیسا اورشلیم شَهرینینگ یولوندا، جَلیل ولایتی و سامِره منطقهسی آراسینداکی یئردَن گچیردی. 12ائله بئله کی بیر کَند ایچینه گئدیردی، اون جُذاملی آدام اینان قَرشیلَشدی. او جُذاملیلار ایراق توردولار 13و سَسلَرینی اوجالتدیلار و دئدیلَر: «عیسا، اُستاد، بیزه رَحم ائد.» 14عیسا اوللاری گؤرَنده دئدی: «گئدینز و اؤزونزو کاهِنلَره کی مَعبد عالِملَری دیرلَر گؤرسَدینز.» و ائله گئدیگیلَری یولدا شفا توتدولار. 15اوندان سورا اوللارینگ بیرسی، اوندا کی گؤردو کی شفا توتموش، اوجا سَس اینَن تارئیی حمد و ثنا ائده-ائده گئری بؤکولدو 16و ایز اوستونه، عیسانینگ قیچینه دؤشدو و اوندان تَشکّر ائدی. او کیشی بیر سامِرهلیدی. 17عیسا بونو گؤرَنده دئدی: «بئیه شفا توتان جُذاملیلار اون نفر دهییللَردی؟ پس او دوقوز نفر داها هاردا دیرلار؟ 18بو اؤزگهدَن آیری، هئچ کَس بولونمادی تا بؤکوله و تارئیی حمد و ثنا ائده؟» 19اوندان سورا او کیشییه دئدی: «تور آیاقی و گئد. ایمانینگ سَنی خوب ائدمیش.»
تارئ پادشاهلیگینینگ گلمَکی
20فَریسی فِرقهسینینگ عالِملَری عیسادان خبر آلدیلار کی تارئ پادشاهلیگی نه زامان گلَر. عیسا جواب وئردی: «تارئ پادشاهلیگی، بیر رَقم گلمئیر کی اولا اؤنو گؤرَینگ، 21و هئچ کَس ده دئمَز کی: ”باخ، تارئ پادشاهلیگی بوردا دیر!“ یا دا ”اؤردا دیر!“ چونکی، تارئ پادشاهلیگی سیزینگ آراینزدا دیر.»
22عیسا اؤز شاگردلَرینه دئدی: «بیر زامان گلَر کی سیز آرزی چَکرَینز کی انسان اوغلونونگ بیر گؤنونو گؤرونز، آما گؤرمَینز. 23سیزه دئیهرلَر: ”باخ، بوردا دیر!“ یا دا ”باخ، اؤردا دیر!“ آما سیز گئدمهینز و قولونجلاریندان یولا دؤشمَینز. 24بو سَبریه کی انسان اوغلو اؤز گؤنونده، بیر ایلدیریم لهیین اولور کی ایشّیلییر و گؤیو بو تایدان او تایانچاز ایشّیق ائدیر. 25آما اَوّل او چوخ زَجرلَر چَکهسی و بو نَسلینگ آداملاری طَرفیندن رَد اولوناسی. 26نوح زامانیندا نهیین ایدی، انسان اوغلونونگ زامانیندا دا ائله اولهیین اولور. 27او گؤنَنچاز کی نوح کشتییه میندی، آداملار یئییرلَردی و ایچیرلَردی، آرواد آلیرلاردی و اَره گئدیرلَردی. اوندا سیل گلدی و اوللارینگ واریسینی نابود ائدی. 28ائله بئله ده لوط زامانیندا آداملار یئییرلَردی و ایچیرلَردی، آلیرلاردی و ساتیرلاردی، اکیرلَردی و ائو دؤزَتیرلَردی، 29آما او گؤن کی لوط سُدوم شَهریندَن یازّیا چیخدی، بیردَن اوت و گوگرد گؤیدَن یاغدی و اوللارینگ واریسینی نابود ائدی. 30انسان اوغلو ظهور ائدَن گؤن ده، ائله او زامان لهیین اولور. 31او گؤنده او کی ائوینگ پُشتبامیندا دیر و اسباب-اَثاثی ائو ایچینده دیر، اَثاثلارینینگ گؤتورمَکی ایچی داها آشاغی گلمهسین. ائله بئله ده او آدام کی اَکین یئری اوستونده دیر، گئری دؤنمهسین. 32لوط آروادینی یادینزا گتیرینز. 33هَر کَس کی اؤز جانینی ساخلاماک قولونجوندا اولا، اؤنو اَلدن وئرهر آما هَر کَس کی اؤز جانیندان گچه، اؤنو ساخلایار. 34سیزه دئییرم کی او گئجه ده، ایکّی آدامدان کی بیر یئر ایچینه یاتمیشلار، بیرسی آپاریلار و بیرسی قالار. 35ایکّی آرواددان دا کی بئلینه اَل دییرمانی چَکیرلَر، بیرسی آپاریلار و بیرسی قالار. 36اَکین یئری ایچیندهکی ایکّی کیشینینگ، بیرسی آپاریلار و بیرسی قالار.» 37شاگردلَر عیسایا دئدیلَر: «هارا آقا؟» عیسا اوللارا دئدی: «هر یئرده بیر لاش اولسا، لاش خورلار دا ائله اؤرا ییغیلَرلَر.»
Селектирано:
لوقا 17: QII
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
@ 2024 Korpu Company
لوقا 17
17
وَسوَسهیه دؤشمک
1عیسا اؤز شاگردلَرینه دئدی: «وَسوَسهلَرینگ گلمَکی حَتمی دیر، آما وای او آدام حالینا کی وَسوَسهلَر اؤنونگ طَریقیندن گله. 2او کی بو ساده آداملارینگ بیرسینی گُناها آتا، اؤنونگ ایچی یئیتَر دیر کی بیر دییرمان داشی بوینونا آسیلا و دریا ایچینه آتیلا. 3اؤزونزو گؤزلهیینز! اگر کاکانگ سنینگ حَقینگده گُناه ائدسه، اؤنو هَیله، اگر دا کی توبه ائدسه، اؤنو باغیشلا. 4حتّی اگر گؤنده یئتدی دفعه سنینگ حَقینگده گُناه ائدسه و یئتدی دفعه ده سنه ساری دؤنسه و دئسه: ”توبه ائدیرَم،“ سن اؤنو باغیشلایاسینگ.»
5حَواریلار، رَب عیسایا دئدیلَر: «بیزه کؤمَک ائد تا ایمانیمیز چوخالا.» 6رَب عیسا دئدی: «اگر کی بیر خَردل دانیچاز ایمانینز اولسایدی، بو توت آغاجینا دئیهبیلَردینز: ”ریشهدَن چیخ و دریا ایچینده اَکیل،“ و او دا سیزدن فرمان آپاراردی.
7«سیزینگ آراینزدا کیم وار کی، بیر نوکری اولا کی یئری خیش ائدیر یا دا دووآرلاری چوبانلیگ ائدیر و او نوکر یئر اوستوندن گئری دؤنَنده، اَرباب اؤنا دئیه: ”تئز اول، گل و سُفره قیراقینا اوتور؟“ 8بئیه بونونگ یئرینه اؤنا دئمَز کی: ”منیم خورَکیمی آماده ائد، رَختلَرینگی دهییش و منه قوللوق ائد تا من یئیَم و ایچَم، اوندان سورا سَن یئیهرَینگ و ایچَرَینگ؟“ 9آیا او نوکره، بونونگ ایچی کی اؤنونگ فرمانلارینی یئرینه ائتیردیر اَلینگ آغیرماسین دئیهر؟ 10سیز ده ائله بئله، هر موقع کی بوتون سیزه فرمان وئریلَن ایشلَری یئرینه ائتیردینز، دئیینز: ”بیز بیر بی مِنَّت نوکرلَرَک؛ فقط اؤز وظیفهمیزی یئرینه ائتیردمیشَک.“»
اون نفر جُذاملینینگ شفاسی
11عیسا اورشلیم شَهرینینگ یولوندا، جَلیل ولایتی و سامِره منطقهسی آراسینداکی یئردَن گچیردی. 12ائله بئله کی بیر کَند ایچینه گئدیردی، اون جُذاملی آدام اینان قَرشیلَشدی. او جُذاملیلار ایراق توردولار 13و سَسلَرینی اوجالتدیلار و دئدیلَر: «عیسا، اُستاد، بیزه رَحم ائد.» 14عیسا اوللاری گؤرَنده دئدی: «گئدینز و اؤزونزو کاهِنلَره کی مَعبد عالِملَری دیرلَر گؤرسَدینز.» و ائله گئدیگیلَری یولدا شفا توتدولار. 15اوندان سورا اوللارینگ بیرسی، اوندا کی گؤردو کی شفا توتموش، اوجا سَس اینَن تارئیی حمد و ثنا ائده-ائده گئری بؤکولدو 16و ایز اوستونه، عیسانینگ قیچینه دؤشدو و اوندان تَشکّر ائدی. او کیشی بیر سامِرهلیدی. 17عیسا بونو گؤرَنده دئدی: «بئیه شفا توتان جُذاملیلار اون نفر دهییللَردی؟ پس او دوقوز نفر داها هاردا دیرلار؟ 18بو اؤزگهدَن آیری، هئچ کَس بولونمادی تا بؤکوله و تارئیی حمد و ثنا ائده؟» 19اوندان سورا او کیشییه دئدی: «تور آیاقی و گئد. ایمانینگ سَنی خوب ائدمیش.»
تارئ پادشاهلیگینینگ گلمَکی
20فَریسی فِرقهسینینگ عالِملَری عیسادان خبر آلدیلار کی تارئ پادشاهلیگی نه زامان گلَر. عیسا جواب وئردی: «تارئ پادشاهلیگی، بیر رَقم گلمئیر کی اولا اؤنو گؤرَینگ، 21و هئچ کَس ده دئمَز کی: ”باخ، تارئ پادشاهلیگی بوردا دیر!“ یا دا ”اؤردا دیر!“ چونکی، تارئ پادشاهلیگی سیزینگ آراینزدا دیر.»
22عیسا اؤز شاگردلَرینه دئدی: «بیر زامان گلَر کی سیز آرزی چَکرَینز کی انسان اوغلونونگ بیر گؤنونو گؤرونز، آما گؤرمَینز. 23سیزه دئیهرلَر: ”باخ، بوردا دیر!“ یا دا ”باخ، اؤردا دیر!“ آما سیز گئدمهینز و قولونجلاریندان یولا دؤشمَینز. 24بو سَبریه کی انسان اوغلو اؤز گؤنونده، بیر ایلدیریم لهیین اولور کی ایشّیلییر و گؤیو بو تایدان او تایانچاز ایشّیق ائدیر. 25آما اَوّل او چوخ زَجرلَر چَکهسی و بو نَسلینگ آداملاری طَرفیندن رَد اولوناسی. 26نوح زامانیندا نهیین ایدی، انسان اوغلونونگ زامانیندا دا ائله اولهیین اولور. 27او گؤنَنچاز کی نوح کشتییه میندی، آداملار یئییرلَردی و ایچیرلَردی، آرواد آلیرلاردی و اَره گئدیرلَردی. اوندا سیل گلدی و اوللارینگ واریسینی نابود ائدی. 28ائله بئله ده لوط زامانیندا آداملار یئییرلَردی و ایچیرلَردی، آلیرلاردی و ساتیرلاردی، اکیرلَردی و ائو دؤزَتیرلَردی، 29آما او گؤن کی لوط سُدوم شَهریندَن یازّیا چیخدی، بیردَن اوت و گوگرد گؤیدَن یاغدی و اوللارینگ واریسینی نابود ائدی. 30انسان اوغلو ظهور ائدَن گؤن ده، ائله او زامان لهیین اولور. 31او گؤنده او کی ائوینگ پُشتبامیندا دیر و اسباب-اَثاثی ائو ایچینده دیر، اَثاثلارینینگ گؤتورمَکی ایچی داها آشاغی گلمهسین. ائله بئله ده او آدام کی اَکین یئری اوستونده دیر، گئری دؤنمهسین. 32لوط آروادینی یادینزا گتیرینز. 33هَر کَس کی اؤز جانینی ساخلاماک قولونجوندا اولا، اؤنو اَلدن وئرهر آما هَر کَس کی اؤز جانیندان گچه، اؤنو ساخلایار. 34سیزه دئییرم کی او گئجه ده، ایکّی آدامدان کی بیر یئر ایچینه یاتمیشلار، بیرسی آپاریلار و بیرسی قالار. 35ایکّی آرواددان دا کی بئلینه اَل دییرمانی چَکیرلَر، بیرسی آپاریلار و بیرسی قالار. 36اَکین یئری ایچیندهکی ایکّی کیشینینگ، بیرسی آپاریلار و بیرسی قالار.» 37شاگردلَر عیسایا دئدیلَر: «هارا آقا؟» عیسا اوللارا دئدی: «هر یئرده بیر لاش اولسا، لاش خورلار دا ائله اؤرا ییغیلَرلَر.»
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
@ 2024 Korpu Company