لوقا 15
15
لایلانانلار مَثَلی
1بو زاماندا واری باج ییغَنلَر و گُناهکارلار، عیسا دئییرینه ییغیلمیشلَردی تا اؤنونگ سؤزلَرینی ائشیدَلَّر. 2فَریسی فِرقهسینینگ عالِملَری و تورات معلّملَری توغّولیا-توغّولیا دئییرلَردی: «بو آدام گُناهکارلاری خوش ایز اینان قبول ائدیر و اوللار اینان خورَکی یئییر.»
3عیسا دا بونو ائشیدَنده، بو مَثَلی چَکدی: 4«سیزینگ آراینزدا کیم وار کی یوز دانا قویونو اولا و اوللارینگ بیرینی ایتیرَنده، او دوقسان دوقوز دانا قویونو چؤلده ویل ائدمئیه تا گئده او بیر دانا لایلانان قویونو بولا؟ 5او آدام، لایلانان قویونو بولاندا، اؤنو خوشحاللیگ اینَن چینینه آلار، 6و ائوه گلَنده، یولداشلارینی و قونشولارینی ییغَر و دئیهر: ”گلینز منیم اینَن شادلیگ ائدینز چونکی من لایلانان قویونومو بولمیشام.“ 7سیزه دئییرم، ائله بئله ده، گؤیده هر توبه ائدَن گُناهکار ایچی شادلیگ اولور؛ او شادلیگدان آرتیق کی دوقسان دوقوز صالح آدام ایچی کی توبه ائدمَکه نیاز یوخلاری، وار.
8«یا دا هانی آرواد دیر کی اون دانا نُقره سِکّه واری اولا و بیرینی ایتیرَنده، چیراغلاری آلیشتیرمیا، بوتون ائوی سؤپورمیه و اونو بولانانچاز گَزمَکدَن اَل چَکمیه؟ 9او آرواد، لایلانان سِکّهیی بولاندا، یولداشلارینی و قونشولارینی ییغَر و دئیهر: ”گلینز منیم اینَن شادلیگ ائدینز چونکی من لایلانان سِکّمی بولمیشام.“ 10سیزه دئییرم، ائله بئله ده، گؤیده هر توبه ائدَن گُناهکار ایچی، تارئنینگ فرشتهلَری آراسیندا شادلیگ اولور.»
11و عیسا دئدی: «بیر کیشیده ایکّی اوغول وار ایدی. 12کوچوک اوغول بووآسینا دئدی: ”بووآ، مالینگدان هَرنه کی قرار دیر منه ائتیشه، منه وئر.“ بووآ دا دارالیگینی ایکّی اوغلو آراسیندا بَهر ائدی. 13حَلی نئچه گؤن گچمهمیشدی کی کوچوک اوغول هَرنه کی واریدی ییغیشتیردی و بیر ایراق مَملکته گئتدی و اؤردا بوتون دارالیگینی عَیّاشلیگ اینَن بئیباد ائدی. 14واری دارالیگینی خَرج ائدَندَن سورا، او مملکتده بیر سَخت قَحطلوق دؤشدو و اوغول دا یوخسوللیگه دؤشدو. 15پس گئتدی و او مملکتینگ آداملارینینگ بیرینه نوکر اولدو. او آدام دا اؤنو اؤز یئری اوستونه یوللادی تا دونقوزلره خورَکی وئره. 16اوغول آرزی ائدیردی کی قارنینی دونقوزلار خورَکیسی اینان دویاردا، آما هئچکَس اؤنا هئچنه وئرمئیردی.
17«آخیردان اوغول اؤزونه گلدی و دئدی: ”منیم بووآم نوکرلَرینینگ واریسی دویماکلاریندان اضاف ده خورَکی وارلاری، آما من بوردا آجیندان اؤلیرَم. 18توردام آیاقی گئدهرَم بووآم یانینا و اؤنا دئیهرَم: ’بووآ، من تارئ حَقّینده و سَنینگ حَقّینده گُناه ائدمیشَم. 19داها لایق دهییلَم کی منی سَنینگ اوغلونگ چاغیرالّار. منیم اینَن نوکرلَرینگ بیرسی لهیین رووآل ائد.‘“
20«پس توردو آیاقی و بووآسی ائوینه ساری یولا دؤشدو. آما حلی بووآسی ائویندَن ایراق ایدی کی بووآسی آرالیدان اؤنو گؤردو و اؤرهکی اؤنا یاندی، قاچدی، اؤنو قوجاقلادی و ماچ ائدی. 21اوغول بووآسینا دئدی: ”بووآ، من تارئ حَقّینده و سَنینگ حَقینگده گُناه ائدمیشَم. داها لایق دهییلَم کی منی سَنینگ اوغلونگ چاغیرالّار.“ 22آما بووآ، اؤز نوکرلَرینه دئدی: ”تئز گئدینز. ائنگ خوب عابایی گتیرینز و اوغلوما گئیدیرینز. بورماقینا اوزلوک سالینز و قیچلَرینه آیاققابی. 23بیر پَرواری کوسالا گتیرینز و باشینی کَسینز تا یئیَک و شادلیگ ائدَک. 24بو سَبریه کی مَنیم بو اوغلوم اؤلموشدو، دئرّیلدی؛ ایتمیشدی، بولوندو.“ و شادلیگ ائدمَکه باشلادیلار.
25«ائله او موقعده بویوک اوغول کی اَکین یئرینده ایدی گئری دؤنَنده و ائوه یاخین اولاندا، ائشیتدی کی چالیرلار و اؤینیرلار. 26نوکرلَرینگ بیرسینی چاغیردی و اوندان خبر آلدی: ”نه خَبر دیر؟“ 27نوکر دئدی: ”کاکانگ گلمیش. بووآنگ دا اؤنو صَحیح و سالم بولدیگی ایچی، بیر پَرواری کوسالا باش کَسمیش.“ 28آما بویوک اوغول عَصبانی اولدو و سئمهدی گئده ایچَری. بووآسی یازّیا چیخدی و اؤنا یالواردی تا ایچَری گله. 29آما اوغول بووآسینا دئدی: ”باخ، من نئچه ایلدَن بَری سَنینگ قوللوقینگدایام و هئچ زامان اَمرینگدن چیخمهمیشَم. آما سَن هئچ اولمادی کی مَنه بیر اوغلاق وئرَینگ تا یولداشلاریم اینان خوش گچیردَم. 30آما ایندی کی اوغلونگ، سَنینگ دارالیگینگی فاحشهلَر اینَن بئیباد ائدَندَن سورا گئری دؤنموش، سن اؤنونگ ایچی بیر بئله پَرواری کوسالا باش کَسمیشَینگ!“ 31بووآ اوغولا دئدی: ”اوغلوم، سَن همیشه مَنیم اینَنَینگ و هَرنه کی واریم، سَنینگ دیر. 32آما ایندی بیزه یاراشار کی جشن توتاک و شادلیگ ائدَک، بو سَبریه کی سَنینگ بو کاکانگ اؤلموشدو، دئرّیلدی؛ لایلانمیشدی، بولوندو.“»
Селектирано:
لوقا 15: QII
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
@ 2024 Korpu Company
لوقا 15
15
لایلانانلار مَثَلی
1بو زاماندا واری باج ییغَنلَر و گُناهکارلار، عیسا دئییرینه ییغیلمیشلَردی تا اؤنونگ سؤزلَرینی ائشیدَلَّر. 2فَریسی فِرقهسینینگ عالِملَری و تورات معلّملَری توغّولیا-توغّولیا دئییرلَردی: «بو آدام گُناهکارلاری خوش ایز اینان قبول ائدیر و اوللار اینان خورَکی یئییر.»
3عیسا دا بونو ائشیدَنده، بو مَثَلی چَکدی: 4«سیزینگ آراینزدا کیم وار کی یوز دانا قویونو اولا و اوللارینگ بیرینی ایتیرَنده، او دوقسان دوقوز دانا قویونو چؤلده ویل ائدمئیه تا گئده او بیر دانا لایلانان قویونو بولا؟ 5او آدام، لایلانان قویونو بولاندا، اؤنو خوشحاللیگ اینَن چینینه آلار، 6و ائوه گلَنده، یولداشلارینی و قونشولارینی ییغَر و دئیهر: ”گلینز منیم اینَن شادلیگ ائدینز چونکی من لایلانان قویونومو بولمیشام.“ 7سیزه دئییرم، ائله بئله ده، گؤیده هر توبه ائدَن گُناهکار ایچی شادلیگ اولور؛ او شادلیگدان آرتیق کی دوقسان دوقوز صالح آدام ایچی کی توبه ائدمَکه نیاز یوخلاری، وار.
8«یا دا هانی آرواد دیر کی اون دانا نُقره سِکّه واری اولا و بیرینی ایتیرَنده، چیراغلاری آلیشتیرمیا، بوتون ائوی سؤپورمیه و اونو بولانانچاز گَزمَکدَن اَل چَکمیه؟ 9او آرواد، لایلانان سِکّهیی بولاندا، یولداشلارینی و قونشولارینی ییغَر و دئیهر: ”گلینز منیم اینَن شادلیگ ائدینز چونکی من لایلانان سِکّمی بولمیشام.“ 10سیزه دئییرم، ائله بئله ده، گؤیده هر توبه ائدَن گُناهکار ایچی، تارئنینگ فرشتهلَری آراسیندا شادلیگ اولور.»
11و عیسا دئدی: «بیر کیشیده ایکّی اوغول وار ایدی. 12کوچوک اوغول بووآسینا دئدی: ”بووآ، مالینگدان هَرنه کی قرار دیر منه ائتیشه، منه وئر.“ بووآ دا دارالیگینی ایکّی اوغلو آراسیندا بَهر ائدی. 13حَلی نئچه گؤن گچمهمیشدی کی کوچوک اوغول هَرنه کی واریدی ییغیشتیردی و بیر ایراق مَملکته گئتدی و اؤردا بوتون دارالیگینی عَیّاشلیگ اینَن بئیباد ائدی. 14واری دارالیگینی خَرج ائدَندَن سورا، او مملکتده بیر سَخت قَحطلوق دؤشدو و اوغول دا یوخسوللیگه دؤشدو. 15پس گئتدی و او مملکتینگ آداملارینینگ بیرینه نوکر اولدو. او آدام دا اؤنو اؤز یئری اوستونه یوللادی تا دونقوزلره خورَکی وئره. 16اوغول آرزی ائدیردی کی قارنینی دونقوزلار خورَکیسی اینان دویاردا، آما هئچکَس اؤنا هئچنه وئرمئیردی.
17«آخیردان اوغول اؤزونه گلدی و دئدی: ”منیم بووآم نوکرلَرینینگ واریسی دویماکلاریندان اضاف ده خورَکی وارلاری، آما من بوردا آجیندان اؤلیرَم. 18توردام آیاقی گئدهرَم بووآم یانینا و اؤنا دئیهرَم: ’بووآ، من تارئ حَقّینده و سَنینگ حَقّینده گُناه ائدمیشَم. 19داها لایق دهییلَم کی منی سَنینگ اوغلونگ چاغیرالّار. منیم اینَن نوکرلَرینگ بیرسی لهیین رووآل ائد.‘“
20«پس توردو آیاقی و بووآسی ائوینه ساری یولا دؤشدو. آما حلی بووآسی ائویندَن ایراق ایدی کی بووآسی آرالیدان اؤنو گؤردو و اؤرهکی اؤنا یاندی، قاچدی، اؤنو قوجاقلادی و ماچ ائدی. 21اوغول بووآسینا دئدی: ”بووآ، من تارئ حَقّینده و سَنینگ حَقینگده گُناه ائدمیشَم. داها لایق دهییلَم کی منی سَنینگ اوغلونگ چاغیرالّار.“ 22آما بووآ، اؤز نوکرلَرینه دئدی: ”تئز گئدینز. ائنگ خوب عابایی گتیرینز و اوغلوما گئیدیرینز. بورماقینا اوزلوک سالینز و قیچلَرینه آیاققابی. 23بیر پَرواری کوسالا گتیرینز و باشینی کَسینز تا یئیَک و شادلیگ ائدَک. 24بو سَبریه کی مَنیم بو اوغلوم اؤلموشدو، دئرّیلدی؛ ایتمیشدی، بولوندو.“ و شادلیگ ائدمَکه باشلادیلار.
25«ائله او موقعده بویوک اوغول کی اَکین یئرینده ایدی گئری دؤنَنده و ائوه یاخین اولاندا، ائشیتدی کی چالیرلار و اؤینیرلار. 26نوکرلَرینگ بیرسینی چاغیردی و اوندان خبر آلدی: ”نه خَبر دیر؟“ 27نوکر دئدی: ”کاکانگ گلمیش. بووآنگ دا اؤنو صَحیح و سالم بولدیگی ایچی، بیر پَرواری کوسالا باش کَسمیش.“ 28آما بویوک اوغول عَصبانی اولدو و سئمهدی گئده ایچَری. بووآسی یازّیا چیخدی و اؤنا یالواردی تا ایچَری گله. 29آما اوغول بووآسینا دئدی: ”باخ، من نئچه ایلدَن بَری سَنینگ قوللوقینگدایام و هئچ زامان اَمرینگدن چیخمهمیشَم. آما سَن هئچ اولمادی کی مَنه بیر اوغلاق وئرَینگ تا یولداشلاریم اینان خوش گچیردَم. 30آما ایندی کی اوغلونگ، سَنینگ دارالیگینگی فاحشهلَر اینَن بئیباد ائدَندَن سورا گئری دؤنموش، سن اؤنونگ ایچی بیر بئله پَرواری کوسالا باش کَسمیشَینگ!“ 31بووآ اوغولا دئدی: ”اوغلوم، سَن همیشه مَنیم اینَنَینگ و هَرنه کی واریم، سَنینگ دیر. 32آما ایندی بیزه یاراشار کی جشن توتاک و شادلیگ ائدَک، بو سَبریه کی سَنینگ بو کاکانگ اؤلموشدو، دئرّیلدی؛ لایلانمیشدی، بولوندو.“»
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
@ 2024 Korpu Company