لوقا 13
13
توبه ائدینز
1ائله او موقعده، بیر بئیله آدام اؤردایدیلار کی، عیسایا خَبر وئردیلَر کی روملی والی، پیلاتُس، نهیین جَلیللیلَری اؤلدورموش و قانلارینی، اوللارینگ باش کَسدیگی قُربانلوقلارینینگ قانی اینان قَریشدیرمیش. 2عیسا اوللارا دئدی: «گمان ائدیرَینز بو جَلیللیلَر کی بئلهیین زَجر چَکدیلَر و اؤلدولَر، جَلیللیلَرینگ باقّیسیندان آرتیق گُناهکار ایدیلار؟ 3اَلبَت کی یو! آما سیزه دئییرم؛ اگر توبه ائدمئیَینز، سیزینگ وارینز دا اوللار لهیین هلاک اولاراینز. 4یا دا گمان ائدیرَینز او، اون سَکّیز آدام کی سیلوآمداکی بُرج یوومورولدو و اوللاری اؤلدوردو، اورشلیم شَهرینده زندلیگ ائدنلَرینگ باقّیسیندان آرتیق خطاکار ایدیلَّر؟ 5اَلبَت کی یو! آما سیزه دئییرم؛ اگر توبه ائدمئیَینز، سیزینگ وارینز دا اوللار لهیین هلاک اولاراینز.»
انجیر آغاجینینگ مَثَلی
6اوندان سورا عیسا بو مَثَلی چَکدی و دئدی: «بیر آدام، اؤز اوزوم باغیندا، بیر انجیر آغاجی اَکدی. او گلدی تا اؤنونگ ثَمرینی ییغه آما آغاج اوستونده هئچنه بولمادی. 7باغبانا دئدی: ”باخ، اؤچ ایلدن بَری من گلیرَم بورا و بو آغاجدا ثَمر گزیرَم آما هئچنه بولمئیرام. کَس بو آغاجی. نه ایچی ویل بو یئری دؤلدورا؟“ 8آما باغبان اؤنا دئدی: ”آقا، قؤی تا بو ایل ده قالا تا من دئییرینی اَشَلییَم و آیاقینا کود تؤکم. 9اگر گلَن ایل ثَمر وئردی، کی نه یئیتَر، اگر دا وئرمهدی، کَسَرَینگ.“»
بئلی اَگیلی آروادینگ شفاسی
10بیر مُقدّس شنبه گؤنونده، عیسا یهودیلارینگ بیر عبادتگاهیندا تَعلیم وئریردی. 11بیر آرواد اؤردا ایدی کی بیر شَریر روح، اون سَکّیز ایل ایدی کی اؤنو عَلیل ائدمیشدی. بئلی اگیلمیشدی و شَق تورا بیلمئیردی. 12عیسا اؤنو گؤرَنده اؤنو اؤز یانینا چاغیردی و دئدی: «آرواد، سَن اؤز عَلیللیگینگدَن آزاد اولدونگ.» 13اوندان سورا عیسا اؤز اَلینی آرواد اوستونه قؤیدو و ائله او آن آرواد شَق توردو و تارئیی حمد و ثنا ائدی. 14آما عبادتگاهینگ رئیسی بوندان کی عیسا شنبه گؤنونده او آروادی شفا وئرمیشدی، غُصّالاندی و خَلخه دئدی: «هفتهده آلتی گؤن ایش گؤرمَک ایچی تَعیین اولونموش، او گؤنلَرده گلینز و شفا توتینز، نه شنبه گؤنونده.» 15رَب عیسا اؤنا جواب وئردی و دئدی: «ای ایکّیایزلیلَر! سیزینگ آراینزدا بیری بولونیر کی شنبه گؤنونده سِقیرینی یا دا اَشَّکینی آچمیا و اوللاری یازّیا آپارمیا تا اوللارا سو وئره؟ 16پس نه عیب واری کی بو آرواد دا کی ابراهیم پیغمبر سؤیوندان دیر و اون سَکّیز ایل ایدی کی شیطان اؤنو گرفتار ائدمیشدی، شنبه گؤنونده بو اَسیرلیگدان آزاد اولا؟» 17عیسا بو گپلَری دئیَنده، اؤنونگ اینان ضدّ اولانلارینگ واریسی خجیل اولدولار. آما بوتون خَلخ عیسا گؤردوگو شوکتلی ایشلَرینگ واریسیندان شادلیگ ائدیرلَردی.
خَردَل دانینینگ مَثَلی
18اوندان سورا عیسا دئدی: «تارئ پادشاهلیگی نَمنهیه بنزهییر؟ اؤنو نَمنهیه بَنزهدَم؟ 19او، بیر خَردَل دانی لهیین دیر کی بیر آدام اؤنو اؤز باغیندا اَکدی، او دان، گئیَردی و بیر آغاج اولدو ائله کی گؤیونگ قوشلاری گلدیلَر و شاخالاری آراسیندا یووآ ائدیلَر.»
خَمیر مایاسینینگ مَثَلی
20و گئنه دئدی: «تارئ پادشاهلیگینی نَمنهیه بَنزهدَم؟ 21تارئ پادشاهلیگی، خَمیر مایاسی لهیین دیر کی بیر آرواد اؤنو اؤچ کِسّه اونینگ خَمیری اینن یوقوردو تا خَمیرینگ واریسی قوپا.»
دار دَر
22عیسا، شَهرلَری و کَندلَری گزیردی و اوللارا تَعلیم وئره-وئره اورشلیم شَهرینه ساری گئدیردی. 23بیر آدام اوندان خبر آلدی: «آقا، آیا آز آداملار نجات توتارلار؟» عیسا دئدی: 24«سَخت تَقلّی ائدینز تا دار دَردَن ایچری گیرَینز. سیزه دئییرم کی چوخ آداملار ایچری گیرمَک ایچی تَقلّی ائدهرلَر آما باشارمازلار. 25اوندا کی ائو اَیهسی تورا آیاقی و دَری باغلایا، بیر گؤرَرَینز کی یازّیدا قالمیشاینز. او موقع دَری چالاراینز و دئیهرَینز: ”آقا، دَری بیزه آچ!“ آما او سیزه جواب وئرهر: ”من سیزی تانیمئیرام؛ بیلمئیرَم هاردان گلمیشَینز.“ 26او زامان سیز بئله دئیهرَینز: ”بیز سَنینگ اینَن یئدیک و ایچدیک. سَن بیزیم کوچهلَریمیزده تَعلیم وئریردینگ.“ 27آما او گئنه ده سیزه دئیهر: ”دئییرم کی سیزی تانیمئیرام؛ بیلمئیرَم هاردان گلمیشَینز. ای پیس ایش گؤرَنلَر، مَندَن ایراق اولینز.“ 28اوندا کی ابراهیم پیغمبر، اِسحاق پیغمبر و یَعقوب پیغمبر و بوتون پیغمبرلَری تارئ پادشاهلیگیندا، آما اؤزونزو اؤردان یازّیا آتیلی گؤردونز، آغلایاراینز و دیشلَرینزی بیر بیره قیرچَرَینز. 29خَلخ شَرقدن و غَربدن، شمالدان و جنوبدان گلَرلَر و تارئ پادشاهلیگیندا سُفره قیراقینا اوتورارلار. 30باخ، اوللار کی آخیرکی دیرلَر، اَوّلکی اولارلار و اوللار کی اَوّلکی دیرلَر، آخیرکی اولارلار.»
عیسا اورشلیم شَهری ایچی غُصّه یئییر
31ائله او ساعت بیر پارا فَریسی فِرقهسینینگ عالِملَریندن عیسا یانینا گلدیلَر و دئدیلَر: «بوردان چیخ، گئد بو سَبریه کی هیرودیس حاکم سئیر سَنی اؤلدوره.» 32عیسا دا اوللارا دئدی: «گئدینز و او تیلکیه دئیینز: ”من بوگؤن و صابا شیطانلی روحلاری آداملاردان چاخارتارام و اوللاری شفا وئرهرَم و اؤچونجو گؤنده اؤز ایشیمی تؤکدهرَم. 33آما من بوگؤن و صابا و بیریگؤن اؤز یولوم اینان گئدَسیم، چونکی اولماز کی بیر پیغمبر اورشلیم شَهریندن آیری، بیر آیری یئرده اؤلومه گئده.“ 34ای اورشلیم، ای اورشلیم، ای پیغمبرلَری اؤلدورَن شَهر، ای سَنینگ یانینگا یوللانانلاری، سَنگسار ائدَن! نئچه دفعه سئدیم، بیر طوغ لهیین کی جوجهلَرینی قاناتلاری آلتیندا کوپ ائدیر، سَنینگ اَته اولادینگی بیر یئره کوپ ائدم آما سَن سئمهدینگ. 35باخ، سیزینگ ائوینز سیزه خالی قالمیش! سیزه دئییرم، داها مَنی او زامانانچاز کی دئیهرَینز: ”مُتبارک اولسون او کی رَبّینگ آدیندا گلیر.“ گؤرمَینز.»
Селектирано:
لوقا 13: QII
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
@ 2024 Korpu Company
لوقا 13
13
توبه ائدینز
1ائله او موقعده، بیر بئیله آدام اؤردایدیلار کی، عیسایا خَبر وئردیلَر کی روملی والی، پیلاتُس، نهیین جَلیللیلَری اؤلدورموش و قانلارینی، اوللارینگ باش کَسدیگی قُربانلوقلارینینگ قانی اینان قَریشدیرمیش. 2عیسا اوللارا دئدی: «گمان ائدیرَینز بو جَلیللیلَر کی بئلهیین زَجر چَکدیلَر و اؤلدولَر، جَلیللیلَرینگ باقّیسیندان آرتیق گُناهکار ایدیلار؟ 3اَلبَت کی یو! آما سیزه دئییرم؛ اگر توبه ائدمئیَینز، سیزینگ وارینز دا اوللار لهیین هلاک اولاراینز. 4یا دا گمان ائدیرَینز او، اون سَکّیز آدام کی سیلوآمداکی بُرج یوومورولدو و اوللاری اؤلدوردو، اورشلیم شَهرینده زندلیگ ائدنلَرینگ باقّیسیندان آرتیق خطاکار ایدیلَّر؟ 5اَلبَت کی یو! آما سیزه دئییرم؛ اگر توبه ائدمئیَینز، سیزینگ وارینز دا اوللار لهیین هلاک اولاراینز.»
انجیر آغاجینینگ مَثَلی
6اوندان سورا عیسا بو مَثَلی چَکدی و دئدی: «بیر آدام، اؤز اوزوم باغیندا، بیر انجیر آغاجی اَکدی. او گلدی تا اؤنونگ ثَمرینی ییغه آما آغاج اوستونده هئچنه بولمادی. 7باغبانا دئدی: ”باخ، اؤچ ایلدن بَری من گلیرَم بورا و بو آغاجدا ثَمر گزیرَم آما هئچنه بولمئیرام. کَس بو آغاجی. نه ایچی ویل بو یئری دؤلدورا؟“ 8آما باغبان اؤنا دئدی: ”آقا، قؤی تا بو ایل ده قالا تا من دئییرینی اَشَلییَم و آیاقینا کود تؤکم. 9اگر گلَن ایل ثَمر وئردی، کی نه یئیتَر، اگر دا وئرمهدی، کَسَرَینگ.“»
بئلی اَگیلی آروادینگ شفاسی
10بیر مُقدّس شنبه گؤنونده، عیسا یهودیلارینگ بیر عبادتگاهیندا تَعلیم وئریردی. 11بیر آرواد اؤردا ایدی کی بیر شَریر روح، اون سَکّیز ایل ایدی کی اؤنو عَلیل ائدمیشدی. بئلی اگیلمیشدی و شَق تورا بیلمئیردی. 12عیسا اؤنو گؤرَنده اؤنو اؤز یانینا چاغیردی و دئدی: «آرواد، سَن اؤز عَلیللیگینگدَن آزاد اولدونگ.» 13اوندان سورا عیسا اؤز اَلینی آرواد اوستونه قؤیدو و ائله او آن آرواد شَق توردو و تارئیی حمد و ثنا ائدی. 14آما عبادتگاهینگ رئیسی بوندان کی عیسا شنبه گؤنونده او آروادی شفا وئرمیشدی، غُصّالاندی و خَلخه دئدی: «هفتهده آلتی گؤن ایش گؤرمَک ایچی تَعیین اولونموش، او گؤنلَرده گلینز و شفا توتینز، نه شنبه گؤنونده.» 15رَب عیسا اؤنا جواب وئردی و دئدی: «ای ایکّیایزلیلَر! سیزینگ آراینزدا بیری بولونیر کی شنبه گؤنونده سِقیرینی یا دا اَشَّکینی آچمیا و اوللاری یازّیا آپارمیا تا اوللارا سو وئره؟ 16پس نه عیب واری کی بو آرواد دا کی ابراهیم پیغمبر سؤیوندان دیر و اون سَکّیز ایل ایدی کی شیطان اؤنو گرفتار ائدمیشدی، شنبه گؤنونده بو اَسیرلیگدان آزاد اولا؟» 17عیسا بو گپلَری دئیَنده، اؤنونگ اینان ضدّ اولانلارینگ واریسی خجیل اولدولار. آما بوتون خَلخ عیسا گؤردوگو شوکتلی ایشلَرینگ واریسیندان شادلیگ ائدیرلَردی.
خَردَل دانینینگ مَثَلی
18اوندان سورا عیسا دئدی: «تارئ پادشاهلیگی نَمنهیه بنزهییر؟ اؤنو نَمنهیه بَنزهدَم؟ 19او، بیر خَردَل دانی لهیین دیر کی بیر آدام اؤنو اؤز باغیندا اَکدی، او دان، گئیَردی و بیر آغاج اولدو ائله کی گؤیونگ قوشلاری گلدیلَر و شاخالاری آراسیندا یووآ ائدیلَر.»
خَمیر مایاسینینگ مَثَلی
20و گئنه دئدی: «تارئ پادشاهلیگینی نَمنهیه بَنزهدَم؟ 21تارئ پادشاهلیگی، خَمیر مایاسی لهیین دیر کی بیر آرواد اؤنو اؤچ کِسّه اونینگ خَمیری اینن یوقوردو تا خَمیرینگ واریسی قوپا.»
دار دَر
22عیسا، شَهرلَری و کَندلَری گزیردی و اوللارا تَعلیم وئره-وئره اورشلیم شَهرینه ساری گئدیردی. 23بیر آدام اوندان خبر آلدی: «آقا، آیا آز آداملار نجات توتارلار؟» عیسا دئدی: 24«سَخت تَقلّی ائدینز تا دار دَردَن ایچری گیرَینز. سیزه دئییرم کی چوخ آداملار ایچری گیرمَک ایچی تَقلّی ائدهرلَر آما باشارمازلار. 25اوندا کی ائو اَیهسی تورا آیاقی و دَری باغلایا، بیر گؤرَرَینز کی یازّیدا قالمیشاینز. او موقع دَری چالاراینز و دئیهرَینز: ”آقا، دَری بیزه آچ!“ آما او سیزه جواب وئرهر: ”من سیزی تانیمئیرام؛ بیلمئیرَم هاردان گلمیشَینز.“ 26او زامان سیز بئله دئیهرَینز: ”بیز سَنینگ اینَن یئدیک و ایچدیک. سَن بیزیم کوچهلَریمیزده تَعلیم وئریردینگ.“ 27آما او گئنه ده سیزه دئیهر: ”دئییرم کی سیزی تانیمئیرام؛ بیلمئیرَم هاردان گلمیشَینز. ای پیس ایش گؤرَنلَر، مَندَن ایراق اولینز.“ 28اوندا کی ابراهیم پیغمبر، اِسحاق پیغمبر و یَعقوب پیغمبر و بوتون پیغمبرلَری تارئ پادشاهلیگیندا، آما اؤزونزو اؤردان یازّیا آتیلی گؤردونز، آغلایاراینز و دیشلَرینزی بیر بیره قیرچَرَینز. 29خَلخ شَرقدن و غَربدن، شمالدان و جنوبدان گلَرلَر و تارئ پادشاهلیگیندا سُفره قیراقینا اوتورارلار. 30باخ، اوللار کی آخیرکی دیرلَر، اَوّلکی اولارلار و اوللار کی اَوّلکی دیرلَر، آخیرکی اولارلار.»
عیسا اورشلیم شَهری ایچی غُصّه یئییر
31ائله او ساعت بیر پارا فَریسی فِرقهسینینگ عالِملَریندن عیسا یانینا گلدیلَر و دئدیلَر: «بوردان چیخ، گئد بو سَبریه کی هیرودیس حاکم سئیر سَنی اؤلدوره.» 32عیسا دا اوللارا دئدی: «گئدینز و او تیلکیه دئیینز: ”من بوگؤن و صابا شیطانلی روحلاری آداملاردان چاخارتارام و اوللاری شفا وئرهرَم و اؤچونجو گؤنده اؤز ایشیمی تؤکدهرَم. 33آما من بوگؤن و صابا و بیریگؤن اؤز یولوم اینان گئدَسیم، چونکی اولماز کی بیر پیغمبر اورشلیم شَهریندن آیری، بیر آیری یئرده اؤلومه گئده.“ 34ای اورشلیم، ای اورشلیم، ای پیغمبرلَری اؤلدورَن شَهر، ای سَنینگ یانینگا یوللانانلاری، سَنگسار ائدَن! نئچه دفعه سئدیم، بیر طوغ لهیین کی جوجهلَرینی قاناتلاری آلتیندا کوپ ائدیر، سَنینگ اَته اولادینگی بیر یئره کوپ ائدم آما سَن سئمهدینگ. 35باخ، سیزینگ ائوینز سیزه خالی قالمیش! سیزه دئییرم، داها مَنی او زامانانچاز کی دئیهرَینز: ”مُتبارک اولسون او کی رَبّینگ آدیندا گلیر.“ گؤرمَینز.»
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
@ 2024 Korpu Company