لوقا 12
12
ایکّی ایزلیلیگدَن ایراق تورماک
1بو موقع نئچه مینگ آدام بیر یئره ییغیلمیشلَردی ائله کی چوخلیگدان بیر بیری اَیخلئیرلَردی. عیسا اوللاردان ایلَری، اَوّل اؤز شاگردلَری اینَن دانیشدی و دئدی: «اؤزونزو فَریسی فِرقهسینینگ عالِملَری خَمیر مایاسیندان کی ایکّیایزلیلیگ دیر، ایراق ساخلاینز. 2هئچ اؤرتولو زاد یوخدور کی آچیلمیا و هئچ پناه اولونموش زاد یوخدور کی آلهیین اولمایا. 3پس او زاد کی قَرَنگیلیگده دئمیشَینز، ایشّیقده ائشیدیلَر و او زاد کی باغلی دَرلَرینگ آردیندا بیر بیر قولاقینا پیچ و کور ائدمیشَینز، پُشتباملاردان اوجا سَس اینَن اعلام اولور.
4«ای یولداشلاریم، سیزه دئییرم، اوللاردان کی بَدنی اؤلدوریرلَر و بوندان آرتیق اَللَریندَن هئچ ایش گلمئیر، قورخماینز. 5سیزی هوشکار ائدیرَم کی کیمدَن قورخاسینز، اوندان قورخاسینز کی بَدنی اؤلدورمَکدَن سورا، اِقتدار واری کی جَهنّمه آتا. بَله، سیزه دئییرم کی اوندان قورخاسینز! 6بئیه بئش دانا سیرچهنینگ قیمتی ایکّی قَره پولدن آرتیق دیر؟ آما گئنه ده اوللارینگ هئچ بیرسی تارئ یانیندا یاددان چیخمهمیشلَر. 7حتّی سیزینگ باشینز تیکی تَک تَک ساییلمیش، هئچ قورخماینز؛ سیزینگ اَرزشینز بیر هَزَره قوشدان آرتیق دیر!
8«سیزه دئییرم کی هَر کَس خَلخ یانیندا، دیله گتیره کی منه تَعلّق واری، انسان اوغلو دا تارئ فرشتهلَری یانیندا دیله گتیرَر کی او آدام، اؤنا تَعلّق واری. 9آما هَر کَس خَلخ یانیندا منی حاشا ائده، تارئ فرشتهلَری یانیندا دا حاشا اولونار. 10هَر کَس انسان اوغلونونگ ضدّینه دانیشا، باغیشلانار، آما هَر کَس کی تارئنینگ قُدّوس روحونا کُفر دئیه، باغیشلانماز. 11اوندا کی سیزی یهودیلار عبادتگاهلارینا، حاکملَر و اِقتدارلی آداملار حُضورونا آپاریرلار، نگران اولمانز کی نهیین اؤزونزدان دفاع ائدهسینز یا نه دئیهسینز، 12چونکی ائله او ساعت، تارئنینگ قُدّوس روحو سیزه اؤرگدَر کی نه دئیهسینز.»
آج گؤزلو وارلینینگ مَثَلی
13بیر کیشی جمعیت آراسیندان عیسایا دئدی: «اُستاد، کاکاما دئ کی میراثیمیزی منیم اینَن قسمت ائده.» 14آما عیسا اؤنا دئدی: «کیشی، کیم منی سیزینگ آراینزدا حَکَم و میراث قسمت ائدَن ائدمیش؟» 15و عیسا خَلخه دئدی: «هوشکار اولینز، اؤزونزو طمعدان ایراق ساخلاتینز چونکی انسانینگ زندلیگی، مال و منالینگ چوخلیگیندا دهییل.»
16اوندان سورا اوللارا بیر مَثَل چَکدی و دئدی: «بیر وارلی کیشیده بیر اَکین یئری وار ایدی کی چوخ محصول ائدیردی. 17کیشی اؤزو اینَن دئدی: ”نیجه ائدَم؟ یئر یوخوم محصولیمی آمبار ائدم.“ 18و دئدی: ”ها! بیلدیم نیجه ائدَم: آمبارلاریمی یوومورارام و اوللاری بویوکتر دؤزهدَرَم و بوتون بوغدالاریمی و مالیمی اؤردا آمبار ائدهرَم. 19اوندان سورا اؤزومه دئیهرَم: ”ای جانیم، سَن چوخ ثَمر ییغمیشَینگ، ائله کی چوخ ایللَرنچاز سنه کفایت ائدهر، ایندی راحت اول، یئ و ایچ و کیف ائد.“ 20آما تارئ اؤنا دئدی: ”ای نافَهم آدام، ائله بوگئجه جانینگ سَندن آلینار. پس بو آمبار ائدیگینگ زادلار کیمه قالاسی؟“ 21بودور او آدامینگ آخیر عاقبتی کی اؤزونه مال ییغیر آما تارئ حُضوروندا اَلی خالی دیر.»
نگران اولمانز
22عیسا اؤز شاگردلَرینه دئدی: «ائله بونونگ ایچی دیر کی سیزه دئییرم نه زندلیگینز ایچی نگران اولینز کی نه یئیهسینز نه ده بَدنینز ایچی نگران اولینز کی نه گئیَسینز، 23چونکی زندلیگ، خورَکیدن و بَدن رَختدن اوخاری دیر. 24قارغالارا باخینز؛ نه اَکیرلَر، نه بیچیرلَر، نه کاهدان وارلاری نه ده آمبار. آما گئنه دا تارئ اوللارینگ روزیسینی وئریر. سیزینگ اَرزشینز قوشلاردان ناغاد آرتیق دیر. 25سیزینگ هانی بیرینز، نگران اولماگ اینان بیر ساعت عُمری اوستونه قؤیا بیلیر؟ 26پس وختی کی بیر بئله کوچوک ایشی ده گؤره بیلمئیرَینز، نه ایچی باقّی زادلارینگ نگرانییانز؟ 27زَنبق گیللَرینه باخینز کی نهیین گئیَریرلَر؛ نه زَحمت چَکیرلَر و نه ده ایپ اَیریرلَر. آما سیزه دئییرم کی حتّی سُلیمان پادشاه ده، بوتون شوکتینده، بوللارینگ بیرسی لهیین بَزَنمهدی. 28پس اگر تارئ بیابان اوتونا کی بوگؤن وار و صابا اوت اوجاغ ایچینه آتولیر، بئله گئیدیریر، ناغاد آرتیق سیزه گئیدیرَر، ای ایمانی آزلار! 29یئمهلی و ایچمهلی ایچی بوغاد تَقلّی ائدمَینز و نگران اولمانز، 30چونکی بو دنیانینگ بوتون ملّتلَری بو زادلار قولونجوندا دیرلار، آما سیزینگ گؤیدهکی بووآینز بیلیر کی سیز بوللارا احتیاج وارینز. 31بلکی سیز تارئ پادشاهلیگی قولونجوندا اولینز، بو زادلار سیزه وئریلَر.
32«ای کوموجا سؤرو، هئچ قورخماینز، بو سَبریه کی سیزینگ گؤیدهکی بووآینزینگ خُشنودلیگی بوندا دیر کی او پادشاهلیگی سیزه وئره. 33هَرنهیی کی وارینز، ساتینز و یوخسوللارا وئرینز. اؤزونز ایچی بیر ایپیرَمئیَن کِسّه آماده ائدینز و تؤکنمهیَن گنجینزی گؤیده آمبار ائدینز. اؤردا کی نه اوغرو اونو چاپار، نه ده اونا بید وورار. 34چونکی گنجینز هر یئرده اولسا، اؤرهکینز ده ائله اؤردا اولور.
آماده اولینز
35«ایش ایچی بئل باغلاینز و چیراغلارینزی آلیشیق ساخلاتینز. 36او آداملار لهیین اولینز کی تؤی مَجلسیندَن ائوه گئری گلَن اَربابلارینینگ یولونو گؤزلهییرلَر و آماده دیرلار تا اوندا کی اَرباب ائتیشدی و دَری چالدی، دَری اؤنا آچالّار. 37خوش او نوکرلَر حالینا کی اَربابلاری ائتیشَنده، اوللاری اویاق گؤره. گرچَکینی سیزه دئییرم کی اَرباب، ایش ایچی بئلینی باغلایار، اوللاری سُفره قیراقینا اوتوردار و گلَر و اوللارا قوللوق ائدَر. 38سئیر گئجه یاری اولسون، سئیر سَحر دانی اولسون؛ خوش اوللار حالینا کی اَربابلاری گلَنده، اوللاری اویاق گؤره. 39بونو بیلینز کی اگر ائو اَیهسی بیلسَیدی کی اوغرو نه ساعتده گلَر، قؤیمازدی کی ائوینی چاپالّار. 40سیزده آماده اولاسینز، چونکی انسان اوغلو بیر ساعاتدا گلَر کی سیز یولونو گؤزلهمئیرَینز.»
41پِطرُس دئدی: «آقا، سَنینگ مَنظورونگ بو مَثَللَردن فقط بیزَک یا واریکَسه دئییرَینگ؟» 42رَب عیسا دئدی: «او صاپ-صادق و عقللی ناظر کیم دیر کی اَربابی اؤنو ائوینگ نوکرلَری باشی ایجینه قؤیا تا اؤز وختینده، اوللارینگ خورَکیسینی وئره؟ 43خوش او نوکر حالینا کی اَربابی گلَنده، اؤنو اؤز ایشی باشیندا گؤره. 44گرچَکینی سیزه دئییرم کی اَربابی بوتون وارلیگینی اؤنا تاپشیرار. 45آما اگر او نوکر اؤزو اینَن دئیه: ”اَرباب گلمَکی گئج اولموش“ و کنیزلر و نوکرلَرینگ وورماکینا باشلایا و یئیه و ایچه و مَستلیگ ائده، 46بیر گؤنده کی او نوکر، اَرباب یولونو گؤزلهمئیر و بیر ساعتده کی او بیلمئیر، اَرباب ائتیشَر و اؤنو ایکّی شَقّه ائدَر و او یئره کی خائنلَر ایچی آماده اولموش آتار تا زَجر چَکه.
47«او نوکر کی اؤز اَربابی سئدیگی زادلاری بیلیر آما گئنه دا اوللاری یئرینه ائتیردمَک ایچی اؤزونو آماده ائدمئیر، شلّاق اینان چوخ کِتَکلَر یئیهر. 48آما او کی اؤز اَربابی سئدیگی زادلاری بیلمئیر و بیر ایش گؤرور کی سزاسی کِتَک دیر، آزتر کِتَک یئیهر. هَر کَسه چوخ وئریله، او آدامدان چوخ دا سئییلَر و هَر کَسه آرتیق تاپشیریلا، او آدامدان آرتیق دا سئییلَر.
49«من گلمیشَم تا یئر اوستونه اوت آلیشدیرام و کاشکی بوندان تئزتر دا آلیشمیشدی. 50مَنده بیر تَعمید غُسلی وار کی توتاسیم و بو ایش اولانانچاز، چوخ پریشانام! 51سیز گمان ائدیرَینز من گلمیشَم تا یئر اوستونه صُلح گتیرَم؟ یو، سیزه دئییرم، من گلمیشَم تا تَفرقه آتام. 52چونکی بوندان سورا، بیر اوبانینگ بئش آدامی آراسینا تَفرقه دؤشَر؛ اؤچو، ایکّیسی اینن ضدّ اولور و ایکّیسی، اؤچو اینن ضدّ اولور. 53اوللار آراسینا تَفرقه دؤشَر؛ بووآ، اوغول اینان و اوغول، بووآ اینان ضدّ اولور. آنا، قیز اینان و قیز، آنا اینان ضدّ اولور. قاینآنا، گَلین اینَن و گَلین، قاینآنا اینان ضدّ اولور.»
زامان تَعبیری
54ائله بئله ده عیسا جماعته دئدی: «اوندا کی گؤرورَینز کی بولوتلار غَربدن آلهیینه چیخیرلَر، فوری دئییرَینز: ”یاغیش یاغار“ و یاغیش دا یاغیر 55و جنوبدان یئل اَسَنده، دئییرَینز: ”بیر سَخت سیجاق اولور“ و بئله دا اولیر. 56ای ایکّیایزلیلَر! سیز کی بیلیرَینز، یئر اینَن گؤی وَضعینی نهیین تَعبیر ائدهسینز، نه ایچی بیلمئیرَینز بو زامانانینگ نیشانالارینی نهیین تَعبیر ائدهسینز؟
57«نه ایچی دؤز زادی اؤزونز ایچی آرالیا بیلمئیرَینز؟ 58اوندا کی سَندَن شاکی اولان آدام اینان قاضی یانینا گئدیرَینگ، تَقلّی ائد تا حلی یولدایانگ اؤنونگ اینان صُلح ائدَینگ. تا ائدمئیه کی او سَنی چَکه قاضی یانینا، قاضی دا سَنی اَفسر اَلینه وئره و اَفسر دا سنی زندانا سالا. 59سنه دئییرم کی تا آخیرکی قِرّانییی وئرمهینگ، هئچ زامان اؤردان چیخمَینگ.»
Селектирано:
لوقا 12: QII
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
@ 2024 Korpu Company
لوقا 12
12
ایکّی ایزلیلیگدَن ایراق تورماک
1بو موقع نئچه مینگ آدام بیر یئره ییغیلمیشلَردی ائله کی چوخلیگدان بیر بیری اَیخلئیرلَردی. عیسا اوللاردان ایلَری، اَوّل اؤز شاگردلَری اینَن دانیشدی و دئدی: «اؤزونزو فَریسی فِرقهسینینگ عالِملَری خَمیر مایاسیندان کی ایکّیایزلیلیگ دیر، ایراق ساخلاینز. 2هئچ اؤرتولو زاد یوخدور کی آچیلمیا و هئچ پناه اولونموش زاد یوخدور کی آلهیین اولمایا. 3پس او زاد کی قَرَنگیلیگده دئمیشَینز، ایشّیقده ائشیدیلَر و او زاد کی باغلی دَرلَرینگ آردیندا بیر بیر قولاقینا پیچ و کور ائدمیشَینز، پُشتباملاردان اوجا سَس اینَن اعلام اولور.
4«ای یولداشلاریم، سیزه دئییرم، اوللاردان کی بَدنی اؤلدوریرلَر و بوندان آرتیق اَللَریندَن هئچ ایش گلمئیر، قورخماینز. 5سیزی هوشکار ائدیرَم کی کیمدَن قورخاسینز، اوندان قورخاسینز کی بَدنی اؤلدورمَکدَن سورا، اِقتدار واری کی جَهنّمه آتا. بَله، سیزه دئییرم کی اوندان قورخاسینز! 6بئیه بئش دانا سیرچهنینگ قیمتی ایکّی قَره پولدن آرتیق دیر؟ آما گئنه ده اوللارینگ هئچ بیرسی تارئ یانیندا یاددان چیخمهمیشلَر. 7حتّی سیزینگ باشینز تیکی تَک تَک ساییلمیش، هئچ قورخماینز؛ سیزینگ اَرزشینز بیر هَزَره قوشدان آرتیق دیر!
8«سیزه دئییرم کی هَر کَس خَلخ یانیندا، دیله گتیره کی منه تَعلّق واری، انسان اوغلو دا تارئ فرشتهلَری یانیندا دیله گتیرَر کی او آدام، اؤنا تَعلّق واری. 9آما هَر کَس خَلخ یانیندا منی حاشا ائده، تارئ فرشتهلَری یانیندا دا حاشا اولونار. 10هَر کَس انسان اوغلونونگ ضدّینه دانیشا، باغیشلانار، آما هَر کَس کی تارئنینگ قُدّوس روحونا کُفر دئیه، باغیشلانماز. 11اوندا کی سیزی یهودیلار عبادتگاهلارینا، حاکملَر و اِقتدارلی آداملار حُضورونا آپاریرلار، نگران اولمانز کی نهیین اؤزونزدان دفاع ائدهسینز یا نه دئیهسینز، 12چونکی ائله او ساعت، تارئنینگ قُدّوس روحو سیزه اؤرگدَر کی نه دئیهسینز.»
آج گؤزلو وارلینینگ مَثَلی
13بیر کیشی جمعیت آراسیندان عیسایا دئدی: «اُستاد، کاکاما دئ کی میراثیمیزی منیم اینَن قسمت ائده.» 14آما عیسا اؤنا دئدی: «کیشی، کیم منی سیزینگ آراینزدا حَکَم و میراث قسمت ائدَن ائدمیش؟» 15و عیسا خَلخه دئدی: «هوشکار اولینز، اؤزونزو طمعدان ایراق ساخلاتینز چونکی انسانینگ زندلیگی، مال و منالینگ چوخلیگیندا دهییل.»
16اوندان سورا اوللارا بیر مَثَل چَکدی و دئدی: «بیر وارلی کیشیده بیر اَکین یئری وار ایدی کی چوخ محصول ائدیردی. 17کیشی اؤزو اینَن دئدی: ”نیجه ائدَم؟ یئر یوخوم محصولیمی آمبار ائدم.“ 18و دئدی: ”ها! بیلدیم نیجه ائدَم: آمبارلاریمی یوومورارام و اوللاری بویوکتر دؤزهدَرَم و بوتون بوغدالاریمی و مالیمی اؤردا آمبار ائدهرَم. 19اوندان سورا اؤزومه دئیهرَم: ”ای جانیم، سَن چوخ ثَمر ییغمیشَینگ، ائله کی چوخ ایللَرنچاز سنه کفایت ائدهر، ایندی راحت اول، یئ و ایچ و کیف ائد.“ 20آما تارئ اؤنا دئدی: ”ای نافَهم آدام، ائله بوگئجه جانینگ سَندن آلینار. پس بو آمبار ائدیگینگ زادلار کیمه قالاسی؟“ 21بودور او آدامینگ آخیر عاقبتی کی اؤزونه مال ییغیر آما تارئ حُضوروندا اَلی خالی دیر.»
نگران اولمانز
22عیسا اؤز شاگردلَرینه دئدی: «ائله بونونگ ایچی دیر کی سیزه دئییرم نه زندلیگینز ایچی نگران اولینز کی نه یئیهسینز نه ده بَدنینز ایچی نگران اولینز کی نه گئیَسینز، 23چونکی زندلیگ، خورَکیدن و بَدن رَختدن اوخاری دیر. 24قارغالارا باخینز؛ نه اَکیرلَر، نه بیچیرلَر، نه کاهدان وارلاری نه ده آمبار. آما گئنه دا تارئ اوللارینگ روزیسینی وئریر. سیزینگ اَرزشینز قوشلاردان ناغاد آرتیق دیر. 25سیزینگ هانی بیرینز، نگران اولماگ اینان بیر ساعت عُمری اوستونه قؤیا بیلیر؟ 26پس وختی کی بیر بئله کوچوک ایشی ده گؤره بیلمئیرَینز، نه ایچی باقّی زادلارینگ نگرانییانز؟ 27زَنبق گیللَرینه باخینز کی نهیین گئیَریرلَر؛ نه زَحمت چَکیرلَر و نه ده ایپ اَیریرلَر. آما سیزه دئییرم کی حتّی سُلیمان پادشاه ده، بوتون شوکتینده، بوللارینگ بیرسی لهیین بَزَنمهدی. 28پس اگر تارئ بیابان اوتونا کی بوگؤن وار و صابا اوت اوجاغ ایچینه آتولیر، بئله گئیدیریر، ناغاد آرتیق سیزه گئیدیرَر، ای ایمانی آزلار! 29یئمهلی و ایچمهلی ایچی بوغاد تَقلّی ائدمَینز و نگران اولمانز، 30چونکی بو دنیانینگ بوتون ملّتلَری بو زادلار قولونجوندا دیرلار، آما سیزینگ گؤیدهکی بووآینز بیلیر کی سیز بوللارا احتیاج وارینز. 31بلکی سیز تارئ پادشاهلیگی قولونجوندا اولینز، بو زادلار سیزه وئریلَر.
32«ای کوموجا سؤرو، هئچ قورخماینز، بو سَبریه کی سیزینگ گؤیدهکی بووآینزینگ خُشنودلیگی بوندا دیر کی او پادشاهلیگی سیزه وئره. 33هَرنهیی کی وارینز، ساتینز و یوخسوللارا وئرینز. اؤزونز ایچی بیر ایپیرَمئیَن کِسّه آماده ائدینز و تؤکنمهیَن گنجینزی گؤیده آمبار ائدینز. اؤردا کی نه اوغرو اونو چاپار، نه ده اونا بید وورار. 34چونکی گنجینز هر یئرده اولسا، اؤرهکینز ده ائله اؤردا اولور.
آماده اولینز
35«ایش ایچی بئل باغلاینز و چیراغلارینزی آلیشیق ساخلاتینز. 36او آداملار لهیین اولینز کی تؤی مَجلسیندَن ائوه گئری گلَن اَربابلارینینگ یولونو گؤزلهییرلَر و آماده دیرلار تا اوندا کی اَرباب ائتیشدی و دَری چالدی، دَری اؤنا آچالّار. 37خوش او نوکرلَر حالینا کی اَربابلاری ائتیشَنده، اوللاری اویاق گؤره. گرچَکینی سیزه دئییرم کی اَرباب، ایش ایچی بئلینی باغلایار، اوللاری سُفره قیراقینا اوتوردار و گلَر و اوللارا قوللوق ائدَر. 38سئیر گئجه یاری اولسون، سئیر سَحر دانی اولسون؛ خوش اوللار حالینا کی اَربابلاری گلَنده، اوللاری اویاق گؤره. 39بونو بیلینز کی اگر ائو اَیهسی بیلسَیدی کی اوغرو نه ساعتده گلَر، قؤیمازدی کی ائوینی چاپالّار. 40سیزده آماده اولاسینز، چونکی انسان اوغلو بیر ساعاتدا گلَر کی سیز یولونو گؤزلهمئیرَینز.»
41پِطرُس دئدی: «آقا، سَنینگ مَنظورونگ بو مَثَللَردن فقط بیزَک یا واریکَسه دئییرَینگ؟» 42رَب عیسا دئدی: «او صاپ-صادق و عقللی ناظر کیم دیر کی اَربابی اؤنو ائوینگ نوکرلَری باشی ایجینه قؤیا تا اؤز وختینده، اوللارینگ خورَکیسینی وئره؟ 43خوش او نوکر حالینا کی اَربابی گلَنده، اؤنو اؤز ایشی باشیندا گؤره. 44گرچَکینی سیزه دئییرم کی اَربابی بوتون وارلیگینی اؤنا تاپشیرار. 45آما اگر او نوکر اؤزو اینَن دئیه: ”اَرباب گلمَکی گئج اولموش“ و کنیزلر و نوکرلَرینگ وورماکینا باشلایا و یئیه و ایچه و مَستلیگ ائده، 46بیر گؤنده کی او نوکر، اَرباب یولونو گؤزلهمئیر و بیر ساعتده کی او بیلمئیر، اَرباب ائتیشَر و اؤنو ایکّی شَقّه ائدَر و او یئره کی خائنلَر ایچی آماده اولموش آتار تا زَجر چَکه.
47«او نوکر کی اؤز اَربابی سئدیگی زادلاری بیلیر آما گئنه دا اوللاری یئرینه ائتیردمَک ایچی اؤزونو آماده ائدمئیر، شلّاق اینان چوخ کِتَکلَر یئیهر. 48آما او کی اؤز اَربابی سئدیگی زادلاری بیلمئیر و بیر ایش گؤرور کی سزاسی کِتَک دیر، آزتر کِتَک یئیهر. هَر کَسه چوخ وئریله، او آدامدان چوخ دا سئییلَر و هَر کَسه آرتیق تاپشیریلا، او آدامدان آرتیق دا سئییلَر.
49«من گلمیشَم تا یئر اوستونه اوت آلیشدیرام و کاشکی بوندان تئزتر دا آلیشمیشدی. 50مَنده بیر تَعمید غُسلی وار کی توتاسیم و بو ایش اولانانچاز، چوخ پریشانام! 51سیز گمان ائدیرَینز من گلمیشَم تا یئر اوستونه صُلح گتیرَم؟ یو، سیزه دئییرم، من گلمیشَم تا تَفرقه آتام. 52چونکی بوندان سورا، بیر اوبانینگ بئش آدامی آراسینا تَفرقه دؤشَر؛ اؤچو، ایکّیسی اینن ضدّ اولور و ایکّیسی، اؤچو اینن ضدّ اولور. 53اوللار آراسینا تَفرقه دؤشَر؛ بووآ، اوغول اینان و اوغول، بووآ اینان ضدّ اولور. آنا، قیز اینان و قیز، آنا اینان ضدّ اولور. قاینآنا، گَلین اینَن و گَلین، قاینآنا اینان ضدّ اولور.»
زامان تَعبیری
54ائله بئله ده عیسا جماعته دئدی: «اوندا کی گؤرورَینز کی بولوتلار غَربدن آلهیینه چیخیرلَر، فوری دئییرَینز: ”یاغیش یاغار“ و یاغیش دا یاغیر 55و جنوبدان یئل اَسَنده، دئییرَینز: ”بیر سَخت سیجاق اولور“ و بئله دا اولیر. 56ای ایکّیایزلیلَر! سیز کی بیلیرَینز، یئر اینَن گؤی وَضعینی نهیین تَعبیر ائدهسینز، نه ایچی بیلمئیرَینز بو زامانانینگ نیشانالارینی نهیین تَعبیر ائدهسینز؟
57«نه ایچی دؤز زادی اؤزونز ایچی آرالیا بیلمئیرَینز؟ 58اوندا کی سَندَن شاکی اولان آدام اینان قاضی یانینا گئدیرَینگ، تَقلّی ائد تا حلی یولدایانگ اؤنونگ اینان صُلح ائدَینگ. تا ائدمئیه کی او سَنی چَکه قاضی یانینا، قاضی دا سَنی اَفسر اَلینه وئره و اَفسر دا سنی زندانا سالا. 59سنه دئییرم کی تا آخیرکی قِرّانییی وئرمهینگ، هئچ زامان اؤردان چیخمَینگ.»
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
@ 2024 Korpu Company