1 Коринтјаните 11
11
1 #
4,16; Гал 4,12; Фил 3,17; 2 Сол 3,7.9; 1 Тим 4,12; Евр 6,12; 13,7 Бидете мои подражатели, како што сум и јас на Христос!
Мажот и жената пред Господ
2 #
2 Сол 2,15
Ве пофалувам, браќа, зашто во сѐ си спомнувате за мене и ги држите преданијата така како што ви ги предадов. 3#Ефес 1,22; 4,15; 5,23Но сакам да знаете дека глава на секој маж е Христос; а глава на жената е мажот; на Христос, пак, глава е Бог. 4Секој маж, кој се моли или пророкува со покриена глава, ја срамоти својата глава; 5а секоја жена, која се моли или пророкува со непокриена глава, ја срамоти својата глава, зашто тоа е исто како да е истрижена. 6Ако жената не сака да се покрива, тогаш нека се стриже; ако, пак, е грдо за жена да се стриже или бричи, тогаш нека се покрива. 7#1 Мојс 1,27; 5,1; 2 Кор 4,4И така, мажот не треба да ја покрива главата, зашто е образ и слава Божја, а жената е слава на мажот. 8#1 Мојс 2,22-23; 1 Тим 2,13Зашто не е мажот од жената, туку жената од мажот; 9#1 Мојс 2,18и не е мажот создаден за жената, туку жената за мажот. 10#Ефес 3,10Затоа жената на главата треба да има знак на власта што е над неа, поради ангелите. 11Па сепак, во Господа, ниту мажот е без жената, ниту жената е без мажот. 12#Рим 11,36Бидејќи, како што жената е од мажот, така и мажот е преку жената; а сѐ е од Бога. 13Просудете сами во себе: доликува ли жена да Му се моли на Бога со непокриена глава? 14Зар и самата природа не ве учи дека е срамно за мажот да има долга коса? 15Но, ако жената има долга коса, тоа е украс за неа, бидејќи косата ѝ е дадена наместо превез. 16Но, ако некој сака да се препира, ние немаме таков обичај, ниту, пак, Божјите цркви#11,16 ниту пак имаат останатите Божјите цркви .
Господова вечера
(Мт 26,26-29; Мк 14,22-25; Лк 22,15-20)
17А заповедајќи ви го ова, не ве фалам, бидејќи, кога се собирате, вие не одите кон подобро, туку кон полошо. 18#1,11.12Зашто, пред сѐ, слушам и делумно верувам – дека кога се собирате како црква, постојат расколи меѓу вас. 19А потребно е меѓу вас да има и поделби, за да се истакнат поопитните меѓу вас. 20Вашето собирање, пак, на едно место, не е за јадење на Господовата вечера, 21зашто на јадењето секој брза да ја земе својата вечера пред другите, така што еден останува гладен, а друг се опива. 22#Јк 2,6Зар немате куќи за да јадете и пиете? Или ја презирате Божјата Црква и ги срамотите оние, што се сиромашни? Што да ви речам? Да ве пофалам ли за тоа? Не пофалувам! 23Бидејќи јас го примив од Господ она што ви го предадов; а тоа е дека Господ Исус, во ноќта кога беше предаден, зеде леб, 24и, откако заблагодари, го прекрши и рече: „Земете, јадете, ова е Моето тело, кое за вас се прекршува, ова правете го во Мој спомен!“ 25#2 Мојс 24,8; Ер 31,31; Зах 9,11; 2 Кор 3,6По вечерата, исто така, ја зеде и чашата, велејќи: „Оваа чаша е Новиот завет во Мојата крв; ова правете го секогаш кога ќе ја пиете, за Мој спомен!“ 26Зашто, секогаш, кога ќе го јадете овој леб и кога ќе ја пиете оваа чаша, вие ќе ја објавувате смртта на Господ, додека да дојде Тој. 27#Евр 6,6; 10,29Затоа, оној што недостојно јаде од овој леб и пие од Господовата чаша, ќе биде виновен спрема телото и крвта на Господ. 28#2 Кор 13,5Но, секој човек нека се испита себеси и потоа нека јаде од овој леб и нека пие од оваа чаша. 29Зашто, кој јаде и пие недостојно, тој го јаде и пие своето осудување, бидејќи не го разликува Господовото тело. 30Па затоа меѓу вас има многу немоќни и болни, а мнозина и умираат. 31#Рим 14,22Зашто, ако се бевме испитувале самите себеси, тогаш немаше да бидеме судени. 32#Евр 12,5-8Но судејќи нѐ, Господ нѐ превоспитува, за да не бидеме осудени заедно со светот. 33Па така, браќа мои, кога се собирате на јадење, почекувајте се еден со друг. 34Ако, пак, некој е гладен, нека јаде дома, за да не се собирате за осуда. А останатото ќе го уредам кога ќе дојдам.
Селектирано:
1 Коринтјаните 11: MAK2023
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© Библиско Здружение на Р. Македонија 2023