Mataio 23
23
Kua Fāitiogia e Iehu nā Faiākoga o te Tūlāfono ma te kau Falehaio
(Mlk 12.38-39; Luk 11.43, 46; 20.45-46)
1Oi na lea atu ai ia Iehu ki te kaifenua ma nā hoko o ia. 2“Ko nā faiākoga o te Tūlāfono ma te kau Falehaio, ni tino kua mālamalama i te Tūlāfono a Mohe. 3Ko koutou la e tatau ke fakalogo ma mulimuli ki nā mea uma e lea atu ai kilātou ke fai e koutou; kae ia koutou lele nahe fakatakitaki kia lātou mea e fai, auā e hē fakatinoa e kilātou a lātou kupu e tautatala ai. 4E tanoa e kilātou nā kavega mamafa ma amo gatā ki nā tua o tagata, oi kae hē fia fehoahoani lele kilātou ki te amoga o nā kavega iēnā. 5Ko a lātou mea uma e fai kae ke kitea ai kilātou e tagata. Kikila ki te fuaefa o nā tamā puha e tanoa ki o lātou muāulu ma o lātou lima,#23.5 tamā puha… lātou lima nae i loto ai ni fuaikupu mai nā tuhituhiga paia, nae māhani oi tanoa ki nā muāulu ma nā lima. He fakailoga o te tauhi ki nā fakatonuga a te Aliki vēnā ma te loloa o nā mea teuteu i nā pito o nā kofutatao#23.5 mea teuteu… nā kofutatao He fakailoga o te fakatuatua lahi ki te Atua (kikila ki te Nūm 15.37-41) o kilātou! #Nūm 15.38; Teu 6.8; Mat 6.1 6E fiafia oi nonofo i nā nofoa tāua i nā kaiga lalahi ma tāofi mo kilātou nā nofoa fakapitoa i loto o nā hūnako; 7e fofou foki ke fakafeiloaki aloakia ake kilātou e tagata i nā māketi, ma ke takua kilātou ni ‘Faiākoga.’ 8Kae ko koutou e hē takua lele ni ‘Faiākoga,’ auā e tutuha uma lava koutou, ma e fokotahi oioti lava te koutou Faiākoga. 9Ia koutou foki nahe lea lele ki he tino i te lalolagi nei ‘Te Tamana,’ auā e fokotahi oioti lava te koutou Tamana i te lagi. 10Ke vēnā foki ona hē takua lele koutou ni ‘Takitaki,’ auā e fokotahi oioti lava te koutou takitaki ko te Mehia. 11Ko te tino e hili te tāua ia te koutou, e tatau ke fai ia ma autou kaukauna. #Mat 20.26-27; Mlk 9.35; 10.43-44; Luk 22.26 12Ko ai lava e loto fakamaualuga ka fakamaulalogia, ka ko ai lava e loto maulalo, ka fakaeke ki luga.#Luk 14.11; 18.14
Ko te Fakagutugutulua o nā Faiākoga o te Tūlāfono ma te kau Falehaio
(Mlk 12.40; Luk 11.39-42, 44, 52; 20.47)
13“Kae heāloa la koutou nā faiākoga o te Tūlāfono ma te kau Falehaio! Ko koutou ni tino fakagutugutulua. E tapuni e koutou te faitotoka ki te Mālō o te lagi ki tagata, ka ko koutou e hē olo ki loto, ma e hē fakataga foki e koutou nā tino e taumafai ke olo ki loto. 14#23.14 Ko iētahi tuhituhiga e fakaopōpo ki ei te fuaikupu 14: Kae heāloa la koutou faiākoga o te Tūlāfono ma te kau Falehaio! Ko koutou ni tagata fakagutugutulua. E fakavalea e koutou ia fafine kua oti a lātou tāne ma hamu e koutou o lātou fale, ma fai e koutou nā tatalo loloa ke tau punipuni ai nā uiga iēnā. Ona ko nā mea iēnei, ka hili lele atu ai te kino o te fakahalaga o koutou! Kikila ki te Mlk 12.40
15“Kae heāloa la koutou faiākoga o te Tūlāfono ma te kau Falehaio! Ko koutou ni tagata fakagutugutulua. E malaga koutou i luga o te moana ki te lahi o atunuku, ke koutou maua he tino e fokotahi ke fakaliliu ki te koutou talitonuga; kae kāfai e maua e koutou, ko autou akoakoga ka fakaluagia ai te faigōfie oi fano te tino tēnā ki Kēna, e vē foki lava ko koutou.
16“Kae heāloa la koutou nā takitaki tāuaho! E akoako e koutou vēia, ‘kāfai he tino e tautō i te igoa o te Mālumalu, e hē fuhifuhia ia i tana tautōga; kae kāfai e tautō i te igoa o nā aulo i loto o te Mālumalu, e fuhifuhia.’ 17Koutou tagata vālelea ma te tāuaho. Ko heā te hili te tāua, ko nā aulo pe ko te Mālumalu e fakapaia ai nā aulo? 18E akoako foki e koutou vēia, ‘Kāfai he tino e tautō i te igoa o te fata faitāulaga, e hē fuhifuhia ia i tana tautōga; kae kāfai e tautō i te igoa o te meālofa i luga o te fata faitāulaga, e fuhifuhia.’ 19Kai te tāuaho ātili o koutou! Ko heā te hili te tāua, ko te meālofa pe ko te fata faitāulaga e fakapaia ai te meālofa? 20Ko te mea ia, kāfai he tino e tautō i te igoa o te fata faitāulaga, e aofia ai lava ma nā meālofa uma i luga; 21ma kāfai he tino e tautō i te igoa o te Mālumalu, e aofia ai ma te Atua, e nofo i kinā; 22ma kāfai he tino e tautō i te igoa o te lagi, e tautō ia i te igoa o te nofoāliki o te Atua, ma tē e tiketike ai. #Iha 66.1; Mat 5.34
23“Kae heāloa la koutou nā faiākoga o te Tūlāfono ma te kau Falehaio. Ko koutou ni tagata fakagutugutulua. E fōki e koutou mo te Atua te tahi-vae-hefulu o nā mea fakamanogi meakai e vē ko te mineti, te tili ma te kumini,#23.23 te mineti, te tili ma te kumini ni tamā lākau e fakaaogā nā lau ma nā fua ke fakamanogi ai nā meakai kae kua hē mulimuli koutou ki nā akoakoga tāua o te Tūlāfono, e vē ko te fakatutuha o tagata uma i te tūlāfono, te agalelei ma te fakamāoni. Ko nā mea iēnei e tatau ke fai e koutou, kae hē tīakia ai iētahi mea. #Lev 27.30 24Koutou nā takitaki tāuaho! E fakamamā kehe e koutou he lago mai autou vai inu, kae e folo e koutou he kāmela e aunoa ma te koutou iloagia!
25“Kae heāloa la koutou nā faiākoga o te Tūlāfono ma te kau Falehaio! Ko koutou ni tagata fakagutugutulua. E fufulu e koutou ia fafo o autou iputī ma autou ipukai, kae ko loto e tumu i nā mea na koutou maua i te tuinanau ma te mānumanu. 26Koutou nā Falehaio tāuaho! Fufulu muamua ia loto o autou iputī ma autou ipukai, oi ka mamā ai foki ma fafo!
27“Kae heāloa la koutou nā faiākoga o te Tūlāfono ma te kau Falehaio! Ko koutou ni tagata fakagutugutulua! Ko koutou e vēia ko nā tugamau kua vali paepae, e mānaia mai ia fafo ka ko loto e tumu i te pogāivi ma nā tinooti kua pala. #Gāl 23.3 28E vēnā foki lava te kikila atu kia te koutou i fafo, e āmiotonu i te kikilaga a tagata, ka ko loto e tumu i te fakagutugutulua ma te agahala.
29“Kae heāloa la koutou nā faiākoga o te Tūlāfono ma te kau Falehaio! Ko koutou ni tagata fakagutugutulua! E fau e koutou nā tugamau mānanaia mo nā pelofeta ma teuteu nā mea ke fakamanatu ai kilātou nae ola āmiotonu; 30ma lea vē koutou, ‘Ānei kimātou na ola ake i nā aho o nā tupuna o kimātou, e hēki kau fakatahi kimātou ma kilātou, i te tāmatega o nā pelofeta.’ 31Ma kua takutino lava e koutou, ko koutou ni lāpuna o nā tino na tāmate e kilātou nā pelofeta! 32Heā la te koi fakatali ai koutou, fai fakauma nā mea na kāmata e nā tupuna o koutou! 33Koutou nā gata ma fānau a gata! E vēhea nei ona fakahao koutou mai te afi o Kēna. #Mat 3.7; 12.34; Luk 3.7 34Ko te mea ia, ka kō uga atua kia te koutou nā pelofeta ma nā tino popoto ma nā faiākoga; ka koutou tāmatea iētahi o kilātou, ka fakahātaulo iētahi, ma kini iētahi i loto o nā hūnako, ma tuli iētahi mai tētahi kakai ki tētahi kakai. 35Ona ko te mea tēnei, ka pakū atu ai ki luga o koutou te fakahalaga mo te fakamaligiga o te toto o nā tino āmiotonu i te lalolagi, mai te toto o Apelu e aunoa ma hana hala, ki te toto o Hakalia te ataliki o Palakia#23.35 Ko te Kenehe te Tuhi muamua i nā Tuhituhiga Epelu, ma e tākua ai ia Apelu ko te tino muamua ia na tāmate. Ko te 2 Nofoakiga Tupu ko te Tuhi mulimuli ia i nā Tuhituhiga Epelu, ma ko te tino mulimuli e takua na tāmate ko Hakalia na koutou tāmatea i te vā o te fata faitāulaga ma te Nofoaga Paia i loto o te Mālumalu.#Ken 4.8; 2 NT 24.20-21 36E takutino atu e au kia te koutou: ko te fakahalaga mo nā tāmate tino uma iēnei, ka pakū lava ki luga o nā tino o nā aho nei!
Ko te Alofa o Iehu mo Ieluhalema
(Luk 13.34-35)
37“Ieluhalema, Ieluhalema! Kua tāmate e koe nā pelofeta ma fetogi nā kavefekau na uga atu e te Atua kia te koe! E lahi lele nā taimi na fia ōpoipoi mai ai au fānau i oku lima, e vē oi fakamāopōpo mai e he kaumatua moa tana ōfaga ki lalo o ona kapahau, kae ko koutou na mumuhu! 38Ma ko te mea ia ka tīaki ai te Mālumalu o koe ma hē toe iei ni tino e olo ki loto.#Iel 22.5 39Auā e lea atu au kia te koe, e kāmata atu nei, ka hē toe kē kiteagia au, heiloga kua pa ki te taimi e lea vē ai koe, ‘Ke fakamanuia e te Atua tē e hau i te igoa o te Aliki.’ ” #Hal 118.26
Селектирано:
Mataio 23: TOKU
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Bible Society New Zealand Charitable Trust
Mataio 23
23
Kua Fāitiogia e Iehu nā Faiākoga o te Tūlāfono ma te kau Falehaio
(Mlk 12.38-39; Luk 11.43, 46; 20.45-46)
1Oi na lea atu ai ia Iehu ki te kaifenua ma nā hoko o ia. 2“Ko nā faiākoga o te Tūlāfono ma te kau Falehaio, ni tino kua mālamalama i te Tūlāfono a Mohe. 3Ko koutou la e tatau ke fakalogo ma mulimuli ki nā mea uma e lea atu ai kilātou ke fai e koutou; kae ia koutou lele nahe fakatakitaki kia lātou mea e fai, auā e hē fakatinoa e kilātou a lātou kupu e tautatala ai. 4E tanoa e kilātou nā kavega mamafa ma amo gatā ki nā tua o tagata, oi kae hē fia fehoahoani lele kilātou ki te amoga o nā kavega iēnā. 5Ko a lātou mea uma e fai kae ke kitea ai kilātou e tagata. Kikila ki te fuaefa o nā tamā puha e tanoa ki o lātou muāulu ma o lātou lima,#23.5 tamā puha… lātou lima nae i loto ai ni fuaikupu mai nā tuhituhiga paia, nae māhani oi tanoa ki nā muāulu ma nā lima. He fakailoga o te tauhi ki nā fakatonuga a te Aliki vēnā ma te loloa o nā mea teuteu i nā pito o nā kofutatao#23.5 mea teuteu… nā kofutatao He fakailoga o te fakatuatua lahi ki te Atua (kikila ki te Nūm 15.37-41) o kilātou! #Nūm 15.38; Teu 6.8; Mat 6.1 6E fiafia oi nonofo i nā nofoa tāua i nā kaiga lalahi ma tāofi mo kilātou nā nofoa fakapitoa i loto o nā hūnako; 7e fofou foki ke fakafeiloaki aloakia ake kilātou e tagata i nā māketi, ma ke takua kilātou ni ‘Faiākoga.’ 8Kae ko koutou e hē takua lele ni ‘Faiākoga,’ auā e tutuha uma lava koutou, ma e fokotahi oioti lava te koutou Faiākoga. 9Ia koutou foki nahe lea lele ki he tino i te lalolagi nei ‘Te Tamana,’ auā e fokotahi oioti lava te koutou Tamana i te lagi. 10Ke vēnā foki ona hē takua lele koutou ni ‘Takitaki,’ auā e fokotahi oioti lava te koutou takitaki ko te Mehia. 11Ko te tino e hili te tāua ia te koutou, e tatau ke fai ia ma autou kaukauna. #Mat 20.26-27; Mlk 9.35; 10.43-44; Luk 22.26 12Ko ai lava e loto fakamaualuga ka fakamaulalogia, ka ko ai lava e loto maulalo, ka fakaeke ki luga.#Luk 14.11; 18.14
Ko te Fakagutugutulua o nā Faiākoga o te Tūlāfono ma te kau Falehaio
(Mlk 12.40; Luk 11.39-42, 44, 52; 20.47)
13“Kae heāloa la koutou nā faiākoga o te Tūlāfono ma te kau Falehaio! Ko koutou ni tino fakagutugutulua. E tapuni e koutou te faitotoka ki te Mālō o te lagi ki tagata, ka ko koutou e hē olo ki loto, ma e hē fakataga foki e koutou nā tino e taumafai ke olo ki loto. 14#23.14 Ko iētahi tuhituhiga e fakaopōpo ki ei te fuaikupu 14: Kae heāloa la koutou faiākoga o te Tūlāfono ma te kau Falehaio! Ko koutou ni tagata fakagutugutulua. E fakavalea e koutou ia fafine kua oti a lātou tāne ma hamu e koutou o lātou fale, ma fai e koutou nā tatalo loloa ke tau punipuni ai nā uiga iēnā. Ona ko nā mea iēnei, ka hili lele atu ai te kino o te fakahalaga o koutou! Kikila ki te Mlk 12.40
15“Kae heāloa la koutou faiākoga o te Tūlāfono ma te kau Falehaio! Ko koutou ni tagata fakagutugutulua. E malaga koutou i luga o te moana ki te lahi o atunuku, ke koutou maua he tino e fokotahi ke fakaliliu ki te koutou talitonuga; kae kāfai e maua e koutou, ko autou akoakoga ka fakaluagia ai te faigōfie oi fano te tino tēnā ki Kēna, e vē foki lava ko koutou.
16“Kae heāloa la koutou nā takitaki tāuaho! E akoako e koutou vēia, ‘kāfai he tino e tautō i te igoa o te Mālumalu, e hē fuhifuhia ia i tana tautōga; kae kāfai e tautō i te igoa o nā aulo i loto o te Mālumalu, e fuhifuhia.’ 17Koutou tagata vālelea ma te tāuaho. Ko heā te hili te tāua, ko nā aulo pe ko te Mālumalu e fakapaia ai nā aulo? 18E akoako foki e koutou vēia, ‘Kāfai he tino e tautō i te igoa o te fata faitāulaga, e hē fuhifuhia ia i tana tautōga; kae kāfai e tautō i te igoa o te meālofa i luga o te fata faitāulaga, e fuhifuhia.’ 19Kai te tāuaho ātili o koutou! Ko heā te hili te tāua, ko te meālofa pe ko te fata faitāulaga e fakapaia ai te meālofa? 20Ko te mea ia, kāfai he tino e tautō i te igoa o te fata faitāulaga, e aofia ai lava ma nā meālofa uma i luga; 21ma kāfai he tino e tautō i te igoa o te Mālumalu, e aofia ai ma te Atua, e nofo i kinā; 22ma kāfai he tino e tautō i te igoa o te lagi, e tautō ia i te igoa o te nofoāliki o te Atua, ma tē e tiketike ai. #Iha 66.1; Mat 5.34
23“Kae heāloa la koutou nā faiākoga o te Tūlāfono ma te kau Falehaio. Ko koutou ni tagata fakagutugutulua. E fōki e koutou mo te Atua te tahi-vae-hefulu o nā mea fakamanogi meakai e vē ko te mineti, te tili ma te kumini,#23.23 te mineti, te tili ma te kumini ni tamā lākau e fakaaogā nā lau ma nā fua ke fakamanogi ai nā meakai kae kua hē mulimuli koutou ki nā akoakoga tāua o te Tūlāfono, e vē ko te fakatutuha o tagata uma i te tūlāfono, te agalelei ma te fakamāoni. Ko nā mea iēnei e tatau ke fai e koutou, kae hē tīakia ai iētahi mea. #Lev 27.30 24Koutou nā takitaki tāuaho! E fakamamā kehe e koutou he lago mai autou vai inu, kae e folo e koutou he kāmela e aunoa ma te koutou iloagia!
25“Kae heāloa la koutou nā faiākoga o te Tūlāfono ma te kau Falehaio! Ko koutou ni tagata fakagutugutulua. E fufulu e koutou ia fafo o autou iputī ma autou ipukai, kae ko loto e tumu i nā mea na koutou maua i te tuinanau ma te mānumanu. 26Koutou nā Falehaio tāuaho! Fufulu muamua ia loto o autou iputī ma autou ipukai, oi ka mamā ai foki ma fafo!
27“Kae heāloa la koutou nā faiākoga o te Tūlāfono ma te kau Falehaio! Ko koutou ni tagata fakagutugutulua! Ko koutou e vēia ko nā tugamau kua vali paepae, e mānaia mai ia fafo ka ko loto e tumu i te pogāivi ma nā tinooti kua pala. #Gāl 23.3 28E vēnā foki lava te kikila atu kia te koutou i fafo, e āmiotonu i te kikilaga a tagata, ka ko loto e tumu i te fakagutugutulua ma te agahala.
29“Kae heāloa la koutou nā faiākoga o te Tūlāfono ma te kau Falehaio! Ko koutou ni tagata fakagutugutulua! E fau e koutou nā tugamau mānanaia mo nā pelofeta ma teuteu nā mea ke fakamanatu ai kilātou nae ola āmiotonu; 30ma lea vē koutou, ‘Ānei kimātou na ola ake i nā aho o nā tupuna o kimātou, e hēki kau fakatahi kimātou ma kilātou, i te tāmatega o nā pelofeta.’ 31Ma kua takutino lava e koutou, ko koutou ni lāpuna o nā tino na tāmate e kilātou nā pelofeta! 32Heā la te koi fakatali ai koutou, fai fakauma nā mea na kāmata e nā tupuna o koutou! 33Koutou nā gata ma fānau a gata! E vēhea nei ona fakahao koutou mai te afi o Kēna. #Mat 3.7; 12.34; Luk 3.7 34Ko te mea ia, ka kō uga atua kia te koutou nā pelofeta ma nā tino popoto ma nā faiākoga; ka koutou tāmatea iētahi o kilātou, ka fakahātaulo iētahi, ma kini iētahi i loto o nā hūnako, ma tuli iētahi mai tētahi kakai ki tētahi kakai. 35Ona ko te mea tēnei, ka pakū atu ai ki luga o koutou te fakahalaga mo te fakamaligiga o te toto o nā tino āmiotonu i te lalolagi, mai te toto o Apelu e aunoa ma hana hala, ki te toto o Hakalia te ataliki o Palakia#23.35 Ko te Kenehe te Tuhi muamua i nā Tuhituhiga Epelu, ma e tākua ai ia Apelu ko te tino muamua ia na tāmate. Ko te 2 Nofoakiga Tupu ko te Tuhi mulimuli ia i nā Tuhituhiga Epelu, ma ko te tino mulimuli e takua na tāmate ko Hakalia na koutou tāmatea i te vā o te fata faitāulaga ma te Nofoaga Paia i loto o te Mālumalu.#Ken 4.8; 2 NT 24.20-21 36E takutino atu e au kia te koutou: ko te fakahalaga mo nā tāmate tino uma iēnei, ka pakū lava ki luga o nā tino o nā aho nei!
Ko te Alofa o Iehu mo Ieluhalema
(Luk 13.34-35)
37“Ieluhalema, Ieluhalema! Kua tāmate e koe nā pelofeta ma fetogi nā kavefekau na uga atu e te Atua kia te koe! E lahi lele nā taimi na fia ōpoipoi mai ai au fānau i oku lima, e vē oi fakamāopōpo mai e he kaumatua moa tana ōfaga ki lalo o ona kapahau, kae ko koutou na mumuhu! 38Ma ko te mea ia ka tīaki ai te Mālumalu o koe ma hē toe iei ni tino e olo ki loto.#Iel 22.5 39Auā e lea atu au kia te koe, e kāmata atu nei, ka hē toe kē kiteagia au, heiloga kua pa ki te taimi e lea vē ai koe, ‘Ke fakamanuia e te Atua tē e hau i te igoa o te Aliki.’ ” #Hal 118.26
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Bible Society New Zealand Charitable Trust