Mataio 24
24
Kua Tautala ia Iehu e Uiga ki te Fakakinoga o te Mālumalu
(Mlk 13.1-2; Luk 21.5-6)
1Kua fakahao ki fafo ia Iehu mai te Mālumalu, ma ka koi havali kehe atu, kae kua ōmamai nā hoko o ia ma fakahinohino kia te ia nā fale o te Mālumalu. 2Kae kua tali atu ia Iehu kia te kilātou, “E kitea e koutou nā mea uma iēnei ni? E takutino atu e au kia te koutou, ka hē toe iei i kinei he fatu e fokotahi e tū i luga o hētahi fatu; ko nā fatu takitahi uma lele ka togi ki lalo.”
Ko Puapuagā ma Fakahāuāga
(Mlk 13.3-13; Luk 21.7-19)
3Ka koi nofo ia Iehu i luga o te Mauga o Olive, kae kua ōmamai kia te ia nā hoko o ia nā ko kilātou, ma na fehili vē mai kia te ia, “Taku mai ake kia te kimātou pe ko āfea te ka fakatāunuku ai te mea tēnei, ma pe heā foki he fakailoga ke iloa ai e kimātou te taimi e haele mai ai koe, ma te taimi e uma ai te olaga nei?”
4Na tali atu ia Iehu, “Koutou ke mataala kae ke nahe fakahehēa ai koutou e he tino. 5Auā e tokalahi nā tino ka ōmamai i toku igoa ma lea vē atu, ‘Ko au ko te Mehia,’ ma ka fakahehē e kilātou te tokalahi o tagata. 6Ka lagona e koutou te faitapiha o ni taua e pili mai ma ni fakamatalaga e uiga ki ni taua i nā koga mamao, kae ia koutou nahe mātataku. Ko nā mea iēnei e tatau lava ke tutupu, kae e hē vēake ai la ko te ikuga kua pa mai. 7Ka hiki taua tētahi fenua ki tētahi fenua, ma tētahi mālō ki tētahi mālō. Ka iei nā oge ma nā mafuie i nā koga kehekehe uma. 8Ko nā mea uma iēnei e vē lava ko nā tīgā muamua o he fafine e fānau.
9“Oi ko koutou ka puke ma tuku atu ke fakahāuāgia ma tāmate. Ka inohia koutou e mālō uma o te lalolagi ona ko au.#Mat 10.22 10E tokalahi nā tino ka fakavāivai i to lātou fakatuatua i te taimi tēnā; ka fakalata e tētahi tētahi ma inoino tētahi ki tētahi. 11E tokalahi foki nā pelofeta pepelo ka huhula mai ma pelogia e kilātou te tokalahi o tagata. 12Ona ko te tuputupu pea o te āmio kino, ka hē toe lagona ai e te tokalahi o tagata he alofa. 13Kae ko te tino e onohai pea lava ke pa ki te ikuga, ka lāveakia.#Mat 10.22 14Ma ko te Tala Lelei tēnei e uiga ki te Mālō o te Atua, ka tālaki atu ki te lalolagi kātoa ke fai ma fakamāoniga ki mālō uma; oi fātoā pa mai ai loa te ikuga o te lalolagi.
Ko te Mea Matakutia te Kino ma te Inohia
(Mlk 13.14-23; Luk 21.20-24)
15“Ka kitea e koutou ‘Te Mea Matakutia te Kino ma te Inohia’ e tū i loto o te Nofoaga Paia, e vē oi tākua e te pelofeta ko Tanielu.” (Ke mālamalama te tino faitau i te uiga o te mea tēnei!)#Tan 9.27; 11.31; 12.11 16“Ko koutou la e nonofo i Iutea, e tatau ke hōhola ki luga o nā mauga. 17Ko te tino e i luga o te tuāfale o tona fale, nahe māumau he taimi ke fanaifo ai ki lalo ke kave ana mea mai loto o te fale. #Luk 17.31 18Ko te tino e galue i te fātoaga, nahe toe foki ki tona fale ke kaumai tona kofuloloa. 19Kai te fakaalofa o te mea ka pa ki ei nā fafine e manavakīkī ma nā mātua koi fakahuhu a lātou pepe, kāfai e pa ki nā aho iēnā! 20Tatalo ki te Atua ke nahe hōhola kehe koutou i nā aho o te tau mālūlū pe i he Hāpati.#24.20 Hāpati Ko te tūlāfono Epelu, e fakahā he tino e malaga e hili atu i te āfa maila te mamao i te Hāpati 21Auā ko nā puapuagā ka pa ki ei i te taimi tēnā, ka hili lele atu te kino i lo ni iētahi puapuagā na kua pa ki ei ia tagata, mai te kāmataga o te lalolagi, ke pa mai ki te aho nei. Ka hē toe mafai lele foki ke toe tupu he mea vēnei.#Tan 12.1; Fkl 7.14 22Kae kua uma te fakataigole e te Atua te nūmela o nā aho; moinei ake e hēki ia faia te mea tēnei, e hēai he tino fokotahi na mafai ke ola. Kae ona ko te alofa o te Atua ki ona tagata kua uma te ia filifilia, ka fakataigole ai e ia te nūmela o nā aho.
23“Kāfai la he tino e lea atu kia te koutou, ‘Kikila, tēnei te Keliho!’ pe lea vē, ‘Tēnā te Keliho!’—koutou nahe talitonu ki ei. 24Auā ka ōmamai nā Keliho pepelo ma nā pelofeta pepelo; ka kilātou faia ni vāvega uiga kehe ma ni mea ofōfogia ke fakahehē ai ia tagata, ke pa lava ki tagata kua filifilia e te Atua, pe kāfai e mafai. 25Fakalogo lelei mai koutou! Ko au kua lea atu i nā mea iēnei, ka ko hēki pa ki te taimi e tutupu ai.
26“Kāfai nā tino e lea atu, ‘Kikila, ko te Keliho e i te vao!’—koutou nahe olo ki ei; pe lea atu foki, ‘Kikila, tēnei e mumuni i kinei!’ —koutou nahe talitonu ki ei.#Luk 17.23-24 27Auā e vē ona napa te uila ma māinafia haukātoa ai te lagi mai hahae ki hihifo, ka vēnā foki lava kāfai te Ataliki o te Tagata e hau.
28“Pe ko fea lava te iei ai he tinooti, ka tumu atu foki ki ei nā āeto.#24.28 āeto He kupu Eleni e fakaaga ki nā manulele vē ko te āeto e kai ki nā kanofi manu #Luk 17.37
Kāfai te Ataliki o te Tagata e Haele mai
(Mlk 13.24-27; Luk 21.25-28)
29“E uma atu loa nā fakahāuāga o nā aho iēnā, oi ka gaholo loa e pōuli te lā, ka hē toe huhulu te māhina, ka pakukū nā fetū mai te lagi, ma ko mālohiaga o te vāteatea ka lūlū kehe mai o lātou alāvaka tūmau.#Iha 13.10; 34.4; Ehk 32.7; Ioe 2.10, 31; 3.15; Fkl 6.12-13 30Oi ka kitea ai te fakailoga i te lagi, e iloa ai ko te Ataliki o te Tagata kua haele mai; ma ko tagata uma i te lalolagi ka faitatagi, ma ka kilātou kitea atu te Ataliki o te Tagata e haele mai i luga o nā ao o te lagi, ma te mana, ma te mamalu hilihili kehe.#Tan 7.13; Hkl 12.10-14; Fkl 1.7 31Ka ili lahi te pu, ma uga atu ai e ia ana āgelu, ma ka kilātou fakamāopōpo maia nā tino kua uma te ia filifilia, mai nā pito e fa o te lalolagi, mai tētahi itūlagi ki tētahi.
Ko te Akoakoga mai te Mati
(Mlk 13.28-31; Luk 21.29-33)
32“Ke kavea te mati ke maua ai he akoakoga mo koutou. E kāmata loa oi lanu meamata ma vavai nā lālā, ma kāmata oi tutupu ake ona lau, e iloa e koutou ko te tau māfanafana kua tāli pa mai. 33E vēnā foki lava kāfai e koutou kitea nā mea uma iēnei, ka koutou iloa ai kua tāli pa mai te taimi, kua hāuni ka kāmata.#24.33 kua tāli pa… hāuni ka kāmata pe kua tāli pa mai ia, kua hāuni ka hau 34E takutino atu e au kia te koutou, ko nā mea uma iēnei e tutupu, ka ko hēki feoti uma nā tino o te tupulaga tēnei. 35E mou kehe atu te lagi ma te lalolagi, ka ko aku kupu e tūmau pea lava.
E hēai he Tino e ia Iloa te Aho ma te Itūlā
(Mlk 13.32-37; Luk 17.26-30, 34-36)
36“Kae e hēai he tino e ia iloa, pe pa mai āfea te aho tēnā ma te itūlā—e hē iloa e nā āgelu i te lagi, e hē iloa foki e te Ataliki;#24.36 hē iloa foki e te Ataliki Ko iētahi tuhituhiga anamua e hē i loto te fakakupuga tēnei kae nā ko te Tamana oioti te ia iloa. 37Ko te haele mai o te Ataliki o te Tagata, ka vē lava ko te mea na tupu i te taimi o Noa. #Ken 6.5-8 38Auā i nā aho ka ko hēki tupu te lolo, nae fai lava e tagata nā mea nae māhani ai; nae kakai ma inu, nae āvavaga ia tamāloloa ma fafine, ke pa lava ki te aho na fano ai ia Noa ki luga o te vaka; 39kae nae hē kilātou iloa lele te mea ka tupu, ke pa lava ki te taimi na hau ai te lolo ma na tāfefea uma ai kilātou. Ka vēnā foki lava nā mea ka tupu kāfai te Ataliki o te Tagata e haele mai.#Ken 7.6-24 40I te taimi tēnā, e toka lua ia tamāloa ka gālulue i he fātoaga; e fokotahi ka kave, kae tuku tētahi. 41E toka lua ia fafine ka tuki haito fakatahi i te mea e tuki ai te haito; e fokotahi ka kave, kae tuku tētahi.
42“Koutou la ke mataala, auā e hē koutou iloa pe ko heā te aho ka hau ai te koutou Aliki. 43Moinei ake na iloa e te tino e o ia te fale te taimi e hau ai te tino kaihohoa, e mautinoa lelei lava e hē moe lele, ma hē ia tukua he avanoa ke kaihohoa ai tona fale.#Luk 12.39-40 44Ko te mea ia, ko koutou foki e tatau ke nonofo hāuni; auā ko te Ataliki o te Tagata e hau i he taimi e hē manatu koutou e hau ai.
Ko te Kaukauna Fakamāoni pe ko te Kaukauna hē Fakamāoni
(Luk 12.41-48)
45“Ko ai la he kaukauna e fakamāoni ma poto? Ko ia tēia kua tōfia e tona matai ke pule i ana kaukauna, ma fakahoa a lātou meakai i te taimi tatau? 46Amutia te kaukauna tēnei kāfai e maua mai e tona matai, koi galue lava i tona tofi na tuku ki ei! 47E takutino atu e au kia te koutou, ka tōfia ia e tona matai ke pule i ana mea uma lele. 48Kae kāfai ko ia ko he kaukauna kino, ka lea vē ifo kia te ia lava, ‘ko toku matai e tuai mai,’ 49ma kāmata ai oi kini e ia ona hoā kaukauna, ma kakai ma inu fakatahi ma nā tino konanā. 50Kae ka toe foki mai tona matai i he aho e hēki manatu te kaukauna e foki mai ai, ma i he taimi e hē ia iloa. 51Ka tuki pala lele ia#24.51 tuki pala lele ia pe togi ia ki fafo e tona matai oi tuku atu ai ki te mea e iei ai nā tino fakagutugutulua. I kinā, ka tagi ai ma katigū ona nifo.
Селектирано:
Mataio 24: TOKU
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Bible Society New Zealand Charitable Trust
Mataio 24
24
Kua Tautala ia Iehu e Uiga ki te Fakakinoga o te Mālumalu
(Mlk 13.1-2; Luk 21.5-6)
1Kua fakahao ki fafo ia Iehu mai te Mālumalu, ma ka koi havali kehe atu, kae kua ōmamai nā hoko o ia ma fakahinohino kia te ia nā fale o te Mālumalu. 2Kae kua tali atu ia Iehu kia te kilātou, “E kitea e koutou nā mea uma iēnei ni? E takutino atu e au kia te koutou, ka hē toe iei i kinei he fatu e fokotahi e tū i luga o hētahi fatu; ko nā fatu takitahi uma lele ka togi ki lalo.”
Ko Puapuagā ma Fakahāuāga
(Mlk 13.3-13; Luk 21.7-19)
3Ka koi nofo ia Iehu i luga o te Mauga o Olive, kae kua ōmamai kia te ia nā hoko o ia nā ko kilātou, ma na fehili vē mai kia te ia, “Taku mai ake kia te kimātou pe ko āfea te ka fakatāunuku ai te mea tēnei, ma pe heā foki he fakailoga ke iloa ai e kimātou te taimi e haele mai ai koe, ma te taimi e uma ai te olaga nei?”
4Na tali atu ia Iehu, “Koutou ke mataala kae ke nahe fakahehēa ai koutou e he tino. 5Auā e tokalahi nā tino ka ōmamai i toku igoa ma lea vē atu, ‘Ko au ko te Mehia,’ ma ka fakahehē e kilātou te tokalahi o tagata. 6Ka lagona e koutou te faitapiha o ni taua e pili mai ma ni fakamatalaga e uiga ki ni taua i nā koga mamao, kae ia koutou nahe mātataku. Ko nā mea iēnei e tatau lava ke tutupu, kae e hē vēake ai la ko te ikuga kua pa mai. 7Ka hiki taua tētahi fenua ki tētahi fenua, ma tētahi mālō ki tētahi mālō. Ka iei nā oge ma nā mafuie i nā koga kehekehe uma. 8Ko nā mea uma iēnei e vē lava ko nā tīgā muamua o he fafine e fānau.
9“Oi ko koutou ka puke ma tuku atu ke fakahāuāgia ma tāmate. Ka inohia koutou e mālō uma o te lalolagi ona ko au.#Mat 10.22 10E tokalahi nā tino ka fakavāivai i to lātou fakatuatua i te taimi tēnā; ka fakalata e tētahi tētahi ma inoino tētahi ki tētahi. 11E tokalahi foki nā pelofeta pepelo ka huhula mai ma pelogia e kilātou te tokalahi o tagata. 12Ona ko te tuputupu pea o te āmio kino, ka hē toe lagona ai e te tokalahi o tagata he alofa. 13Kae ko te tino e onohai pea lava ke pa ki te ikuga, ka lāveakia.#Mat 10.22 14Ma ko te Tala Lelei tēnei e uiga ki te Mālō o te Atua, ka tālaki atu ki te lalolagi kātoa ke fai ma fakamāoniga ki mālō uma; oi fātoā pa mai ai loa te ikuga o te lalolagi.
Ko te Mea Matakutia te Kino ma te Inohia
(Mlk 13.14-23; Luk 21.20-24)
15“Ka kitea e koutou ‘Te Mea Matakutia te Kino ma te Inohia’ e tū i loto o te Nofoaga Paia, e vē oi tākua e te pelofeta ko Tanielu.” (Ke mālamalama te tino faitau i te uiga o te mea tēnei!)#Tan 9.27; 11.31; 12.11 16“Ko koutou la e nonofo i Iutea, e tatau ke hōhola ki luga o nā mauga. 17Ko te tino e i luga o te tuāfale o tona fale, nahe māumau he taimi ke fanaifo ai ki lalo ke kave ana mea mai loto o te fale. #Luk 17.31 18Ko te tino e galue i te fātoaga, nahe toe foki ki tona fale ke kaumai tona kofuloloa. 19Kai te fakaalofa o te mea ka pa ki ei nā fafine e manavakīkī ma nā mātua koi fakahuhu a lātou pepe, kāfai e pa ki nā aho iēnā! 20Tatalo ki te Atua ke nahe hōhola kehe koutou i nā aho o te tau mālūlū pe i he Hāpati.#24.20 Hāpati Ko te tūlāfono Epelu, e fakahā he tino e malaga e hili atu i te āfa maila te mamao i te Hāpati 21Auā ko nā puapuagā ka pa ki ei i te taimi tēnā, ka hili lele atu te kino i lo ni iētahi puapuagā na kua pa ki ei ia tagata, mai te kāmataga o te lalolagi, ke pa mai ki te aho nei. Ka hē toe mafai lele foki ke toe tupu he mea vēnei.#Tan 12.1; Fkl 7.14 22Kae kua uma te fakataigole e te Atua te nūmela o nā aho; moinei ake e hēki ia faia te mea tēnei, e hēai he tino fokotahi na mafai ke ola. Kae ona ko te alofa o te Atua ki ona tagata kua uma te ia filifilia, ka fakataigole ai e ia te nūmela o nā aho.
23“Kāfai la he tino e lea atu kia te koutou, ‘Kikila, tēnei te Keliho!’ pe lea vē, ‘Tēnā te Keliho!’—koutou nahe talitonu ki ei. 24Auā ka ōmamai nā Keliho pepelo ma nā pelofeta pepelo; ka kilātou faia ni vāvega uiga kehe ma ni mea ofōfogia ke fakahehē ai ia tagata, ke pa lava ki tagata kua filifilia e te Atua, pe kāfai e mafai. 25Fakalogo lelei mai koutou! Ko au kua lea atu i nā mea iēnei, ka ko hēki pa ki te taimi e tutupu ai.
26“Kāfai nā tino e lea atu, ‘Kikila, ko te Keliho e i te vao!’—koutou nahe olo ki ei; pe lea atu foki, ‘Kikila, tēnei e mumuni i kinei!’ —koutou nahe talitonu ki ei.#Luk 17.23-24 27Auā e vē ona napa te uila ma māinafia haukātoa ai te lagi mai hahae ki hihifo, ka vēnā foki lava kāfai te Ataliki o te Tagata e hau.
28“Pe ko fea lava te iei ai he tinooti, ka tumu atu foki ki ei nā āeto.#24.28 āeto He kupu Eleni e fakaaga ki nā manulele vē ko te āeto e kai ki nā kanofi manu #Luk 17.37
Kāfai te Ataliki o te Tagata e Haele mai
(Mlk 13.24-27; Luk 21.25-28)
29“E uma atu loa nā fakahāuāga o nā aho iēnā, oi ka gaholo loa e pōuli te lā, ka hē toe huhulu te māhina, ka pakukū nā fetū mai te lagi, ma ko mālohiaga o te vāteatea ka lūlū kehe mai o lātou alāvaka tūmau.#Iha 13.10; 34.4; Ehk 32.7; Ioe 2.10, 31; 3.15; Fkl 6.12-13 30Oi ka kitea ai te fakailoga i te lagi, e iloa ai ko te Ataliki o te Tagata kua haele mai; ma ko tagata uma i te lalolagi ka faitatagi, ma ka kilātou kitea atu te Ataliki o te Tagata e haele mai i luga o nā ao o te lagi, ma te mana, ma te mamalu hilihili kehe.#Tan 7.13; Hkl 12.10-14; Fkl 1.7 31Ka ili lahi te pu, ma uga atu ai e ia ana āgelu, ma ka kilātou fakamāopōpo maia nā tino kua uma te ia filifilia, mai nā pito e fa o te lalolagi, mai tētahi itūlagi ki tētahi.
Ko te Akoakoga mai te Mati
(Mlk 13.28-31; Luk 21.29-33)
32“Ke kavea te mati ke maua ai he akoakoga mo koutou. E kāmata loa oi lanu meamata ma vavai nā lālā, ma kāmata oi tutupu ake ona lau, e iloa e koutou ko te tau māfanafana kua tāli pa mai. 33E vēnā foki lava kāfai e koutou kitea nā mea uma iēnei, ka koutou iloa ai kua tāli pa mai te taimi, kua hāuni ka kāmata.#24.33 kua tāli pa… hāuni ka kāmata pe kua tāli pa mai ia, kua hāuni ka hau 34E takutino atu e au kia te koutou, ko nā mea uma iēnei e tutupu, ka ko hēki feoti uma nā tino o te tupulaga tēnei. 35E mou kehe atu te lagi ma te lalolagi, ka ko aku kupu e tūmau pea lava.
E hēai he Tino e ia Iloa te Aho ma te Itūlā
(Mlk 13.32-37; Luk 17.26-30, 34-36)
36“Kae e hēai he tino e ia iloa, pe pa mai āfea te aho tēnā ma te itūlā—e hē iloa e nā āgelu i te lagi, e hē iloa foki e te Ataliki;#24.36 hē iloa foki e te Ataliki Ko iētahi tuhituhiga anamua e hē i loto te fakakupuga tēnei kae nā ko te Tamana oioti te ia iloa. 37Ko te haele mai o te Ataliki o te Tagata, ka vē lava ko te mea na tupu i te taimi o Noa. #Ken 6.5-8 38Auā i nā aho ka ko hēki tupu te lolo, nae fai lava e tagata nā mea nae māhani ai; nae kakai ma inu, nae āvavaga ia tamāloloa ma fafine, ke pa lava ki te aho na fano ai ia Noa ki luga o te vaka; 39kae nae hē kilātou iloa lele te mea ka tupu, ke pa lava ki te taimi na hau ai te lolo ma na tāfefea uma ai kilātou. Ka vēnā foki lava nā mea ka tupu kāfai te Ataliki o te Tagata e haele mai.#Ken 7.6-24 40I te taimi tēnā, e toka lua ia tamāloa ka gālulue i he fātoaga; e fokotahi ka kave, kae tuku tētahi. 41E toka lua ia fafine ka tuki haito fakatahi i te mea e tuki ai te haito; e fokotahi ka kave, kae tuku tētahi.
42“Koutou la ke mataala, auā e hē koutou iloa pe ko heā te aho ka hau ai te koutou Aliki. 43Moinei ake na iloa e te tino e o ia te fale te taimi e hau ai te tino kaihohoa, e mautinoa lelei lava e hē moe lele, ma hē ia tukua he avanoa ke kaihohoa ai tona fale.#Luk 12.39-40 44Ko te mea ia, ko koutou foki e tatau ke nonofo hāuni; auā ko te Ataliki o te Tagata e hau i he taimi e hē manatu koutou e hau ai.
Ko te Kaukauna Fakamāoni pe ko te Kaukauna hē Fakamāoni
(Luk 12.41-48)
45“Ko ai la he kaukauna e fakamāoni ma poto? Ko ia tēia kua tōfia e tona matai ke pule i ana kaukauna, ma fakahoa a lātou meakai i te taimi tatau? 46Amutia te kaukauna tēnei kāfai e maua mai e tona matai, koi galue lava i tona tofi na tuku ki ei! 47E takutino atu e au kia te koutou, ka tōfia ia e tona matai ke pule i ana mea uma lele. 48Kae kāfai ko ia ko he kaukauna kino, ka lea vē ifo kia te ia lava, ‘ko toku matai e tuai mai,’ 49ma kāmata ai oi kini e ia ona hoā kaukauna, ma kakai ma inu fakatahi ma nā tino konanā. 50Kae ka toe foki mai tona matai i he aho e hēki manatu te kaukauna e foki mai ai, ma i he taimi e hē ia iloa. 51Ka tuki pala lele ia#24.51 tuki pala lele ia pe togi ia ki fafo e tona matai oi tuku atu ai ki te mea e iei ai nā tino fakagutugutulua. I kinā, ka tagi ai ma katigū ona nifo.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Bible Society New Zealand Charitable Trust