Mataio 22
22
Ko te Talafakatuha o te Kaiga o te Fakaipoipoga
(Luk 14.15-24)
1Kua toe fakaaogā foki e Iehu nā talafakatuha ke akoako atu ai ki tagata. 2“Ko te Mālō o te lagi e fakatuha vēnei. Nae iei he tupu na ia hāunia he kaiga lahi o te fakaipoipoga a tona ataliki. 3Na uga atu e ia ana kaukauna ke logo te kau valakaulia ke ōmamai ki te kaiga; kae na mumuhu kilātou oi ōmamai. 4Oi na uga ai iētahi kaukauna ma te faifekau tēnei ki te kau valakaulia: ‘Kua uma te tapena o taku kaiga, kua tāmate aku pōvi poa ma nā punuāpōvi pepeti. Ōmamai la ki te kaiga o te fakaipoipoga kua uma te hāunia.’ 5Kae e hēai he tino valakaulia na fia fakalogo ki ei, kae nae fai lava a lātou fekau māhani: na fano tētahi ki tona fātoaga, ko tētahi ki tona fale koloa, 6ka ko iētahi na puke e kilātou nā kaukauna, kua kini ma tāmate. 7Na ita lahi lele te tupu; oi na uga ai e ia ana fitafita, ma na fakaumatia e kilātou nā tino tāmate tino iēnei, ma huhunu to lātou kakai. 8Oi na lea atu ai ki ana kaukauna, ‘Ko te kaiga o te fakaipoipoga kua uma te hāuni, ka ko nā tino na valakaulia, e hē agavaka mo te kaiga. 9Olo loa nei ki nā auala lalahi, ma valakaulia nā tino uma e fetaui koutou, ke ōmamai ki te kaiga.’ 10Oi na olo ai nā kaukauna ki nā auala, ma kua fakapotopoto mai nā tino uma lele na fetaui kilātou, nā tino lelei ma nā tino kino, ma na fakatumulia ai e tagata te fale na fai ai te kaiga.
11“Kae i te hauga o te tupu ki te mea e fai ai te kaiga ke kikila ki te kau valakaulia, oi kitea ai e ia he tamāloa e hēki faia ni ona kofu lelei mo te fakaipoipoga. 12Kua fehili atu te tupu ki ei, ‘Te uō, e vēhea ona hau koe ki loto i kinei kae hēai ni ō kofu lelei mo te fakaipoipoga?’ Kae e hēki tali ki ei te tamāloa. 13Oi lea atu ai te tupu ki nā kaukauna, ‘Noanoa ona vae ma ona lima oi togi ai ki fafo ki te pogihā. I kinā, ka tagi ai ma katigū ona nifo.’ ” #Mat 8.12; 25.30; Luk 13.28
14Kua fakauma te tautalaga a Iehu oi lea vē atu ai, “E tokalahi e valakaugia, kae tokaitīti e filifilia.”
Ko te Fehili e Uiga ki nā Lāfoga e Totogi
(Mlk 12.13-17; Luk 20.20-26)
15Kua olo kehe te kau Falehaio ma kua taupulepule ke māilei ia Iehu i ni fehili e fai ki ei. 16Oi na uga ai e kilātou kia Iehu ni hoko o kilātou fakatahi ma ni tino o te vāega e kau kia Helota. Na fehili atu kilātou iēnei kia Iehu, “Te Faiākoga, e iloa e kimātou ko koe e tautala i te meamoni. E akoako e koe te meamoni e uiga ki te finagalo o te Atua mo tagata, ma e hē popole lele koe pe i na vēhea ake ni manatu o tagata, auā e tutuha ia tagata uma ia te koe. 17Lea mai ake la pe heā hō lagona? E fakataga i te tātou Tūlāfono ke totogi nā lāfoga kia Kaihala pe hēai?”
18Kae kua uma te iloa e Iehu a lātou taupulepulega kino, oi na lea vē atu ai kia te kilātou, “Ko koutou ni tagata fakagutugutulua! Heā te tau lamalama ai koutou kia te au? 19Fakahino mai ake te tupe e totogi ai te lāfoga.”
Kua fakahino e kilātou kia Iehu he tupe hiliva, 20oi na fehili atu ai ia Iehu kia te kilātou, “E o ai te ata ma te igoa e tuhi ai?”
21Na tali mai kilātou, “E o Kaihala.”
Oi na lea atu ai ia Iehu kia te kilātou, “Fakafoki lava la ia mea a Kaihala kia Kaihala, ma fakafoki ia mea a te Atua ki te Atua.”
22Na ofo lele kilātou i te kilātou lagonaga o te mea tēnei; ma na olo kehe ai loa mai kinā.
Ko te Fehili e Uiga ki te Toetū
(Mlk 12.18-27; Luk 20.27-40)
23I te aho lava tēnā, na ōmamai ai ni tino o te kau Hatukaio kia Iehu ma to lātou talitonuga, e hē mafai nā tino ke toe tutū mai i te oti. #Gāl 23.8 24Kua lea vē atu kilātou, “Te Faiākoga, e lea mai ia Mohe kāfai he tamāloa e oti kae hēai hana fānau, e tatau tona uho ke fakaipoipo ma te fafine kae ke maua ai he fānau e mafai ke takua e a tona uho kua oti. #Teu 25.5 25E vēnei la, nae iei te kau uho tama e toka fitu nae nonofo i kinei. Na fakaipoipo te uho matua kae na oti kae hēki iei hana fānau, oi na tuku ai e ia te fafine ki tona uho. 26Na vēnā foki te mea na tupu ki te uho tona lua, ma tona tolu, ma ki te kau uho uma lava e toka fitu. 27Mulimuli ake, oi na oti ai foki te fafine. 28Kāfai la e pa ki te aho e toe tutū ai ia tagata mai te oti, ko ai la o te kau uho ka takua ko te āvaga a te fafine? Ko te toka fitu uma tēnei na fakaipoipo ki te fafine.”
29Na tali atu ia Iehu kia te kilātou, “Kai te hehē lele o koutou! E māfua ona e hē koutou iloa nā Tuhituhiga Paia ma te mālohi o te Atua. 30Auā kāfai nā tino kua feoti e toe tutū mai te oti, ka vē kilātou ko nā āgelu i te lagi ma ka hē fakaipoipo kilātou. 31Kae e vē la ki nā tino kua oti e toe fakatutū; e hēki faitau nei koutou ki te mea na lea atu ai te Atua kia te koutou? Na lea vē te Atua, 32‘Ko au ko te Atua o Apelaamo, te Atua o Ihaako, ma te Atua o Iakopo.’ Ko ia ko te Atua o tagataola kae hē o tagata oti.” #Eho 3.6
33I te lagonaga e te kaifenua o te mea tēnei, oi na ofo lahi lele ai kilātou ki ana akoakoga.
Ko te Fakatonuga e Hili te Tāua
(Mlk 12.28-34; Luk 10.25-28)
34I te lagonaga e te kau Falehaio ko te kau Hatukaio na hēki mautali kia Iehu, oi na fakamāopōpo ai lava kilātou, 35ma ko tētahi o kilātou, he faiākoga o te Tūlāfono, kua fai tana fehili ke tofotofo ai ia Iehu.#Luk 10.25-28 36Kua lea vē atu kia Iehu, “Te Faiākoga, tēfea te fakatonuga e pito hili te tāua o nā Tūlāfono?”
37Kua tali mai ia Iehu, “ ‘Alofa ki te Aliki tō Atua ma tō loto kātoa, ma tō agaga kātoa ma tō māfaufau kātoa.’ #Teu 6.5 38Ko te fakatonuga tēnei e pito hili te tāua ma e fakamuamua. 39Ko tona lua o fakatonuga e pito hili te tāua e vēnei; ‘Alofa ki tō tuākoi e vē ona alofa koe kia te koe lava.’ #Lev 19.18 40Ko te Tūlāfono kātoa a Mohe ma nā akoakoga a te kau pelofeta, e fakavae uma i nā fakatonuga iēnei e lua.” #Luk 10.25-28
Ko te Fehili e Uiga ki te Mehia
(Mlk 12.35-37; Luk 20.41-44)
41Ka koi tau fakapotopoto te kau Falehaio, kae kua fehili atu ia Iehu ki ei, 42“Heā he koutou manatu e uiga ki te Mehia? Ko he lāpuna e o ai?”
Na tali mai kilātou, “He lāpuna e o Tavita.”
43Oi na lea atu ai ia Iehu, “Heā la te na fakaohofia ai ia Tavita e te Agaga ke lea ko te Mehia ko te ‘Aliki’? Ko Tavita na lea vē,
44‘Ko te Aliki na vāgana ki toku Aliki;#22.44 toku Aliki E fakatatau ki te Mehia
Nofo i toku itū taumatau,
ke pa ki te taimi e tuku ai e au
nā fili o koe ki lalo o nā vae o koe.’ #Hal 110.1
45Kāfai la ia Tavita na lea ko te Mehia ko te ‘Aliki,’ e vēhea la ona kavea he lāpuna o ia ma Mehia?”
46E hēki iei he tino na ia mafaia oi tali kia Iehu, ma na kāmata mai ai i te aho tēnā, e hēki toe iei lele he tino na toe fia toa ke fai hana fehili kia te ia.
Селектирано:
Mataio 22: TOKU
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Bible Society New Zealand Charitable Trust
Mataio 22
22
Ko te Talafakatuha o te Kaiga o te Fakaipoipoga
(Luk 14.15-24)
1Kua toe fakaaogā foki e Iehu nā talafakatuha ke akoako atu ai ki tagata. 2“Ko te Mālō o te lagi e fakatuha vēnei. Nae iei he tupu na ia hāunia he kaiga lahi o te fakaipoipoga a tona ataliki. 3Na uga atu e ia ana kaukauna ke logo te kau valakaulia ke ōmamai ki te kaiga; kae na mumuhu kilātou oi ōmamai. 4Oi na uga ai iētahi kaukauna ma te faifekau tēnei ki te kau valakaulia: ‘Kua uma te tapena o taku kaiga, kua tāmate aku pōvi poa ma nā punuāpōvi pepeti. Ōmamai la ki te kaiga o te fakaipoipoga kua uma te hāunia.’ 5Kae e hēai he tino valakaulia na fia fakalogo ki ei, kae nae fai lava a lātou fekau māhani: na fano tētahi ki tona fātoaga, ko tētahi ki tona fale koloa, 6ka ko iētahi na puke e kilātou nā kaukauna, kua kini ma tāmate. 7Na ita lahi lele te tupu; oi na uga ai e ia ana fitafita, ma na fakaumatia e kilātou nā tino tāmate tino iēnei, ma huhunu to lātou kakai. 8Oi na lea atu ai ki ana kaukauna, ‘Ko te kaiga o te fakaipoipoga kua uma te hāuni, ka ko nā tino na valakaulia, e hē agavaka mo te kaiga. 9Olo loa nei ki nā auala lalahi, ma valakaulia nā tino uma e fetaui koutou, ke ōmamai ki te kaiga.’ 10Oi na olo ai nā kaukauna ki nā auala, ma kua fakapotopoto mai nā tino uma lele na fetaui kilātou, nā tino lelei ma nā tino kino, ma na fakatumulia ai e tagata te fale na fai ai te kaiga.
11“Kae i te hauga o te tupu ki te mea e fai ai te kaiga ke kikila ki te kau valakaulia, oi kitea ai e ia he tamāloa e hēki faia ni ona kofu lelei mo te fakaipoipoga. 12Kua fehili atu te tupu ki ei, ‘Te uō, e vēhea ona hau koe ki loto i kinei kae hēai ni ō kofu lelei mo te fakaipoipoga?’ Kae e hēki tali ki ei te tamāloa. 13Oi lea atu ai te tupu ki nā kaukauna, ‘Noanoa ona vae ma ona lima oi togi ai ki fafo ki te pogihā. I kinā, ka tagi ai ma katigū ona nifo.’ ” #Mat 8.12; 25.30; Luk 13.28
14Kua fakauma te tautalaga a Iehu oi lea vē atu ai, “E tokalahi e valakaugia, kae tokaitīti e filifilia.”
Ko te Fehili e Uiga ki nā Lāfoga e Totogi
(Mlk 12.13-17; Luk 20.20-26)
15Kua olo kehe te kau Falehaio ma kua taupulepule ke māilei ia Iehu i ni fehili e fai ki ei. 16Oi na uga ai e kilātou kia Iehu ni hoko o kilātou fakatahi ma ni tino o te vāega e kau kia Helota. Na fehili atu kilātou iēnei kia Iehu, “Te Faiākoga, e iloa e kimātou ko koe e tautala i te meamoni. E akoako e koe te meamoni e uiga ki te finagalo o te Atua mo tagata, ma e hē popole lele koe pe i na vēhea ake ni manatu o tagata, auā e tutuha ia tagata uma ia te koe. 17Lea mai ake la pe heā hō lagona? E fakataga i te tātou Tūlāfono ke totogi nā lāfoga kia Kaihala pe hēai?”
18Kae kua uma te iloa e Iehu a lātou taupulepulega kino, oi na lea vē atu ai kia te kilātou, “Ko koutou ni tagata fakagutugutulua! Heā te tau lamalama ai koutou kia te au? 19Fakahino mai ake te tupe e totogi ai te lāfoga.”
Kua fakahino e kilātou kia Iehu he tupe hiliva, 20oi na fehili atu ai ia Iehu kia te kilātou, “E o ai te ata ma te igoa e tuhi ai?”
21Na tali mai kilātou, “E o Kaihala.”
Oi na lea atu ai ia Iehu kia te kilātou, “Fakafoki lava la ia mea a Kaihala kia Kaihala, ma fakafoki ia mea a te Atua ki te Atua.”
22Na ofo lele kilātou i te kilātou lagonaga o te mea tēnei; ma na olo kehe ai loa mai kinā.
Ko te Fehili e Uiga ki te Toetū
(Mlk 12.18-27; Luk 20.27-40)
23I te aho lava tēnā, na ōmamai ai ni tino o te kau Hatukaio kia Iehu ma to lātou talitonuga, e hē mafai nā tino ke toe tutū mai i te oti. #Gāl 23.8 24Kua lea vē atu kilātou, “Te Faiākoga, e lea mai ia Mohe kāfai he tamāloa e oti kae hēai hana fānau, e tatau tona uho ke fakaipoipo ma te fafine kae ke maua ai he fānau e mafai ke takua e a tona uho kua oti. #Teu 25.5 25E vēnei la, nae iei te kau uho tama e toka fitu nae nonofo i kinei. Na fakaipoipo te uho matua kae na oti kae hēki iei hana fānau, oi na tuku ai e ia te fafine ki tona uho. 26Na vēnā foki te mea na tupu ki te uho tona lua, ma tona tolu, ma ki te kau uho uma lava e toka fitu. 27Mulimuli ake, oi na oti ai foki te fafine. 28Kāfai la e pa ki te aho e toe tutū ai ia tagata mai te oti, ko ai la o te kau uho ka takua ko te āvaga a te fafine? Ko te toka fitu uma tēnei na fakaipoipo ki te fafine.”
29Na tali atu ia Iehu kia te kilātou, “Kai te hehē lele o koutou! E māfua ona e hē koutou iloa nā Tuhituhiga Paia ma te mālohi o te Atua. 30Auā kāfai nā tino kua feoti e toe tutū mai te oti, ka vē kilātou ko nā āgelu i te lagi ma ka hē fakaipoipo kilātou. 31Kae e vē la ki nā tino kua oti e toe fakatutū; e hēki faitau nei koutou ki te mea na lea atu ai te Atua kia te koutou? Na lea vē te Atua, 32‘Ko au ko te Atua o Apelaamo, te Atua o Ihaako, ma te Atua o Iakopo.’ Ko ia ko te Atua o tagataola kae hē o tagata oti.” #Eho 3.6
33I te lagonaga e te kaifenua o te mea tēnei, oi na ofo lahi lele ai kilātou ki ana akoakoga.
Ko te Fakatonuga e Hili te Tāua
(Mlk 12.28-34; Luk 10.25-28)
34I te lagonaga e te kau Falehaio ko te kau Hatukaio na hēki mautali kia Iehu, oi na fakamāopōpo ai lava kilātou, 35ma ko tētahi o kilātou, he faiākoga o te Tūlāfono, kua fai tana fehili ke tofotofo ai ia Iehu.#Luk 10.25-28 36Kua lea vē atu kia Iehu, “Te Faiākoga, tēfea te fakatonuga e pito hili te tāua o nā Tūlāfono?”
37Kua tali mai ia Iehu, “ ‘Alofa ki te Aliki tō Atua ma tō loto kātoa, ma tō agaga kātoa ma tō māfaufau kātoa.’ #Teu 6.5 38Ko te fakatonuga tēnei e pito hili te tāua ma e fakamuamua. 39Ko tona lua o fakatonuga e pito hili te tāua e vēnei; ‘Alofa ki tō tuākoi e vē ona alofa koe kia te koe lava.’ #Lev 19.18 40Ko te Tūlāfono kātoa a Mohe ma nā akoakoga a te kau pelofeta, e fakavae uma i nā fakatonuga iēnei e lua.” #Luk 10.25-28
Ko te Fehili e Uiga ki te Mehia
(Mlk 12.35-37; Luk 20.41-44)
41Ka koi tau fakapotopoto te kau Falehaio, kae kua fehili atu ia Iehu ki ei, 42“Heā he koutou manatu e uiga ki te Mehia? Ko he lāpuna e o ai?”
Na tali mai kilātou, “He lāpuna e o Tavita.”
43Oi na lea atu ai ia Iehu, “Heā la te na fakaohofia ai ia Tavita e te Agaga ke lea ko te Mehia ko te ‘Aliki’? Ko Tavita na lea vē,
44‘Ko te Aliki na vāgana ki toku Aliki;#22.44 toku Aliki E fakatatau ki te Mehia
Nofo i toku itū taumatau,
ke pa ki te taimi e tuku ai e au
nā fili o koe ki lalo o nā vae o koe.’ #Hal 110.1
45Kāfai la ia Tavita na lea ko te Mehia ko te ‘Aliki,’ e vēhea la ona kavea he lāpuna o ia ma Mehia?”
46E hēki iei he tino na ia mafaia oi tali kia Iehu, ma na kāmata mai ai i te aho tēnā, e hēki toe iei lele he tino na toe fia toa ke fai hana fehili kia te ia.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Bible Society New Zealand Charitable Trust