Mataio 18
18
Ko Ai te Hili ona Tāua i te Mālō o te Lagi?
(Mlk 9.33-37; Luk 9.46-48)
1I te taimi tēnā, na ōmamai ai te kau hoko kia Iehu oi fehili vē mai kia te ia, “Ko ai te tino e hili ona tāua i te Mālō o te lagi?” #Luk 22.24
2Oi na kalaga atu ai ia Iehu ki he tamaiti ke hau, ma na fakatū ai e ia te tamaiti i mua o kilātou, 3ma na vāgana atu ai, “E takutino atu e au kia te koutou, kāfai koutou e hē huia ma kavea ke vē ni tamaiti, ka hē mafai lele koutou ke hao atu ki te Mālō o te lagi. #Mlk 10.15; Luk 18.17 4Ko te tino e hili ona tāua i te Mālō o te lagi, ko te tino e ia mafaia oi loto maulalo ma vē ko te tamaiti tēnei. 5Ko ai lava he tino e talia e ia he tamaiti vēnei i toku igoa, kua ia talia foki au.
Ko nā Fakaohōhoga ki te Agahala
(Mlk 9.42-48; Luk 17.1-2)
6“Ko ai lava he tino e ia faia he mea ke uma ai te fakatuatua mai kia te au o hētahi o kilātou iēnei e tamaiti, e hili ai mo te tino tēnā pe kana nonoa he fatupae lahi ki tona ua, ma fakagoto ai ke malemu i te moana loloto. 7Heāloa te lalolagi auā e iei nā mea e tutupu ke uma ai te fakatuatua o tagata! Ko nā mea iēnei ka tutupu pea lava—kae heāloa la te tino e ia fakatupua!
8“Kāfai ko tō lima pe ko tō vae te māfua ai oi uma tō fakatuatua, tipi kehe oi tīaki! E hili atu tō hao ki te ola e hē gata kae lima tahi pe vae tahi, i lo te kātoa o nā lima ma nā vae, kae togi ai koe ki te afi e hē mate lele.#Mat 5.30 9Ma kāfai ko tō mata te māfua ai oi uma tō fakatuatua, hali kehe oi tīaki! E hili atu te hao o koe ki te ola e hē gata kae fokotahi tō mata, i lo te kātoa o nā mata kae togi ai koe ki te afi o Kēna.#Mat 5.29
Ko te Talafakatuha o te Māmoe na Galo
(Luk 15.3-7)
10-11“Tautuanā mā koutou ke nahe koutou taku fakatauvāgia lele hētahi o kilātou iēnei e tamaiti; auā e lea atu au kia te koutou, ko o lātou āgelu e iei pea lava i te mea e iei ai toku Tamana i te lagi.#18.10-11 Ko iētahi tuhituhiga e fakaopōpo ki ei nā kupu iēnei: Auā ko te Ataliki o te Tagata na hau ke fakaola nā tino kua gagalo. Kikila ki te Luk 19.10 #Luk 19.10
12“Heā he koutou manatu ki te mea e fai e he tino e iei ni ana māmoe e helau, kae kua galo te fokotahi? E hē ia tukua nei nā māmoe e iva hefuluiva ke kakai i luga o nā mauga, kae fano oi hakili mai te māmoe kua galo? 13Ma kāfai e ia maua, e lea atu au kia te koutou, e hili atu tona fiafia ona ko te māmoe tēnei e fokotahi, i lo te iva hefuluiva e hēki gagalo. 14E vēnā foki lava oi hē fofou te koutou#18.14 te koutou ko iētahi tuhituhiga e tūhia ai toku Tamana i te lagi ke galo hētahi o kilātou nei e tamaiti.
Kāfai Tō Uho e Agahala
15“Kāfai tō uho e fai hana mea kino kia te koe,#18.15 Ko iētahi tuhituhiga e hē i loto ai te kia te koe fano oi fakahino ki ei tona hehē. Kae fai te mea tēnei nā ko koulua lava toka lua. Kāfai e fakalogo atu kia te koe, kua toe maua e koe tō uho.#Luk 17.3 16Kae kāfai e hē fakalogo atu kia te koe, kave he tino e fokotahi pe he toka lua oi olo ma koe, kae ke mafai ai ke ‘fakamāonia ia mōliaga takitahi uma i te molimau a ni tino e toka lua pe toka tolu,’ e vēia oi tūhia i te tuhituhiga paia.#Teu 19.15 17Kāfai e hē fakalogo kia te kilātou, oi fakailoa ai te mea kātoa ki te Ekalehia. Kāfai la e hē fakalogo foki ki te Ekalehia, oi kavea ai loa ia ke vē he tagata nukukehe, pe he aolāfoga, i te māfuta a koutou ki ei.
Nā Mea e Fakahā ma nā Mea e Fakataga
18“E takutino atu e au kia te koutou uma; ko nā mea e fakahā#18.18 Pe noanoatia e koutou i te lalolagi, ka fakahā i te lagi, ma ko nā mea e fakataga#18.18 Pe tatala e koutou i te lalolagi, ka fakataga i te lagi.#Mat 16.19; Ioa 20.23
19“Ko au e toe lea moni atu kia te koutou: ho he taimi lava e mālilie ai he toka lua o koutou i te lalolagi ke tatalo atu ki ei, ka vēnā lava ona fai mo kilāua e toku Tamana i te lagi. 20Auā, ho he mea lava e fakatahi ai he toka lua pe he toka tolu i toku igoa, e iei foki au ma kilātou.”
Talafakatuha o te Kaukauna Hē Loto Fakamāgalo
21Oi na hau ai ia Petelu kia Iehu kua fehili vē mai ki ei, “Te Aliki, e fakafia nei oi kō fakamāgaloa toku uho kāfai e fai pea lava e ia nā mea kino kia te au? E fakafitu?” #Luk 17.3-4
22Na tali atu ia Iehu, “Hēai, e hē fakafitu kae fakafituhefulu ni fitu,#18.22 fakafituhefulu ni fitu pe fakafituhefulu fitu #Ken 4.24 23auā ko te Mālō o te lagi e fakatuha vēnei. Nae iei he tupu kua tonu ia te ia ke hiaki ana tupe nae kaihohoa e nā kaukauna a ia, ona kua fofou ke toe totogi uma ake e kilātou. 24Na fātoā kāmata atu tana hiakiga kae kaumai kia te ia te kaukauna e nofo kaitālafu i te hefulu afe tāleni.#18.24 tāleni Ko te tāleni e fokotahi e tuha ko te totogi ia o te tino faigāluega fātoaga mo he hefulu lima tauhaga 25E hēki lava he tupe a te kaukauna ke totogi ai te tupe e nofo kaitālafu ai, oi na fakatonu ai e te tupu ke fakatau atu ma pologa te kaukauna tēnei ma tana āvaga ma tana fānau, ma ana mea uma lele, ke totogi ai tana kaitālafu. 26Oi na fakapakū ai te kaukauna ki lalo, kua tōtuli ki mua o te tupu ma fakatagi atu ki ei vēia, ‘Tuku mai kō fakamolemole hoku avanoa ke toe totogi atu ai nā mea uma lele e kaitālafu ai au kia te koe.’ 27Na lagona e te tupu te alofa, oi na fakamāgalo ai e ia te kaitālafu a tana kaukauna ma tuku ai ke fano.
28“Oi na fanatu ai te kaukauna tēnei, kua fetaui ma tona hoā kaukauna nae nofo kaitālafu ake kia te ia i he helau tupe hiliva.#18.28 tupe hiliva Kikila ki te 17.27 Kua tago atu oi tāofi mai tona hoā kaukauna ma kāmata titina te ua ma lea vē atu ki ei, ‘Totogi mai nei lava taku tupe e kaitālafu e koe!’ 29Na fakapakū tōtuli ki lalo tona hoā kaukauna ma fakatagi vē atu, ‘Tuku mai kō fakamolemole he avanoa oi toe totogi atu ai!’ 30Kae na hēki talia e ia; oi na fakatonu ai e ia ke kave tona hoā kaukauna oi loka i te falepuipui ke pa ki te taimi e totogi kātoa ai tana kaitālafu. 31I te kiteaga o te mea tēnei e iētahi kaukauna, na tīgā lahi lele o lātou loto ma na olo ai kua taku ki te tupu nā mea uma lele iēnei. 32Oi na fekau ai e te tupu te kaukauna ma lea vē atu ki ei, ‘Ko koe he kaukauna kino. Na fakamāgalo koe e au i te tupe kātoa e kaitālafu mai ai koe kia te au, ona ko koe na fakatagi mai kia te au. 33Na tatau foki la ke vēia tō alofa ki tō hoā kaukauna e vē ko toku alofa na fai atu kia te koe.’ 34Kua ita lahi lele te tupu, oi na fakatonu ai e ia ke kave te kaukauna oi kini ma tuku i te falepuipui, ke pa lava ki te taimi e uma ai te totogi o tana kaitālafu kātoa.”
35Kua fakauma te tautalaga a Iehu oi na lea vē atu ai, “Ka vēnā foki lava te mea e fai e toku Tamana i te lagi kia te koutou uma tau toka tahi, kāfai e hē kē fakamāgaloa tō uho ma te loto fakamāoni.”
Селектирано:
Mataio 18: TOKU
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Bible Society New Zealand Charitable Trust
Mataio 18
18
Ko Ai te Hili ona Tāua i te Mālō o te Lagi?
(Mlk 9.33-37; Luk 9.46-48)
1I te taimi tēnā, na ōmamai ai te kau hoko kia Iehu oi fehili vē mai kia te ia, “Ko ai te tino e hili ona tāua i te Mālō o te lagi?” #Luk 22.24
2Oi na kalaga atu ai ia Iehu ki he tamaiti ke hau, ma na fakatū ai e ia te tamaiti i mua o kilātou, 3ma na vāgana atu ai, “E takutino atu e au kia te koutou, kāfai koutou e hē huia ma kavea ke vē ni tamaiti, ka hē mafai lele koutou ke hao atu ki te Mālō o te lagi. #Mlk 10.15; Luk 18.17 4Ko te tino e hili ona tāua i te Mālō o te lagi, ko te tino e ia mafaia oi loto maulalo ma vē ko te tamaiti tēnei. 5Ko ai lava he tino e talia e ia he tamaiti vēnei i toku igoa, kua ia talia foki au.
Ko nā Fakaohōhoga ki te Agahala
(Mlk 9.42-48; Luk 17.1-2)
6“Ko ai lava he tino e ia faia he mea ke uma ai te fakatuatua mai kia te au o hētahi o kilātou iēnei e tamaiti, e hili ai mo te tino tēnā pe kana nonoa he fatupae lahi ki tona ua, ma fakagoto ai ke malemu i te moana loloto. 7Heāloa te lalolagi auā e iei nā mea e tutupu ke uma ai te fakatuatua o tagata! Ko nā mea iēnei ka tutupu pea lava—kae heāloa la te tino e ia fakatupua!
8“Kāfai ko tō lima pe ko tō vae te māfua ai oi uma tō fakatuatua, tipi kehe oi tīaki! E hili atu tō hao ki te ola e hē gata kae lima tahi pe vae tahi, i lo te kātoa o nā lima ma nā vae, kae togi ai koe ki te afi e hē mate lele.#Mat 5.30 9Ma kāfai ko tō mata te māfua ai oi uma tō fakatuatua, hali kehe oi tīaki! E hili atu te hao o koe ki te ola e hē gata kae fokotahi tō mata, i lo te kātoa o nā mata kae togi ai koe ki te afi o Kēna.#Mat 5.29
Ko te Talafakatuha o te Māmoe na Galo
(Luk 15.3-7)
10-11“Tautuanā mā koutou ke nahe koutou taku fakatauvāgia lele hētahi o kilātou iēnei e tamaiti; auā e lea atu au kia te koutou, ko o lātou āgelu e iei pea lava i te mea e iei ai toku Tamana i te lagi.#18.10-11 Ko iētahi tuhituhiga e fakaopōpo ki ei nā kupu iēnei: Auā ko te Ataliki o te Tagata na hau ke fakaola nā tino kua gagalo. Kikila ki te Luk 19.10 #Luk 19.10
12“Heā he koutou manatu ki te mea e fai e he tino e iei ni ana māmoe e helau, kae kua galo te fokotahi? E hē ia tukua nei nā māmoe e iva hefuluiva ke kakai i luga o nā mauga, kae fano oi hakili mai te māmoe kua galo? 13Ma kāfai e ia maua, e lea atu au kia te koutou, e hili atu tona fiafia ona ko te māmoe tēnei e fokotahi, i lo te iva hefuluiva e hēki gagalo. 14E vēnā foki lava oi hē fofou te koutou#18.14 te koutou ko iētahi tuhituhiga e tūhia ai toku Tamana i te lagi ke galo hētahi o kilātou nei e tamaiti.
Kāfai Tō Uho e Agahala
15“Kāfai tō uho e fai hana mea kino kia te koe,#18.15 Ko iētahi tuhituhiga e hē i loto ai te kia te koe fano oi fakahino ki ei tona hehē. Kae fai te mea tēnei nā ko koulua lava toka lua. Kāfai e fakalogo atu kia te koe, kua toe maua e koe tō uho.#Luk 17.3 16Kae kāfai e hē fakalogo atu kia te koe, kave he tino e fokotahi pe he toka lua oi olo ma koe, kae ke mafai ai ke ‘fakamāonia ia mōliaga takitahi uma i te molimau a ni tino e toka lua pe toka tolu,’ e vēia oi tūhia i te tuhituhiga paia.#Teu 19.15 17Kāfai e hē fakalogo kia te kilātou, oi fakailoa ai te mea kātoa ki te Ekalehia. Kāfai la e hē fakalogo foki ki te Ekalehia, oi kavea ai loa ia ke vē he tagata nukukehe, pe he aolāfoga, i te māfuta a koutou ki ei.
Nā Mea e Fakahā ma nā Mea e Fakataga
18“E takutino atu e au kia te koutou uma; ko nā mea e fakahā#18.18 Pe noanoatia e koutou i te lalolagi, ka fakahā i te lagi, ma ko nā mea e fakataga#18.18 Pe tatala e koutou i te lalolagi, ka fakataga i te lagi.#Mat 16.19; Ioa 20.23
19“Ko au e toe lea moni atu kia te koutou: ho he taimi lava e mālilie ai he toka lua o koutou i te lalolagi ke tatalo atu ki ei, ka vēnā lava ona fai mo kilāua e toku Tamana i te lagi. 20Auā, ho he mea lava e fakatahi ai he toka lua pe he toka tolu i toku igoa, e iei foki au ma kilātou.”
Talafakatuha o te Kaukauna Hē Loto Fakamāgalo
21Oi na hau ai ia Petelu kia Iehu kua fehili vē mai ki ei, “Te Aliki, e fakafia nei oi kō fakamāgaloa toku uho kāfai e fai pea lava e ia nā mea kino kia te au? E fakafitu?” #Luk 17.3-4
22Na tali atu ia Iehu, “Hēai, e hē fakafitu kae fakafituhefulu ni fitu,#18.22 fakafituhefulu ni fitu pe fakafituhefulu fitu #Ken 4.24 23auā ko te Mālō o te lagi e fakatuha vēnei. Nae iei he tupu kua tonu ia te ia ke hiaki ana tupe nae kaihohoa e nā kaukauna a ia, ona kua fofou ke toe totogi uma ake e kilātou. 24Na fātoā kāmata atu tana hiakiga kae kaumai kia te ia te kaukauna e nofo kaitālafu i te hefulu afe tāleni.#18.24 tāleni Ko te tāleni e fokotahi e tuha ko te totogi ia o te tino faigāluega fātoaga mo he hefulu lima tauhaga 25E hēki lava he tupe a te kaukauna ke totogi ai te tupe e nofo kaitālafu ai, oi na fakatonu ai e te tupu ke fakatau atu ma pologa te kaukauna tēnei ma tana āvaga ma tana fānau, ma ana mea uma lele, ke totogi ai tana kaitālafu. 26Oi na fakapakū ai te kaukauna ki lalo, kua tōtuli ki mua o te tupu ma fakatagi atu ki ei vēia, ‘Tuku mai kō fakamolemole hoku avanoa ke toe totogi atu ai nā mea uma lele e kaitālafu ai au kia te koe.’ 27Na lagona e te tupu te alofa, oi na fakamāgalo ai e ia te kaitālafu a tana kaukauna ma tuku ai ke fano.
28“Oi na fanatu ai te kaukauna tēnei, kua fetaui ma tona hoā kaukauna nae nofo kaitālafu ake kia te ia i he helau tupe hiliva.#18.28 tupe hiliva Kikila ki te 17.27 Kua tago atu oi tāofi mai tona hoā kaukauna ma kāmata titina te ua ma lea vē atu ki ei, ‘Totogi mai nei lava taku tupe e kaitālafu e koe!’ 29Na fakapakū tōtuli ki lalo tona hoā kaukauna ma fakatagi vē atu, ‘Tuku mai kō fakamolemole he avanoa oi toe totogi atu ai!’ 30Kae na hēki talia e ia; oi na fakatonu ai e ia ke kave tona hoā kaukauna oi loka i te falepuipui ke pa ki te taimi e totogi kātoa ai tana kaitālafu. 31I te kiteaga o te mea tēnei e iētahi kaukauna, na tīgā lahi lele o lātou loto ma na olo ai kua taku ki te tupu nā mea uma lele iēnei. 32Oi na fekau ai e te tupu te kaukauna ma lea vē atu ki ei, ‘Ko koe he kaukauna kino. Na fakamāgalo koe e au i te tupe kātoa e kaitālafu mai ai koe kia te au, ona ko koe na fakatagi mai kia te au. 33Na tatau foki la ke vēia tō alofa ki tō hoā kaukauna e vē ko toku alofa na fai atu kia te koe.’ 34Kua ita lahi lele te tupu, oi na fakatonu ai e ia ke kave te kaukauna oi kini ma tuku i te falepuipui, ke pa lava ki te taimi e uma ai te totogi o tana kaitālafu kātoa.”
35Kua fakauma te tautalaga a Iehu oi na lea vē atu ai, “Ka vēnā foki lava te mea e fai e toku Tamana i te lagi kia te koutou uma tau toka tahi, kāfai e hē kē fakamāgaloa tō uho ma te loto fakamāoni.”
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Bible Society New Zealand Charitable Trust