Mataio 19
19
Akoakoga e Uiga ki te Tatala Āvaga
(Mlk 10.1-12)
1Kua uma te tautala o Iehu ki nā mea iēnei, oi na fano kehe ai mai Kalilaia, kua fano ki te itūmālō ko Iutea i tētahi itū o te vaitafe ko te Iolitana. 2Na mulimuli atu kia te ia te tokalahi o tagata, ma na fakamālōlō ai kilātou e ia i kinā.
3Oi na ōmamai ai ni tino o te kau Falehaio, kua taumafai ke tofotofo ia Iehu i he fehili. Kua lea vē atu kilātou, “E fakataga i te tātou Tūlāfono he tamāloa ke tatala e ia tana āvaga i ho he māfuaga e fofou ia ki ei?”
4Na tali atu ia Iehu, “Ko koutou nei e hēki faitau ki te tuhituhiga paia e lea mai, na fai e te Atua i te kāmataga nā tino, he tamāloa ma he fafine.#Ken 1.27; 5.2 5Ma na vāgana ai te Atua, ‘Ko te mea ia ka tukua ai e te tamāloa tona tamana ma tona mātua kae fakatahi ma tana āvaga, ma kavea ai kilāua e toka lua ma tino e tahi.’ #Ken 2.4 6Oi ka hē toe toka lua la kilāua, kae kua tino e tahi. Ko te mea la kua tuku fakatahi e te Atua, e hēai he tagataola e ia toe tuku kehekeheagia.”
7Kua fehili atu nā Falehaio kia Iehu, “Heā la te na tuku mai ai e Mohe te tūlāfono, e mafai ai e he tamāloa oi kave ki tana āvaga he tuhi ke fakailoa ki ei ko te lā āvaga kua tatala, ma uga ai te fafine ke fano?” #Teu 24.1-4; Mat 5.31
8Na tali mai ia Iehu, “Na tuku atu e Mohe te fakatagaga kia te koutou ke tatala ai autou āvaga, ona ko koutou e loto makaka. Kae nae hē vēnā i te kāmataga. 9Ko au la e lea atu kia te koutou, ko ai lava he tamāloa e tatala e ia tana āvaga i he māfuaga e kehe mai i lo te kua hē fakamāoni o te fafine, ma fakaipoipo ki hētahi fafine, kua agahala ia i te mulilua.” #Mat 5.32; 1 Kol 7.10-11
10Kua lea atu te kau hoko kia Iehu, “Kāfai ko tēnā te tūlaga i te vā o te tamāloa ma tana āvaga, e hili ai la te hē fakaipoipo.”
11Na tali mai ia Iehu, “E hē ko tamāloloa uma te kilātou mafaia oi talia te akoakoga tēnei, kae nā ko kilātou lava kua uma te tuku atu ki ei e te Atua. 12Auā e iei nā māfuaga kehekehe e hē mafai ai ia tamāloloa ke āvavaga; ko iētahi e māfua ona na fānanau mai lava e vē; ko iētahi ona ko nā mea na fai kia te kilātou e iētahi tino, ma ko iētahi e hē āvavaga kae ke mafai ai kilātou ke tautua ki te Mālō o te lagi. Ko te tino e ia mafaia oi talia te akoakoga tēnei, oi talia loa.”
Kua Fakamanuia e Iehu nā Tamaiti
(Mlk 10.13-16; Luk 18.15-17)
13Na kaumai e ni tino ni tamaiti kia Iehu ke fakaeke atu ona lima ki o lātou ulu ma ke tatalo mo kilātou, kae kua munaia kilātou e te kau hoko. 14Kae na vāgana atu ia Iehu ki ona hoko, “Tuku nā tamaiti ke ōmamai kia te au, nahe vavaoa, auā ko te Mālō o te lagi e mo kilātou e vē ko kilātou iēnei.”
15Kua fakaeke atu ona lima ki o lātou ulu, oi na fano kehe ai.
Ko te Tamāloa Maumea
(Mlk 10.17-31; Luk 18.18-30)
16Nae iei he tamāloa na hau kia Iehu oi fehili vē mai ki ei, “Te Faiākoga, heā nei he mea lelei e tatau ke kō faia, kae ke maua ai e au te ola e fakavavau?”
17Na tali atu ia Iehu, “Heā te kua fehili mai ai koe kia te au ki te mea e lelei? E fokotahi oioti lava te tino e lelei ko te Atua. Kāfai e fia maua e koe te ola e fakavavau, tauhi la ki nā fakatonuga.”
18Kua fehili mai te tamāloa, “Ni fakatonuga vēhea?”
Ma na tali atu ia Iehu, “Ia koe nahe tāmate tino; ia koe nahe mulilua; ia koe nahe kaihohoa; ia koe nahe molimau pepelo; #Eho 20.13-16; Teu 5.17-20 19āva ki tō tamana ma tō mātua; ma alofa ki tō tuākoi e vē ona alofa koe kia te koe lava.” #Eho 20.12; Lev 19.18; Teu 5.16
20Kua lea mai te tamāloa kia te ia, “Ko nā fakatonuga uma iēnā e tauhi au ki ei. Heā la hētahi mea e tatau ke kō faia?”
21Oi na vāgana atu ai ia Iehu ki ei, “Kāfai koe e fia lelei kātoatoa, fano la oi fakatau atu au mea uma lele ma fōki te tupe mā nā tino mātitiva, ma ka maua ai e koe nā koloa e lahi i te lagi; oi hau ai oi mulimuli mai kia te au.”
22I te lagona atuga e te tamāloa o te mea tēnei, oi na fano kehe ai loa ma tona loto fakanoanoa, auā ko ia ko he tino maukoloa.
23Oi na vāgana atu ai ia Iehu ki nā hoko o ia, “E takutino atu e au kia te koutou, ka faigatā lele mo nā tino maukoloa ke hao atu ki te Mālō o te lagi. 24Ko au e toe lea vēnei atu kia te koutou, e faigatā lele atu mo he tino maukoloa ke hao atu ki te Mālō o te lagi, i lo mo he kāmela ke ulu i te pū o he gila.”
25Na ofo lahi lele te kau hoko i te kilātou lagonaga o te mea tēnei, oi na fehili vē atu ai, “Ko ai nei la te i na mafai ke fakaola?”
26Oi na kikila hako atu ai ia Iehu kia te kilātou ma tali vē atu, “Ko te mea tēnei e matuā hē mafai lava e tagata, kae e mafai ia mea uma e te Atua.”
27Oi na lea atu ai ia Petelu, “Kikila, kua tuku e kimātou a mātou mea uma lele kae mulimuli atu kia te koe. Heā nei ta kimātou ka maua?”
28Kua vāgana atu ia Iehu kia te kilātou, “E takutino atu e au kia te koutou, i te olaga fōu koi hau, ko te Ataliki o te Tagata ka nofo i luga o tona nofoāliki mamalu. Ma ko koutou iēnā kua mulimuli mai kia te au, ka nonofo foki i nā nofoāliki e hefulu lua, ke pūlea nā puikāiga e hefulu lua o Ihalaelu! #Mat 25.31; Luk 22.30 29Ma ko ho he tino e ia tukua tona fale, pe ko ona uho, pe ko ona tuafafine, pe ko tona tamana, pe ko tona mātua, pe ko tana fānau, pe ko ona fenua ona ko au, ka maua e ia he taui e hautua helau, ma vēnā foki oi maua e ia te ola e fakavavau. 30Kae e tokalahi kilātou e muamua nei ka kavea ma mulimuli, ma e tokalahi foki kilātou e mulimuli nei ka kavea ma muamua.” #Mat 20.16; Luk 13.30
Селектирано:
Mataio 19: TOKU
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Bible Society New Zealand Charitable Trust
Mataio 19
19
Akoakoga e Uiga ki te Tatala Āvaga
(Mlk 10.1-12)
1Kua uma te tautala o Iehu ki nā mea iēnei, oi na fano kehe ai mai Kalilaia, kua fano ki te itūmālō ko Iutea i tētahi itū o te vaitafe ko te Iolitana. 2Na mulimuli atu kia te ia te tokalahi o tagata, ma na fakamālōlō ai kilātou e ia i kinā.
3Oi na ōmamai ai ni tino o te kau Falehaio, kua taumafai ke tofotofo ia Iehu i he fehili. Kua lea vē atu kilātou, “E fakataga i te tātou Tūlāfono he tamāloa ke tatala e ia tana āvaga i ho he māfuaga e fofou ia ki ei?”
4Na tali atu ia Iehu, “Ko koutou nei e hēki faitau ki te tuhituhiga paia e lea mai, na fai e te Atua i te kāmataga nā tino, he tamāloa ma he fafine.#Ken 1.27; 5.2 5Ma na vāgana ai te Atua, ‘Ko te mea ia ka tukua ai e te tamāloa tona tamana ma tona mātua kae fakatahi ma tana āvaga, ma kavea ai kilāua e toka lua ma tino e tahi.’ #Ken 2.4 6Oi ka hē toe toka lua la kilāua, kae kua tino e tahi. Ko te mea la kua tuku fakatahi e te Atua, e hēai he tagataola e ia toe tuku kehekeheagia.”
7Kua fehili atu nā Falehaio kia Iehu, “Heā la te na tuku mai ai e Mohe te tūlāfono, e mafai ai e he tamāloa oi kave ki tana āvaga he tuhi ke fakailoa ki ei ko te lā āvaga kua tatala, ma uga ai te fafine ke fano?” #Teu 24.1-4; Mat 5.31
8Na tali mai ia Iehu, “Na tuku atu e Mohe te fakatagaga kia te koutou ke tatala ai autou āvaga, ona ko koutou e loto makaka. Kae nae hē vēnā i te kāmataga. 9Ko au la e lea atu kia te koutou, ko ai lava he tamāloa e tatala e ia tana āvaga i he māfuaga e kehe mai i lo te kua hē fakamāoni o te fafine, ma fakaipoipo ki hētahi fafine, kua agahala ia i te mulilua.” #Mat 5.32; 1 Kol 7.10-11
10Kua lea atu te kau hoko kia Iehu, “Kāfai ko tēnā te tūlaga i te vā o te tamāloa ma tana āvaga, e hili ai la te hē fakaipoipo.”
11Na tali mai ia Iehu, “E hē ko tamāloloa uma te kilātou mafaia oi talia te akoakoga tēnei, kae nā ko kilātou lava kua uma te tuku atu ki ei e te Atua. 12Auā e iei nā māfuaga kehekehe e hē mafai ai ia tamāloloa ke āvavaga; ko iētahi e māfua ona na fānanau mai lava e vē; ko iētahi ona ko nā mea na fai kia te kilātou e iētahi tino, ma ko iētahi e hē āvavaga kae ke mafai ai kilātou ke tautua ki te Mālō o te lagi. Ko te tino e ia mafaia oi talia te akoakoga tēnei, oi talia loa.”
Kua Fakamanuia e Iehu nā Tamaiti
(Mlk 10.13-16; Luk 18.15-17)
13Na kaumai e ni tino ni tamaiti kia Iehu ke fakaeke atu ona lima ki o lātou ulu ma ke tatalo mo kilātou, kae kua munaia kilātou e te kau hoko. 14Kae na vāgana atu ia Iehu ki ona hoko, “Tuku nā tamaiti ke ōmamai kia te au, nahe vavaoa, auā ko te Mālō o te lagi e mo kilātou e vē ko kilātou iēnei.”
15Kua fakaeke atu ona lima ki o lātou ulu, oi na fano kehe ai.
Ko te Tamāloa Maumea
(Mlk 10.17-31; Luk 18.18-30)
16Nae iei he tamāloa na hau kia Iehu oi fehili vē mai ki ei, “Te Faiākoga, heā nei he mea lelei e tatau ke kō faia, kae ke maua ai e au te ola e fakavavau?”
17Na tali atu ia Iehu, “Heā te kua fehili mai ai koe kia te au ki te mea e lelei? E fokotahi oioti lava te tino e lelei ko te Atua. Kāfai e fia maua e koe te ola e fakavavau, tauhi la ki nā fakatonuga.”
18Kua fehili mai te tamāloa, “Ni fakatonuga vēhea?”
Ma na tali atu ia Iehu, “Ia koe nahe tāmate tino; ia koe nahe mulilua; ia koe nahe kaihohoa; ia koe nahe molimau pepelo; #Eho 20.13-16; Teu 5.17-20 19āva ki tō tamana ma tō mātua; ma alofa ki tō tuākoi e vē ona alofa koe kia te koe lava.” #Eho 20.12; Lev 19.18; Teu 5.16
20Kua lea mai te tamāloa kia te ia, “Ko nā fakatonuga uma iēnā e tauhi au ki ei. Heā la hētahi mea e tatau ke kō faia?”
21Oi na vāgana atu ai ia Iehu ki ei, “Kāfai koe e fia lelei kātoatoa, fano la oi fakatau atu au mea uma lele ma fōki te tupe mā nā tino mātitiva, ma ka maua ai e koe nā koloa e lahi i te lagi; oi hau ai oi mulimuli mai kia te au.”
22I te lagona atuga e te tamāloa o te mea tēnei, oi na fano kehe ai loa ma tona loto fakanoanoa, auā ko ia ko he tino maukoloa.
23Oi na vāgana atu ai ia Iehu ki nā hoko o ia, “E takutino atu e au kia te koutou, ka faigatā lele mo nā tino maukoloa ke hao atu ki te Mālō o te lagi. 24Ko au e toe lea vēnei atu kia te koutou, e faigatā lele atu mo he tino maukoloa ke hao atu ki te Mālō o te lagi, i lo mo he kāmela ke ulu i te pū o he gila.”
25Na ofo lahi lele te kau hoko i te kilātou lagonaga o te mea tēnei, oi na fehili vē atu ai, “Ko ai nei la te i na mafai ke fakaola?”
26Oi na kikila hako atu ai ia Iehu kia te kilātou ma tali vē atu, “Ko te mea tēnei e matuā hē mafai lava e tagata, kae e mafai ia mea uma e te Atua.”
27Oi na lea atu ai ia Petelu, “Kikila, kua tuku e kimātou a mātou mea uma lele kae mulimuli atu kia te koe. Heā nei ta kimātou ka maua?”
28Kua vāgana atu ia Iehu kia te kilātou, “E takutino atu e au kia te koutou, i te olaga fōu koi hau, ko te Ataliki o te Tagata ka nofo i luga o tona nofoāliki mamalu. Ma ko koutou iēnā kua mulimuli mai kia te au, ka nonofo foki i nā nofoāliki e hefulu lua, ke pūlea nā puikāiga e hefulu lua o Ihalaelu! #Mat 25.31; Luk 22.30 29Ma ko ho he tino e ia tukua tona fale, pe ko ona uho, pe ko ona tuafafine, pe ko tona tamana, pe ko tona mātua, pe ko tana fānau, pe ko ona fenua ona ko au, ka maua e ia he taui e hautua helau, ma vēnā foki oi maua e ia te ola e fakavavau. 30Kae e tokalahi kilātou e muamua nei ka kavea ma mulimuli, ma e tokalahi foki kilātou e mulimuli nei ka kavea ma muamua.” #Mat 20.16; Luk 13.30
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Bible Society New Zealand Charitable Trust