Mataio 17
17
Ko te Hūiga ki te Tino o Iehu
(Mlk 9.2-13; Luk 9.28-36)
1Kua teka atu nā aho e ono, oi na kave ai e Iehu ia Petelu ma te kau uho ko Iakopo ma Ioane, kua olo ki luga o he mauga maualuga nā ko kilātou.#2 Pet 1.17-18 2Ka koi kikila atu kilātou, ka kua iei te hūiga ki te tino o Iehu; ko ona fōliga kua huhulu e vē ko te lā, ma ona kofu kua paepae hihina. 3Oi na kitea atu ai foki e kilātou ia Mohe ma Elia e faitatala ma Iehu. 4Oi na lea atu ai ia Petelu kia Iehu, “Te Aliki, te lelei ko kimātou e i kinei! Kāfai koe e loto ki ei, ka kō fakatutūa ni fakamalumalu e tolu i kinei, ko tētahi mo koe, ko tētahi mo Mohe ma tētahi mo Elia.”
5Ka koi tautala vēnei atu ia Petelu, kae hau he ao pupula ma malutū ai kilātou, ma he leo na fanaifo mai te ao e vē ifo, “Ko toku Ataliki pele tēnei, e fiafia lahi au ki ei—fakalogo kia te ia!”#Ken 22.2; Teu 18.15; Hal 2.7; Iha 42.1; Mat 3.17; 12.18; Mlk 1.11; Luk 3.22
6I te lagonaga e nā hoko o te leo, na mātataku lahi lele kilātou ma fakapakukū fakapūlou ki luga o te kelekele. 7Kua hau ia Iehu kia te kilātou ma paki mai tona lima kia te kilātou ma lea vē mai, “Tutū ki luga, koutou nahe mātataku!” 8Ma i te kikila akega o kilātou ki luga, kua hēai hētahi tino e iei kae nā ko Iehu oioti.
9Ka koi ōifo kilātou ki lalo o te mauga ka kua fakatonu vēnei atu e Iehu te toka tolu, “Nahe koutou lea lele ki he tino e uiga ki te fakaaliga na kitea e koutou, heiloga kua toe fakatū te Ataliki o te Tagata mai te oti.”
10Oi na fehili atu ai nā hoko kia Iehu, “Heā te lea ai nā faiākoga o te Tūlāfono, ko Elia e tatau ke hau muamua?”#Mal 4.5
11Na tali mai ia Iehu, “E hako ko Elia e hau muamua, ma ka ia hāunia nā mea uma. 12Kae ko au e lea atu kia te koutou, ko Elia kua hau kae e hēki matea e tagata, ma na kilātou faia kia te ia, ho he mea lava na fofou kilātou ki ei. Ka vēnā foki lava oi puapuagā te Ataliki o te Tagata ia lātou faiga.”#Mat 11.14
13Oi na fātoā mālamalama ai nā hoko ko Iehu nae tautala ake kia te kilātou e uiga kia Ioane te Papatiho.
Kua Fakamālōlō e Iehu he Taumalo e Ulufia e he Tēmoni
(Mlk 9.14-29; Luk 9.37-43)
14I te papā ifoga o kilātou ki te mea nae iei te kaifenua, na hau ai he tamāloa kia Iehu, kua tōtuli ki lalo i mua o ia 15ma lea vē mai, “Te Aliki, alofa mai kō ki toku ataliki auā e maua i te tauale tete ma e tīgāina lahi lele. Kāfai e oho tona tauale, e tete lahi lele tona tino oi e māhani pakū ki loto o te afi pe ki loto o te vai. 16Na kaumai e au ki nā hoko o koe kae e hēki mafai e kilātou oi fakamālōlō.”
17Na tali atu ia Iehu, “Kai te hē talitonu ma te āmio pikopiko o tagata o tēnei tupulaga! Heā nei te mataloa e tatau ke māfuta ai pea au ma koutou? Heā nei te mataloa ka onohai ai pea au! Kaumai te tamaiti kia te au!” 18Oi na fakatonu ai e Iehu te agaga kino, ma na fano ai loa te tēmoni ki fafo o te tamaiti. I te taimi lava tēnā na mālōlō ai te tamaiti.
19Oi na ōmamai ai nā hoko nā ko kilātou, oi lea vē mai kia Iehu, “Heā nei te hēki mafai ai e kimātou oi tuli ki fafo te tēmoni?”
20-21Kua tali atu ia Iehu “E hēki mafai e koutou, ona e hē lava te fakatuatua o koutou. Auā e lea atu au kia te koutou, kana ia te koutou he fakatuatua e vē ko te fuaefa o he fatu hīnapi, e mafai ke lea atu koutou ki te mauga tēnei, ‘fano vē ki ko,’ oi e fano. E mafai e koutou oi fai ho he mea.”#17.20-21 Ko iētahi tuhituhiga e fakaopōpo ki ei te fuaikupu 21: Kae nā ko te tatalo lava ma te fakalāina e mafai ai ke tuli ki fafo te itūkāiga tēnei; e hēai lele hētahi mea e mafai ai. Kikila ki te Mlk 9.29 #Mat 21.20; Mlk 11.23; 1 Kol 13.2
Kua toe Vāgana ia Iehu e Uiga ki Tona Mate
(Mlk 9.30-32; Luk 9.43-45)
22I te māopōpoga fakatahi o te kau hoko i Kalilaia, oi na vāgana atu ai ia Iehu kia te kilātou, “Ko te Ataliki o te Tagata ka tukulima atu ki lalo o te pule a tagata, 23ma ka kilātou tāmatea. Kae ka toe fakatū mai ia i te oti, i tona tolu o aho.”
Na lagona e te kau hoko te fakanoanoa lahi.
Ko Iehu ma te Lāfoga mo te Mālumalu
24Kua taunuku atu ia Iehu ma ona hoko ki Kapenaumi, oi na ōmamai ai nā aolāfoga mo te Mālumalu kia Petelu ma lea vē mai ki ei, “E totogi nei he lāfoga mo te Mālumalu a te faiākoga o koe?”#Eho 30.13; 38.26
25Na tali atu ia Petelu, “Io, e totogi.”
I te ulu atuga o Petelu ki lotofale, oi na fakataumuna muamua atu ai ki ei ia Iehu, “Himona, heā nei hō manatu? Ko ai te totogia nā tiute pe ko nā lāfoga ki nā tupu o mālō o te lalolagi? Ko tagatānuku o te fenua pe ko tagata nukukehe?”
26“Ko tagata nukukehe,” na tali mai ai ia Petelu.
Oi na tali atu ai ia Iehu, “Tona uiga, e hē totogia e tagatānuku o te fenua. 27Ka ko kitātou e hē fofou ke fai he mea ke feita ai nā tino iēnei. Ko te mea ia, fano ki te vaitūloto oi lalafo ai tō uka. Ko tau ika muamua lava e hi, ka maua e koe i loto o te gutu he tupe hiliva#17.27 tupe hiliva Ko te tupe hiliva e fokotahi ko te totogi ia o he tino faigāluega fātoaga i te aho e lava ke totogi ai taku lāfoga mo te Mālumalu vēnā ma tau lāfoga. Kave oi totogi ai nā lāfoga a kitāua.”
Селектирано:
Mataio 17: TOKU
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Bible Society New Zealand Charitable Trust
Mataio 17
17
Ko te Hūiga ki te Tino o Iehu
(Mlk 9.2-13; Luk 9.28-36)
1Kua teka atu nā aho e ono, oi na kave ai e Iehu ia Petelu ma te kau uho ko Iakopo ma Ioane, kua olo ki luga o he mauga maualuga nā ko kilātou.#2 Pet 1.17-18 2Ka koi kikila atu kilātou, ka kua iei te hūiga ki te tino o Iehu; ko ona fōliga kua huhulu e vē ko te lā, ma ona kofu kua paepae hihina. 3Oi na kitea atu ai foki e kilātou ia Mohe ma Elia e faitatala ma Iehu. 4Oi na lea atu ai ia Petelu kia Iehu, “Te Aliki, te lelei ko kimātou e i kinei! Kāfai koe e loto ki ei, ka kō fakatutūa ni fakamalumalu e tolu i kinei, ko tētahi mo koe, ko tētahi mo Mohe ma tētahi mo Elia.”
5Ka koi tautala vēnei atu ia Petelu, kae hau he ao pupula ma malutū ai kilātou, ma he leo na fanaifo mai te ao e vē ifo, “Ko toku Ataliki pele tēnei, e fiafia lahi au ki ei—fakalogo kia te ia!”#Ken 22.2; Teu 18.15; Hal 2.7; Iha 42.1; Mat 3.17; 12.18; Mlk 1.11; Luk 3.22
6I te lagonaga e nā hoko o te leo, na mātataku lahi lele kilātou ma fakapakukū fakapūlou ki luga o te kelekele. 7Kua hau ia Iehu kia te kilātou ma paki mai tona lima kia te kilātou ma lea vē mai, “Tutū ki luga, koutou nahe mātataku!” 8Ma i te kikila akega o kilātou ki luga, kua hēai hētahi tino e iei kae nā ko Iehu oioti.
9Ka koi ōifo kilātou ki lalo o te mauga ka kua fakatonu vēnei atu e Iehu te toka tolu, “Nahe koutou lea lele ki he tino e uiga ki te fakaaliga na kitea e koutou, heiloga kua toe fakatū te Ataliki o te Tagata mai te oti.”
10Oi na fehili atu ai nā hoko kia Iehu, “Heā te lea ai nā faiākoga o te Tūlāfono, ko Elia e tatau ke hau muamua?”#Mal 4.5
11Na tali mai ia Iehu, “E hako ko Elia e hau muamua, ma ka ia hāunia nā mea uma. 12Kae ko au e lea atu kia te koutou, ko Elia kua hau kae e hēki matea e tagata, ma na kilātou faia kia te ia, ho he mea lava na fofou kilātou ki ei. Ka vēnā foki lava oi puapuagā te Ataliki o te Tagata ia lātou faiga.”#Mat 11.14
13Oi na fātoā mālamalama ai nā hoko ko Iehu nae tautala ake kia te kilātou e uiga kia Ioane te Papatiho.
Kua Fakamālōlō e Iehu he Taumalo e Ulufia e he Tēmoni
(Mlk 9.14-29; Luk 9.37-43)
14I te papā ifoga o kilātou ki te mea nae iei te kaifenua, na hau ai he tamāloa kia Iehu, kua tōtuli ki lalo i mua o ia 15ma lea vē mai, “Te Aliki, alofa mai kō ki toku ataliki auā e maua i te tauale tete ma e tīgāina lahi lele. Kāfai e oho tona tauale, e tete lahi lele tona tino oi e māhani pakū ki loto o te afi pe ki loto o te vai. 16Na kaumai e au ki nā hoko o koe kae e hēki mafai e kilātou oi fakamālōlō.”
17Na tali atu ia Iehu, “Kai te hē talitonu ma te āmio pikopiko o tagata o tēnei tupulaga! Heā nei te mataloa e tatau ke māfuta ai pea au ma koutou? Heā nei te mataloa ka onohai ai pea au! Kaumai te tamaiti kia te au!” 18Oi na fakatonu ai e Iehu te agaga kino, ma na fano ai loa te tēmoni ki fafo o te tamaiti. I te taimi lava tēnā na mālōlō ai te tamaiti.
19Oi na ōmamai ai nā hoko nā ko kilātou, oi lea vē mai kia Iehu, “Heā nei te hēki mafai ai e kimātou oi tuli ki fafo te tēmoni?”
20-21Kua tali atu ia Iehu “E hēki mafai e koutou, ona e hē lava te fakatuatua o koutou. Auā e lea atu au kia te koutou, kana ia te koutou he fakatuatua e vē ko te fuaefa o he fatu hīnapi, e mafai ke lea atu koutou ki te mauga tēnei, ‘fano vē ki ko,’ oi e fano. E mafai e koutou oi fai ho he mea.”#17.20-21 Ko iētahi tuhituhiga e fakaopōpo ki ei te fuaikupu 21: Kae nā ko te tatalo lava ma te fakalāina e mafai ai ke tuli ki fafo te itūkāiga tēnei; e hēai lele hētahi mea e mafai ai. Kikila ki te Mlk 9.29 #Mat 21.20; Mlk 11.23; 1 Kol 13.2
Kua toe Vāgana ia Iehu e Uiga ki Tona Mate
(Mlk 9.30-32; Luk 9.43-45)
22I te māopōpoga fakatahi o te kau hoko i Kalilaia, oi na vāgana atu ai ia Iehu kia te kilātou, “Ko te Ataliki o te Tagata ka tukulima atu ki lalo o te pule a tagata, 23ma ka kilātou tāmatea. Kae ka toe fakatū mai ia i te oti, i tona tolu o aho.”
Na lagona e te kau hoko te fakanoanoa lahi.
Ko Iehu ma te Lāfoga mo te Mālumalu
24Kua taunuku atu ia Iehu ma ona hoko ki Kapenaumi, oi na ōmamai ai nā aolāfoga mo te Mālumalu kia Petelu ma lea vē mai ki ei, “E totogi nei he lāfoga mo te Mālumalu a te faiākoga o koe?”#Eho 30.13; 38.26
25Na tali atu ia Petelu, “Io, e totogi.”
I te ulu atuga o Petelu ki lotofale, oi na fakataumuna muamua atu ai ki ei ia Iehu, “Himona, heā nei hō manatu? Ko ai te totogia nā tiute pe ko nā lāfoga ki nā tupu o mālō o te lalolagi? Ko tagatānuku o te fenua pe ko tagata nukukehe?”
26“Ko tagata nukukehe,” na tali mai ai ia Petelu.
Oi na tali atu ai ia Iehu, “Tona uiga, e hē totogia e tagatānuku o te fenua. 27Ka ko kitātou e hē fofou ke fai he mea ke feita ai nā tino iēnei. Ko te mea ia, fano ki te vaitūloto oi lalafo ai tō uka. Ko tau ika muamua lava e hi, ka maua e koe i loto o te gutu he tupe hiliva#17.27 tupe hiliva Ko te tupe hiliva e fokotahi ko te totogi ia o he tino faigāluega fātoaga i te aho e lava ke totogi ai taku lāfoga mo te Mālumalu vēnā ma tau lāfoga. Kave oi totogi ai nā lāfoga a kitāua.”
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Bible Society New Zealand Charitable Trust