Mataio 10
10
Ko nā Hoko e Toka Hefululua
(Mlk 3.13-19; Luk 6.12-16)
1Kua fakapotopoto mai e Iehu ona hoko e toka hefulu lua, ma na tuku atu ai e ia kia te kilātou te pule ke tuli ai ki fafo nā agaga kino, ma ke fakamālōlō ai ia tagata uma kua maua i nā tauale kehekehe. 2Ko nā igoa iēnei o nā apohitolo e toka hefulu lua: muamua, ko Himona (ko tētahi ona igoa ko Petelu) ma tona uho ko Anitelea; ko Iakopo ma Ioane nā ataliki o Hepetaio; 3ko Filipo ma Patolomaio; ko Toma ma Mataio te aolāfoga; ko Iakopo te ataliki o Alefaio, ma Tataio; 4ko Himona te Lotonuku, ma Iuta te Ihikaliota, tē na fakalata e ia ia Iehu.
Ko te Gāluega mo te Toka Hefululua
(Mlk 6.7-13; Luk 9.1-6)
5Kua uga atu e Iehu te toka hefulu lua tēnei ma nā fakatonuga e vēnei: “Ko koutou e hē olo ki he fenua o tagata nukukehe, pe ki he kakai o Hamalia. 6Kae olo ki tagata o Ihalaelu kua vē ni māmoe kua gagalo. 7Olo oi tālaki atu, ‘Ko te Mālō o te lagi kua tafapili mai!’#Luk 10.4-12 8Fakamālōlō nā tauale, toe fakatutū nā tino kua oti, fakamamā kilātou e maua i nā tauale kino o te kili, ma tuli ki fafo nā tēmoni. Kua maua e koutou te pule e hēai he totogi, ke vēnā foki oi tuku atu e koutou ki iētahi tino, e hēai he totogi. 9Nahe koutou kavea ni tupe aulo, ni tupe hiliva pe ni tupe apamemea i outou taga; 10nahe kavea he ato mo te malaga, pe he kofutino fakaleoleo, pe ni taka, pe he tokotoko. Ko nā tino faigāluega e tatau ke kilātou maua nā mea ke ola ai.#1 Kol 9.14; 1 Tim 5.18
11“Ma ko ho he kakai pe he nuku e tau atu koutou ki ei, olo oi hakili he tino e fiafia ke ia talia koutou, oi nonofo ai ma ia i tona fale, ke pa ki te taimi e olo kehe ai koutou ma te koga tēnā. 12Kāfai koutou e ulu ki loto o he fale, oi fakatālofa vē, ‘Ke ia te koutou te fīlēmū.’ 13Kāfai e talia koutou e nā tino o te fale, ke tūmau pea te fīlēmū o te Atua ia te kilātou; kae kāfai koutou e hē kilātou talia, ke toe fakafoki mai kia te koutou te fakamanuiaga a koutou na fai. 14Kāfai foki he fale pe he nuku ka hē talia ai koutou pe hē fia fakalogo atu, olo kehe ma kinā, ma lūlū kehe te pefu mai outou vae.#Gāl 13.51 15E takutino atu e au kia te koutou, kāfai e pa ki te Aho Fakamahino, ka hili atu te alofa o te Atua ki tagata o Hotoma ma Komola, i lo ki nā tino o te kakai tēnā!#Ken 19.24-28; Mat 11.24
Ko nā Fakahāuāga ka Pa Mai
(Mlk 13.9-13; Luk 21.12-17)
16“Kikila, ko koutou e uga atu e au e vē ni māmoe ki te mea e iei nā luko. Ko koutou la e tatau ke popoto e vē ko nā gata ma agamalū e vē ko nā lupe.#Luk 10.3 17Koutou ke mataala, auā e iei nā tino ka kilātou pukea koutou ma kave ki te fakamahinoga, ma ka kilātou kinia koutou i loto o nā hūnako.#Mlk 13.9-11; Luk 12.11-12; 21.12-15 18Ona ko au ka kave ai koutou ki te fakamahinoga i mua o nā kōvana ma nā tupu, ke fakailoa atu ai te Tala Lelei kia te kilātou ma tagata nukukehe. 19Kāfai koutou e kave e kilātou ki te fakamahinoga, koutou nahe popole pe ka vēhea ake hautou tala e fai ki ei, ma pe fakakupu vēhea foki; kāfai e pa ki te taimi tēnā, ka fōki atu lava kia te koutou nā kupu ke tautatala ai koutou. 20Auā e hē ko koutou te ka tautala, ka ko te Agaga o te koutou Tamana te tautala, kui atu ia te koutou.
21“Ka tuku atu e te uho tona uho ke tāmate, ka vēnā foki oi fai e tamana kia lātou fānau. Ka fakahaga tau ia fānau ki o lātou mātua ma tuku atu e kilātou ke tāmate, #Mlk 13.12; Luk 21.16 22ma ka inohia koutou e tagata uma ona ko au. Kae ko te tino e onohai pea lava ke pa ki te ikuga, ka lāveakia.#Mat 24.9, 13; Mlk 13.13; Luk 21.17 23Kāfai koutou e hāuāgia i he kakai, hōhola ki hētahi kakai. Auā e takutino atu e au kia te koutou, e pa atu ki te taimi e hau ai te Ataliki o te Tagata, ko hēki hoko lava te koutou gāluega i nā kakai uma o Ihalaelu.
24“E hēai he tamaiti ākoga e hili atu i lo tona faiākoga; e hēai he pologa e hili atu i lo tona matai.#Luk 6.40; Ioa 13.16; 15.20 25Ko te mea ia e tatau ai i te tamaiti ākoga ke fiafia oi kavea ia ke vē ko tona faiākoga, ma te pologa ke vē ko tona matai. Kāfai te ulu o te kāiga e fakaigoa kia Pelehepulo, ka hē hili atu nei la te kino o nā igoa ka fakaigoa ai nā tino o te kāiga!#Mat 9.34; 12.24; Mlk 3.22; Luk 11.15
Ko te Tino e Tatau ke Mātataku Ai
(Luk 12.2-7)
26“Koutou la nahe mātataku i tagata; auā e hēai he mea e tatao ke galo ka hē toe kitea, pe mumuni ka hē toe iloa.#Mlk 4.22; Luk 8.17 27Ko nā mea e lea atu ai au kia te koutou i te pōuli, e tatau ke tautatala ai koutou i te ao teatea, ma ko nā mea e lagona muhumuhu e koutou, e tatau ke vākai i loto o te malae.#10.27 i loto o te malae pe mai luga o nā tuāfale 28Ma ia koutou nahe mātataku i nā tino e tāmate e kilātou te tino o te tagata, kae hē kilātou mafaia oi tāmate te agaga; kae mātataku i te Atua e ia mafaia oi fakaumatia te tino fakatahi ma te agaga i te afi o Kēna. 29E hē lua nei ni tamā manulele e mafai ke fakatau atu i he pene e fokotahi? Kae e hēai he tamā manulele e pakū tauānoa ki te kelekele, kāfai e hē loto ki ei te koutou Tamana i te lagi. 30Kae e pa foki lava ki nā lāulu i outou ulu, kua uma te faitau. 31Koutou la nahe mātataku; e hili lele atu te tāua o koutou i te Atua i lo nā tamā manulele e lahi.
Ko te Talia pe ko te Teteke o Keliho
(Luk 12.8-9)
32“Auā ko nā tino e folafola e kilātou i mua o tagata ko kilātou e āku, ka vēnā foki oi fai e au i mua o toku Tamana i te lagi. 33Kae ko ai lava e teteke mai kia te au i mua o tagata, ka vēnā foki oi kō tetekea ia i mua o toku Tamana i te lagi.#2 Tim 2.12
E hē ko te Fīlēmū kae ko he Pelu
(Luk 12.51-53; 14.26-27)
34“Koutou i nā vēakē ko au kua hau ke kaumai te fīlēmū ki te lalolagi. Hēai, ko au e hēki hau ke kaumai te fīlēmū, kae ko he pelu. 35Ko au kua hau ke fakahaga tau ai te ataliki ki tona tamana, te afafine ki tona mātua, te āvaga a te ataliki ki tona mātua tauhi; 36ko nā fili e hili te kino o he tino, ko nā tino lava o tona kāiga.#Mik 7.6
37“Ko ai lava te hili tona alofa ki tona tamana pe ki tona mātua i lo au, e hē aogā ia ke kavea ma oku hoko; ko ai lava te hili tona alofa ki tona ataliki pe ki tona afafine i lo au, e hē aogā ia ke kavea ma oku hoko. 38Ko te tino e hē ia amoa tona hātaulo ma mulimuli mai kia te au, e hē aogā ia ke kavea ma oku hoko.#Mat 16.24; Mlk 8.34; Luk 9.23 39Ko nā tino e mānumanu ki o lātou ola, ka hē kilātou maua; kae ko nā tino e māumau o lātou ola ona ko au, ka maua e kilātou.#Mat 16.25; Mlk 8.35; Luk 9.24; 17.33; Ioa 12.25
Ko nā Taui
(Mlk 9.41)
40“Ko ai lava e ia talia koutou, kua ia talia foki au, ma ko ai lava e ia talia au kua ia talia foki tē na ia uga maia au.#Mlk 9.37; Luk 9.48; 10.16; Ioa 13.20 41Ko ai lava e ia talia he pelofeta ona ko he pelofeta e a te Atua, ka maua fakatahi to lā taui. Ko ai lava e ia talia he tino āmiotonu ona ko he tino āmiotonu, ka maua fakatahi to lā taui. 42Ko ai lava e ia tuku atua, e tuha lava pe he ipu vai mālūlū, ki hētahi o oku hoko iēnei e hili te fakatauvā ona ko he hoko e ōku, e takutino atu e au kia te koutou, ka maua lava e ia tona taui.”
Селектирано:
Mataio 10: TOKU
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Bible Society New Zealand Charitable Trust
Mataio 10
10
Ko nā Hoko e Toka Hefululua
(Mlk 3.13-19; Luk 6.12-16)
1Kua fakapotopoto mai e Iehu ona hoko e toka hefulu lua, ma na tuku atu ai e ia kia te kilātou te pule ke tuli ai ki fafo nā agaga kino, ma ke fakamālōlō ai ia tagata uma kua maua i nā tauale kehekehe. 2Ko nā igoa iēnei o nā apohitolo e toka hefulu lua: muamua, ko Himona (ko tētahi ona igoa ko Petelu) ma tona uho ko Anitelea; ko Iakopo ma Ioane nā ataliki o Hepetaio; 3ko Filipo ma Patolomaio; ko Toma ma Mataio te aolāfoga; ko Iakopo te ataliki o Alefaio, ma Tataio; 4ko Himona te Lotonuku, ma Iuta te Ihikaliota, tē na fakalata e ia ia Iehu.
Ko te Gāluega mo te Toka Hefululua
(Mlk 6.7-13; Luk 9.1-6)
5Kua uga atu e Iehu te toka hefulu lua tēnei ma nā fakatonuga e vēnei: “Ko koutou e hē olo ki he fenua o tagata nukukehe, pe ki he kakai o Hamalia. 6Kae olo ki tagata o Ihalaelu kua vē ni māmoe kua gagalo. 7Olo oi tālaki atu, ‘Ko te Mālō o te lagi kua tafapili mai!’#Luk 10.4-12 8Fakamālōlō nā tauale, toe fakatutū nā tino kua oti, fakamamā kilātou e maua i nā tauale kino o te kili, ma tuli ki fafo nā tēmoni. Kua maua e koutou te pule e hēai he totogi, ke vēnā foki oi tuku atu e koutou ki iētahi tino, e hēai he totogi. 9Nahe koutou kavea ni tupe aulo, ni tupe hiliva pe ni tupe apamemea i outou taga; 10nahe kavea he ato mo te malaga, pe he kofutino fakaleoleo, pe ni taka, pe he tokotoko. Ko nā tino faigāluega e tatau ke kilātou maua nā mea ke ola ai.#1 Kol 9.14; 1 Tim 5.18
11“Ma ko ho he kakai pe he nuku e tau atu koutou ki ei, olo oi hakili he tino e fiafia ke ia talia koutou, oi nonofo ai ma ia i tona fale, ke pa ki te taimi e olo kehe ai koutou ma te koga tēnā. 12Kāfai koutou e ulu ki loto o he fale, oi fakatālofa vē, ‘Ke ia te koutou te fīlēmū.’ 13Kāfai e talia koutou e nā tino o te fale, ke tūmau pea te fīlēmū o te Atua ia te kilātou; kae kāfai koutou e hē kilātou talia, ke toe fakafoki mai kia te koutou te fakamanuiaga a koutou na fai. 14Kāfai foki he fale pe he nuku ka hē talia ai koutou pe hē fia fakalogo atu, olo kehe ma kinā, ma lūlū kehe te pefu mai outou vae.#Gāl 13.51 15E takutino atu e au kia te koutou, kāfai e pa ki te Aho Fakamahino, ka hili atu te alofa o te Atua ki tagata o Hotoma ma Komola, i lo ki nā tino o te kakai tēnā!#Ken 19.24-28; Mat 11.24
Ko nā Fakahāuāga ka Pa Mai
(Mlk 13.9-13; Luk 21.12-17)
16“Kikila, ko koutou e uga atu e au e vē ni māmoe ki te mea e iei nā luko. Ko koutou la e tatau ke popoto e vē ko nā gata ma agamalū e vē ko nā lupe.#Luk 10.3 17Koutou ke mataala, auā e iei nā tino ka kilātou pukea koutou ma kave ki te fakamahinoga, ma ka kilātou kinia koutou i loto o nā hūnako.#Mlk 13.9-11; Luk 12.11-12; 21.12-15 18Ona ko au ka kave ai koutou ki te fakamahinoga i mua o nā kōvana ma nā tupu, ke fakailoa atu ai te Tala Lelei kia te kilātou ma tagata nukukehe. 19Kāfai koutou e kave e kilātou ki te fakamahinoga, koutou nahe popole pe ka vēhea ake hautou tala e fai ki ei, ma pe fakakupu vēhea foki; kāfai e pa ki te taimi tēnā, ka fōki atu lava kia te koutou nā kupu ke tautatala ai koutou. 20Auā e hē ko koutou te ka tautala, ka ko te Agaga o te koutou Tamana te tautala, kui atu ia te koutou.
21“Ka tuku atu e te uho tona uho ke tāmate, ka vēnā foki oi fai e tamana kia lātou fānau. Ka fakahaga tau ia fānau ki o lātou mātua ma tuku atu e kilātou ke tāmate, #Mlk 13.12; Luk 21.16 22ma ka inohia koutou e tagata uma ona ko au. Kae ko te tino e onohai pea lava ke pa ki te ikuga, ka lāveakia.#Mat 24.9, 13; Mlk 13.13; Luk 21.17 23Kāfai koutou e hāuāgia i he kakai, hōhola ki hētahi kakai. Auā e takutino atu e au kia te koutou, e pa atu ki te taimi e hau ai te Ataliki o te Tagata, ko hēki hoko lava te koutou gāluega i nā kakai uma o Ihalaelu.
24“E hēai he tamaiti ākoga e hili atu i lo tona faiākoga; e hēai he pologa e hili atu i lo tona matai.#Luk 6.40; Ioa 13.16; 15.20 25Ko te mea ia e tatau ai i te tamaiti ākoga ke fiafia oi kavea ia ke vē ko tona faiākoga, ma te pologa ke vē ko tona matai. Kāfai te ulu o te kāiga e fakaigoa kia Pelehepulo, ka hē hili atu nei la te kino o nā igoa ka fakaigoa ai nā tino o te kāiga!#Mat 9.34; 12.24; Mlk 3.22; Luk 11.15
Ko te Tino e Tatau ke Mātataku Ai
(Luk 12.2-7)
26“Koutou la nahe mātataku i tagata; auā e hēai he mea e tatao ke galo ka hē toe kitea, pe mumuni ka hē toe iloa.#Mlk 4.22; Luk 8.17 27Ko nā mea e lea atu ai au kia te koutou i te pōuli, e tatau ke tautatala ai koutou i te ao teatea, ma ko nā mea e lagona muhumuhu e koutou, e tatau ke vākai i loto o te malae.#10.27 i loto o te malae pe mai luga o nā tuāfale 28Ma ia koutou nahe mātataku i nā tino e tāmate e kilātou te tino o te tagata, kae hē kilātou mafaia oi tāmate te agaga; kae mātataku i te Atua e ia mafaia oi fakaumatia te tino fakatahi ma te agaga i te afi o Kēna. 29E hē lua nei ni tamā manulele e mafai ke fakatau atu i he pene e fokotahi? Kae e hēai he tamā manulele e pakū tauānoa ki te kelekele, kāfai e hē loto ki ei te koutou Tamana i te lagi. 30Kae e pa foki lava ki nā lāulu i outou ulu, kua uma te faitau. 31Koutou la nahe mātataku; e hili lele atu te tāua o koutou i te Atua i lo nā tamā manulele e lahi.
Ko te Talia pe ko te Teteke o Keliho
(Luk 12.8-9)
32“Auā ko nā tino e folafola e kilātou i mua o tagata ko kilātou e āku, ka vēnā foki oi fai e au i mua o toku Tamana i te lagi. 33Kae ko ai lava e teteke mai kia te au i mua o tagata, ka vēnā foki oi kō tetekea ia i mua o toku Tamana i te lagi.#2 Tim 2.12
E hē ko te Fīlēmū kae ko he Pelu
(Luk 12.51-53; 14.26-27)
34“Koutou i nā vēakē ko au kua hau ke kaumai te fīlēmū ki te lalolagi. Hēai, ko au e hēki hau ke kaumai te fīlēmū, kae ko he pelu. 35Ko au kua hau ke fakahaga tau ai te ataliki ki tona tamana, te afafine ki tona mātua, te āvaga a te ataliki ki tona mātua tauhi; 36ko nā fili e hili te kino o he tino, ko nā tino lava o tona kāiga.#Mik 7.6
37“Ko ai lava te hili tona alofa ki tona tamana pe ki tona mātua i lo au, e hē aogā ia ke kavea ma oku hoko; ko ai lava te hili tona alofa ki tona ataliki pe ki tona afafine i lo au, e hē aogā ia ke kavea ma oku hoko. 38Ko te tino e hē ia amoa tona hātaulo ma mulimuli mai kia te au, e hē aogā ia ke kavea ma oku hoko.#Mat 16.24; Mlk 8.34; Luk 9.23 39Ko nā tino e mānumanu ki o lātou ola, ka hē kilātou maua; kae ko nā tino e māumau o lātou ola ona ko au, ka maua e kilātou.#Mat 16.25; Mlk 8.35; Luk 9.24; 17.33; Ioa 12.25
Ko nā Taui
(Mlk 9.41)
40“Ko ai lava e ia talia koutou, kua ia talia foki au, ma ko ai lava e ia talia au kua ia talia foki tē na ia uga maia au.#Mlk 9.37; Luk 9.48; 10.16; Ioa 13.20 41Ko ai lava e ia talia he pelofeta ona ko he pelofeta e a te Atua, ka maua fakatahi to lā taui. Ko ai lava e ia talia he tino āmiotonu ona ko he tino āmiotonu, ka maua fakatahi to lā taui. 42Ko ai lava e ia tuku atua, e tuha lava pe he ipu vai mālūlū, ki hētahi o oku hoko iēnei e hili te fakatauvā ona ko he hoko e ōku, e takutino atu e au kia te koutou, ka maua lava e ia tona taui.”
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Bible Society New Zealand Charitable Trust