Mataio 9
9
Kua Fakamālōlō e Iehu he Tamāloa e Mate Tona Tino Kātoa
(Mlk 2.1-12; Luk 5.17-26)
1Kua hopo ia Iehu ki te vaka, kua toe foki ki tona nuku#9.1 tona nuku ko Kapenaumi i tētahi itū o te vaitūloto. 2Oi na kaumai ai e nā tino kia te ia he tamāloa nae mate tona tino kātoa, i luga o he moega. Kua kitea e Iehu te lahi o to lātou fakatuatua, oi na vāgana atu ai ki te tamāloa e mate tona tino kātoa, “Toku ataliki, fakamākeke! Ko au agahala kua fakamāgalo.”
3Ko iētahi faiākoga o te Tūlāfono kua lea vē ifo kia te kilātou lava, “Ko te tamāloa tēnei e tautala i nā kupu fāifai ki te Atua.”
4Kae kua iloa e Iehu nā mea i o lātou māfaufau, ma na lea atu ai ki ei, “Heā te māfaufau ai koutou ki ni mea kino vēnā? 5Tēfea te mea e faigōfie, ko toku lea, ‘Ko au agahala kua fakamāgalo,’ pe ko toku lea, ‘Tū ki luga oi havali?’ 6Ka kō fakamāonia atu la kia te koutou, e i te Ataliki o te Tagata te pule i te lalolagi, ke fakamāgalo ai nā agahala.” Oi na lea atu ai ki te tamāloa e mate tona tino kātoa, “Tū ki luga, hiki tō moega ma fano ki tō kāiga!”
7Na tū ai loa te tamāloa ki luga, kua fano ki tona fale. 8I te kitea atuga e nā tino o te mea tēnei, oi na mātataku lele ai kilātou ma viviki ake ki te Atua, ona ko he pule vēnei kua ia fōkia ki tagata.
Kua Kalaga ia Iehu kia Mataio
(Mlk 2.13-17; Luk 5.27-32)
9Kua fano kehe ia Iehu ma kinā, ma ka koi havali atu kae ia kitea he aolāfoga e igoa kia Mataio, nae nofo mai i loto o tona ōfiha. Oi na vāgana atu ai ia Iehu ki ei, “Mulimuli mai kia te au.” Oi na tū ai ki luga ia Mataio kua mulimuli kia Iehu.
10Ka koi fai te katiga a Iehu i te fale o Mataio,#9.10 i te fale o Mataio pe i tona (o Iehu) fale kae ōmamai nā aolāfoga ma nā tino inohia e tokalahi, kua kakai fakatahi ma Iehu ma ona hoko i te laulau.#Luk 15.1-2 11Kua kitea e iētahi Falehaio te mea tēnei, oi na fehili vē atu ai ki nā hoko o Iehu, “Heā te kakai fakatahi ai te faiākoga o koutou ma nā tino iēia?”
12Na lagona atu kilātou e Iehu oi na tali vē atu ai, “Ko nā tino e mālōlō, e hē kilātou manakomia he fōmai, kae vaganā ai nā tino e tauāle. 13Olo oi hākilikili te uiga o te kupu a te Atua i te tuhituhiga paia e vē mai, ‘Ko te mea e fofou au ki ei, ko te alofa fakahao, kae hē ko autou tāulaga mū e fai mai kia te au i nā manuvaefa.’ Ko au e hēki hau ke kalaga ki nā tino fakaaloalogia, kae ki nā tino e inohia e tagata.”#Mat 12.7; Hoh 6.6
Ko te Fehili e Uiga ki te Fakalāina.
(Mlk 2.18-22; Luk 5.33-39)
14Oi na ōmamai ai nā hoko o Ioane te Papatiho kia Iehu, kua fehili vē mai ki ei, “Heā te fakalāina hō ai kimātou ma te kau Falehaio, kae ko nā hoko o koe e hē fakalāina lele?”
15Na tali atu ia Iehu kia te kilātou, “E mafai te kau valakaulia i he fakaipoipoga ke fakanoanoa, kāfai te tama fakaipoipo koi fakatahi kilātou? E hē mafai! Kae e hau te aho e kave kehe ai te tama fakaipoipo mai ia te kilātou, oi fātoā fakalāina ai kilātou.”
16“E hēai he tino e ia fonoa he kofu tuai i he meakie fōu, auā ka mimigi te meakie fōu, ma ātili ai te lahi o te gahae i te kofu. 17E hē utua foki e he tino he uaina fōu ki loto o ni fagu pakumanu tuai, auā ka gāpāpā nā fagu pakumanu, ma gogolo ki fafo te uaina, ma ka fakakino ai nā fagu pakumanu. Kae ko te uaina fōu e utu ki loto o nā fagu pakumanu fōu, ma ka lelei uma ai fakatahi.”
Ko te Afafine o te Takitaki o te Hūnako ma te Fafine na Paki ki te Kofuloloa o Iehu.
(Mlk 5.21-43; Luk 8.40-56)
18Ka koi tautala atu ia Iehu i te mea tēnei, kae kua hau kia te ia he takitaki Iutaia, kua tōtuli ki lalo i mua o ia ma na lea vē mai ki ei, “Ko toku afafine fātoā oti atu lava; kae hau kō oi fakaeke nā lima o koe ki ona luga, kae ke toe ola.”
19Oi na tū ai ki luga ia Iehu ma mulimuli ki te tamāloa fakatahi ma ona hoko.
20Nae iei he fafine kua kātoa te hefulu lua tauhaga nae tauale ai i te punatoto, nae hau i tua o Iehu ma na paki atu ki te pito o te kofuloloa o Iehu. 21Na lea vē ifo ia i tona loto, “Tau lava ko au ke paki atu ki tona kofuloloa, e mālōlō ai au.”
22Na liliu ki tua ia Iehu ma na ia kitea te fafine, oi na lea vē atu ai ki ei, “Toku afafine, fakamākeke! Ko tō fakatuatua kua mālōlō ai koe.” I te taimi lava tēnā na mālōlō ai te fafine.
23Oi na fano ai ia Iehu ki loto o te fale o te takitaki o te hūnako. I te kitea atuga e ia o nā tino fai pehe mo te oti ma tagata nae lauē, 24oi na lea vē atu ai, “Olo uma ki fafo! Ko te tautiti e hēki oti—kae e moe.” Ka kua kāmata oi fakatauemu kilātou kia Iehu. 25Kua uga e Iehu nā tino ki fafo o te fale, ma na fano ai ki te potu o te tautiti ma tago ki te lima, oi na tū ake ai loa ki luga te tautiti. 26Ma na halalau ai te tala e uiga ki te mea tēnei, ki nā itū uma o te kogāfenua tēnā.
Kua Fakamālōlō e Iehu nā Tāuaho e Toka Lua
27Ka koi fano kehe atu ia Iehu mai kinā, kae kua mulimuli atu kia te ia ni tamāloa tāuaho e toka lua. Kua kālalaga vē atu kilāua kia Iehu, “Te Ataliki o Tavita, alofa mai kō kia te kimāua!”
28Kua ulu ia Iehu ki loto fale, oi na ōmamai ai nā tāuaho e toka lua kia te ia, ma na fehili atu ai ia Iehu kia te kilāua, “E talitonu koulua e mafai e au oi fakamālōlō koulua?”
Na tali mai kilāua, “Io, te Aliki!”
29Oi na tago ai ia Iehu ki o lā mata ma vāgana atu ki ei, “Ke vēnā lava la ona fai, e vē ona talitonu koulua e mafai!”— 30ma na toe pupula ai o lā mata. Na tautala mālohi ia Iehu ki te toka lua ma lea vē atu, “Nahe koulua takua lele ki he tino te mea tēnei.”
31Kae kua olo te toka lua kua fakahalalau ki itū uma o te kogāfenua tēnā, te tala kia Iehu.
Kua Fakamālōlō e Iehu he Tamāloa e Gūgū
32Kua olo kehe atu nā tāuaho iēnei e toka lua, kae kaumai e ni tino kia Iehu he tamāloa e gūgū ona e ulufia e he tēmoni. 33Ma na uma loa lava te tuli kehe o te tēmoni ki fafo, oi na kāmata ai loa oi tautala te gūgū, ma na ofo lele ai nā tino uma ma vē ake te lātou kupu, “E hēki kimātou kitea lele he mea vēnei ke tupu i Ihalaelu!”
34Kae kua lea vē te kau Falehaio, “Ko te takitaki o tēmoni te ia fōkia kia Iehu te pule ke tuli ai ki fafo nā tēmoni.”#Mat 10.25; 12.24; Mlk 3.22; Luk 11.15
E Lahi te Helehelega kae Tokaitīti te kau Faigāluega
35Oi na fano ai ia Iehu kua āhiahi ki nā kakai ma nā nuku uma. Na fai ana akoakoga i loto o nā hūnako ma folafola atu te Tala Lelei e uiga ki te Mālō o te Atua. Ma na fakamālōlō ai e ia nā tino nae maua i nā tauale kehekehe.#Mat 4.23; Mlk 1.39; Luk 4.44 36I te kikila atuga o Iehu ki te kaifenua, oi na tumu ai tona loto i te alofa kia te kilātou, auā nae maua kilātou i te popole ma te atuatuvale, nae vē kilātou ni māmoe kua hēai ho lātou leoleomāmoe.#Nūm 27.17; 1 Tup 22.17; 2 NT 18.16; Ehk 34.5; Mlk 6.34 37Oi na vāgana atu ai ia ki ona hoko, “E lahi te helehelega, kae tokaitīti te kau faigāluega. 38Tatalo la ki te Aliki e āna te helehelega, ke uga atu ni tino faigāluega ke kilātou fakaputu maia te helehelega.”#Luk 10.2
Селектирано:
Mataio 9: TOKU
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Bible Society New Zealand Charitable Trust
Mataio 9
9
Kua Fakamālōlō e Iehu he Tamāloa e Mate Tona Tino Kātoa
(Mlk 2.1-12; Luk 5.17-26)
1Kua hopo ia Iehu ki te vaka, kua toe foki ki tona nuku#9.1 tona nuku ko Kapenaumi i tētahi itū o te vaitūloto. 2Oi na kaumai ai e nā tino kia te ia he tamāloa nae mate tona tino kātoa, i luga o he moega. Kua kitea e Iehu te lahi o to lātou fakatuatua, oi na vāgana atu ai ki te tamāloa e mate tona tino kātoa, “Toku ataliki, fakamākeke! Ko au agahala kua fakamāgalo.”
3Ko iētahi faiākoga o te Tūlāfono kua lea vē ifo kia te kilātou lava, “Ko te tamāloa tēnei e tautala i nā kupu fāifai ki te Atua.”
4Kae kua iloa e Iehu nā mea i o lātou māfaufau, ma na lea atu ai ki ei, “Heā te māfaufau ai koutou ki ni mea kino vēnā? 5Tēfea te mea e faigōfie, ko toku lea, ‘Ko au agahala kua fakamāgalo,’ pe ko toku lea, ‘Tū ki luga oi havali?’ 6Ka kō fakamāonia atu la kia te koutou, e i te Ataliki o te Tagata te pule i te lalolagi, ke fakamāgalo ai nā agahala.” Oi na lea atu ai ki te tamāloa e mate tona tino kātoa, “Tū ki luga, hiki tō moega ma fano ki tō kāiga!”
7Na tū ai loa te tamāloa ki luga, kua fano ki tona fale. 8I te kitea atuga e nā tino o te mea tēnei, oi na mātataku lele ai kilātou ma viviki ake ki te Atua, ona ko he pule vēnei kua ia fōkia ki tagata.
Kua Kalaga ia Iehu kia Mataio
(Mlk 2.13-17; Luk 5.27-32)
9Kua fano kehe ia Iehu ma kinā, ma ka koi havali atu kae ia kitea he aolāfoga e igoa kia Mataio, nae nofo mai i loto o tona ōfiha. Oi na vāgana atu ai ia Iehu ki ei, “Mulimuli mai kia te au.” Oi na tū ai ki luga ia Mataio kua mulimuli kia Iehu.
10Ka koi fai te katiga a Iehu i te fale o Mataio,#9.10 i te fale o Mataio pe i tona (o Iehu) fale kae ōmamai nā aolāfoga ma nā tino inohia e tokalahi, kua kakai fakatahi ma Iehu ma ona hoko i te laulau.#Luk 15.1-2 11Kua kitea e iētahi Falehaio te mea tēnei, oi na fehili vē atu ai ki nā hoko o Iehu, “Heā te kakai fakatahi ai te faiākoga o koutou ma nā tino iēia?”
12Na lagona atu kilātou e Iehu oi na tali vē atu ai, “Ko nā tino e mālōlō, e hē kilātou manakomia he fōmai, kae vaganā ai nā tino e tauāle. 13Olo oi hākilikili te uiga o te kupu a te Atua i te tuhituhiga paia e vē mai, ‘Ko te mea e fofou au ki ei, ko te alofa fakahao, kae hē ko autou tāulaga mū e fai mai kia te au i nā manuvaefa.’ Ko au e hēki hau ke kalaga ki nā tino fakaaloalogia, kae ki nā tino e inohia e tagata.”#Mat 12.7; Hoh 6.6
Ko te Fehili e Uiga ki te Fakalāina.
(Mlk 2.18-22; Luk 5.33-39)
14Oi na ōmamai ai nā hoko o Ioane te Papatiho kia Iehu, kua fehili vē mai ki ei, “Heā te fakalāina hō ai kimātou ma te kau Falehaio, kae ko nā hoko o koe e hē fakalāina lele?”
15Na tali atu ia Iehu kia te kilātou, “E mafai te kau valakaulia i he fakaipoipoga ke fakanoanoa, kāfai te tama fakaipoipo koi fakatahi kilātou? E hē mafai! Kae e hau te aho e kave kehe ai te tama fakaipoipo mai ia te kilātou, oi fātoā fakalāina ai kilātou.”
16“E hēai he tino e ia fonoa he kofu tuai i he meakie fōu, auā ka mimigi te meakie fōu, ma ātili ai te lahi o te gahae i te kofu. 17E hē utua foki e he tino he uaina fōu ki loto o ni fagu pakumanu tuai, auā ka gāpāpā nā fagu pakumanu, ma gogolo ki fafo te uaina, ma ka fakakino ai nā fagu pakumanu. Kae ko te uaina fōu e utu ki loto o nā fagu pakumanu fōu, ma ka lelei uma ai fakatahi.”
Ko te Afafine o te Takitaki o te Hūnako ma te Fafine na Paki ki te Kofuloloa o Iehu.
(Mlk 5.21-43; Luk 8.40-56)
18Ka koi tautala atu ia Iehu i te mea tēnei, kae kua hau kia te ia he takitaki Iutaia, kua tōtuli ki lalo i mua o ia ma na lea vē mai ki ei, “Ko toku afafine fātoā oti atu lava; kae hau kō oi fakaeke nā lima o koe ki ona luga, kae ke toe ola.”
19Oi na tū ai ki luga ia Iehu ma mulimuli ki te tamāloa fakatahi ma ona hoko.
20Nae iei he fafine kua kātoa te hefulu lua tauhaga nae tauale ai i te punatoto, nae hau i tua o Iehu ma na paki atu ki te pito o te kofuloloa o Iehu. 21Na lea vē ifo ia i tona loto, “Tau lava ko au ke paki atu ki tona kofuloloa, e mālōlō ai au.”
22Na liliu ki tua ia Iehu ma na ia kitea te fafine, oi na lea vē atu ai ki ei, “Toku afafine, fakamākeke! Ko tō fakatuatua kua mālōlō ai koe.” I te taimi lava tēnā na mālōlō ai te fafine.
23Oi na fano ai ia Iehu ki loto o te fale o te takitaki o te hūnako. I te kitea atuga e ia o nā tino fai pehe mo te oti ma tagata nae lauē, 24oi na lea vē atu ai, “Olo uma ki fafo! Ko te tautiti e hēki oti—kae e moe.” Ka kua kāmata oi fakatauemu kilātou kia Iehu. 25Kua uga e Iehu nā tino ki fafo o te fale, ma na fano ai ki te potu o te tautiti ma tago ki te lima, oi na tū ake ai loa ki luga te tautiti. 26Ma na halalau ai te tala e uiga ki te mea tēnei, ki nā itū uma o te kogāfenua tēnā.
Kua Fakamālōlō e Iehu nā Tāuaho e Toka Lua
27Ka koi fano kehe atu ia Iehu mai kinā, kae kua mulimuli atu kia te ia ni tamāloa tāuaho e toka lua. Kua kālalaga vē atu kilāua kia Iehu, “Te Ataliki o Tavita, alofa mai kō kia te kimāua!”
28Kua ulu ia Iehu ki loto fale, oi na ōmamai ai nā tāuaho e toka lua kia te ia, ma na fehili atu ai ia Iehu kia te kilāua, “E talitonu koulua e mafai e au oi fakamālōlō koulua?”
Na tali mai kilāua, “Io, te Aliki!”
29Oi na tago ai ia Iehu ki o lā mata ma vāgana atu ki ei, “Ke vēnā lava la ona fai, e vē ona talitonu koulua e mafai!”— 30ma na toe pupula ai o lā mata. Na tautala mālohi ia Iehu ki te toka lua ma lea vē atu, “Nahe koulua takua lele ki he tino te mea tēnei.”
31Kae kua olo te toka lua kua fakahalalau ki itū uma o te kogāfenua tēnā, te tala kia Iehu.
Kua Fakamālōlō e Iehu he Tamāloa e Gūgū
32Kua olo kehe atu nā tāuaho iēnei e toka lua, kae kaumai e ni tino kia Iehu he tamāloa e gūgū ona e ulufia e he tēmoni. 33Ma na uma loa lava te tuli kehe o te tēmoni ki fafo, oi na kāmata ai loa oi tautala te gūgū, ma na ofo lele ai nā tino uma ma vē ake te lātou kupu, “E hēki kimātou kitea lele he mea vēnei ke tupu i Ihalaelu!”
34Kae kua lea vē te kau Falehaio, “Ko te takitaki o tēmoni te ia fōkia kia Iehu te pule ke tuli ai ki fafo nā tēmoni.”#Mat 10.25; 12.24; Mlk 3.22; Luk 11.15
E Lahi te Helehelega kae Tokaitīti te kau Faigāluega
35Oi na fano ai ia Iehu kua āhiahi ki nā kakai ma nā nuku uma. Na fai ana akoakoga i loto o nā hūnako ma folafola atu te Tala Lelei e uiga ki te Mālō o te Atua. Ma na fakamālōlō ai e ia nā tino nae maua i nā tauale kehekehe.#Mat 4.23; Mlk 1.39; Luk 4.44 36I te kikila atuga o Iehu ki te kaifenua, oi na tumu ai tona loto i te alofa kia te kilātou, auā nae maua kilātou i te popole ma te atuatuvale, nae vē kilātou ni māmoe kua hēai ho lātou leoleomāmoe.#Nūm 27.17; 1 Tup 22.17; 2 NT 18.16; Ehk 34.5; Mlk 6.34 37Oi na vāgana atu ai ia ki ona hoko, “E lahi te helehelega, kae tokaitīti te kau faigāluega. 38Tatalo la ki te Aliki e āna te helehelega, ke uga atu ni tino faigāluega ke kilātou fakaputu maia te helehelega.”#Luk 10.2
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Bible Society New Zealand Charitable Trust