ПОСЛОВИЦИ 23:1-9

Кога ќе седнеш да јадеш со началник, внимавај добро што е пред тебе; стави си нож под грлото ако си ненаситник. Не посакувај ги неговите слатки јадења, зашто се измамливи гозби. Не труди се да придобиеш богатство, откажи се од таквата мисла; насочиш ли ги очите кон него, него веќе го нема, зашто си направило крилја како орел и летнало кон небото. Не јади јадења на завидливиот, не копнеј по неговите слатки јадења, зашто тој е таков како што мисли во себеси: „Јади и пиј“, ти вели, но неговото срце не е со тебе. Залокот што си го изел, ќе го повратиш, напразно ќе ги изгубиш своите љубезни зборови. Не зборувај пред безумник, зашто ги презира твоите умни зборови.