Изреки 23:10-18

Не преместувај стара меѓа и во нива на сираци не влегувај; зашто нивниот Заштитник е силен; Тој ќе се замеша во делото нивно против тебе. Насочи го срцето свое кон учење и ушите свои – кон умни зборови. Не оставај го детето без казна: ако го казниш со прачка, тоа нема да умре; ќе го казниш со прачка, и ќе ја спасиш душата негова од пеколот. Синко, ако твоето срце биде муд­ро, и моето срце ќе се радува; ќе се радува целото мое битие, кога твојата уста говори право. Срцето твое нека не им завидува на грешниците, туку биди во сите дни свои во стравот Господов; зашто има иднина, а твојата надеж не е загубена.