Лука 10
10
Исус испраќа седумдесет и двајца
(Мт 9,37-38; 10,7-16; Мк 6,8-11; Лк 9,3-5)
1 #
9,1-2; Мт 10,7-16; Мк 6,7-11 Потоа Господ назначи и други седумдесет (и двајца) и ги испрати пред Себе по двајца во секој град и место, каде што и Сам сакаше да оди, 2#Ис 41,15-16; Мт 3,12; 9,37-38; Јн 4,35.38и им рече: „Жетвата е голема, а работници има малку; затоа молете Го Господарот на жетвата да испрати работници за жетвата Своја. 3Одете! Ете, Јас ве испраќам како јагненца среде волци. 4#2 Цар 4,29Не носете со себе ни ќесе, ни торба, ниту обувки и никого патем не поздравувајте! 5#1,79; 1 Сам 25,6И во секоја куќа во која ќе влезете, прво кажете: ‚Мир на оваа куќа!‘ 6#Ер 6,12-14Па, ако биде таму синот на мирот, вашиот мир ќе почива на него; инаку, тој ќе се врати во вас; 7#5 Мојс 24,14-15; Мт 10,10; 1 Кор 9,6-18; 2 Кор 11,7-9; 1 Тим 5,18и во таа куќа останете, јадете и пијте што ќе ви дадат; зашто работникот ја заслужува својата награда. Не преместувајте се од куќа в куќа. 8#1 Кор 10,27И во секој град во кој ќе влезете, и ќе ве примат, јадете што ќе принесат пред вас; 9#11,20; 17,21; Мт 4,17лекувајте ги болните што се во него и говорете им: ‚Се приближи до вас царството Божјо.‘ 10А во кој, пак, град влезете и не ве примат, излезете по улиците негови и кажете: 11#9,5; Дела 13,51‚И правот од вашиот град што се прилепил на нас, ви го истресуваме; но знајте го тоа, дека се приближи царството Божјо.‘ 12#1 Мојс 19,24; Мт 10,15; Јуда 1,7Ви велам дека во оној ден на Содом ќе му биде полесно, отколку на тој град.“ 13#Ис 23; Ез 26–28; Амос 1,9-10; Зах 9,2-4; Мт 11,21„Тешко тебе, Хоразине! Тешко тебе, Витсаидо! Зашто, ако во Тир и Сидон се случеа чудата што се случија кај вас, тие одамна, седејќи во вреќи и пепел, ќе се беа покајале. 14Но на Тир и Сидон ќе им биде полесно на Судот, отколку вам. 15#Ис 14,13-15; Мт 4,13И ти, Капернауме, кој си се издигнал до небото, до адот ќе бидеш симнат. 16#Мт 10,40; 18,5; Јн 5,23; 13,20; 15,23; 1 Сол 4,8Кој ве слуша вас, Мене Ме слуша; и кој се откажува од вас, од Мене се откажува, а кој се откажува од Мене, се откажува од Оној што Ме пратил.“
Седумдесет и двајцата се враќаат
17 #
Мк 6,30; Дела 3,16 Се вратија, пак, седумдесет (и двајцата) со радост и велеа: „Господи, во Твое име и демоните ни се покоруваат.“ 18#Ис 14,12; Јн 12,31; Откр 12,8-9А Тој им рече: „Го видов сатаната како падна од небото како молња! 19#1 Мојс 3,15; Пс 91,13; Мк 16,18Еве, ви давам власт да газите на змии и скорпии, и власт над секоја непријателска сила; и ништо нема да ви наштети; 20#2 Мојс 32,32; Ис 4,3; Пс 69,28; Дан 12,1; Мт 7,22; Фил 4,3; Откр 3,5; 21,27но не радувајте се на тоа што духовите ви се покоруваат, туку радувајте се што вашите имиња се напишани на небесата.“
Исус се радува
(Мт 11,25-27; 13,16-17)
21 #
4,1; Ис 29,14 Во тој час се зарадува во Светиот Дух и рече: „Те прославувам, Оче, Господи на небото и на земјата, зашто си го сокрил ова од мудрите и умните, а си им го открил на малечките. Да, Оче, зашто таква беше волјата Твоја.“ 22#Мт 28,18; Јн 3,35; 10,15; 13,3Па, откако се сврте кон учениците, им рече: „Сѐ Ми предаде Мојот Отец; и кој е Синот не знае никој, освен Отецот; и кој е Отецот, не знае никој, освен Синот, и – оној кому што сака Синот да му открие.“ 23#Мт 5,3Потоа се сврте настрана кон учениците, па им рече: „Блажени се очите, кои го гледаат ова што го гледате вие. 24#Рим 16,24; 1 Птр 1,10-12Зашто ви велам: многу пророци и цареви сакаа да видат што гледате вие, и не видоа; и да чујат што слушате вие, и не чуја.“
Љубовта е пат до вечниот живот
(Мт 22,34-40; Мк 12,28-31)
25 #
3,10; 11,16; 18,18; Мт 16,1; Мк 10,2; Дела 2,37 И ете, стана еден законик и, искушувајќи Го, рече: „Учителе, што треба да направам за да наследам живот вечен?“ 26А Тој му рече: „Што е напишано во Законот? Што читаш таму?“ 27#3 Мојс 19,18; 5 Мојс 6,5; 10,12; Ис.Н. 22,5; Мт 5,43; 19,19; Рим 13,9; Гал 5,14Тој одговори и рече: „Возљуби Го Господ, твојот Бог, со сето свое срце, со сета своја душа, со сета своја сила и со сиот свој разум; и својот ближен како себе си!“ 28#3 Мојс 18,5; Рим 10,5; Гал 3,12Му кажа пак: „Добро одговори; тоа прави го и ќе живееш.“
Кој е мојот ближен? Парабола за милостивиот Самарјанин
29Но тој, сакајќи да се оправда, Му рече на Исус: „А кој е мој ближен?“ 30Исус му одговори и рече: „Еден човек, додека слегуваше од Ерусалим во Ерихон, западна меѓу разбојници. Тие го соблекоа и го претепаа, и си отидоа, оставајќи го полумртов. 31Случајно во тоа време слегуваше по тој пат еден свештеник и, кога го виде, помина на спротивната страна. 32Исто така и еден левит, кога дојде на тоа место, погледна и премина на другата страна. 33#9,52Еден, пак, Самарјанин, кој патуваше, кога дојде до него, го виде и се сожали. 34#2 Лет 28,15И кога се приближи, му ги преврза раните, полевајќи ги со масло и со вино. Потоа го качи на добитокот свој, го однесе во гостилница и се погрижи за него. 35А утредента, на кинисување, извади два денарија, му ги даде на гостилничарот и му рече: ‚Погрижи се за него; а ако потрошиш нешто повеќе, кога ќе се вратам, ќе ти платам.‘ 36Кој, пак, од тие тројца ти се чини дека му беше ближен на оној, што падна во рацете на разбојниците?“ 37#Мт 7,21А тој одговори: „Оној што му искажа милосрдие.“ Исус му рече: „Оди и ти прави така!“
Исус кај Марија и Марта
38 #
Јн 11,1; 12,2-3 И додека патуваа, Тој влезе во едно село; една жена, по име Марта, Го прими во својот дом. 39#8,35; 5 Мојс 33,3А таа имаше сестра што се викаше Марија. Таа седна до нозете Господови и го слушаше словото Негово. 40#8,3; 1 Кор 7,35Марта беше многу зафатена околу служењето и, кога застана, рече: „Господи, зар не ти е грижа што сестра ми ме остави да служам сама? Кажи ѝ да ми помогне.“ 41А Исус ѝ одговори и рече: „Марто, Марто, ти се грижиш и се вознемируваш за многу работи. 42#12,31; Мт 6,34; Јн 6,27; Дела 6,2Но само едно е потребно. Марија го избра добриот дел, кој нема да ѝ се одземе.“
Селектирано:
Лука 10: MK2006
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© Библиско Здружение на Р. Македонија 2006
© Bible Society of the Republic of Macedonia 2006