Послание на Еремија 1
1
1 #
Ер 19,4; Варух 1,17–2,12 Препис од посланието, што Еремија им го испрати на оние, кои требаше да бидат одведени во ропство во Вавилон, од вавилонскиот цар, за да ги извести што му било заповедано од Бога.
Внимавајте на идолите!
2 #
Ер 25,11-12; 29,10.28; Дан 9,2 Поради гревовите, со кои згрешивте пред Бога, ќе бидете одведени во ропство во Вавилон од вавилонскиот цар Навуходоносор. 3#1,25.38; Ис 45,20; 46,7; Ер 10,3-5; Мудр 13,10Кога ќе стигнете во Вавилон, таму ќе останете многу години, долго време – дури до седум поколенија, а потоа Јас ќе ве изведам оттаму со мир. 4#1,14.22.28; 1,64.68; Ер 10,5Допрва ќе видите во Вавилон богови сребрени, златни и дрвени, кои се носат на рамењата и кои им задаваат страв на незнабошците. 5#Ер 10,7; 2 Мак 2,2Внимавајте, и вие да не станете како туѓите народи, па стравот пред тие богови да ве опфати и вас. Кога ќе видите народот да се поклонува пред нив и зад нив, кажете си во својот ум: „Тебе, Господи, треба да Ти се поклонуваме!“ 6#2 Мојс 23,20; 32,34; Дан 10,13.21; 12,1Зашто Мојот Ангел е со вас; тој е заштитник на вашите души.
Идоли на лажни богови
7 #
Ис 40,19-20; 41,7; 46,6; Ер 10,4.5.9.14; Пс 114,5; 135,16 Јазикот на тие богови е изделкан од уметник, тие се опковани со злато и сребро; но тие се лажни и не можат да говорат. 8И како за девојка, која сака украси, незнабошците земаат злато и сребро и прават круни за главите на своите богови. 9#1,27.32А се случува и тоа – жреците да го крадат златото и среброто од своите богови и да го употребуваат за себеси; од него даваат дури и на блудниците под нивниот покрив; 10#Ер 10,9ги украсуваат тие златни, сребрени и дрвени богови како луѓе, со облека. 11#1,23Но, тие не можат да се одбранат од 'рѓа и молец, макар и во пурпур да се облечени. Во храмовите им го бришат лицето од правот што паѓа врз нив. 12Еден од нив држи и жезол како човек, како обласен судија, но тој не може да го убие оној кого го навредува. 13#1,17.49.57Друг во десната рака има меч и секира, но не може да се одбрани од војници и разбојници. 14#1,22.28.39.49; 1,51.56.64.71По тоа се познава дека не се богови; затоа не плашете се од нив. 15#1,58; Ер 22,28Зашто, како што скршениот сад станува неупотреблив за човекот, така е и со нивните богови, кога ги ставаат во храмовите; 16#1,11очите им се полни со прашина, што се крева од нозете на оние што влегуваат. 17И како што се затвораат вратите од живеалиштето на оној, кој згрешил против царот, кога го водат на смрт, така и нивните идолски светилишта ги пазат жреците со врати, брави и резиња, за да не ги украдат разбојници. 18Жреците нивни свеќници им палат, повеќе отколку за себеси, а тие ниеден од нив не можат да видат. 19Тие се како греда в куќи: срцата нивни одвнатре, велат, црвја им ги јадат, и нив и нивната облека ги изедуваат, а тие ништо не чувствуваат. 20Лицата им се црни од чадот во храмовите. 21На нивното тело и на главата долетуваат лилјаци, ластовици и други птици, а по нив и мачки газат. 22По тоа ќе познаете дека тие не се богови; затоа и не плашете се од нив. 23#1,11; Ер 10,4Ако некој не ја очисти нечистотијата од златото со кое се опковани за украс, тие нема да светат; а кога ги лиеле, тие тоа не го чувствувале. 24#Ер 51,17; Пс 134,17За висока цена се купени, а во нив дух нема. 25#1,3; Ис 41,24.29; Ер 10,14-15Бидејќи се без нозе, на рамења ги носат, со што ја покажуваат својата ништожност пред луѓето; ги срамат и оние, кои им служат; 26#Мудр 13,16; Сир 30,18-19ако паднат на земја, самите не можат да станат, и ако некој ги исправи, не можат да се движат и, ако некој ги наведне – не можат да се исправат; па и дарови – како на мртовци им принесуваат. 27#1,9.32; 3 Мојс 12,4; 15,19; 5 Мојс 14,28-29Жреците ги продаваат нивните жртви и злоупотреби прават со нив; а и жените нивни присвојуваат дел од нив, но ништо не одделуваат, ни за болен, ни за сиромав. 28До жртвите им се допираат нечисти жени и родилки. И така, по ова разберете дека тие не се богови; не плашете се од нив.
По грешка ги нарекуваат богови
29Та, како богови да ги наречеме? – на тие сребрени, златни и дрвени богови – жени жртви им принесуваат. 30#Ис 15,2; Ер 48,37; Ез 7,18; 24,17.23; 27,31Во нивните идолски храмови жреците седат во искината облека, со избричени глави и бради и со непокриени глави. 31#3 Цар 18,26Тие пискаат и извикуваат пред своите богови, како некои на помен за умрени. 32#1,9.27Некои од нивните облеки жреците ги земаат, со нив жените и децата свои ги облекуваат. 33#Ер 10,5Ако некој им направи добро или зло, тие не можат да возвратат; не можат да постават цар, ниту можат да го сменат. 34#Мудр 13,17-19; 14,29Не можат да дадат ни богатство, ни ситна бакарна пара; ако некој им вети завет, а не им го даде, – тие не можат да го присилат тоа да го даде. 35#5 Мојс 32,39; 1 Цар 2,6-8; Мудр 16,13Не можат човек од смрт да спасат, ниту можат послаб од посилен да ослободат; 36#2 Мојс 22,21; 5 Мојс 10,18; 14,29; Ис 29,18; 35,5; 42,7; Ер 14,8; Пс 9,8-9.38; 36,39-40; 67,6; 145,7-9на слеп вид нема да му вратат, на човек во неволја не можат да му помогнат; 37кон вдовица сочувство нема да покажат, на сирак добро не ќе му направат. 38#Пс 96,7Тие дрвени и опковани со злато и со сребро богови се како горски камења, и ќе се посрамат оние кои им служат. 39Па како може да се помисли или да се рече дека се тие богови? 40А и самите Халдејци не ги почитуваат; кога ќе видат нем, кој не може да говори, тие го водат кај Ваал и му се молат тој да проговори, како Ваал да може да чувствува. 41#Ис 44,9.18-20А и кога ќе го забележат тоа, не можат да ги остават, зашто се безумни. 42Жените седат по улиците, препашани со јажиња од трска, и палат кадило со лушпи од маслинки. 43#Ос 4,13И кога некоја од нив, привлечена од некој минувач, ќе преспие со него, таа ѝ се потсмева на својата другарка, што не се удостоила со истото како таа, и што и нејзината преврска не ѝ е скината. 44Сѐ што се прави кај тие богови – сѐ е лага. Па како може да се мисли и да се говори дека се тие богови? 45#Ис 40,19-20; 44,16-19; Ер 10,9; Мудр 15,7-8Направени се од вајари и од златари; тие не се ништо друго, освен она што сакале уметниците да го направат. 46Па и оние, кои ги прават, и тие не се долговечни. 47#Мудр 13,10; Ер 48,13Та како може творбите нивни да бидат богови? Тие им оставаат зад себе лага и срам на своите потомци. 48Ако се случи војна или некоја неволја, жреците меѓу себе се советуваат каде да се кријат заедно со нив. 49Па како тогаш да не се разбере дека не се богови кога и самите не можат да се спасуваат ни од војна ни од неволја? 50Бидејќи се дрвени, обложени со злато и сребро, може јасно да се види дека се лага; на сите народи и цареви ќе им стане јасно дека тие не се богови, туку дело на човечки раце и дека во нив нема никакво Божјо дејство. 51Та кој по сево ова нема да разбере дека тие не се богови? 52#1,33; 5 Мојс 11,14; 28,12; Ер 14,22; Пс 103,13; 147,8Не можат да постават цар во некоја земја, ниту можат на луѓето дожд да им дадат; 53не можат да размислуваат, ниту можат навреден да заштитат – затоа што и самите се немоќни, 54како чавки што се наоѓаат меѓу небото и земјата. Зашто и кога би се запалил храмот на боговите, кои се дрвени или опковани со злато и сребро, тогаш нивните жреци бегаат и се спасуваат, а тие таму ќе изгорат како греди. 55Тие не можат да му се спротивстават ни на цар, ниту на непријатели. Тогаш како може да се помисли и да се поверува дека се богови?
Од лажните богови нема никаква полза
56Тие богови дрвени, опковани со сребро и злато, не можат да се одбранат ни од крадци, ниту од разбојници; 57#1,17бидејќи се посилни од нив, тие им го земаат златото, среброто и облеката, што се на нив, и си одат со она што го ограбиле, а тие не можат сами да се одбранат. 58#1,15Затоа е подобро да се биде цар, кој ја докажува својата храброст или во куќа некаков полезен сад, со кој сопственикот се служи, отколку што се лажните богови; подобра е вратата на куќата, која го пази она што е во неа, отколку што се лажните богови; подобар е и дрвениот столб во царската палата од овие лажни богови. 59#1 Мојс 1,14-18; Варух 3,34-35Сонцето, месечината и ѕвездите, бидејќи светат, испратени за потреба – секогаш се послушни. 60И секавицата секогаш, кога се јавува, е пријатна за гледање; па така и ветрот – по сета земја кога дува. 61#Ер 10,13; Пс 134,7; Јов 37,11-12И облаците, кога Бог им заповеда да поминат низ целата земја, ја извршуваат Неговата заповед. И огнот, кој одозгора се праќа – да уништи гори и шуми, го извршува она што му е заповедано; 62а тие не им се слични ни по сила, ни по убавина. 63Па како може да се помисли и да се рече дека се тие богови, кога немаат сила ни суд да судат, ниту можат на луѓето некое добро да им направат? 64И така, кога знаете дека не се богови, не плашете се од нив. 65Тие не можат да ги проколнуваат царевите, ниту можат да ги благословуваат; 66знаци нема да покажат ни на небото, ниту пред народите; не греат како сонцето, ниту светат како месечината. 67Ѕверовите се подобри од нив; тие можат да избегаат во своето засолниште и да се спасат. 68И така, од ништо не можеме да видиме дека се тие богови; затоа не плашете се од нив. 69#Ер 10,5; Ис 1,8Како што плашилото в градина од ништо не се пази, такви се и нивните опковани со злато и сребро богови. 70Тие се како трнлива грмушка в градина, врз која слетуваат секакви птици, и како труп, фрлен во темнина, такви се нивните богови, дрвени, позлатени и посребрени. 71#Ис 42,17; 44,9-11По пурпурната и скерлетна облека, што на нив гние, можете да разберете дека не се богови, та најпосле и тие самите ќе бидат изедени и ќе бидат за срам на земјата. 72#Ер 23,40; 24,9И така, подобар е праведен човек, кој нема идоли; тој е далеку од ваков срам.
Селектирано:
Послание на Еремија 1: MK2006D
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© Библиско Здружение на Р. Македонија 2006
© Bible Society of the Republic of Macedonia 2006