Популарни Библиски стихови од Yohana 15

Сподели

Ʉnene nɨmuzabibʉ, ʉnyenye mɨntambɨ. Awo nɨishiɨ mʉng’wane, nʉnene mʉng’wao, nɨanso akitʉma makani ɨdʉ nʉmaloilwe Itunda, kʉnsoko ʉnene angantule nɨkʉtile mʉkʉlegwa kitʉma kɨntʉ kɨhi.

Ishii mʉng’wane, anga ʉnene nɨnishiɨ mʉng’wanyu. Anga itambɨ nɨla mʉzabibʉ nɨshanga lɨkʉpa nkalɨ anga lɨhite kʉkamɨnkana nitina, ʉʉgwa nʉnyenye shanga mʉkitʉma ayo Itunda nʉmaloilwe anga ɨze shanga mishiɨ mʉng’wane.

Ʉnyenye anga mishiɨ mʉng’wane nɨnkani yane yishiɨ mʉng’wanyu, lompi kɨntʉ kɨhi nɨmʉloilwe nʉnyenye mʉkʉpegwa.

Ʉnyenye shanga nyenye aɨmʉnsagʉe ʉnene, ingɨ nene aɨnʉmʉsagʉe nʉkʉmʉlagɨɨlya mitʉme mɨlɨmo nʉmɨloilwe Itunda, mɨlɨmo nanso ikishiɨ mahikʉ ɨhi, ingɨ kɨntʉ kɨhi anga mʉmʉlompe ʉ Tata kʉlina lane, wamʉpe.

Kʉtilɨ mʉntʉ nʉkete ʉlowa nʉʉkʉlʉ kʉkɨlɨnkɨla ʉlowa nʉwa mʉntʉ kʉpumya ʉpanga wakwe kʉnsoko ahʉmbaʉya.

Itambɨ lɨhi nɨlɨkolɨ mʉng’waane nɨshanga lɨpaa nkali, Tata wane wɨlɨtema nʉkʉlɨheja, hangɨ itambɨ lɨhi nɨlɨpaa wɨlɨnoneelya lɨhume kʉpa ikɨlo.

Ilɨ lɨlɨ ilagɨɨlyo lane kɨna. Ilowi, anga ʉnene nɨnʉmʉloilwe ʉnyenye.

Kʉlʉlo Tata wane wɨkʉligwa, anga mitʉme makani ɨdʉ nʉmaloilwe Itunda, nʉnyenye mʉkʉtula mɨamanyisigwa ane.

Sʉnga Yesʉ wɨkalʉnga, “Ʉnene nɨmʉzabibʉ nʉwa tai, nʉ Tata wane ingɨ mʉlɨmi.

Mʉntʉ wɨhi anga wahite kishiɨ mʉng’wane wɨgʉng’wa kʉnzi anga itambɨ nɨlɨgʉng’wa kʉnzi sʉnga lɨkʉma. Antʉ ɨhola itambɨ nɨlaitɨ ɨkalɨgʉmɨla mʉmoto lɨpye.

Nʉmʉtambʉɨe ɨnkani izi ingɨ mʉlowe anga ʉnene nɨniloile, nʉʉlowa wanyu ʉtule ʉkondanɨɨe.

Anga mʉkele malagɨɨlyo ane mʉkishiɨ mʉʉlowa wane, anga ʉnene nɨɨza nkee ɨmalagɨɨlyo ang’wa Tata wane nʉkishiɨ mʉʉlowa wakwe.

Kʉmʉpa ilagɨɨlyo lane. Milowe.

Anga aza mʉtule mɨantʉ aʉnkumbigʉlʉ, antʉ aʉnkumbigʉlʉ aɨazemʉlowa ʉnyenye anga mɨantʉ akwe. Ingɨ kʉnsoko ʉnyenye shanga mɨaʉnkumbigʉlʉ, ʉnene nʉmʉhoile kʉpumɨɨla mʉʉnkumbigʉlʉ, yɨyɨ nsoko antʉ aʉnkumbigʉlʉ amʉbɨpɨwe.