Популарни Библиски стихови од Yohana 16

Сподели

Nʉmʉtambʉɨe makani aya mʉhume kʉtula nɨmatiliga nɨmʉmolɨ mʉng’wane. Mʉʉnkumbigʉlʉ mʉkʉtula nʉ lwago, ingɨ komyi ɨnkolo, ndogoelyo ʉnene naʉlemilye ʉnkumbigʉlʉ.”

Ingɨ nʉʉzɨɨza ʉ Ng’wahʉ nʉwanso nʉwa tai ʉkʉmʉtongeela mʉtai ɨhi, nʉwanso shanga ʉkʉtambʉla kʉʉhumi akwe, ingɨ ʉkʉtambʉla ayo ɨhi nʉʉkija kʉpuma kʉng’waane, nʉyo ʉkʉalagɨɨla makani nakʉpumɨla panyambele.

Kʉpikɨɨla itungo ɨlɨ mʉkɨlɨ kʉlompa kɨntʉ kɨhi kʉʉhumi wane. Lompi nʉnyenye mʉkupegwa, ingɨ ʉlowa wanyu ʉkondanɨɨle.

Ingɨ, kʉmʉɨla ɨtai. Itakɨwe ʉnene nihege, kʉnsoko anga nihite kʉhega, Miaɨɨlyi ʉyʉ shanga ʉzile kʉng’wanyu. Ingɨ anga nihege, kʉmʉtʉma kʉng’wanyu. Nʉyo anga waze ʉkʉakumʉɨla antʉ aʉnkumbigʉlʉ kʉ mɨlandʉ nʉ kʉgombeka kʉng’wi Itunda nʉ ʉlamʉlwi.

Itungo ɨlɨ ʉnyenye mʉhʉkilye, ingɨ ʉnene kʉmʉzɨɨla hangɨ, nʉnyenye mʉkiloa mʉnkolo yanyu, kʉtile anga mʉntʉ nʉkʉʉheja ʉlowa nʉwanso mʉng’wanyu. Lʉhikʉ nʉlanso shanga mʉkʉnompa ʉnene kintʉ kɨhi. Kʉmʉɨla ɨtai, kɨntʉ kɨhi nɨmʉkʉmʉlompa ʉ Tata anga mʉndoewe, ʉkʉmʉpa.

Kʉmʉɨla ɨtai, ʉnyenye mʉkʉlɨla nʉkʉhongeelya, ingɨ antʉ aʉnkumbigʉlʉ akʉlowa, mʉkʉhʉsha ingɨ ʉhʉshi wanyu ʉkʉpɨlʉka kʉtula ʉlowa.