Populiarios Biblijos eilutės iš Sykadyipén 6

Dalintis

I me dykhcjom: Ake! Syvo graj i odová, kon sys beštó uklistó/é ne léste, kharélaspe meribén, i liúno (ado) gijá pal léste. Lénge sys dyný zor pe štárto phuvjákiri paš te muliakirén kurtalása i bokhasa, meribnasa i riskiribnáskire murdalénca, savé isyn pe phuv.

I me dykhcjom, i, ake, parnó graj. I kon sys uklisto pe léste, rikirdia lúko i viánka (koróna) sys dyný léske. Jov tradelas javrí, syr kodová, kon léla upralypén, sob (kaj) te lel upralypén.

I kiéli Svénto Bakroró otphandia pándžto čergenorí, me dykhcjom tel altárjo manušéngire dijá, savé sys muliakirdé pal Devléskiro lav i pal dová, so jone patiaibnytkes dophenenas pal Xristosóste

i jone dénas gódla zoralé zaniása: “Rajo, Svénto i Čačunó! Ci but aménge te užakiras, paka Tu javésa te sendiakires i te čhuvés kára pal amaró rat pe manušénde pir phuv?” Kažnonéske léndyr sys dynó parnó uribén i sys phendló lénge, sob (kaj) jone iščo (inké) nábut te otkhinjon, paka léngire malá (drúgi) pir butý i léngire pšála javéna muliakirdé, syr i jone, sob (kaj) te javél pherdó kicypen (količestvo).

I vygijá javír graj, loló. Kodoléske, kon sys beštó uklistó/é, sys dyný zor te lel ramánjo (miro) phuvjátyr, sob (kaj) manušá te muliakirén jekh jekhés i sys dyný léske bari kurtála (sablia).

pal-dová so javdiá važno dyvés vaš Léskiri xolý i konéske isyn pir zor te terdjol murškanés angíl davá?”

I kiéli me dykhcjom, syr Svénto Bakroró otphandia šóvto čergenorí, tedy jaciá phuvjákiro trinskiriben, i kham jaciá kaló syr gonó balendyr, i čhon jaciá loló syr rat; i bolybnáskire čergeniá pyné telé pe phuv syr inžyritko kašt čhurdéla telé naspiala barjakirdé (plódy), kiéli bari balvál trinskirela len.

I kiéli Svénto Bakroró otphandia tríto čergenorí, me šundjom, syr tríto džidalo phendiá: “Jav i dykh!” I me dykhcjom, ake, kalé gres i jekhés, kon sys beštó uklistó/é pe léste, savéste sys ubladýtka (viesy) dre vast. I me šundjom zan štaré džidalendyr, so phendiá: “Litra parnó giv pal dynarijo i trin litry ĥersto (jačmienjo) pal dinarijo. I na xasiakir olivítko dzet (jeliejo) i mol.

I bolybén xasijá, rozgijápe syr skrencyndlo svítko, kažno bérga i óstrovo (džip) khardepe (dvigindlepe) krig péskire šteténdyr. I králja phuvjákire, i baré raja, i tysjoncengire-xaladéngire barydyrá, barvaliuki, i zoralé manušá, i kažno pishári, i kažno vól'no manúš ĥaradyne dre ĥiebará (pieščery) i maškír bergitka štéty